ئهڤرۆ نيوز:
حوكمهتا ههرێما كوردستانێ رۆژا چارشهمبى رێكهفتى 12ى چريا ئێكێ وهكو بهێنڤهدانا فهرمى ب ههلكهفتا رۆژا عاشورايێ راگههاند.
سهفين دزهى، ئاخفتنكهرێ فهرميێ حوكمهتا ههرێما كوردستانێ ل سهر مالپهرێ فهرميێ حوكمهتێ راگههاند: “رۆژا چارشهمبى رێكهفتى 12ى چريا ئێكێ 2016 ل ههموو دامودهزگههێن حوكمهتا ههرێما كوردستانێ ب ههلكهفتا شههيدكرنا ئيمام حوسێن خودێ ژێ رازى بيت (عاشورا) دێ بيته بهێنڤهدانا فهرمى”.
ئهڤرۆ نيوز:
قوباد تالهبانى جێگرێ سهرۆكێ حوكمهتێ راگههاند: ل ئايندهى دێ پارێ پاشخستيێ فهرمانبهران، ئێخينه سهر كارتا ئهلكتروتى يا كو تا سهرێ سالێ دێ بۆ ههموو فهرمانبهران هێته چێكرن.
ئهڤرۆ پرۆسا ب ئهلكترونيكرنا مووچێ فهرمانبهران دهستپێكر و قوباد تالهبانى راگههاند كو مهرهما وان ئهوه دوو موچهييێ نههێلن.
ئهڤرۆ نيوز:
بهربژێرا پارتيا ديموكرات بۆ سهرۆكاتيا ئهمريكا هيلارى كلينتۆن، راگههاند كو ئهو دێ هێزێن پێشمهرگهى پرچهك كهت ههكه هات و بۆ سهرۆكا ئهمريكا.
كلينتۆن د ديبهيتهكا تلهڤزيۆنى دا ل گهل بهبژێرێ كۆمارى دونالد ترامپ دا خۆيا كر كو ئهو دێ بهغدادى كهته ئارمانج ب رهنگهكێ تايبهت و دێ كار ل سهر پرچهككرنا هێزێن كوردى كهت.
بهربژێرا پارتيا ديموكرات بۆ سهرۆك كۆماريا ئهمريكا زێدهتر گۆت: “ب هيڤى نه ل گهل ب دووماهى هاتنا ههلبژارتنێن ئهمريكا داعش ل مووسل نههێلين”.
ئهڤرۆ نيوز:
ژێدهرهكێ ئاگههدار ئهڤرۆ رۆژا دوشهمبى راگههاند كو بڕيارهك ژ دادگهها فيدرال دهركهفتيه كو بڕيارا لادانا جێگرێن سهرۆك كۆمارى نهيا قانوونى يه و ههڤدژى دستوورى يه.
ئهڤى ژێدهرى د داخۆيانيهكێ دا بۆ سۆمهريه نيوز گۆت: “دادگهها فيدرال بڕيار دايه كو ژ كارلادانا جێگرێن سهرۆك كۆمارى نهيا دستووى يه”.
ئهڤى ژێدهرێ ناڤێ خوه ئاشكهرا نهكرى گۆتژى: “بڕيارا دادگههێ پشت بهستن ل سهر ئێك ژ مادێن دستوورى كريه يێن بهحس ل ههلبژارتنا جێگرهكى يان زێدهتر ژ جێگرهكى بۆ سهرۆك كۆمارى دكهن.
مادێ 69 ژ دستوورێ عيراقێ دبێژيت: “دێ هێته رێكخستن ب قانوون، رێيێن ههلبژارتنێ بۆ پۆستێ سهرۆك كۆمارى، دێ هێته ههلبژارتن ب قانوون، رێيێن ههلبژارتنا جێگرهكى يان زێدهتر بۆ سهرۆك كۆمارى“.
ل 9ى تهباخا 2016ێ سهرۆك وهزيرێن عيراقێ بڕيارا ههلوهشاندنا جێگرێن سهرۆك كۆمار و سهرۆك وهزيران دا.
سهرۆك كۆمارێ عيراقێ فوئاد مهعصوم سێ جێگر ههبوون؛ نورى مالكى و ئوسامه نوجێفى و هاريكارێ كاروبارێن پێكهاتنا نشتيمانى ئهياد عهلاوى كو ل 2014ێ ژ لايێ جڤاتا نوونهران ڤه دهنگ پێ هاتبوونه دان.
ئهڤرۆ نيوز:
كۆچكا سپى راگههاندنهك ل سهر پارتيا كرێكارێن كوردستانێ PKK بهلاڤكر و تهقينێن شهمزينان و ستهمبۆلێ شهرمزار كرن و پشتهڤانيا خوه ژى بۆ وهلاتێ توركيا دووباتكر.
مالپهرێ كۆچكا سيى رۆژا 10ى چريا ئێكێ 2016 راگههاندنهكا جڤاتا ئاسايشا ئهمريكا بهلاڤكر و تێدا هاتيه: “ئهمريكا ب دژوارى وان هێرشێن تيرۆستى شهرمزار دكهت كو كرينه سهر خالهكا پشكنينێ يا لهشكرى ل باشوورێ رۆژههلاتێ توركيا “شهمزينان” كو د ئهنجام دا ژمارهكا كهسان هاتينه كوشتن و برينداركرن كو وهلاتيێن سڤيل ژى د ناڤ دابوون”.
د راگههاندنێ دا تهكست ل سهر وێ چهندێ ژى هاتيه كرن كو ئهمريكا هێرشا رۆژا پێنجشهمبى يا بۆرى ژى شهرمزار دكهت ئهوا ل ستهمبۆل ژ لايێ ئهلهۆيێن ئازاديا كوردستانێ ناسيار ب TAK كو يهكهكا تيرۆرستى يا پهكهكێ يه د ناڤ باژێران دا و بهرپرستيا خوه ب ستوو ڤهگرتبوو.
كوچكا سپى ئاماژه ب وێ چهندێ ژى كريه كو تهقينا ستهمبۆلێ ل رۆژا پێنجشهمبى ئاماژهكه بۆ زێدهبوونا توندوتيژيێ ژ لايێ پهكهكێ ڤه و ژ ئهنجامێ وێ چهندێ خهلكێ مهدهنى و ئهندامێن هێزێن ئهمنى ل سهرانسهرى توركيا دبنه قوربانى.
ل دووماهيا راگههاندنێ ئهمريكا پشتهڤانيا خوه بۆ توركيا دووپاتكريه و پشت راستى دايه كو دێ ههڤكار بن ل گهل ئهنقهره بۆ ژ ناڤبرنا ههموو جورێن تيرۆرێ.
ئهڤرۆ نيوز:
پرۆسا ئهلكترۆنيكرنا مووچهى ل ههرێما كوردستانێ ئهڤرۆ دهسپێكر كو مهرهم پێ نههێلانا بنديوار و ناڤێن دووبارهكرى و دو مووچهيه، جێگرێ سهرۆكێ حوكمهتێ ژى راگههاند كو ئهوان دڤێت د پاشهرۆژێ دا مووچهى وهكو رهسيد بدهنه فهرمانبهران.
نێچيرڤان بارزانى سهرۆكێ حوكمهتا ههرێما كوردستانێ و قوباد تهلهبانى جێگرێ وى ل گهل پشكهك ژ بهرپرسێن حوكمهتێ ئهڤرۆ ناڤێن خوه د سيستهمى دا تۆماركرن.
نێچيرڤان بارزانى د پهيڤهكێ دا بۆ رۆژنامهڤانان گۆت: “پرۆسا ئهلكترۆنيكرنا مووسهى پشكهكه ژ پرۆسا چاكسازيێ”.
سهرۆكێ حوكمهتا ههرێما كوردستانێ داخواز ژى ژ فهرمانبهران كر كو ل دووڤ داخوازيا حوكمهتێ بچن دا كو ناڤێن خوه د سيستهمى دا تۆمار بكهن.
پرۆژێ ئهلكترۆنيكرنا سيستهمێ مووچهى ژ لايێ جێگرێ سهرۆكێ حوكمهتێ ڤه دهێته سهرپهرشتيكرن و بڕياره ل 19ى ڤێ ههيڤێ ل وهزارهت و دامهزراوێن دى يێن حوكمهتێ دهست پێ بكهت و ل دووماهيا ههيڤا 12 يا ئهڤ ساله ژى ب دووماهى بهێت.
ژ لايێ خوه ڤه قوباد تهلهبانى پشتى تۆماركرنا ناڤێ خوه د سيستهمى دا بۆ رۆژنامهڤانان گۆت: “مه دڤێت د رێيا ڤى سيستهمى دا كونترۆلا سيستهمێ مووچهى بكهين و پرسيا پێدانا مووچهى ب لهزتر بكهين كو نوكه 23 بۆ 28 رۆژا پێ دچيت”.
جێگرێ سهرۆكێ حوكمهتێ گۆتژى: “ههر د ڤێ رێ دا مه دڤێت پاشكهفتێ مووچهى وهكو رهسيد بدهينه فهرمانبهران دا كو پشت راست بن ئهو پاره يێ بۆ پاشكهفت كريه و ژ ناڤ ناچيت”.
ئهڤرۆ نيوز:
د خرڤهبوونهكێ دا ئهڤرۆ رۆژا دوشهمبى ل پارێزگهها دهۆكێ قوتابيێن پارێزگههێ ل بهرامبهر ئاڤاهيێ رێڤهبهريا گشتيا پهروهردا دهۆكێ ب دۆريشمێن جودا سوپاسيا مامۆستايێن پارێزگهها دهۆكێ كر كو د بهردهوامن ل سهر دهواما خوه.
ل بهر دهرگههێ رێڤهبهريا گشتيا پهروهردا پارێزگهها دهۆكێ ژ لايێ رێڤهبهرێ گشتيێ پهروهردا پارێزگهها دهۆكێ عومهر عهلى تاها و ژمارهكا مامۆستا و فهرمانبهران ڤه هاتنه پێشوازيكرن.
د پهيڤهكێ دا نوونهرێ قوتابيێن خرڤهبووى سۆپاسيا ههلويستێ مامۆستايێن پارێزگهها دهۆكێ كر كو ههردهم د چهپهرێن زانين و زانستى دا كور و كچێن مللهتى فێرى پهروهرده و زانستى دكهن. پشتهڤانيكرنا داخۆازيێن مامۆستان ژى پشكهكا دى يا پهيڤا نوونهرێ قوتابيان بوو.
ژ لايێ خوه ڤه رێڤهبهرێ گشتيێ پهروهردا پارێزگهها دهۆكێ ب وهكالهت د پهيڤهكێ دا بهرامبهر قوتابيێن خرڤهبووى دياركر كو ههموو دهمهكى مامۆستايان بهرژهوهندا قوتابيان ل بهرى ههر تشتهكى دانايه و چو جاران هۆلێن خواندنێ چۆل نهكرينه و ههلويستێ مامۆستايان د بهردهواميا 60 سالێن بۆرى دا، ههتا نوكه خودان ههلويستێن مهردانه نه.
رێڤهبهرێ گشتيێ پهروهردێ د پشكهكا دى يا پهيڤا خوه دا سۆپاسيا ههموو قوتابيان كر و داخۆازا سهركهفتنێ بۆ ههموو قوتابيان خواست.
وێنه: نيوار ئهترووشى
ئەڤرۆ:
فەرمانگەھا ھەماھەنگی و پێزانینان ل جڤاتا وەزیرێن حوکمەتا ھەرێما کوردستانێ ئاشکرا کر کو د ڤێ کۆمبوونێ دا دێ شرۆڤەکرنا دامەزراندنا ئێکەمێن زانکۆ و پەیمانگەھان و قانوونا مافێ ب دەستڤەئینانا پێزانینان و پلانا ستراتیژیا وەزارەتا کار و کاروبارێن جڤاکی ھێتەکرن.
نوری عوسمان، سەرۆکێ فەرمانگەھا ھەماھەنگی و پێزانینان ل جڤاتا وەزیرێن حوکمەتا ھەرێما کوردستانێ دیار کر کو کۆمبوونا چارشەمبیا داھاتی یا جڤاتا وەزیران تمامکەرا کۆمبوونا پێنجشەمبیا بۆری یە و دێ شرۆڤەکرنا چەند پرسێن گرنگ ھێتەکرن.
ناڤھاتی ئاماژە دا وێ چەندێ کو د کۆمبوونێ دا دێ شرۆڤەکرنا دامەزراندنا ئێکەمێن زانکۆ و پەیمانگەھان و دەرچوویێن پشکێن نۆشداری ھێتەکرن و بۆ دوارۆژ گۆت: “دێ شرۆڤەکرنا قانوونا ھژمارە 11 یا مافێ ب دەستڤەئینانا پێزانینان ھێتەکرن کو ل سالا 2013 ژ پەرلەمانێ کوردستانێ دەرکەفتیە و سەرەرایی ڤێ چەندێ دێ شرۆڤەکرنا پلانا ستراتیژیا وەزارەتا کار و کاروبارێن جڤاکی ھێتەکرن کو ب ھاریکاریا بانکا نێڤدەولەتی ھاتیە راگەھاندن”.
ئەڤرۆ نيوز:
دانا ڤیزێ بۆ پاسپورتێن جورێ دیبلۆماتیکی، خزمەت ب شێوەکێ ھەڤبەرکرن تایبەت ل ناڤبەرا تورکیا و عیراقێ دا ھاتە راگرتن.
د راگەھاندنەکێ دا کو سایتێ k24 بەلاڤ کریە تێدا ھاتیە کو ئەڤ رێککەفتنا راگرتنا ڤیزێ یا ھەڤبەر دناڤبەرا وەزارەتا دەرڤەیا تورکیا و عیراقی َدا د رێککەفتنا 12 ئابێ یا ئەڤرۆ د رۆژناما فەرمی یا تورکیا دا بەلاڤ بوویە.
ل دووڤ وێ رێککەفتنێ دانا ڤیزێ بۆ پاسپورتێن جورێ دیبلۆماتیکی، خزمەت ب شێوەکێ ھەڤبەرکرن تایبەت ل ناڤبەرا تورکیا و عیراقێ دا ھاتە راگرتن، ب وی جورێ کو ل گەل چوونا ژوورا وەلاتیان بۆ ھەر وەلاتەکی د ماوێ شەش ھەیڤان دا نابیت مانا وی ژ سێ ھەیڤان ڤەکێشیت.
ئەڤرۆ نیوز:
حوکمەتا ھەرێما کوردستانێ رێنمایێن نوو ب ل دۆر پێشڤەچوون و سوپاسی و پێزانینێن فەرمانبەران بەلاڤ دکەت.
ل دووڤ رێنمایێن ھژمارە (26) یا وەزارەتا دارایی و ئابووریا حوکمەتا ھەرێما کوردستانێ، دانەیەک ب دەست باسنیوز کەفتیە ئیمزایا رابەر سەدیق، بریکارێ وەزارەتا دارایی ب وەکالەت ل سەرە تێدا رێنمایێن وەزارەتا دارایی ب نڤیسینا ھژمار (9564) ل رێکەفتی (4/10/2016) دەرکەفتیە و ژ شەش خالان پێکھاتیە.
ھەموو روونکرنا ل دۆر پێشخستن و سوپاسی و پێزانینێن فەرمانبەران بەلاڤ کریە.
ل گۆر رێنمایێن ھژمارە (18) یێن سالا 2016 یێن تایبەت ب سوپاسی و پێزانینێن فەرمانبەران د خالا ئێکێ دا ھاتیە پێشخستن ل دووڤ باوەرنامێ بۆ نموونە دبلوما بلند ماوێ خواندنێ سالەک بیت دێ شەش ھەیڤان پێشخستن بۆ ھێتەکرن و دبلوما بلند ھەکە ماوێ خواندنێ دو سال بیت دێ سالەکێ پێشخستن بۆ ھێتەکرن، ھەکە ماستەر بیت دێ سالەکێ پێشخستن بۆ ھێتەکرن، ھەکە دکتورا بیت دی َسالەکێ پێشخستن بۆ ھێتەکرن، ھەکە ئەگەر دکتورا ئێکسەر پشتی بەکالوریوسێ ب دەست ڤەھات دێ دو سالان پێشخستن بۆ ھێتەکرن.
خالا دویێ دبێژیت: پێشخستن ھینگێ دێ ھێتەکرن ھژمارکرن ئەگەر باوەرنامە نەبیتە ئەگەرێ راستڤەکرنا مووچێ بنەرەت سەرەرای بەرچاڤ وەرگرتنا رێنمایێن ھژمارە (11) سالا 2016 کو تایبەتن ب راگرتنا پلە بەرزکرنێ د ڤی ماوەی دا، ھەروەسا پێشخستن دێ ب مەرەما پلە بەرزکرنێ کار پێ ھێتەکرن نە وەکو پێدانا مەرتەبەکێ.
د خالەکا دیتر دا ھاتیە کو ئەڤ پێشخستنە ب تنێ بۆ وان فەرمانبەرانە یێن د ماوێ کارێ خوەدا باوەرناما بسپوری (دبلوم، بالا، ماستەر، دکتورا)، ھەر پێشخستنەکا بەرۆڤاژی ڤان خالان بیت ب تنێ دێ ھێنە راستڤەکرن.
خالا دووماھیێ دا ھاتیە ھەر سوپاسی و پێزانینەکا ژ لایێ سەروکاتیا ئەنجوومەنی وەزیران یان ھەر وەزیرەکی یان لنک وان یێن دەستھەلات بۆ ھاتیەدان ژ لایێ وەزیری دێ ئاراستەی فەرمانبەران بیت و بۆ ماوێ ھەیڤەکێ دێ پێشخستنێ وەرگریت، ھەر وەکو د خالا دویێ یا ھژمار (18) یا سالا 2016 ھاتی کو سوپاسی و پێزانینان بدەنە وان فەرمانبەران یێن کاروبارێن خوە یێن رۆژانە ب شێوەکێ نایاب ئەنجام دەن و مفایی دگەھینە بەرژەوەندیا گشتی و کارتێکرنەکا ئەرێنی ھەی ل سەر کاروباری رۆژانە یێن دام و دەزگەھێن میری سەرەرای کارێ خوە یێ ئاسایی ئەو کارە ئەنجام داینە.
نيشاندان