ئه‌ڤرۆ نيوز:

بڕياره‌ مه‌سعود بارزانى سه‌رۆكێ هه‌رێما كوردستانێ و ل گه‌ل دا نێچيرڤان بارزانى سه‌رۆكێ حوكمه‌تا هه‌رێما كوردستانێ سه‌ره‌دانا ته‌هران يا پايته‌ختێ ئيرانێ بكه‌ن و ل گه‌ل به‌رپرسێن پله‌ بلندێن وى وه‌لاتى كۆم ببن.

مالپه‌رێ ئەلوەقت به‌لاڤكريه‌ كو سۆپايێ پاسدارێن ئيرانێ ژ زارێ به‌رپرسه‌كێ بلندێ وه‌زاره‌تا ژ ده‌رڤه‌ يا ئيرانێ راگه‌هانديه‌، “سه‌رۆكێ هه‌رێما كوردستانێ رۆژئێن ئێكشه‌مبى و دوشه‌مبى كو دبيته‌ 12 و 13ى ڤێ هه‌يڤێ بگه‌هيته‌ ته‌هران و د ڤێ سه‌ره‌دانێ دا، سه‌رۆكێ حوكمه‌تا هه‌رێما كوردستانێ دێ ل گه‌ل بيت”.

مالپه‌رێ ناڤبرى كو يێ نێزيكى سوپايێ پاسدارێن ئيرانێ يه‌ دايه‌ زانين كو ئه‌جنيدا سه‌رۆكێ هه‌رێما كوردستانێ دێ چه‌ندين پرسێن ئه‌منى و سياسى و ئابوورى بن و ژ وان ژى شه‌رێ داعش و ئۆپه‌راسيۆنا رزگاركرنا مووسل.

بڕياره‌ د ڤێ سه‌ره‌دانا خوه‌ دا، مه‌سعود بارزانى سه‌رۆكێ هه‌رێما كوردستانێ ل گه‌ل هه‌ر ئێك ژ سه‌رۆك كۆمارێ و ئيرانێ و سه‌رۆكێ په‌رله‌مانێ وى وه‌لاتى كۆم ببيت.

هه‌ر چه‌نده‌ ماوه‌كێ درێژه‌ ئه‌ڤ سه‌ره‌دانا سه‌رۆكێ هه‌رێمێ هاتبوو راگه‌هاندن، به‌لێ ژڤانێ وێ نه‌هاتبوو دياركرن و كه‌فته‌ پشتى سه‌ره‌دانا مه‌سعود بارزانى بۆ به‌غدا.

تێبينى: ژڤانێ سه‌ره‌دانێ وه‌سان هاتيه‌ نڤيسين وه‌كو د مالپه‌رێ ئيرانى دا هاتيه‌ به‌حسكرن و ب گۆره‌ى رۆژژمێرێ ل ب گۆره‌ى مێژوويا زاينى دبيته‌ سوبه‌هى رۆژا دوشه‌مبى و سێشه‌مبى رێكه‌فتى 3 و 4ى چريا ئێكێ.

ئه‌ڤرۆ نيوز:

هه‌ڤسه‌رۆكێن باژێرڤانيا سه‌ر ب ده‌به‌په‌ يا ده‌ڤه‌را قه‌ره‌قوچان يا سه‌ر ب پارێزگه‌ها ئه‌زلاغ ل باكوورێ كوردستانێ ده‌سته‌سه‌ركرن.

ب گۆره‌ى ئاژانسا دۆغان يا توركی‌، بۆرهان كۆجه‌مان وجه‌ننه‌ت ئاييك هه‌ڤسه‌رۆكێن باژێرڤانيا ده‌ڤه‌را قه‌ره‌چوچان سه‌ر ب پارتيا هه‌رێمێن ديموكرات، ده‌به‌په‌، پشتى تۆمه‌تباركرنێ ب “كارئينانا پۆستێن خوه‌ ب ره‌نگه‌كێ خراب” ره‌وانه‌ى زيندانا “E” ل باژێرێ ئه‌زلاغ كرن.

هه‌ڤسه‌رۆكێن باژێرڤانيا قه‌ره‌چوچان ل 29ى ئيلۆنێ ل گه‌ل 11 كه‌سێن دى ژ لايێ پۆليسان هاتبوونه‌ ده‌سته‌سه‌ركرن و ئه‌و 11 كه‌س ژ لايێ دادگه‌هێ ڤه‌ هاتنه‌ ئازادكرن ب مه‌رجه‌كى كو ژ وه‌لاتى ده‌رنه‌كه‌ڤن و ل بن چاڤدێريا دادگه‌هێ بمينن.