ئه‌ڤرۆ نيوز:
د راگه‌هاندنه‌كێ دا سه‌رۆكايه‌تيا حكومه‌تا هه‌رێما كوردستانێ داخواز ژ هه‌ردو وه‌لاتێن ئيران و توركيا دكه‌ت كو بۆردومانا ده‌ڤه‌رێن سنورى يێن هه‌رێما كوردستانێ رابگريت.
هه‌روه‌ها د راگه‌هاندنا سه‌رۆكايه‌تيا حكومه‌تا هه‌رێما كوردستانێ دا هاتيه: سياسه‌تا حكومه‌تا هه‌رێمێ ل گه‌ل وولاتێن هه‌ڤسوو، سياسه‌ته‌كا نه‌گوهۆره و پابه‌نده ب ياسايێن نێڤده‌وله‌تى بۆ پاراستنا ئاراميا سنورێ وان ده‌وله‌تان.
ئه‌ڤرۆ نيوز:
هێزێن سۆريا ديموكرات ئه‌ڤرۆ رۆژا ئێكشه‌مبى ژ ده‌رگه‌هێ باكوورى چوونه ناڤ باژێرێ مه‌نبج كو شه‌ر و پێكدادانه‌كا دژوار د رێيا ناڤبه‌را مه‌نبج و جه‌رابلۆس دا روودايه.
شه‌رڤانێن جڤاتا له‌شكرى يا مه‌نبج به‌رى ژ ده‌رگه‌هێ باكوور بچنه ناڤ باژێرى، ل سه‌ر رێيا سه‌ره‌كى يا مه‌نبج و جه‌رابلۆس ل گه‌ل چه‌كدارێن داعش تووشى شه‌ر و پێكدادانه‌كا دژوار بوون و ژێده‌رێن ناڤخۆى به‌حس ل كوشتنا 26 چه‌كدارێن داعش د ڤى شه‌رى دا دكه‌ن.
ئۆپه‌راسيۆنا رزگاركرنا مه‌نبج ب پشته‌ڤانيا ئه‌سمانى يا هه‌ڤپه‌يمانان د رۆژا خوه يا 26ێ دايه كو به‌رى نوكه هێزێن سۆريا ديموكرات ل باشوورێ باژێرى سايلۆ و چاريانا ئه‌لشه‌ريعه ژ چه‌كدارێن داعش پاقژ كريه.
ئه‌ڤرۆ نيوز:
سه‌رۆكێ هه‌ڤپه‌يمانيا موته‌حيدون داخوازێ ژ ئێكه‌تى و گۆڕان دكه‌ت كو دوبه‌ره‌كيێ دروست نه‌كه‌ن و ل گه‌ل پارتى د ئێكگرتى بن و ل به‌غدا خودان ئێك هه‌لويست بن.
دوهى ئێڤارى شاندێ هه‌ڤپشكێ ئێكه‌تى نشتيمانى كوردستان و بزاڤا گۆڕان د سه‌ره‌دانا خوه دا بۆ به‌غدا سه‌ره‌دانا ئۆسامه نوجێفى سه‌رۆكێ به‌رێ يێ جڤاتا نوونه‌رێن عيراقێ و سه‌رۆكێ هه‌ڤپه‌يمانيا موته‌حيدون كر.
نڤيسينگه‌ها نوجێفى د راگه‌هاندنه‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند: شاندێ هه‌ڤپشكێ ئێكه‌تى و گۆڕان داخواز ژ نوجێفى كر ژ به‌ر كو رۆله‌كێ كاريگه‌ر د گۆره‌پانا سياسى يا عيراقێ دا هه‌يه وه‌كو شيره‌تكار هاريكاريا وان بكه‌ت بۆ چاره‌كرنا كێشان.
ژ لايێ خوه ڤه ئۆسامه نوجێفى سه‌رۆكێ هه‌ڤپه‌يمانيا موته‌حيدون هيڤى خواست كو دوبه‌ره‌كى نه‌كه‌ڤيته ناڤبه‌را فراكسيۆنێن كوردستانى و پێدڤى زانى ل گه‌ل برايێن خوه ژ پارتى ئێك بن و هه‌ر ديسا ب پێدڤى ژى زانى كو ل دياركرنا په‌يوه‌نديێن خوه ل گه‌ل به‌غدا خودان ئێك هه‌لويست بن.
ته‌كست ل سه‌ر وێ چه‌ندێ ژى كر كو پشته‌ڤانيا داخوازيێن ره‌وا يێن كوردان دكه‌ين ب رێيا دستوور و قانوونێ ل گه‌ل چو رێكاران ژى دا نينين كو زيانێ بگه‌هيننه وه‌لاتيێن هه‌رێما كوردستانێ ب تايبه‌ت بڕينا مووچه‌ى و مافێن وان يێن دى.
ئه‌ڤرۆ نيوز:
سپێده‌هيا ئه‌ڤرۆ تۆپخانێن وه‌لاتيێ ئيرانێ ب به‌هانا هه‌بوونا پێشمه‌رگێن پارتى ديموكراتى كوردستان- ئيران “حدكا” و حزبا يموكراتا كوردستانێ “حدك” ده‌ست ب بۆردۆمانكرنا دڤه‌رێن سيده‌كان و باژێركێ حاجى عۆمران كر و د ئه‌نجام دا پێنج وه‌لاتى بريندار بوون.
د. كه‌نعان كانه‌بى، رێڤه‌به‌رێ ساخله‌ميا چۆمان بۆ رووداو گۆت: “د بۆردۆمانا ئڤرۆ يا سۆپايێ ئيرانێ دا بۆ سنورێ سيده‌كان و حاجى عومران دا سێ زارۆ و ژن و زه‌لامه‌ك كو ئه‌ندامێن سێ خێزانانن بريندار بووينه، به‌لێ برينێن وان د سڤكن”.
كه‌نعان كانه‌بى گۆتژى: “چه‌ند ئومبۆلانسه‌ك ره‌وانه‌ى وى سنورى كرينه و تيمێن ساخله‌ميێ ژى د ئاماده‌باشيا ته‌مام دانه دا كو د هه‌وارا برينداران بچن”.
ئه‌ڤ بۆردۆمانا سۆپايێ ئيرانێ ل ده‌مژمێر 9:00ى سپێده‌هيا ئه‌ڤرۆ يا ده‌سپێكرى و هه‌تا نوكه ژى يا به‌رده‌وامه و ب ره‌نگه‌كێ گه‌له‌ك به‌رفره‌يه و ئاگره‌كێ مه‌زن ژى يێ ل وان ده‌ڤه‌ران هه‌لبووى.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ سه‌رۆكێ پارتى ديموكراتى كوردستان دێ سه‌ره‌دانا ئێكگرتوو كه‌ت.
ب گۆره‌ى ئه‌و پێزانينێن ل به‌ر ده‌ست نێچيرڤان بارزانى سه‌رۆكێ حوكمه‌تا هه‌رێما كوردستانێ و جێگرێ سه‌رۆكێ پارتى ديموكراتى كوردستان دێ سه‌ره‌دانا ئێكگرتوو كه‌ت، به‌لێ هێشتا يا ديار نينه دێ شاندێ وى كى ل گه‌ل بيت و كه‌نگى بيت.
هه‌ر ب گۆره‌ى پێزانينێن ئه‌ڤرۆ نيوز دێ مه‌ره‌م پێ پيرۆزباهيكرنا ئه‌ميندارێ گشتى يێ ئێكگرتوو ئيسلامى كوردستان، سه‌لاحه‌دين بهائه‌دين، بيت كو پشتى چار سالێن ده‌ست ژ كاركێشانێ جاره‌كا دى وه‌كو ئه‌ميندارێ وێ حزبێ هاته هه‌لبژارتن.
ئه‌ڤرۆ نيوز:
ئەندامەکێ ئەنجوومەنێ پارێزگەھا دھۆکێ دیارکر کو ئەڤە بوویە رەمەزان چو روونشتن و دەنگدان ل سەر بابەتێ توبارانکرنا فروکێن تورکیا ل سەر گوندێن سەر ب سنوورێ پارێزگەھا دھۆکێ ڤە نەھاتینەکرن و نووچێ کەنالێن راگەھاندنێ ل دھۆکێ بەلاڤکری چو راستی بو نینن.
ئدریس ھەرکی ئەندامێ ئەنجوومەنێ پارێزگەھا دھۆکێ بۆ رۆژناما ئەڤرۆ گۆت: “ل گۆرەی دەستھەلاتا مە ھەی ل ئەنجوومەنی پارێزگەھا دھۆکێ و ل دووڤ وێ قانوونێ ھەتا نوکە مە چو راپورت دڤی دەمی دا مە نەداینە نە کۆنسولخانا تورکیا و نە چو کۆنسولخانێن دیتر، مە د وەرزێ بوھارێ دا کومبوونەک ئەنجام دا و ب پرانیا دەنگان بریار دا کو ئەم ئیدانا توبارانکرنا فروکێن تورکیا بۆ گوندێن سەر ب سنوورێن ھەرێما کوردستانێ دکەینو د ھەمان دەم دا بۆ ئەو گوندێن زەرەرمەند بووین کو نێزیکی 40 گوندانە مە لژنەک پێکئینا بۆ سەرەدانا جھێن زەرەمەند بووین کو ژ سێ لژنان پێکدھات، لژنەک بۆ قەزا زاخۆ و ئامێدیێ و ئاکرێ مە کرە راپورت ھەموو ب نڤێسین و داتا تومارکرینە کا ھەر کەسەکێ چەند زەرەر گەھشتیێ د وی وەختی دا”.
گۆتژی: “نوکە ئەڤە بوویە رەمەزان چو روونشتن و دەنگدان ل سەر ڤی بابەتی نەھاتینەکرن، دبیت ئەڤە ش نوو گەھشت بیتە دەستێ وان کەنالان”.
ئەڤرۆ نيوز:
ل گۆر راپۆرتەکا بی بی سی جودابوونا بریتانیا ژ ئێکەتیا ئورۆپا بوویە ئەگەر کو پارت و ئالیێن سیاسی یێن نەتەوی و ھشکباوەر ژی ل گەلەک وەلاتێن ئورۆپا داخوازا جودابوونا وەلاتێ خوە ژ ئێکەتیا ئورۆپا بکەن و ژ بەر ھندێ ژی مەترسیا ژناڤچوونا ئێکەتیا ئورۆپا یا ھەی. چونکو پارتێن نەتەوی و راستگر ل ئەلمانیا، ئیتالیا و فرەنسا ژی داخواز دکەن کو ریفراندۆم ل وەلاتێ وان ژی بھێتە کرن دا خەلک بریارا خوە بدەن، چونکو وان ژی نەڤێت ئێدی ل گەل ئێکەتیا ئورۆپا بمینن.
سەرکردێن پارتێن نەتەوی ل فرەنسا، دانمارک و گەلەک وەلاتێن دی یێن ئورۆپا ژی دیار دکەن کو پشتی بریتانیا ئێکەتیا ئورۆپا دێ گەلەک لاواز بیت و چو واتەیا ئێکەتیا ئورۆپا نامینیت و ژ بەر ھندێ ژی دڤێت ریفراندۆم ل ھەموو وەلاتێن ئێکەتیا ئورۆپا دا بھێنە کرن دا خەلک بریارێ ل سەر چارەنڤیسێ خو بدەن.
ل ئالیێ دی دۆنالد توسک سەرۆکێ کونسەیا ئێکەتیا ئورۆپا ژی پشتی ئەنجامێ ریفراندۆما بریتانیا د پرێس کۆنفرانسەکێ دا راگەھاند کو جودابوونا بریتانیا ژ ئێکەتیا ئورۆپا دەستپێکا قۆناغەکا گەلەک دژوارە بۆ ئورۆپا و دێ کارتێکرنێ ل ھەموو وەلاتێن دی یێن ئورۆپا ژی کەت و رەنگە بیتە ئەگەرێ قەیرانا ئابووری و بێکاریێ ژی، ژ بەر ھندێ ژی دڤێت ھەموو سەرکردێن ئورۆپا ب رەنگەکێ راست و دروست بەرێ خو بدەنە رەوشا نھا و یا ل بەرژەوەندیا خەلکێ وان دا بیت دڤێت وێ بکەن.
ل ئالیێ دی سەرۆک وەزیرێن ئسکۆتلەندا ژی دیار کر کو مە دڤێت ل گەل ئێکەتیا ئورۆپا بمینین و ژ بەر ھندێ ژی دێ ریفراندۆمێ کەین و ھەکە خەلکێ مە ڤیا دێ ژ بریتانیا جودا بین و ببینە ئەندامێ ئێکەتیا ئورۆپا.
ئەڤرۆ نیوز:
ئەندامەکێ کورد ل جڤاتا نوونەرێن عیراقێ بۆ ئەڤرۆ دیارکر، حەیدەر عەبادی نەشێت چو لەشکرێ عیراقێ بیێ رێککەڤتن ل گەل حوکمەتا ھەرێما کوردستانێ رەوانەی شەنگال بکەت، پێشمەرگەی کوردستانێ شەنگال یا رزگارکری، ھەکە عەبادی لەشکرەکێ وەسا مەزن ھەیە بلا کەرمکەت بەعاج و مووسلێ و ئەنبار ژ تیرۆرستان رزگار بکەت.
ریناس جانۆ ئەندامێ جڤاتا نوونەرێن عیراقێ یەَ سەر ب فڕاکسیۆنا پارتی دیموکراتی کوردستان گۆت: بەغدا بیێ ریککەفتنا ل گەل ھەرێما کوردستانێ نەشیت لەشکرێ خوە رەوانەی دەڤەرێن دەرڤەیی دەستھەلاتا کوردستانێ بکەت، ھەکە عەبادی نیازە وێ چەندی ھەبیت رۆژەکێ لەشکرێ عیراقێ بھێتە شەنگال پێدڤیە ل دەسپێکی ل گەل ھەرێما کوردستانێ ریککەفتنەکێ بکەت، پاشی وێ نیازی بەحس بکەت.
ریناس جانۆ، ئەو ژی دیارکر، د وەختەکێ دا چەندێن دەڤەرێن عیراقێ دەستێن رێکخراوا تیرۆرستێن داعشی دانە شوونا عەبادی لەشکرێ خوە ڕەوانەی شەنگال بکەت، بلا وان دەڤەرێن بن دەستھەلاتا تیرۆرستێن داعشێ دا رزگار بکەت، چونکی شەنگالێ پێدڤی ب لەشکرێ عێراقێ نێنە، نوکە شەنگال یا رزگارکریە دبن کونترۆلا پێشمەرگەی قەرەمان کوردستانێ دایە.
زێدەتر گۆت: عەبادی باش دزانت شەنگال دەڤەرەکا کوردستانی یە ل سەر دەستێن پێشمەرگەی قەرەمان ھاتیە رزگارکرن، و کار یێ دھێتە کرن ببیتە پارێزگەھەک سەر ب ھەرێما کوردستانێ ڤە بیت، ب چوو شیوەیەکێ نابیت بەغدا بیێ ھەرێما کوردستانی لەشکرێ خوە ڕەوانەی شەنگال بکەت.
ریناس جانۆ ھەروەسا گۆت: شنگال پێدڤی سوپایێ عیراقێ نێنە چونکو شنگال یا رزگارکریە لێ دەڤەرین نە رزگارکری پێدڤیی لەشکرێ عیراقێ ھەیە وەکو بەعاج و مووسل و شرگات و گەلەک دەڤەرێن دی، ھەکە عیراقی لەشکرەکێ ھوەسا مەزن ھەبیت وەکو عەبادی دبیژت بلا وان دەڤەرێن بن دەستھەلاتا تیرۆرستێن داعشێ پێ رزگار بکەت، عەبادی بلا ھزری ل رزگارکرنا وان دەڤەران بکەت یێن رۆژانە وەلاتێن سڤیل لێ دھێنە ئەشکەنجەدان و کوشتن وھەموو کارین توند وتیژی ل گەل یێ دھێنە کرن بن دەستھەلاتا تیرۆرستان ڤە.
ئه‌ڤرۆ نیوز:
ئیسماعیل محه‌مه‌د هاریكارێ پارێزگارێ دهۆك بۆ كاروبارێن مروڤایه‌تى بۆ ئاژانسا ئانادۆلۆ راگه‌هاند كو پێنج جه بۆ ئاوارێن پشتى شه‌رێ ئازادكرنا مووسڵ هاتینه ده‌ستنیشانكرن كو دێ كه‌مپه‌ك ل حه‌سه‌م شام ل به‌رده‌ره‌ش و زلیكان ل شێخان و ل خه‌تارێ و تلسین و ل زومار هێنه دروستكرن.
ئیسماعیل محه‌مه‌د دیاركر وه‌كو پارێزگه‌ها دهۆكێ وانا بۆ هه‌موو لایه‌نه‌كێ په‌یوه‌ندیدار دیاركریه كو دشیانێن پارێزگه‌رێ دا نینه وان كه‌مپان ئاڤان بكه‌ن، له‌وما وان داخواز ژ نه‌ته‌وێن یه‌كگرتى كریه كو ڤان كه‌مپان دروست بكه‌ن و پاراستنا ئه‌منیه‌تا وان دێ ئه‌و پێ رابن.
ئیسماعیل محه‌مه‌د ره‌خنه ژ وه‌زاره‌تا كوچ و كوچبه‌رێن عیراقێ هه‌بوون كو تاوه‌كو نوكه وه‌ك پێدڤى خوه ل كێشێن ئاوارێن دهۆكێ نه‌كریه خودان و گۆت” نێزیكى ساله‌كێ یه وه‌زیرێ كوچ و كوچبه‌رێن عیراقێ كو سه‌ر ب بزاڤا گۆڕان ڤه‌یه سه‌ردانا دهۆكێ نه‌كریه”.
نيشاندان