ئه‌ڤرۆ نيوز:
ل دووڤ نووترين راپورتا ناڤه‌ندا نێڤده‌وله‌تى يا ژ ناڤبرنا مينان، ئاشكرابوويه كو ئه‌و بومبێن داعش بكاردئينيت ژ وه‌لاتێ ئه‌مريكا و چين و رووسيا و ئيتاليا هاتينه چێكرن.
يورى ئيس تاوتسكى ئه‌ندازيار ل كومپانيايێن مينى ل رووسى ئاشكراكر كو هه‌موو پێزانين و نڤيسينێن سه‌ر مينان هاتينه ژێبرن بۆ وێ يه‌كێ ناسناما وان ئاشكرا نه‌يت.
ئەڤرۆ نیوز،زنار تۆڤی:
بەرپرسێ بوردێ کاروبارێن مرۆڤایەتی ل دھوکێ سالم سەعیدی دیارکر کو ئەڤرۆ رۆژا دوشەمبی دێ کەمپا دەرکارێ ل زاخۆ ھێتە ڤەکرن بۆ وان ئاوارەیێن د کاڤل و ئاڤاھیێن نە چێکری دا یێن کو ل زاخۆ و دھوکێ دژیان ئەڤرۆ ئەو مالباتە ھەمی دێ ھێنە ڤەگۆھاستن بۆ وێ کەمپا دەرکارێ کو سەرجەمێ وان 650 مالباتن دێ تێدا ھێنە خۆجھکرن و کو بۆ وان مالباتان ئاڤاھیێن پلاستیکی ھاتینە چێکرن و دیارکر ژی،کو بنگەھێ ساخلەمیێ و قوتابخانە ژی دناڤ وێ کەمپێ دا ھاتینە چێکرن.
ئەڤرۆ نیوز:
ئێک ژ دامەزرێنەر و ئەندامەکێ بەرێ یێ مەکتەبا سیاسی یا ئێکگرتوویا ئیسلامی یا کوردستانی دیارکر کو د کۆنگرێ بھێت یێ ئێکگرتووی دا، ھەتا پێنج کەسان دێ خوە بۆ پۆستێ ئەمیندارێ گشتیێ ئێکگرتووی بەربژارکەن و ل دووڤ پەیرەوێ ناڤخوەیێ وێ حزبێ، ئەمیندارێ گشتیێ بەرێ سەلاحەدین بەھائەدین مافێ خوە بەربژارکرنێ یێ ھەی چونکێ ئەندامەکێ ئێکگرتوویە.
دیندار نەجمان دۆسکی، چاڤدێرێ سیاسی ئێک ژ دامەزرێنەر و ئەندامێ بەرێ یێ مەکتەبا سیاسی یا ئێکگرتوو یا ئیسلامی یا کوردستانێ بۆ رۆژناما ئەڤرۆ گۆت” ب دیتنا من سەلاحەدین بەھائەدینی حەز یا ھەی کو بزڤریتەڤە و ئەو چار سال بوون خوە بەرھەڤ دکر بۆ ڤەگەریانێ وەکو ئەمیندارێ گشتیێ ئێکگرتووی ئیسلامی کوردستان و وی تێبینیێن خوە یێن ھەین ل سەر سیاسەتا حزبێ ددەمێ چار سالێن بۆری دا و ب دیتنا وی، ئێکگرتووی بێ لایەنیا خوە نە پاراستیە و دبینم دێ سەلاحەدین بەھائەدین پتر دەلیڤا دەرکەفتنێ ھەبیت، دچار سالێن بۆری دا ئەندامێن ئێکگرتووی ئاخڤتن ل سەر رێڤەبرنا وی ژبیرکرینە و نوکە ئاخڤتن ل سەر محەمەد فەرەجی یە، دبیت دڤی کۆنگرەی دا ھندەک ئەندامێن ئێکگرتوو جوداببن یان بێھنا خوە ڤەدەن، بەلێ چوونا چەقا دبیت، بەلێ دبینم ب ساناھی نینە”.
ل دۆر رۆلێ محەمەد فەرەج ئەمیندارێ نوکە یێ ئێکگرتوو ئیسلامی کوردستان، ناڤبری گۆت” ب گشتی نەشێین حوکمی ل سەر رێڤەبەریا محەمەد فەرەجی بدەم، بڕیار و سیاسەتێن باش ھەبوون و سیاسەتێن شاش ژی ھەبوون، بەلێ ب تنێ محەمەد فەرەج بەرپرس نەبوویە، بەلکو مەکتەبا سیاسی و سەرکردایەتی ژی دپشکداربوون د دەرکرنا بڕیاران دا و دانانا سیاسەتا تا حزبێ دڤان چار سالێن بۆری دا و رەوشا سیاسی ل ھەرێمێ و عیراقێ و رۆژھەلاتا ناڤەڕاست وەکو دروستبوونا داعشێ و بھارا عەرەبی و ئەنجامێن وێ کار ل سەر سیاسەتا ئێکگرتووی ھەبیت”.
زێدەتر گۆت”ل دەڤەرا سلێمانیێ نەرازیبوون ل سەر ھەلویستێن محەمەد فەرەجی ب تایبەتی نێزیکبوون ژ پارتی دیموکراتی کوردستان ھەبوون”.
ل دۆر سەرەدانا سەلاحەدین بەھائەدینی بۆ پارێزگەھا دھۆکێ، دینداری گۆت” ھاتنا وی ھەوەکا کۆمکرنا دەنگان بوو، دیسا بۆ شرۆڤەکرنا ئەگەرێن ڤەگەریانا خوە و نەخاسمە ئێکگرتوویێ گەلەک پرۆپاگندە ددەمێ خوە دا ل سەر دھاتنە کرن کو ئێکەم حزبە ئالوگوریکرنا سەرۆکێ حزبێ کریە، ڤەگەریانا وی دێ بیتە جھێ پرسیاران ل دەڤ گەلەکان، ھەتا ل دەڤ ئەندامێن ئێکگرتوو ئیسلامی ژی”.
دیارکر ژی” سەلاحەدین بەھائەدین سەرەدانا من ژی کر، بەلێ داخوازا زڤرینا من نەکریە بۆ ناڤ ئێکگرتوو ئیسلامی کوردستان، بەلکو بەحسێ کۆنگرێ ئێکگرتووی و بەربژارکرنا خوە بۆ پۆستێ ئەمیندارێ گشتی کر”.
ل دۆر سەنگا دەنگێن ئێکگرتوو ژی، دیندار دۆسکی گۆت” ئەنجامێن ھەلبژارتنێن بۆری، وێ چەندێ رادگەھینیت کو ئێکگرتوو یا پاشڤە چووی و ب تایبەتی ل سلێمانیێ و ھەولێرێ و ب دیتنا من و گەلەک ئەندامێن دی یێن ئێکگرتووی، بەلاڤبوونا ھزرا یەکگرتوو و حزبێن ئیسلامی ل ھەرێما کوردستانێ یا لاواز بووی و ئەڤ چەندە ژی پێدڤی ب ڤەکۆلینانە کو ل سەر بھێنەکرن ژلایێ سەرکرداتیا ئێکگرتوو ڤە”.
ئەڤرۆ نیوز:
سەرۆکێ لیستا برایەتیێ و پێکڤەژیانێ یا کوردستانی ل جڤاتا پارێزگەھا نەینەوا دیارکرکو بەغدا ل سەر داخوازیا پارێزگاری نەینەوا یا رازی بووی بۆ پێکئینانا حەشدا جەماوەری بۆ پشکداریکرنێ د شەڕێ ئازادکرنا مووسلێ دا وھەتا پێنج ھزار کەس دی ھێنە وەرگرتن ومەشقدان، نوکە تورکیا وئیران وسووریا ژێ یێن بزاڤێن پشکداریێ د شەڕێ مووسلێ دا دکەن.
سەیدۆ چەتۆ حەسۆ سەرۆکێ لیستا برایەتیێ وپێکڤە ژیانێ ل جڤاتا پارێزگەھا نەینەوا بۆ رۆژناما ئەڤرۆ دیارکرکو ل نێزیک دێ پاریزگارێ نەینەوا پێکئینانا حەشدا جەماوەری راگەھینیت و دێ دەست ب ناڤ نڤیسینێ ھێتە کرن وحەشدا جەماوەری دێ پێکھاتی بیت ژ ھەموو پێکھاتێن مووسلێ بێی جۆداھی، بەلێ دروستکرنا حەشدا جەماوەری د دەمەکێ گەلەک گیرۆ دایە و پێدڤی بوو گەلەک زووتر حەشدا جەماوەری ژ ھەموو پێکھاتین مووسلێ ھاتبا دروستکرن”.
سەیدۆی گۆت ژی”پاریزگارێ نەینەوا و حوکمەتا عیراقێ ب ھەڤکاری ل گەل وەزارەتا پێشمەرگەی ل ھەرێما کوردستانێ دێ پشتەڤانیا حەشدا جەماوەری کەن و دێ حەشدا جەماوەری ھێتە پێکئینان پشتی دھێتە مەشقدان وپڕچەککرن ودێ پشکدار بیت د شەڕێ مووسلێ دا و ل پاشەرۆژی ژی دێ ئەرکێ پاراستنا مووسلێ پتر دستوویێ وێ ھێزێ دابیت، نوکە ژی بەرھەڤیێن شەڕی ئازادکرنا مووسلێ یێن دھێنە کرن، بەلی بەغدا نە یا رژدە وگیرو دکەت”.
سەرۆکێ لیستا برایەتیێ وپێکڤەژیانی ل جڤاتا پارێزگەھا نەینەوا خویاکر ژی” دەستێن وەلاتێن تورکیا و ئیرانێ و سووریێ ژی یێ دناڤ مووسلێ دا وھەر وەلاتەکی ژ وان دڤێت پشکداریێ دشەڕێ ئازادکرنا مووسلێ دا بکەن و ئەم دبینین دێ شەڕێ مووسلێ یێ خویناوی بیت، چونکی بنگەھێ سەرەکیێ تیرۆرستێن داعشێ یە ل عیراقێ و باژێڕێ مەزنێ دویێ یە ل عیراقێ وھەر دەمی مووسل ئازاد ببیت، دێ بیتە ئەگەر تیرۆرست ژ ناڤ بچن و ژ ناڤچوونا تیرۆرستێن داعشێ ژی ب تنێ دێ ل سەر دەستێن پێشمەرگێ کوردستانێ بیت چونکی ھەتا نوکە تاکە ھێزا تیرۆرست شکاندین پێشمەرگە بوو”.
سەیدۆ چەتۆ خویاکر” پێشمەرگێ کوردستانی و حەشدا جەماوەری ل گەل حەشد شەعبی و ھێزین ھەڤپەیمانان دێ شەڕێ ئازادکرنا مووسلێ کەن، بەلێ ئەم وەسا دبینین گەلەک باشترە ھەرێما کوردستانی ب مەرج پشکداریێ بکەت ئەوژی مافێن کوردان دپاراستی بن دھەموو بوارەکی دا ل مووسلێ پشتی ئازاد دبیت وئێدی غەدر ل کوردان نەھێتە کرن د پۆستێن ئیداری و لەشکری دا ل مووسلێ”.
ناڤبری ئاشکرا کرکو لەشکرێ عیراقێ یی لاوازە ودەمێ شەڕی دکەت نەشێت کونترۆلێ ل سەر دەڤەران بکەت و ئەو ھەموو دەڤەرێن ھاتینە ئازادکرن ژی ھەموو ب پشتەڤانیا پێشمەرگەی بوو، ل دەڤەرا مەخمورێ پێشمەرگەی چەندین گۆند ودەڤەر ئازادکرن و ھندەک گۆند خستنە دبن کونترۆلا لەشکرێ عیراقێ وحەشد شەعبی دا، بەلێ مخابن لەشکرێ عیراقێ و حەشد شەعبی نەشیا وان دەڤەران بپارێزن” .
ئه‌ڤرۆ نیوز:
ل گۆر پێشبینیێن فه‌له‌كناسان، سوبه دێ هه‌سارا عه‌تارد ل هه‌مبه‌ر رۆژێ زڤریت و ئه‌ڤ دیارده ل پڕانیا وه‌لاتان دێ هێته دیتن.
ناسا به‌لاڤكریه كو هه‌سارا عه‌تارد دێ د ناڤبه‌را هه‌سارا ئه‌ردى و رۆژێ را چیت و دیمه‌نێ ده‌ربازبوونا وێ پتر ژ 7 ده‌مژمێران ل پڕانیا ده‌وله‌تان دێ یا به‌رده‌وام بیت.
ئه‌ڤ دیارده ئه‌ڤرۆ ل ده‌مژمێر 2 و 10 ده‌قیقه ب ده‌مێ كوردستانێ دێ ده‌ست پێ كه‌ت، عه‌تارد ژ ئالیێ چه‌پێ یێ رۆژێ دێ به‌ره‌ڤ لایێ راستێ ده‌رباز بیت، د قورنه‌كێ دا ئه‌ڤ دیمه‌نه 12 بۆ 13 جاران دروست دبیت و دیتنا ڤى دیمه‌نى پێدڤى ب پێدڤیێن فه‌له‌كناسى یێن تایبه‌ت هه‌یه، چونكو به‌رێخوه‌دانا ئێكسه‌را رۆژێ دێ زیانان گه‌هینیته چاڤان و هوون دشێن ب رێیا ڤى لینكى بینه‌رێن ده‌ربازبوونا عه‌تاردێ بن.
ئه‌ڤرۆ نیوز:
سه‌رۆكێ لیژنا سۆته‌مه‌نیێ ل جڤاتا پارێزگه‌ها دهۆكێ راگه‌هاند، ل هه‌یڤێن بۆرى نێزیكى 13 تانكه‌رێن پانزینا پیس هاتبوونه گرتن و 24 وێستگه‌هێن پانزینێ ژى یێن هاتینه سزادان و 11 وێستگه‌ه بۆ ده‌مه‌كى هاتینه داخستن و 13 وێستكه‌هێن پانزینێ ژى ب كۆژمێن پاره‌ى هاتینه سزادان.
ژ ئالیه‌كێ دى ڤه، سه‌رۆكێ لیژنا پیشه‌سازى و وزێ ل جڤاتا پارێزگه‌ها هه‌ولێرێ ئاشكرا كر، ره‌نگه جاره‌كا دى وه‌كو به‌رێ پانزین بهێته پۆلینكرن بۆ پانزینا نۆرمال، موحه‌سه‌ن و سۆپه‌ر و گۆت:(ژ به‌ر نه‌بوونا پشته‌ڤانیا حوكمه‌تێ ل سه‌ر پانزینێ و بلندبوونا بهایێ پترۆلێ د بازارێن جیهانێ دا، بۆهایێ پانزینێ ل رۆژێن بۆرى د بازارێن كوردستانێ دا گرانبوو).
ئه‌ڤرۆ نیوز:
ژماره‌كا به‌رپرسێن پارتا داد و گه‌شه‌پێدان، ئاكه‌پێ راگه‌هاندینه كو د ناڤ وان كه‌سێن دهێته چاڤه‌رێكرن خوه بۆ پۆستێ سه‌رۆك وه‌زیرێن توركیا هه‌لبژێریت، بێرات ئه‌لبه‌ره‌قه وه‌زیرێ وزا توركیت كو زاڤایێ ئه‌ردوگانه.
مالپه‌رێ فایشنال تایمز به‌لاڤكر كو به‌رپرسێن پارتا داد و گه‌شه‌پێدان راگه‌هاندینه كو ئه‌لبه‌راق زاڤایێ ئه‌ردوگان ڤیایه ب رێیا سیاسه‌ت و راگه‌هاندنێ ده‌ستهه‌لاتا ئه‌حمه‌د داود ئوغلو سه‌رۆك وه‌زیرێن توركیا كێم بكه‌ت.
رۆژا 5 ڤێ هه‌یڤێ، ئه‌حمه‌د داود ئوغلو سه‌رۆك وه‌زیرێن توركیا راگه‌هاند كو دێ 22 ڤێ هه‌یڤێ كۆنگرێ ئاكه‌پێ هێته گرێدان و دێ ده‌ست ژ سه‌رۆك وه‌زیران و سه‌رۆكێ پارتێ به‌رده‌ت.
ئەڤرۆ نیوز، لەزگین جۆقی:
رێڤه‌به‌ريا گشتيا ساخله‌ميا پارێزگه‌ها دهۆكێ ب هه‌ڤكارى ل گه‌ل كۆمه‌لا نه‌خۆشيا ته‌لاسيميايێ، رۆژا جيهانى يا ڤێ نه‌خۆشيێ ساخكر.
د. رۆباد موئه‌يه‌د، رێڤه‌به‌رێ سه‌نته‌رێ ته‌لاسيميا ل دهۆكێ بۆ ئه‌ڤرۆ نيوز گۆت: “ل دهۆكێ زێده‌ترى 1280 وه‌لاتيان تووشى نه‌خرشيا ته‌لاسيميا بووينه كو ژ وان ژ ڤان حاله‌تان، 219 ئاواره‌نه”.
زێده‌تر گۆت: “سالانه چه‌ندين كه‌سێن هه‌لگرێن ڤێ نه‌خۆشيێ ل سه‌ر ئه‌ركێ حوكمه‌تا هه‌رێما كوردستانێ بۆ وه‌لاتێن توركيا و هندستانێ ب مه‌ره‌ما چاره‌سه‌ريێ دهێنه ره‌وانه‌كرن”.
ئەڤرۆ نیوز ؛ مەحمود نھێلی
بۆماوێ پتر ژ دوو دەمژمێران فروکەیێن لەشکەری یێن تورکیا چەندین گوندێن سەر ب ناحیا دێرەلۆک بوردومانکرن و ترس و دودلیەکا زۆر ئێخستیە دلێ ئاکنجیێن دەڤەرێ.
ل گۆر شایەتحالان ل دەمژمێر دوو شەڤا ئێک شەمبی 8\5\2016 پتر ژ شەش فرۆکەیێن تورکیا ب دژواری دەڤەر بوردومانکریە . جوتیار سەرگەلی بۆ ئەڤرۆ نیوز دا دیار کرن کو بوردومانا ڤێ جارێ گەلەک نێزیکی گوندی بوو و ساجمێن توپان ھاتینە ناڤ گوندی و گۆت؛ دەردورێن گوندێ وانا سێ جھێن کرینە ئارمانج وەک رێکا سەرەکی یا دچیتە سگێرێ و سەر پەسارا و ھەروەسا کێری کو ھەر سێ جھێن گەلەک نێزیکی گوندی و ئاکنجیانن.
ناڤبری ئاشکرا کر ژبەر کو درەنگی شەڤ بوویە کەس ل دەرڤە نە بوو ژ بەر ھندێ چ زیانێن گیانی لێ پەیدا نەبوونە لێ سوپاس بۆ خودێ بتنێ زیانێن مالی ھەبووینە و چ زیانێن گیانی نە بووینە.
ھەروەسا ل گور شایەتحالا کو چیایی لینکی ل ھنداڤا سەنتەرێ ناحیا دێرەلۆک چەندین جاران بوردوماکریەکو بتنێ چوار کیلومەترا ل سەنتەرێ ناحیێ دوورە و ب ڤێ یەکێ ل دەمێ بوردومانێ پرانیا ھاولاتیان ژ خەو ھشیار بوونە و پەنجەرێن خانیان ھەژیانە.
ھەروەسا دھێتە زانین چەندین گوندێن دەڤەرا بەرێ گارێ ژی ھاتینە بوردومانکرن
نيشاندان