ئه‌ڤرۆ نيوز:
ئه‌ڤرۆ رۆژا ئێكشه‌مبى هێزێن پێشمه‌رگێ كوردستانێ ب پشته‌ڤانيا فرۆكێن هێزێن هه‌ڤپه‌يمانان شيان گوندێ به‌شير ب ته‌مامى ل گه‌ل پێنج گۆندێن دى ژ بن ده‌ستێ چه‌كدارێن داعش بيننه ده‌ر.
ب گۆره‌ى پێزانينێن هێزێن پێشمه‌رگێ كوردستانێ راگه‌هاندين: گۆندێ به‌شير ب ته‌مامى هاتيه رزگاركرن و فرۆكێن هه‌ڤپه‌يمانان د ئۆپه‌راسيۆنا رزگاركرنا ڤى گۆندى دا، 25 ترۆمبێلێن مينرێژكرى ژناڤبرن.
ئه‌ڤرۆ نيوز:
هێزێن پێشمه‌رگێ كوردستانێ سپێده‌هيا ئه‌ڤرۆ رۆژا ئێكشه‌مبى رێكه‌فتى 1ى ئه‌يارا 2016ێ گۆندێ ئه‌لبۆفه‌ره‌ج ل باشوورێ كه‌ركووكێ رزگاركر.
شێخ جه‌عفه‌ر شێخ مسته‌فا فه‌رماندێ هێزا 70 بۆ خه‌ندان گۆت: “سپێده‌هيا ئه‌ڤرۆ هێزێن پێشمه‌رگێ كوردستانێ د هێرشه‌كا دژوار دا گۆندێ ئه‌لبۆفه‌ره‌ج كونترۆلكر و نوكه پێشمه‌رگه مال ب مال يێ ل دووڤ داعش د گه‌ريێت”.
ئه‌ڤرۆ نيوز:
پشتى دوهى رۆژا شه‌مبى خوه‌نيشانده‌ران هێرش ل گۆره‌پانا ته‌حرير كريه سه‌ر به‌ربه‌ستێن ده‌ڤه‌را كه‌شك و شكاندين و هێرش كريه سه‌ر په‌رله‌مانتاران و ژماره‌كا زۆر ژ خوه‌نيشانده‌ران چووبوونه ناڤ ئاڤاهيێ په‌رله‌مانى و ل گه‌ل گۆتنا دوريشمێن جودا.
نڤيسينگه‌ها راگه‌هاندنا عه‌بادى د راگه‌هاندنه‌كێ دا ئه‌ڤرۆ رۆژا ئێكشه‌مبى رێكه‌فتى 1ى ئه‌يارێ راگه‌هاند: “عه‌بادى داخوازا ده‌سته‌سه‌ركرن و سزادانا ئه‌وان كه‌سان ده‌ركريه يێن دوهى هێرش كريه سه‌ر هێزێن ئه‌منى و وه‌لاتيان و په‌رله‌مانتاران و زيان ب مولك و مالێ گشتى گه‌هاندى”.
ئه‌ڤرۆ نيوز:
سه‌ليم جبورى سه‌رۆكێ په‌رله‌مانێ عيراقێ داخواز ژ موقته‌دا سه‌در سه‌رۆكێ بزاڤا سه‌در كر كو هه‌لويسته‌كێ بله‌ز بكاربينيت به‌رامبه‌ر ڤه‌لڤينێن خونيشانده‌ران.
سه‌ليم جبورى سه‌رۆكێ په‌رله‌مانێ عيراقێ ئاماژه ب وێ يه‌كێ ژى كر كو هه‌ر ده‌ستدرێژيه‌ك بۆ سه‌ر په‌رله‌مانتاران ده‌ستدرێژيه بۆ سه‌ر هه‌يبه‌تا ده‌وله‌تێ.
نيشاندان