ئەڤرۆ نیوز:
ئەندامەکا جڤاتا نوونەرێن عیراقێ ژ فراکسیۆنا پارتی بۆ ئەڤرۆ دیار کر کو بڕیارە ئەڤرۆ 25-4-2016 پەرلەمانتارێن کورد ل جڤاتا نوونەرێن عیراقێ بەر ب بەغدا بچن، ژ بەرکو سوبەھی 26/4 دێ روونشتنا جڤاتا نوونەران دەست پێ کەت و دبیژت: ھەکەر روونشتن ل سەر حکومەتا عەبادی بیت، ئەم دەنگی ل سەر لیستا ئێکێ یا حوکمەتا عەبادی نادەین، ب تنێ ھەکەر لیستا دویێ ھاتە پێشکێشکرن دێ کورد دەنگی ل سەر دەن.
نەجیبا نەجیب، ئەنداما جڤاتا نوونەرێن عیراقێ خویا کر، ھەتا نوکە پەرلەمانتارێن مانگرتی درژدن کو سەلیم جبوری نەبیتە سەرۆکێ جڤاتا نوونەران و گۆت: “ھەکەر ئەڤرۆ 25/4 رێژا قانوونی یا پەرلەمانتارێن مانگرتی تەمام بیت و ل سەر ھەلوەیستێ خوە دبەردەوام بن دێ ئاریشە روودەن و نە دوورە روونشتنا پەرلەمانی نەھێتەکرن، لێ ھەکەر ھاتو ھەموو پەرلەمانتار رازی بن کو دەستەیا سەرۆکاتیا پەرلەمانی نەھێتە گوھۆرین روونشتن دێ ھێتەکرن”.
گۆتژی: “ئەڤرۆ 25/4 ب تنێ ئەم دێ د روونشتنەکێ دا ئاماژە بین، ئەوژی ھەکەر دبەرژوەندیا مللەتێ کورد دا بیت”.
نەجیبا خانێ ئاشکرا ژی کر، لیستا ئێکی یا عەبادی پێشکێشکری ژ 12 وەزارەتان ژ بلی وەزارەتا ناڤخوە و بەرگریێ پیک دھێت و گۆت: “د لیستا ئێکێ دا وەزیری دارایی و کۆچ و کۆچبەران کو بەھرا کوردانە یێن ھاتنیە گوھارتن، ئەڤەژی غەدرە ل کوردان ھاتیەکرن، لەو ئەم ل سەر لیستا ئێکێ یا حوکمەتا عەبادی رازی نابین، لێ لیستا دویێ ژ 14 وەزارەتان پێک دھێت، دیسا ژبلی وەزارەتا نافخوە و بەرگریێ و د گەل سێ وەزارەتێن کوردان، ئەم ل سەر لیستا دویێ یا حوکمەتا عەبادی درازینە، لێ ھندەک لایەنێن دی یێن سیاسی دژی لیستا دویێ یا حکومەتا عەبادی نە”.
ئەڤرۆ نیوز:
رێڤەبەرێ پلاندانانێ ل رێڤەبەریا گشتی یا ساخلەمیا پارێزگەھا دھۆکێ بۆ ئەڤرۆ دیار کر کو ل دووڤ بەرنامێ چاکسازی یێ سەرۆکێ ھەرێما کوردستانێ وان بڕیار دا، ل سەرانسەری پارێزگەھا دھۆکێ 245 رێڤەبەری، پشک و ھۆبە یێن ساخلەمیێ بھێنە کێمکرن و گۆت: “ب مەرەما پتر خزمەتکرنا وەلاتیان، چەندین بریارێن گرنگ ل سەر نشتەرگەریێن ئێڤاران و کلینیکێن شیرەتکاری یێن ئێڤاران ھاتینە دان”.
د. ھشیار موسا، رێڤەبەرێ پلاندانانێ ل رێڤەبەریا گشتی یا ساخلەمیا پارێزگەھا دھۆکێ ئاشکرا ژی کر، ژ بەر قەیرانا دارایی و کێمکرنا مەزاختیان، رێڤەبەریا گشتی یا ساخلەمیا دھۆکێ دەست ب کێمکرنا رێڤەبەری، پشک و ھوبێن ساخلەمیێ ل ھەموو کەرتێن ساخلەمیێ یێن سەر ب رێڤەبەریا گشتی یا ساخلەمیا پارێزگەھا دھۆکێ ڤە کر و د ئەنجام دا 245 رێڤەبەری، پشک و ھۆبە ھاتینە کێمکرن”.
د. خالس قادر، پەیڤدارێ وەزارەتا ساخلەمیێ یا حوکمەتا ھەرێما کوردستانێ بۆ ئەڤرۆ خویا کر کو د چارچوڤێ پرۆژی چاکسازیێ یێ حوکمەتا ھەرێما کوردستانێ دا و ب مەرەما زێدەکرنا داھاتێ ھەرێمێ و کێمکرنا مەزاختیان، وەزارەتا ساخلەمیێ ژی دەست ب چاکسازیان کریە د ھەیکەلێ کارگێری یێ وەزارەتێ دا، دوھی 24/4/2016 کێمکرنا وان رێڤەبەری، پشک و ھۆبان ھاتە راگەھاندن و گۆت: “ل سەرانسەری ھەرێما کوردستانێ 825 رێڤەبەری، پشک و ھۆبە یێن ساخلەمیێ ھاتینە کێمکرن و ئەڤ بەرنامەیە دێ یێ بەردەوام بیت”.
د. خالس قادر ئاماژە ب وێ چەندێ ژی کر، دوھی 24/4/2016 د کۆمبوونا وەزیری ساخلەمیێ ل گەل جڤاتا شیرەتکاریا وەزارەتێ دا و ب مەرەما باشتر خزمەتکرنا وەلاتیان دا و گەھاندنا خزمەتێن ساخلەمیێ بۆ وەلاتیان، چەندین بڕیارێن گرنگ ل سەر نشتەگەریێن ئێڤاران و کلینیکێن شیرەتکاری یێن ئێڤاران ھاتینە دان.
ئەڤرۆ نیوز:
ئەندامەکا پەرلەمانێ عیراقێ ژ فراکسیۆنا پارتی دیموکراتی کوردستان دیارکر ئێدی جھێ مە ل بەغدا نینە وەکو نوونەرێن مللەتێ کورد چونکی مرۆڤ نەشێت نوونەراتیێ بکەت وعیراق وەلاتەکە کو چو سالوخەتێن وەلاتی تێدا نەماینە، چونکی چو دبن کونترۆلێ نەمایە.
نەجیبا نەجیب ئەنداما پەرلەمانێ عیراقێ ژ فراکسیۆنا پارتی دیموکراتی کوردستان بۆ رۆژناما ئەڤرۆ گۆت” شەرم ژ خەلکێ خوە دکەین کو دچینە بەغدایەکێ ئەوا ھەتا نوکە چو مافێ خەلکێ مە دابین نەکەت، چونکی چو سالوخەتێن دەولەتان نینن و دبن کونترۆلێ دەرکەفتیە و ئابوورێ وێ ب تنێ بۆ ھندەک پارێَزگەھانە و ئێمناھی دبن کونترۆلا وێ حوکمەتێ دا نینە و بڕیارا وێ د دەستی دا نینە”.
نەجیبایێ دیارکر” بسپۆری و سەربورامە یا خۆلا بۆری نەشێن بکاربینین کو بکەڤیتە دخزمەتا خەلکی دا و کارەکی بکەی، تو وێ نابینی کارێ خوە بکەی، دبینم بەغدا گەلەک تشت ل گەل ھەرێما کوردستانێ کرن وەکو بڕینا بودجا کوردستانێ و نەدانا مووچێن فەرمانبەران و نە قەرەبووکرنا خەلکێ زیانداربووی و ھەتا پارێ پێشمەرگەی ژی نادەت و پشتەڤانیا پێشمەرگەی ناکەت”.
خویاکر ژی” چ داخویانی و نێریێن وان جودا نەبووینە و بەرامبەر، ئەم وەک کورد چاڤێن مە دگرێداینە و تو نەشێی ھەر داخواز بکەی، ھەکە دبیتە رۆژا چوونا بەغدا، ئەم ل گەل سەرکرداتیا خوە یا کوردی دچینە بەغدا ژبەر پەیوەندیێن مەیە ژ بەر وەلاتێن بیانی” .
ھێشتا گۆت”ھەکە تو د چ لژنە دا بی ل پەرلەمانێ عیراقێ، یا بێ مفایە و گەلەک جاران ب نڤیسارێن فەرمی مە مەزنە بەرپرسێن حوکمەتا بەغدا گازی کرینە ل سەر کێشێن وەلاتیێن کوردستانێ، بەلێ ھێجەت گرتینە و ناھێن، لەوما دبینم ھەبوونا مە ل بەغدا دڤێ قۆناغێ دا ئەم نەشێن ب دورستی دڤی سەقایی دا کارێ خوە ئەنجام بدەین و نوونەرێن خەلکێ خوە بین و ئەم یێن گەھشتینە وێ باوەریێ کو 100% ل گەل نەتەوا عەرەب تۆ بکەی یان نەکەی وتۆ گەلەکێ باش بی یان نە، بەرامبەر کوردان ناھێنە گوھۆڕین و ھەر ئێکن و ماف و بەرژوەندیێن کوردان ھەر ل بەرچاڤ وەرناگرن”.
ھەمان ئەنداما پەرلەمانی گۆت ژی”ھێشتا مە نەدیتیە نەئەندامێن پەرلەمانێ عیراقێ ژ سونە و شیعان بەحسێ مافێ کوردان کربیت و دڤێت، یان بێژن پێدڤیە بودجە بۆ ھەرێما کوردستانێ بھێتەدان و ھەتا جھێن حزبی و دینی و حکومی ژی ل عیراقێ ھێشتا نە گۆتینە کورد پشکەکن ژ عیراقێ” .
نەجیبایێ دیارکر” باشترین رێ ئەوە سەرکرداتیا کوردستانێ و سەرۆکێ ھەرێما کوردستانێ کار بکەن ب زووترین دەم کورد ل گەل نەتەوا عەرەبان د عیراقێ دا نەمینن، چونکی تو نوونەرێ خەلکێ خوە بی ل بەغدا و ئەو بەغدا نەشێـت بۆ خەلکێ تە چ بکەت، مانا تە ل وێرێ بۆ چیە؟، بەغدایەکا مە چو ژێ نەدیتی و باوەرناکەم چو ژێ ببینم ژی و ئەم یێن گەھشتیمە وێ باوەریێ ئێدی ئەم نەشێن چ ژێ بینین”.
ل دووماھیێ نەجیبا نەجیب دبێژیت” چوونا مە بۆ بەغدا بجھئینانا بڕیارێن سەرکرداتیا کوردی نە و سەرکرداتی ژی یا گەھشتیە وێ باوەریێ، بەلێ دبینم ھێشتا ئەو دەم نەھاتیە کو بڕیارێ ل سەر نەمانا مە ل بەغدا بدەن”.
ئەڤرۆ نيوز:
نوری ئوسمان سەرۆکێ فەرمانگەھا ھەماھەنگی و دووڤچوونێ ل جڤاتا وەزیران راگەھاند: ئەڤرۆ 25 نیسانێ، دێ لژنا روو ب رووبوونا قەیرانان ب سەرۆکاتیا سەرۆکێ جڤاتا وەزیران کۆم بیت و دێ پێداچوون ب خشتێ پشکەکا مووچێ فەرمانبەران دا ھێتە کرن و گۆت” بڕیار ھاتیە دان، ھەیکەلێ کارگێری یێ ھندەک وەزارەتان بھێتە کێمکرن”.
ئه‌ڤرۆ نیوز:
نورى ئوسمان سه‌رۆكێ فه‌رمانگه‌ها هه‌ماهه‌نگى و دووڤچوونێ ل جڤاتا وه‌زیران راگه‌هاند: سوبه 25 نیسانێ، دێ لژنا روو ب رووبوونا قه‌یرانان ب سه‌رۆكاتیا سه‌رۆكێ جڤاتا وه‌زیران كوم بیت و دێ پێداچوون ب خشتێ پشكه‌كا مووچێ فه‌رمانبه‌ران دا هێته كرن و گۆت” بڕیار هاتیه دان كو هه‌یكه‌لێ كارگێرى یێ هنده‌ك وه‌زاره‌تان بهێته كێمكرن”.
ئەڤرۆ نیوز:
چاڤدێرەکێ سیاسی دیارکر کو پێدڤیە کورد ل بەغدا ئێک دەنگ و ھەلویست بن و نوونەرێن کوردان ل بەغدا دڤێ قوناغێ دبێ لایەن بن، دەنگدانا دناڤ پەرلەمانێ عیراقێ دا ب بڕیارا سەرکرداتیا کوردی بھێتەکرن و کا چ دبەرژوەندیا مللەتی دایە ئەو بھێتەکرن، ھەموو پابەندی بڕیارێن سەرۆکێ ھەرێما کوردستانێ بن، دیارکر ژی کاودانێن بەغدا ڕۆژانە دگوھۆڕینێ دانە و دبینم سەرۆکێ ھەرێما کوردستانێ یێ چاڤدێریەکا ھوور ل سەر گوھۆڕینا دکەت و لایەنێن کوردی ل بەغدا دێ پابەندی بڕیارێن سەرۆکێ ھەرێمێ بن، چونکی چو لایەنێن سیاسی ل بەغدا، ب شیعە و سونە ڤە، جھێ باوەریێ نینن بۆ مللەتێ کورد و حوکمەتا عیراقێ ب دووماھی ھاتیە و دەولەت یا ھاتیە ھەلوەشاندن، دڤێت ئەو دەولەتە رۆژ بۆ رۆژێ وەک وەلاتێ سومالێ و لیبیا لێ بھێت و ب تنێ جوداھی ھێزەکا مەزن یا ئەمریکی ھەیە، چو سەرکردە ل عیراقێ نینن کو مللەتێ عیراقێ کوم بکەن.
سەرۆ قادر بەرپرسێ بەرێ یێ راگەھاندنا پارتی دیموکراتی کوردستان زێدەتر بۆ ڕۆژناما ئەڤرۆ گۆت” ھەکە ئەز ل جھێ سەرۆکێ عیراقێ بم، دێ گوھداریا سەرۆکێ ھەرێما کوردستانێ کەم، چونکی سەرۆکێ عیراقێ نوونەرێ کوردانە ل بەغدا، کوردان چ منەت ب بەغدا نینە و کوردان ڕێککەفتن ل سەر ئازادکرنا مووسلێ یا ھەی و ئەڤێ ڕێککەفتنێ ئەمریکا ژی دگەلدایە و عیراق دشێت لەشکرێ خوە بینیت و مووسلێ ئازاد بکەت و ب چاڤدێریا ئەمریکا و پشکداریا پێشمەرگێ کوردستانێ، پشکداریا کودان د ئازادکرنا مووسلێ دا شاشی نینە، چونکی کورد پێکھاتەکێ ھەرە مەزنێ وی باژێری نە و پشکداریا کوردان د ئازادکرنا مووسلێ دا دێ ل سەر دابەشکرنا مووسلێ بیت، وەکو سەرۆکێ ھەرێمێ ئاماژە پێکری کو پشتی ئازادکرنا مووسلێ دڤێت پارێزگەھا نەینەوا ببیتە سێ پارێزگەە، پارێزگەھەک بۆ عەرەبێن سونە و پارێزگەھەک ژ پێکھاتێن نە کورد و عەرەب و پارێزگەھەک بۆ کوردان کو شنگالێ و دەڤەرێن دی یێن کوردی ب خوە ڤە بگریت”.
سەرۆی خویاکر ژی” پێدڤیە چاڤەرێی پەیاما سەرۆکێ ھەرێما کوردستانێ بین ل سەر ڕاگەھاندنا دەولەتا کوردی و کەنگی ڕاگەھاند ئەم پشتەڤانیێ لێ بکەین”. ل دۆر کاودانێن نوکە ھەرێما کوردستانێ تێدا دبۆریت، گۆت” پەرلەمانێ کوردستانێ ببوو جھێ ئاژاوەگێریێ و ئەو قۆناغ مە دەربازکر و نوکە ھێرشێن سەر مە شەڕێ داعشێ یە و دڤێت خوە ل گەل بەغدا ئێکلا بکەین، خوە ئێکلاکرنا ل گەل بەغدا نە گرێدای دەمی یە و ب تنێ گرێدای پشکداریکرنا زانایانە و بھێزە و ئەڤە دێ ب ڕێیا سەرۆکێ ھەرێما کوردستانێ بیت، ھەم سەرۆکێ وەلاتی یە و ھەم فەرماندێ گشتیێ ھێزێن چەکدارە ل کوردستانێ و سەرکرداتیا ڕووبەرەکێ مەزنێ شەڕی ل گەل مەزنترین دەولەتا تیرۆرستی دکەت”.
سەرۆ قادری ھێشتا گۆت” ھەموو پارتێن کوردستانێ ب تنێ ئێک ڕێ یا ل بەر ھەی، ئەوژی پاراستنا ئێک پارچەیا وەلاتی یە و ئێک ھەلویستیا نشتیمانی و بلا جوداھی یا بۆچوونان ھەبیت، سەرۆک بارزانی ل کوردستانێ ئێک رێزیا ناڤمالا کوردی دپارێزیت و ئەو نە سەرۆکێ حزبەکێ یە، بەلکو سەرۆکێ وەلاتی یە، پێدڤیە ھەموو پارت گوھداربن و سەرۆک یێ گرنگە وەکو کەسایەتی و وەکو بڕیاردەرێ چارەنڤیسێ مە”.
ل دۆر پرسا گەندەلیێ ل ھەرێمێ، سەرۆ قادر گۆت” گەندەلی یا گرنگ نینە، گەندەلیێ پێدڤی ب دروستکرنا سازیێن دەولەتێ ڤە ھەیە، ، گەندەلیێ پرۆسەک نینە گرێدان ب سەربەخۆیی ڤە، مرۆِڤێن گەندەل ژی دێ دسەربەخۆیێ دا پشکداربن، ھەموو پارت پشکدارن د گەندەلیێ دا”.
ئه‌ڤرۆ نيوز:
وه‌زاره‌تا دارایى و ئابوورى ل حوكمه‌تا هه‌رێما كوردستانێ دوهى رۆژا شه‌مبى رێكه‌فتى 23ى نيسانا 2016ێ خشته‌كێ نوو مووچان راگه‌هاند كو مووچێن چه‌ندين وه‌زاره‌تان تێدايه و هه‌ر ژ رۆژا ئێكشه‌مى هه‌تا پێنجشه‌مبى دێ يێ به‌رده‌وام بيت.
د ڤى خشته‌ى دا دياركريه كو ئه‌ڤرۆ رۆژا ئێك شه‌مبى رێكه‌فتى 24ى نيسانا 2016ێ دێ هه‌ر ئێك ژ وه‌زاره‌تا خواندنا بلند و ڤه‌كولینێن زانستى و وه‌زاره‌تا كاره‌با و وه‌زاره‌تا چاندن و ژێده‌رێن ئاڤێ ل گه‌ل وه‌زاره‌تا ئاڤه‌دانكرنێ و ئاكنجیكرنێ مووچه‌ى وه‌رگرن.
ئه‌ڤرۆ نیوز ، نه‌وزاد زاده هلۆرى:
دیڤد به‌یلى رێڤه‌به‌رێ كارگێریێ پێگه‌ها Quora دیاركر كا وى چه‌وا شیایه دماوه‌یێ 17 رۆژان دا فێرى زمانێ فه‌ره‌نسى ببیت.
دیڤد بڤى ره‌نگى به‌حسێ ئه‌زموونا خوه دكه‌ت و چه‌ند ته‌كنیكه‌ك پێشنیاركرینه بو وان كه‌سانێن كو دڤێت ب ساناهى و د ده‌مه‌كێ كێم دا فێرى زمانه‌كێ بیانى ببن.
چه‌ند زمانه‌كێن بیانى دژیه‌كێ مه‌زن دا فێربووم و شیام فێرى زمانێ فه‌ره‌نسى ببم تنێ د ماوه‌یێ 17 رۆژان دا ، و راسته كو به‌رى نها من ئیسپانى دزانى و ئه‌ڤه ئێكه‌مین زمانێ بیانى نه‌بوویه كو فێرببم به‌لێ ته‌كنیكه‌كا زور ب مفابو بو وان كه‌سانێن دڤێن فێرى زمانه‌كێ بیانى بن.
ل هاڤینا سالا 2015 ئه‌ز ل گه‌ل هه‌ڤاله‌كێ خوه چومه گونده‌كێ فه‌ره‌نسى كو بتنێ ب فه‌ره‌نسى د ئاخفتن و هه‌ڤالێ من ژى ره‌تكر كو ل گه‌ل من ب ئینگلیزى ب ئاخڤیت هه‌تا كو فێر دبم
مه روتینه‌ك دانا و هه‌موو رۆژان ئه‌ڤ یه‌ك دووباره دكر
سپێده‌یان زور ژ خه‌و رادبووین و بو ده‌ما دوو ده‌مژمێران بتنێ مه كارێن ئاسایى و نه ئاسایى دنڤیسین و ب وى ره‌نگى مه ده‌فته‌ره‌ك بو ڤێ یه‌كێ به‌رهه‌ڤكربوو و نڤیسین ب ده‌ستێ خوه باشتره كو مرۆڤ ژ به‌ر بكه‌ت.
ده‌ما كو مه به‌رده‌وام تشت دنڤیسى ل وى ده‌مى من گوهداریا به‌رنامه‌یێن فه‌ره‌نسى دگرت ب تایبه‌تى ئه‌وان به‌رنامان یێن بو فێربوونا زمانان هاتینه ته‌رخانكرن و تو دكارى ب ئونلاین سه‌حا كورسێن وان زمانان بكه‌ى و مفاى ژ شاشێن قوتابێن دن وه‌ربگرى.
پشتى هنگى چومه ده‌رڤه ژ بوو به‌زینێ و ل ده‌ما به‌زینێ ژى من گوهداریا سترانێن فه‌ره‌نسى دگرت و موزیك رێیه‌كا كارتێكه‌ره بو راهێنانێن مێشكێ ته ب زمانه‌كێ نوو.
هه‌موو رۆژان ل گه‌ل هه‌ڤالیى َخوه و هه‌ڤالێن دن یێن فه‌ره‌نسى مه خوارنا نیڤرو دخوار و ل به‌ر من نه‌دئاخفتن هه‌تا كو تێبگه‌هم به‌لكو من دڤیا بگه‌همه وان.
پشتى نیڤرو من چێروك و نڤسینێن فه‌ره‌نسى دخواندن و خوه دویرى ژ خواندنا فه‌رهه‌نگان بكه و بزاڤێ بكه خوه تێبگه‌هینه و نڤیسین و چێروكێن ب زه‌حمه‌ت ژى ب هه‌لبژێره.
شه‌ڤان ژى ب كێمى په‌ره‌ك ب فه‌ره‌نسى ل بارا كارێن خوه‌یێن رۆژانه من دنڤیسین و هه‌ڤالێ من ژى شاشیێن من راستڤه‌دكرن
پشتى 17 رۆژان من ئه‌و گوند بجه هێلا و چومه پاریس ، و ل وێرێ من كچه‌ك نیاسى و پێكڤه ئاخفتین و پشتى چه‌ند خوله‌كه‌كان وێ پرسیار ژ من كر كا ئه‌ڤه چه‌نده ئه‌ز ل فه‌ره‌نسامه ؟ من ژى گوتێ ئه‌ڤه بتنێ 17 رۆژه . و نك وێ ئه‌ڤ یه‌ك تشته‌كى َزورێ حێبه‌تى بو و گوته من ئه‌و فه‌ره‌نسا ئه‌ز ژ ته دزانم یا كه‌سه‌كێ یه هه‌ر ب كێمى دڤیابا ساله‌كێ ل وێرى َمابایه.
ئه‌گه‌ر ته بڤێت فێرى زمانه‌كێ بى بزاڤێ بكه هه‌موو هوركاریێن ژیانا خوه بكه‌یه زمانێ وان وه‌كو فلم و به‌رنام و ئه‌نترنێت و ستران و نڤیسین و خوێندن و پێدڤى یه ئه‌ڤ یه‌ك هه‌موو ب وى زمانى بن.
ئه‌ڤرۆ نیوز:
یه‌كگرتووى ئیسلامى كوردستان رۆژا گرێدا كۆنگرێ خوه یێ حه‌فتێ ده‌ستنیشانكر و ل دووڤ ژێده‌رێن ده‌نگوباسان سه‌لاحه‌دین به‌هائه‌دین ئه‌میندارێ به‌رێ دێ جاره‌كا دى خوه به‌ربژێر كه‌ت.
غازى سه‌عید ئه‌ندامێ سه‌كردایه‌تیا یه‌كگرتوو بۆ رووداو دیاركر رۆژا 26/5 دێ كۆنگرێ حه‌فتێ یێ یه‌كگرتوو هێته گرێدان.
یه‌كگرتوو ل 6/2/1994 هاتیه دامه‌زراندن، تاوه‌كو نوكه شه‌ش كۆنگره گرێداینه و ل كۆنگرێ شه‌شێ، سه‌لاحه‌دین به‌هائه‌دین ل سه‌ر خواستا خوه، خوه‌ڤه‌كێشابوو.
نيشاندان