ئه‌ڤرۆ نيوز:
ئۆپه‌راسيۆنێن رزگاركرنا باژێرێ ره‌ققه يا سوريا يا به‌رده‌وامه، هێزێن سوريا ديموكرات ب هه‌ڤكارى ل گه‌ل شيره‌تكارێن ئه‌مريكى و پشته‌ڤانيا فرۆكێن هه‌ڤپه‌يمانان هه‌تا نوكه شياينه شه‌ش گۆندان ل بن ده‌ستێ داعش ده‌ربينن، ب گۆره‌ى گۆتنێن به‌رپرسێن هێزێ، سوريا ديموكرات د وان شه‌ران دا ب ده‌هان چه‌كدارێن داعش هاتينه كوشتن.
ئه‌ڤرۆ نيوز:
چه‌ند ژێده‌ره‌كێن كوردستانى راگه‌هانديه كو ئيران دێ ژ ده‌سپێكا ڤێ هه‌يڤێ ده‌ست ب دروستكرنا مه‌زنترين بنگه‌هێ مووچه‌كى كه‌ت ل پارێزگه‌ها سلێمانيێ.
رۆژناما “الشرق الاوسط” ژ زارێ ژێده‌ره‌كێ كوردستانى به‌لاڤكريه: “ژماره‌ك ژ ئه‌فسه‌رێن سوپايێ پاسدارێن ئيرانێ رۆژانه سه‌ره‌دانا بنگه‌ى دكه‌ن بۆ چاڤدێريكرنا پێنگاڤێن ئه‌نجامدانا پرۆژه‌ى”.
ب گۆره‌ى هه‌مان ژێده‌ر كو رۆژنامێ ناڤێ وى ئاشكه‌را نه‌كريه: “سۆپايێ پاسكدارێن ئيرانێ ده‌ست ب ته‌مامكرنا تۆنێله‌كێ كريه كو هێزێن ئيرانى ل سه‌ر ده‌مێ شه‌رێ ئيران و عيراقێ ل سالێن 80يان ل سه‌دێ بۆرى ل وێ ده‌ڤه‌رێ د ناڤبه‌را هه‌ردو وه‌لاتان دا ده‌ست ب دروستكرنا وێ كربوو.
ئه‌ڤ ژێده‌ره دبێژيت ژى: “ئامانج ژ وێ تۆنێلێ ڤه‌گوهاستنا له‌شكر و چه‌كى بۆ ئه‌وى بنگه‌هێ له‌شكرى يێ ئيران بزاڤا دروستكرنا وى دده‌ت”.
ئه‌ڤرۆ نيوز:
ئه‌ڤرۆ ل ده‌مژمێر 10:00 كۆنگرێ حه‌فتێ يێ ئێكگرتوو ئيسلامى كوردستان ده‌سپێكر و بڕياره ئه‌مينداره‌ك بۆ ئێكگرتوو بهێته هه‌لبژارتن.
ئه‌ڤرۆ رۆژا شه‌مبى رێكه‌فتى 28ى گۆلانا 2016ێ و ل ده‌مژمێر 10:00ى سپێدێ ل هۆلا سه‌عد عه‌بدولا ل هه‌ولێر كۆنگرێ ئێكگرتوو ئيسلامى كوردستان ده‌سپێكر و بڕياره بۆ دو رۆژان يێ به‌رده‌وام بيت.
ب گۆره‌ى به‌رنامێ كارى يێ رۆژا ئێكێ ژ كۆنگره‌ى ل دانێ سپێدێ دێ ئه‌ميندارێ گشتيێ يێ ئێكگرتوو هێته هه‌لبژارتن و ل دانێ ئێڤارى ژى ئه‌ندامێن مه‌كته‌با سياسى يا ئێكگرتوو هێنه هه‌لبژارتن.
ئه‌ڤرۆ نيوز:
ئه‌ڤرۆ ل ده‌مژمێر 10:00 كۆنگرێ حه‌فتێ يێ ئێكگرتوو ئيسلامى كوردستان ده‌سپێكر و بڕياره ئه‌مينداره‌ك بۆ ئێكگرتوو بهێته هه‌لبژارتن.
ئه‌ڤرۆ رۆژا شه‌مبى رێكه‌فتى 28ى گۆلانا 2016ێ و ل ده‌مژمێر 10:00ى سپێدێ ل هۆلا سه‌عد عه‌بدولا ل هه‌ولێر كۆنگرێ ئێكگرتوو ئيسلامى كوردستان ده‌سپێكر و بڕياره بۆ دو رۆژان يێ به‌رده‌وام بيت.
ب گۆره‌ى به‌رنامێ كارى يێ رۆژا ئێكێ ژ كۆنگره‌ى ل دانێ سپێدێ دێ ئه‌ميندارێ گشتيێ يێ ئێكگرتوو هێته هه‌لبژارتن و ل دانێ ئێڤارى ژى ئه‌ندامێن مه‌كته‌با سياسى يا ئێكگرتوو هێنه هه‌لبژارتن.
ئەڤرۆ نیوز،زنار تۆڤی:
د لوتکەیا کومبونا سەرکردێن وەلاتێن G7 یێن جیهانی دا،بەحسێ بارودۆخێ دارایی یێ هەرێما کوردستانێ هاتیەکرن و وان بریاردایە کو هاریکاریێن دارایی پێشکێشی هەرێما کوردستانێ بکەن و دیارکریە پێدڤیە هاریکاریێن دارایی بگەهنە هەرێما کوردستانێ،چونکی د رەوشەکا خرابدایە. هەروەسا سەرکردێن لوتکەیا G7 دایەدیارکرن کو ئەو دێ 3 ملیار و 6 ملیۆن دۆلاران دەنە عێراقێ و هەرێما کوردستانێ و کو پشکەکا باش ژ وان پارەیان دێ دەنە هەرێما کوردستانێ.
ئه‌ڤرو نیوز،بارزان مزوورى
سردار یحیى عبدالعزیز،قائێمقامێ قه‌زا شێخان بو مالپه‌رێ ئه‌ڤرو نیوز ئاشكرا كر كو ئه‌ڤرو سپێدێ 26گولانێ2016 تیمێن چاڤدێرى كرن و دیفچوونا ل سه‌ر پانزینخانێن سنورێ پارێزگه‌ها دهوك تایبه‌ت وان پانزینخانێن دكه‌ڤنه سه‌ر رێیا نیڤده‌وله‌تى ئه‌وێن دكه‌ڤنه پارێزگه‌ها دهوك ژبو به‌رژوه‌ندیا گشتى یا وه‌لاتیان ب شێوه‌یه‌كێ گشتى كار ب وێ چه‌ندێ دكه‌ن ژبو پشكنین كرنا كوالیتا پانزینێ و پشتى ڤێ تیمێ پشكنین ل سه‌ر جه‌ند پانزینخانا كرى دوو پانزینخانه ل قه‌زا شێخان ل سه‌ر رێیا سه‌ره‌كى نێزیك چار ریانا شێخان بو ماوێ 5 روژا هاتن داخستن .
ئه‌ڤرو نیوز ،بارزان مزوورى
به‌رپرسێ راگه‌هاندنا به‌ره‌ڤانیا باژێرێ ل ئاكرێ بو ئه‌ڤرو نیوز دیار كر كو شورته‌كێ كاره‌بێ دروست بو حه‌تا ئاگر گه‌هشتیه بوریا پلاستیكى یا گازێ
راید فیراس یاسین،به‌رپرسێ راگه‌هاندنا به‌ره‌ڤانیا باژێرێ ل ئاكرێ بو ئه‌ڤرو نیوز دیار كر كو ئه‌ڤرو 26 گولانێ2016 تیمێن ئاگر ڤه‌مراندنێ یێن مه هاتنه ئاگه‌هداركرن كو رویدانه‌كا ئاگر تێبه‌ربونێ دروست بویه ل ئاكرێ تیمێن بنگه‌هێ ئاگر ڤه‌مراندنێ یێ بنگه‌هێ گولان و بنگه‌هێ ئاكرێ و بنگه‌هێ رێڤه‌به‌ریا مه و بنگه‌هێ گرده‌سێن گه‌هشتنه جهێ رویدانێ د ماوه‌یه‌كێ كێم دا ئاگر هاته كونترول كرنب ێكو زیانێن گیانى دروست بن بتنێ دوو كارمه‌ندێن مه دگه‌ل كارمه‌نده‌كێ چالاكى مه‌ده‌نى ب سڤكى بریندار بون،
ناڤبرى لدور ئه‌گه‌رێن رویدانێ دیار كر كو شورته‌كێ كاره‌بێ دروست بو حه‌تا ئاگر گه‌هشتیه بوریا پلاستیكى یا گازێ دبیته ئه‌گه‌رێ سوتنا ژماره‌كا دوكانێن وه‌لاتیان ل ئاكرێ زیانێن ب خودان دوكانا كه‌فتینه .
ئه‌ڤرۆ نيوز:
وه‌لاتێ هنگاريا راگه‌هاند كو د داهاتيه‌كێ نێزيك دا ئه‌و دێ چه‌كى بۆ هێزێن پێشمه‌رگێ كوردستانێ ره‌وانه كه‌ن و ژمارا راهێنه‌رێن خوه يێن له‌شكرى ژى ل كوردستانێ كه‌نه 150 راهێنه‌ر.
ئه‌ڤ گۆتنه يێن “چابا فيزيكينى” قونسلێ گشتيێ وه‌لاتێ هنگاريا ل هه‌رێما كوردستانێ بوون د وێ ديدارا ل گه‌ل هێمن هه‌ورامى به‌رپرسێ په‌يوه‌نديێن ژ ده‌رڤه يێ پارتى ديموكراتى كوردستان هاتيه ئه‌نجام دان.
هه‌ر د ڤێ ديدارێ دا، قونسلێ هنگاريا پشته‌ڤانيا وه‌لاتێ خوه ژى بۆ حوكمه‌ت و گه‌لێ كوردستانێ دياركر و دازانين كو نوكه جيهان ب چاڤه‌كێ مه‌زن ته‌ماشه‌ى قاره‌مانيا پێشمه‌رگێ كوردستانێ دكه‌ت.
نه‌ڤه‌شارت ژى كو ئه‌وان ب رێيا وه‌زيرێ خوه يێ ژ ده‌رڤه داخواز ژ ئێكه‌تيا ئورۆپا كريه كو هاريكاريێن داراى پێشكێشى هه‌رێما كوردستانێ بهێنه كرن ژ به‌ر كو نوكه ل هه‌رێما كوردستانێ مليۆنه‌ك و 800 هزار ئاواره هه‌نه، “كا چاوان هاريكاريا وه‌لاتيێن دى يێن ئاواره و كۆچبه‌ر هه‌ين دهێته كرن”.
ژ لايێ خوه ڤه هێمن هه‌ورامى ژى سۆپاسيا هه‌لويستێ حوكمه‌تا هه‌نگاريا كر و ئه‌و په‌يوه‌نديا د ناڤبه‌را هه‌ردو لايان دا هه‌ى و چاوانيا پێشڤه‌چوونا وێ و خواست كو ئه‌ڤ په‌يوه‌نديه د داهاتى دا گه‌له‌ك باشتر لێ بهێن و پتر پێشكه‌فتنێ ب خوه ڤه ببينن.
ئه‌ڤرۆ نيوز، بارزان مزوورى:
ل سه‌ر جادا به‌رده‌ره‌ش بۆ كه‌له‌ك د روودانه‌كا هاتنوچوونێ دا پێنج كه‌شان ژ ئێك خێزان گيانێ خوه ژ ده‌ست و د روودانه‌كا دى ل سێريانا خه‌نس حه‌فت كه‌س بريندار بوون كو هه‌موو يێن ئێك خێزان بوون.
دوهى رۆژا پێنجشه‌مبى و ل ده‌مژمێر 4:00ى سپێدێ ل سه‌ر رێيا د ناڤبه‌را قه‌زا به‌رده‌ره‌ش بۆ كه‌له‌ك و ل نێزيك گۆندێ گه‌ويلان د روودانه‌كا هاتنوچوونێ دا دو ترۆمبێلان لێكدا و پێنج كه‌سان گيانێ خوه ژ ده‌ست دا.
ئه‌ڤرۆ رۆژا پێنجشه‌مبى ل سێريانا خه‌نس و د روودانه‌كا هاتنوچوونێ دا كو 7 وه‌لاتيێن ئێك خێزان د ترۆمبێله‌كا پيكئاپ دا بريندار بوون و بۆ نه‌خۆشخانێ هاتنه ره‌وانه‌كرن.
وێنێن روودانا به‌رده‌ره‌ش
وێنێن روودانا سێريانا خه‌نس
نيشاندان