ئه‌ڤرۆ نيوز:
برياره پشتى چه‌نده‌كا دى ناڤێ حه‌جيێن دێ قه‌ستا مه‌ككه‌هێ كه‌ن بهێنه ئاشكراكرن و ب رێيا ڤى لينكى هوون دشێن ناڤێن خوه ببينن
ناڤێ حه‌جيێن هه‌رێمێ د ئه‌ڤرۆ نيوز دا بخوينه
نووترين نووچه
- سەرۆك بارزانی پێشوازی ل سەرۆككۆمارێ ئیراقێ كر
- سەرۆك بارزانی و سەرۆكێ هوداپار: هەماهەنگییا ئالییان یا گرنگە ژ پێخەمەت سەرئێخستنا پرۆسەیا ئاشتیێ ل توركیا
- سەرۆك بارزانی و هادی عامری چارەسەركرنا كێشەیێن هەولێرێ و بەغدایێ گەنگەشەكرن
- نێچیرڤان بارزانی دوپاتی ل سەر پێدڤییا بەردەوامییا هەماهەنگیێ د ناڤبەرا هەولێرێ و بەغدایێ دا كر
- نێچیرڤان بارزانی دوپاتیێ ل هەماهەنگیێ ل گەل هێزێن نیشتمانی ل ئیراقێ دكەت
- سەرۆكێ هەرێما كوردستانێ: سیستەمێ بڕێڤەبرنا ئیراقێ فیدرالی نینە
- سەرۆك بارزانی و بالیۆزێ ژاپۆنێ دوپاتی ل پێشڤەبرنا پەیوەندیێن د ناڤبەرا هەرێمێ و ژاپۆنێ دا كر
- نێچیرڤان بارزانی: هەرێما كوردستانێ دخوازیت پەیوەندیێن خوە ل گەل ژاپۆنێ پێشڤە ببەت
- ئەندامەكێ كۆمیتەیا ناڤەندییا پارتی: پارتی و ئێكەتی ل سەر پترییا تەوەرێن پێكئینانا حوكمەتێ یێن رێككەفتین
- فازل نەبی: پشتی راگەهاندنا ئەنجامێ سەرژمێریێ پێدڤییە پشكا كوردستانێ ژ بودجەی بهێتە زێدەكرن
سهرهكى نوچێن گرنگ
په‌رله‌مان دێ كۆمبیت و ناهێلن سه‌لیم جبوری بچیته په‌رله‌مانی
ئه‌ڤرۆ نیۆز، قائید میرۆ
په‌رله‌مانتاره‌كێ كورد لبه‌غدا ئاشكراكر، په‌رله‌مانتارێن مانگگرتی رژدن لسه‌ر ئه‌نجامدانا كۆمبوونا په‌رله‌مانی و ناهێلن سه‌لیم جبوری بچیته په‌رله‌مانی.
سه‌رحان سلێڤانه‌یی، په‌رله‌مانتارێ كورد لبه‌غه‌دا ب ئه‌ڤرۆ نیۆز راگه‌هاند” ئه‌ڤرۆ پتری سه‌د په‌رله‌مانتارێن نه‌ڕازی د گه‌هشتینه هۆلا په‌رله‌مانێ عێراقێ و رژدن لسه‌ر گرێدانا كۆمبوونێ و هه‌لبژارتنا ده‌سته‌یه‌كا نوو بۆ په‌رله‌مانێ عێراقێ، رێكێ ژی ناده‌ن سه‌لیم جبوری سه‌رۆكێ په‌رله‌مانی بچیته ناڤا په‌رله‌مانی.
سلێڤانه‌یی گۆتژی” ئه‌م كورد تنێ رۆلێ ته‌ماشاكرنێ دبینین و ئه‌م پشكه‌ك نینه لڤان ئالۆزیێن په‌رله‌مانێ عێراقێ ڤه‌گرتی، تنێ سێ په‌رله‌مانتارێن چووینه رێزا په‌رله‌مانتارێن نه‌ڕازی و دێ پشكداری كۆمبوونا په‌رله‌مانی یا كۆتلا نه‌ڕازی كه‌ن.
ئەڤرۆ هەردو مەکتەبێن سیاسی یێن پارتی و ئێکەتیێ دێ کومبن
ئەڤرۆ نیوز،زنار تۆڤی:
بریارە ئەڤرۆ رۆژا شەمبی 16 نیسانا 2016 هەردو مەکتەبێن سیاسی یا پارتی دیمۆکراتی کوردستان و ئێکەتیا نیشتیمانیا کوردستانێ ل هەولێرێ کومبن،سەعدی ئەحمەد پیرە ئەندامێ مەکتەبا سیاسیا ئێکەتیا نیشتیمانی راگەهاند،ئەڤرۆ رۆژا شەمبیێ هەردو مەکتەبێن سیاسی یێن پارتی و ئێکەتیێ دێ ل هەولێرێ کومبن،ئەڤ کومبوونە دێ یا تایبەت بیت ب گفتوگۆکرنێ ل سەر رەوشا سیاسیا عێراقێ و دوماهی هەلویستێ کوردان ل بەغدا،هەروەسا ئەڤ کومبوونە بەری نیڤرۆ دێ هێتە ئەنجامدان.
كه‌سه‌كى جانێ خوه ژ ده‌ست دا
ئه‌ڤرۆنیوز,ره‌زوان رۆژبه‌یانى
د ڕوودانه‌كا هاتن و چوونێ دا ل سنورێ قه‌زا به‌رده‌ره‌ش كه‌سه‌كى جانى َخوه ژ ده‌ست دا.
كۆمیسه‌ر”حازم موحه‌مه‌د” ژ راگه‌هاندنا هاتن و چوونا قه‌زا به‌رده‌ره‌ش بۆ ئه‌ڤرنیوز خویاكر كوئه‌ڤرۆ ده‌مژمێر (11:30)سپێدى د روودانه‌كا هاتن و چوونێ ل سه‌ر رێیا گشتى یا ناڤبه‌را قه‌زا به‌رده‌ره‌ش و ناحیا “كه‌له‌ك” ل نزیك گوندێ”گرده‌پان” دناڤبه‌را دوو ترومبێلان ژجۆرێ “ترێله مارسیدس توركى”و”كه‌یا2ته‌ن عراقى” هاتیه روودان و دئه‌نجام دا شوفیرێ كه‌یا 2ته‌ن گیانێ خوه ژ ده‌ست دا.
په‌ياما سه‌رۆك بارزانى ب هه‌لكه‌فتا سالڤه‌گه‌را ئه‌نفالان
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ ب هه‌لكه‌فتا سالڤه‌گه‌را ئه‌نفالان، په‌يامه‌ك به‌لاڤكريه و راگه‌هانديه، جهێ داخێ يه كو هێشتا ل به‌غدا كه‌سانه‌ك يێن هه‌ين كو هه‌لگرێن هه‌مان بير و باوه‌رێن ئه‌نفالچيانن و ئه‌گه‌ر ژ ده‌ستێ وان بهێت دێ هه‌مان سياسه‌تا تاوانان كه‌ن.
بارزانى به‌حسێ وێنه‌كێ دكه‌ت كو ل ده‌مێ يادا ئه‌نفالان دا هاتيه گرتن و روفاتێ شه‌هيده‌كێ ئه‌نفالان ل سه‌ر ملێ وى يه، دبێژيت: من نه‌دزانى ناڤێ وى شه‌هيدى چيه، زه‌لامه يان ژنه، زارۆيه يان پيره، به‌لێ من زانى كو شه‌هيده‌كێ مه‌زلوومه، بێ تاوانه، ب تنێ گونه‌ها وى ئه‌و بوويه كو كورد بوويه.
ڤلادیمێر پۆتین:کورد گەلەکێ ئازانه
ئەڤرۆ نیوز،زنار تۆڤی:
سەرۆکێ رووسیا ڤلادیمێر پۆتین ل موسکۆیا پایتەختێ رووسیا د پرێس کۆنفرانسەکی دا دەربارەی کوردان دا دیارکر،کو کورد مللەتەکێ ئازا و وێرەک و چاڤنەترسن و شیاینە ئاخا خۆ بپارێزن،هەروەسا نوکە د شەرێ دگەل داعش دا مە جۆرەکێ هەما هەنگی یێ دگەل کوردان دا هەی.
ناڤهاتی گۆت ژی:د شەرێ دژی چەکدارێن داعش دا کورد شیاینە خۆ نێزیکی ئەمریکا بکەن و هەڤپەیمانن دگەل دا.
سه‌رۆكه‌كێ ده‌مكى بۆ په‌رله‌مانێ عيراقێ هاته دياركرن
ئه‌ڤرۆ نيوز:
ئه‌ڤرۆ پشتى كو په‌رله‌مانتارێن مانگرتى به‌رهه‌ڤى كومبوونا روونشتنا په‌رله‌مانى بوون كو ژمارا وان 171 ئه‌ندام بوون، عه‌دنان جه‌نابى وه‌ك سه‌رۆكێ نوو يێ په‌رله‌مانى دياركر.
په‌رله‌مانتاران باوه‌رى ژ ده‌سته‌يا سه‌رۆكايه‌تيا په‌رله‌مانى ستاند، به‌لێ ژ ئاليىێ خوڤه نڤيسينگه‌ها سه‌ليم جبورى سه‌رۆكێ په‌رله‌مانێ عيراقێ راگه‌هاند كو روونشتنا وان په‌رله‌مانتاران نه يا دستوورى بوو و رێژا قانونى تمام نه‌كريه.
بۆ ده‌نگدان ب كابينا عه‌بادى كوردان خوه ئێكلاكر
ئه‌ڤرۆ نيوز:
سه‌رۆكێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ گۆت: “د وێ ليستا دووماهيێ يا عه‌بادى پێشكێشكرى دا 14 ناڤان ب خوه ڤه دگريت كێشه ل سه‌ر وان 14 ناڤان هه‌يه، كو كانديدن بۆ پۆستێن وه‌زاره‌تان، نه‌ك ل سه‌ر وه‌زيرێن كورد هه‌يه، مه وه‌كو كورد چو كێشه نينن، هه‌كه عه‌بادى ئه‌ڤرۆ بهێته جڤاتا نوونه‌ران ئه‌م هه‌موو دێ ده‌نگ ب ليستا 14 كه‌سى ده‌ين”.
رێنمايێن نوو بۆ دانا سۆپاس و پێزانينان بۆ فه‌رمانبه‌ران ده‌ركه‌فتن
ئه‌ڤرۆ نيوز:
وه‌زاره‌تا داراى و ئابوورى ل حوكمه‌تا هه‌رێما كوردستانێ رێنمايێن نوو بۆ دانا سۆپاس و پێزانينان بۆ هه‌موو وه‌زاره‌ت و فه‌رمانگه‌هێن نه سه‌ر ب وه‌زاره‌تان ڤه ده‌ركرن.
ب گۆره‌ى رێنمايا داراى يا ژماره 18 ل رێكه‌فتى 13ى نيسانا 2016ێ و پشت به‌ستن ژ برگا 1 يا مادێ 21 ژ قانوونا زه‌فتكرنا فه‌رمانبه‌رێن ده‌وله‌تێ “قانوون انظباط موطفي الدولة” كو يا تايبه‌ته ب دانا سۆپاس و پێزانينان ئه‌ڤ رێنمايه ده‌ركرينه.
عه‌بادى جڤاتا نوونه‌ران سه‌رپشككر كا ده‌نگى ب ليستا ئێكێ يان يا دويێ بده‌ن
ئه‌ڤرۆ نيوز:
حه‌يده‌ر عه‌بادى سه‌رۆك وه‌زيرێن عيراقێ د كۆمبوونا دوهى دا ل گه‌ل سه‌رۆك فراكسيۆنێن ناڤا جڤاتا نوونه‌رێن عيراقێ راگه‌هاند كو جڤات يا سه‌ر پشكه ليستا ئێكێ يان يا دويێ يا ناڤان هه‌لبژێريت و ده‌نگى ژ بوو بده‌ت.
موسه‌نا ئه‌مين، سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ ئه‌ڤ چه‌نده بۆ خه‌ندان دووپاتكر و گۆت: “بڕياره ژى ئه‌ڤ حه‌يده عه‌بادى بۆ ئه‌نجامدانا دووماهى گورانكارى د كابينێ دا ئاماده‌ى روونشتنا جڤاتا نوونه‌ران بيت”.
زێده‌تر گۆت: “هه‌ر ئه‌ڤرۆ بڕياره جڤاتا نوونه‌رێن عيراقێ ده‌نگى ل سه‌ر كابينا نوو يا پێشنيازكرى يا حه‌يده‌ر عه‌بادى بده‌ت”.
سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ ئاماژه ب وێ چه‌ندێ ژى كر كو هێشتا عه‌بادى بڕيار نه‌دايه ئاماده‌ى كۆمبوونا جڤاتێ ببيت و گۆت: “عه‌بادى يێ ژ به‌رپرساتيێ د ره‌ڤيت و خواستيه كو ئاماده‌ى كۆمبوونێ نه‌بيت، هه‌لبژارتنا ليستێ ژى پێدڤى بوو وى هه‌لبژارت با، به‌لێ كره به‌رپرساتيا جڤاتا نوونه‌ران”.
شه‌مبيا بۆرى حه‌يده‌ر عه‌بادى پشتى رێكه‌فتنێ ل گه‌ل لايه‌نێن سياسى ليستا دويێ يا ناڤێن كانديدان پێشكێشى سه‌رۆكاتيا جڤاتا نوونه‌ران كر ب مه‌ره‌ما ده‌نگدانێ ل سه‌ر و دانا باوه‌ريێ، ئه‌ڤه د ده‌مه‌كى دايه كو ل دووماهيا هه‌يڤا ئادارێ ژى ليسته‌كا دى پێشكێشى سه‌رۆكاتيا جڤاتا نوونه‌ران كربوو.
د كۆمبوونا دوهى يا جڤاتا نوونه‌ران دا كێشه و ئالوزى دروست بوون و 170 نوونه‌ران راگه‌هاند كو ئه‌و ده‌نگى ب ليستا دويێ يا عه‌بادى ناده‌ن ب به‌هانه‌يا وێ چه‌ندێ كو ئه‌و كانديدێن ليستێن سياسى نه و نه‌يا ته‌كنوكراته و داخوازا ده‌ست ژ كاركێشانا هه‌رسێ سه‌رۆكاتيێن عيراقێ “جڤاتا نوونه‌ران، جڤاتا وه‌زيران، سه‌رۆك كۆمار” كر.
هێشتا ليستێن كوردى ژى هه‌لويستێ خوه رانه‌گه‌هانديه كا ئايا ئه‌و ل گه‌ل كيش ليستا ناڤێن كانديدانه و ئايا دێ ده‌نگى پێ ده‌ن يان نه، به‌لێ موسه‌نا ئه‌مين يێ سه‌رۆكێ فراكسيۆنا ئێكگرتوو ئيسلامى كوردستان ل جڤاتا نوونه‌رێن عيراقێ دبێژيت: “ئه‌م ل گه‌ل هه‌ردو ليستان نينين چه‌نكو لايه‌نێن سياسى يێن كوردستانى د ناڤ دا نينن، به‌لێ يا دويێ پتر يا مه‌بده‌ئى يه”.
نيشاندان
WP Facebook Auto Publish Powered By : XYZScripts.com