ئه‌ڤرۆ نیوز:
محه‌مه‌د ئاگیف، قۆنسلێ گشتى یێ توركیا ل هه‌رێما كوردستانێ ده‌رباره‌ى دانا ڤیزێ بۆ وه‌لاتیێن هه‌رێما كوردستانێ دیار دكه‌ت كو نوكه جاره‌كا دى ئه‌و یێ كار ل سه‌ر ئه‌لكترۆنیكرنا دانا ڤیزێ بۆ وه‌لاتیێن هه‌رێما دكه‌ن و گۆت” دڤێت سیسته‌مه‌كێ نوو یێ دانا ڤیزێ بۆ نه‌خۆش و بازرگانێن هه‌رێما كوردستانێ بدانن و ئاسانكاریان بۆ بكه‌ن”.
ئه‌ڤرۆ نیوز:
سه‌رۆك بارزانى ل سه‌لاحه‌دین پێشوازیا جون كوبیس نوونه‌رێ تایبه‌تێ سكرتێرێ گشتى یێ نه‌ته‌وێن یه‌كگرتى ل عیراقێ كر، د دیداره‌كێ دا هه‌ردو ئالیان به‌حسێ په‌یوه‌ندیێن هه‌رێم و به‌غدا كرن و سه‌رۆك بارزانى رژدى ل سه‌ر وێ یه‌كێ كر كو د هه‌ر ره‌وشه‌كێ دا، هه‌رێما كوردستانێ د شه‌رێ ل گه‌ل تیرورستێن داعش، یا به‌رهه‌ڤه ب هه‌موو جوره هه‌ماهه‌نگیه‌كێ ل گه‌ل حوكمه‌تا به‌غدا.
هه‌روه‌سا هه‌ردو ئالیان ره‌وشا سیاسى و ئێمناهیێ و دووماهى گوهۆرین و پێشهاتێن عیراقێ و روودانێن جڤاتا نوونه‌رێن عیراقێ شروڤه‌كرن، هه‌روه‌سا به‌حسێ ئه‌گه‌ر و رێێن به‌رده‌وامبوونا پروسا سیاسى كرن.
ئەڤرۆ نیوز،زنار تۆڤی:
ئەڤرۆ رۆژا شەمبی 7 گۆلانا 2016 جارەکادی تۆپخانەیا سۆپایێ تورکی ب مەرەما هەبوونا چەکدارێن پەکەکێ چەندین جه ل نێزیکی گوندێن دێشێشێ و ئۆرە و تەبالا ل دەڤەرا بەرواری بالا بۆ ماوەیەکێ درێژ بوردۆمانکرن و نوکەژی تۆپباران یا بەردەوامە،دهەمان دەمدا ئەڤە چەند رۆژەکە ل سەر ئێک دەڤەرابەرواری بالا ژلایێ تۆپخانەیا سۆپایێ تورکی دهێتە تۆپبارانکرن
ئه‌ڤرۆ نيوز:
ل دووڤ وان پێزانينێن هاتينه به‌لاڤكرن د كومبوونا وه‌زاره‌تا په‌روه‌ردێ دا ب پرانيا ده‌نگان، بريار هاتيه دان ل سه‌ر وێ يه‌كێ كو تاقيكرنێن ئه‌ڤ ساله يێن پولا 12 داخلكرنا گشتى نه‌بيت.
هه‌ر ل دووڤ پێزانينان ئه‌گه‌ر قوتابيێ پولا 12، ژ سێ وانان زێده‌تر كه‌فتبيت، نه‌شێت پشكداريێ د تاقيكرنێن گشتى يێ ويزارى دا بكه‌ت
ئەڤرۆ نیوز، زنار تۆڤی:
ب مەرەما روونکرنا ل سەر رێکەفتنا دناڤبەرا بزاڤا گۆران و ئێکەتی نیشتیمانی کوردستان، نەوشێروان مستەفا رێکخەرێ گشتی یێ بزاڤا گۆران دێ دگەل ئەندامێن مەکتەبا سیاسیا ئێکەتیێ کومبیت.
بریارە لڤان نێزیکان نەوشێروان مستەفا دگەل ھەمی ئەندامێن مەکتەبا سیاسیا ئێکەتیێ کومبیت،مەرەم ژ وێ کومبوونێ ئەوە کو رازیکرنا دلێ ھەوو ئەندامێن مەکتەبا سیاسی یە ل سەر وێ رێکەفتنێ.
ھەڤدەم د ماوێ چەند رۆژێن بوری دا نەوشێروان مستەفای بۆ بەرپرسێن گۆرانێ دا دیارکریە،کو دڤێت ئەو
رێکەفتنەکا سیاسی دگەل ئێکەتیێ ئەنجام بدەن،وان گەلەک کار ل سەر ڤێ چەندێ ژی کریە.
ھەروەسا کۆسرەت رەسول عەلی گۆتیە،ئەڤ رێکەفتنە دێ بیتە بنەما بۆ گۆران و ئێکەتیێ،ھیڤی خواستیە کۆ دۆخێ ھەرێمێ بەرەف باشیێ ڤە بچیت.
ئه‌ڤرۆ نيوز:
پشتى ئالۆزيێن عيراقێ ئه‌مريكا هێزه‌كا تايبه‌ت يا مارينز ره‌وانه‌ى بالوێزخانا خوه ل به‌غدا كر بۆ زێده‌تر پاراستنا بالوێزخانێ ژ ئه‌گه‌رێ هه‌ر هێرشه‌كێ بۆ سه‌ر بالوێزخانێ و كارمه‌ند و ئه‌ندام و ديبۆماتكارێن وێ.
تۆڕا سى ئێن ئێن يا ئه‌مريكى راگه‌هاند: ئه‌مريكا 25 له‌شكرێن خوه يێ مارينز ره‌وانه‌ى به‌غدايا پايته‌ختێ عيراقێ كرينه ژ بوو پاراستنا بالوێزخانا ئه‌مريكى ژ هه‌ر هێرشه‌كا نه‌خواستى.
دايه زانين ژى كو پشتى ئه‌و ئالوزيێن ل به‌غدا چێبووين و هێرشا پشته‌ڤانێن سه‌درى بۆ سه‌ر جڤاتا نوونه‌ران به‌رده‌وام بالوێزخانا ئه‌مريكى ل عيراقێ د ئاماده‌باشيێ دايه ژ ترسا هه‌ر هێرشه‌كا نه‌خواستى دا.
ئه‌ڤرۆ نيوز:
سه‌رۆكێ جڤاتا نوونه‌رێن عيراقێ دێ سه‌ره‌دانا باژێرێ هه‌ولێرێ كه‌ت و ل گه‌ل سه‌رۆكێ هه‌رێما كوردستانێ و به‌رپرسێن پله بلندێن هه‌رێمێ كۆم بيت.
محه‌مه‌د كه‌ربۆلى، ئه‌ندامێ ئێكه‌تيا هێزێن عيراقى ل جڤاتا نوونه‌رێن عيراقێ راگه‌هاند: رۆژا شه‌مبى 7ى گۆلانا 2016ێ سه‌ليم جبۆرى سه‌رۆكێ جڤاتا نوونه‌رێن عيراقێ ب مه‌ره‌ما پشت راستكرنا كوردان د پرۆسا سياسى يا عيراقێ دا دێ سه‌ره‌دانا هه‌رێما كوردستانێ كه‌ت و ل گه‌ل مه‌سعود بارزانى سه‌رۆكێ هه‌رێما كوردستانێ كۆم بيت.
ل دووڤ گۆتنا كه‌ربۆلى، سه‌ليم جبۆرى دێ بزاڤا روونشتنه‌كا گشتگير ب پشكداريا هه‌موو نوونه‌رێن عيراقێ كه‌ت ب مه‌ره‌ما ده‌رچوونێ ژ ڤێ ئالوزيا سياسى يا عيراقێ كه‌فتيه ناڤ.
ئه‌ڤرۆ نيوز:
به‌ختيار شاويس، ئه‌ندامێ جڤاتا نوونه‌رێن عيراقێ بۆ رووداو گۆت: “ئارام شێخ محه‌مه‌د جێگرێ سه‌رۆكێ جڤاتا نوونه‌رێن عيراقێ ل سه‌ر ڤه‌گوهاستنا فه‌وجا زێره‌ڤانێن جڤاتا نوونه‌رێن عيراقێ ل گه‌ل هه‌ر ئێك ژ حه‌يده‌ر عه‌بادى، سه‌رۆك وه‌زيران و خالد عوبێدى، وه‌زيرێ به‌ره‌ڤانيا عيراقێ ئاخفتيه”.
ئه‌ڤى ئه‌ندامێ جڤاتا نوونه‌رێن عيراقێ زێده‌تر گۆت: “پشتى ئه‌وێ په‌يوه‌نديێ سه‌رۆك وه‌زيرێن عيراقێ، بڕيارا ڤه‌گوهاستنا ئه‌وێ فه‌وجا كوردى راگرتيه”.
بۆ پێزانينێن زێده‌تر: حه‌يدر عه‌بادى ليوا ناڤا په‌رله‌مانێ عيراقێ دوورخست و ئێكا عه‌ره‌ب ل جهێ وێ دانا
نيشاندان