ئه‌ڤرۆ نیوز:
فوئاد مه‌عسوم سه‌رۆك كۆمارێ عیراقێ راگه‌هاند كو چوونا ناڤ ئاڤاهیێ جڤاتا وه‌زیران ژ ئالیێ خونیشاده‌ران ڤه ل به‌غدا خزمه‌تا خونیشاده‌ران ناكه‌ت و داخواز ژ حكومه‌تێ كر كو پێدڤیه دانوستاندن ل گه‌ل خونیشاده‌ران بهێته كرن و گۆت” ئه‌م دخوازین خونیشادان ب ئاشتیانه برێڤه بچن داكو ره‌وشا تێكنه‌چیت و گرۆپێن تیرورستى بۆ خوه ب ده‌لیڤه نه‌بینن كارێن تێكده‌ر و ته‌قینان ئه‌نجام بده‌ن”.
ئه‌ڤرۆ نيوز:
به‌هائه‌دین جه‌لال سه‌رپه‌رشتیارى رێكخراوا گه‌نجانى بوێر بۆ ئه‌ڤرۆ نيوز دیاركر كو ل سه‌رانسه‌رێ كوردستانێ وان 10 هزار ئیمزا بۆ كاراكرنا په‌رله‌مان و و خورتكرن و ڤه‌ژاندن و به‌رفره‌هكرنا لژنا دستوورێ هه‌رێما كوردستانێ خرڤه‌كرینه و گۆت” مه‌ره‌م ژ خرڤه‌كرنا ڤان ئیمزایان ئه‌وه فشاره‌كا مه‌ده‌نى ل سه‌ر لایه‌نێن سیاسى یێن هه‌رێما كوردستانێ دروست بكه‌ین كو په‌رله‌مان بهێته كاراكرن كو مه‌زنترین جهێ یاسادانایێ یه و هاتیه ژ كارئێخستن”.
به‌هائه‌دین جه‌لال ئاماژه ب وێ یه‌كێ دا كو ئه‌كتیڤ نه‌بوونا په‌رله‌مانى بوویه ئه‌گه‌ر كو حوكمه‌ت گه‌له‌ك كارێن نه‌یاسایى بكه‌ت، باشترین نموونه‌ژى ده‌ست برن بۆ پاشخستنا مووچێ فه‌رمانبه‌ران و هه‌موو پرۆژێن هه‌رێمێ راوه‌ستاندینه و گۆت” مه ل به‌ره ڤێ حه‌فتێ ڤان ئیمزایان د كۆنگره‌یه‌كێ رۆژنامه‌ڤانى دا ل هه‌ولێرێ یان هه‌له‌بجه یان سلێمانیێ رابگه‌هینین و راده‌ستى په‌رله‌مان و حكومه‌تا هه‌رێمێ بكه‌ین، دیسا راده‌ستى هه‌ر سێ مه‌كته‌بێن سیاسى یێن پارتى دیموكراتى كوردستان و ئێكه‌تیا نیشتمانیا كوردستان”.
به‌هائه‌دین جه‌لال ئاماژه ب وێ یه‌كێ كر كو ئه‌و هیڤى نه لایه‌نێن سیاسى یێن هه‌رێما كوردستانێ ل سه‌ر به‌رژه‌وه‌ندیێن خه‌لكى ئێگ بگرن.
ئه‌ڤرۆ نيوز:
سه‌رۆك بارزانى ئه‌ڤرۆ ل سه‌لاحه‌دین پێشوازیا جاكوب پرادا بالیوزێ رۆمانیا ل عیراقێ كر، د دیداره‌كێ دا سه‌رۆك بارزانى راگه‌هاند سوپاسیا گه‌ل و ده‌وله‌تا رۆمانیا كر بۆ هه‌ڤكاریكرنا كوردستانێ د شه‌رێ دژى تیرورستان دا و راگه‌هاند” راسته داعش دوژمنى هه‌موو مروڤایه‌تیێ یه و دوژمنێ هه‌ڤپشكێ مه هه‌میانه، به‌لێ د راستیدا ئه‌و پێشمه‌رگه‌یه شه‌رى دكه‌ت و خوینێ درێژیت، له‌ورا دڤێت هاریكاریكرنا پێشمه‌رگه‌ى زێده‌تر لێ بهێته كرن و بگه‌هته ئاستێ پێدڤى”.
بالیوزێ رۆمانیا ئاماژه ب وێ یه‌كێ كر كو وه‌لاتێ وى د چارچووڤێ هه‌ڤپه‌یمانیا نێڤده‌وله‌تى یا دژى داعش وه‌كو هه‌ڤپشكه‌ك دنێریته كوردستانێ و دێ یا به‌رده‌وام بیت د هه‌ڤكاریكرنا كوردستانێ د شه‌رێ دژى داعشى دا.
ئه‌ڤرۆ نيوز:
بزاڤا گۆڕان دانوستاندنێ ل سه‌ر پرسا كاراكرنا په‌رله‌مان و حوكمه‌تا هه‌رێمێ دكه‌ت و د ئه‌گه‌رێ كاراكرنا وى ژى دا ژ لايێ پارتى ديموكراتى كوردستان، گۆڕان هه‌لبژارتنا خوه ڤه‌كێشانێ ژ حوكمه‌تێ دئێخيته به‌ر سينگێ ئێكه‌تى نشتيمانى كوردستان.
ب گۆره‌ى ئه‌و پێزانينێن راديۆيا ناڤخۆ ژ زارێ ژێده‌ره‌كێ ناڤا بزاڤا گۆڕان به‌لاڤكرين، د ئه‌گه‌رێ رازينه‌بوونا پارتى ديموكراتى كوردستان دا ب كاراكرنا په‌رله‌مان و حوكمه‌تا هه‌رێمێ، بزاڤا گۆڕان هه‌لبژارتيا خوه‌ڤه‌كێشانا ئێكه‌تيێ ژ حوكمه‌تێ خستيه به‌ر سينگێ مه‌كته‌با سياسى يا ئێكه‌تيێ.
ئه‌وى ژێده‌رێ به‌حس ل وێ چه‌ندێ ژى كريه كو د ده‌مه‌كێ نێزيك دا، دێ بزاڤێن كاراكرنا په‌رله‌مان و حوكمه‌تێ ده‌ستپێكه‌ن.
قادر ره‌زگه‌ى ئه‌ندامێ په‌رله‌مانێ كوردستانێ ژى دبێژيت: “پرسا ڤه‌كێشان ژ حوكمه‌تێ دێ دووماهى هه‌لبژارتن بيت، هه‌كه پارتى هه‌موو ده‌رگه‌هان ل سه‌ر سينگێ ئێكه‌تى و گۆڕان و هه‌موو لايه‌نێن دى دا بگريت”.
زێده‌تر گۆت: “هه‌كه ئێخستنا كابينا حوكمه‌تێ بۆ مه‌ره‌ما هه‌لبژارتنێن پێشوه‌خت بيت، تشته‌كێ ئاسايى يه، به‌لێ هه‌كه ڤه‌كێشان بۆ دروستكرنا دو ئيداره‌يێ بيت، ئه‌م وه‌كو ئێكه‌تى دێ دژى وێ چه‌ندێ راوه‌ستين و ره‌تدكه‌ين”.
ئه‌ڤرۆ نيوز:
ب گۆره‌ى به‌ياننامه‌كا نڤيسينگه‌ها رۆژنامه‌ڤانى يا سه‌رۆك وه‌زيرێن عيراقێ، حه‌يده‌ر عه‌بادى، د چارچۆڤێ سه‌ره‌دانه‌كا مه‌يدانى دا، شه‌ڤا بۆرى سه‌ره‌دانا چه‌ند ده‌ڤه‌ره‌كێن باژێرێ به‌غدا دا و پاشان ل گه‌ل فه‌رماندێ هێزێن هه‌ڤپشك كۆم بوو.
عه‌بادى ته‌كست ل سه‌ر وێ چه‌ندێ كر كو بزاڤ و كارێ باش بهێته كرن د پێناڤى پاراستنا ئاسايشا گشتى و به‌رسينگگرتن ل هه‌ر كرياره‌كا تێكده‌رانه ل گه‌ل وێ چه‌ندێ بڕيار ژى دا هاتنوچوون ل سه‌ر باژێرێ به‌غدا بهێته هه‌لگرتن و رێيێن ژ ناڤ دا و ده‌رڤه بهێنه ڤه‌كرن.
ده‌رباره‌ى دووماهى ئامارێن روودانان ژى نه‌خۆشخانا ره‌سافه يا به‌غدا ئاماژه ب وێ چه‌ندێ كريه كو ئه‌و كه‌سێن ژ ئه‌گه‌رێ خوه‌نيشاندانێن دوهى بريندار بووين، ژ 500 كه‌سان بۆرينه و چه‌ند ژێده‌ره‌كێن ئاگه‌هدار ئه‌و چه‌نده ژى دايه زانين كو ژماره‌كا برينداران ژ هێزێن ئه‌منى نه.
ئه‌ڤرۆ نيوز:
پارتى ديموكراتى كوردستان دڤێت جودا دانوستاندنێ ل گه‌ل بزاڤا گۆڕان و ئێكه‌تى نشتيمانى كوردستان بكه‌ت و ئێكه‌تى ژى يا ئاماده‌يه بێ گۆڕان دانوستاندنێ ل گه‌ل پارتى بكه‌ت.
هێمن هه‌وارمى، ئه‌ندامێ سه‌ركراتيا پارتى ديموكراتى كوردستان بۆ باسنيز گۆت: “پارتى ديموكراتى كوردستان بڕيارا وێ چه‌ندێ دايه كو ب جودا ل گه‌ل بزاڤا گۆڕان و ئێكه‌تيێ كۆم بيت، نه ل گه‌ل ئه‌وێ كۆميتا به‌حس لێ دكه‌ن و پێكڤه دانوستاندنێ بكه‌ن”.
گۆتژى: “بزاڤا گۆڕان دڤێت ب رێيا ئه‌جنيدا تايبه‌ت خوه، ده‌نگو گرانيا ئێكه‌تيێ بۆ خوه ب كار بينيت، ژ به‌ر هندێ پارتى يا د وێ ياريێ گه‌هشتى”.
ب گۆره‌ى پێزانينێن باسنيوز ئێكه‌تى نشتيمانى كوردستان، ل گه‌ل بزاڤا گۆڕان د ڤێ ده‌ربارێ دا دانوستاندن كرينه، هه‌تا نوكه به‌رى سه‌ره‌دانا پارتى بكه‌ن، سه‌ره‌دانا هه‌موو لايه‌نێن كوردستانى بكه‌ن و پاشان هه‌كه پارتى ل سه‌ر وێ داخوازيا خوه به‌رده‌وام بوو، كێشا نابيت و دێ جودا ل گه‌ل پارتى كۆم بن.
د وێ ده‌ربارێ ژى دا عه‌دنانێ حه‌مه‌يێ مينا، ئه‌ندامێ سه‌ركرداتيا ئێكه‌تى نشتيمانى كوردستان بۆ باسنيوز گۆت: “ئێكه‌تى د پێناڤى فه‌رقراركرنا ئاشتيا سياسى دا ل كوردستانێ كێشه‌يا كۆمبوونێ ل گه‌ل چو لايه‌نێن سياسى دا نينه”.
ئه‌ڤرۆ نيوز:
ل گه‌ل ده‌نگوباسێ نێزيكبوونا ده‌مێ ئۆپه‌راسيۆنا گرتنا پارێزگه‌ها ره‌ققه كو پايته‌ختێ داعشه، رێگرێ ل روونشتڤانێن وى باژێرى دكه‌ت كو وێرێ چول بكه‌ن.
ب گۆره‌ى پێزانينێن ميديايێن جيهانى كو به‌رى نوكه ل دووڤ گۆتنا وه‌لاتيان ل ناڤ باژێرێ ره‌ققه پشت پێ به‌ستيه، ئاشكه‌را كريه كو چه‌كدارێن داعش رێگريێ ل خه‌لكێ ره‌ققه دكه‌ن كو ئه‌وى باژێرى چول بكه‌ن، پشتى فرۆكێن هه‌ڤپه‌يمانانێن نێڤده‌وله‌تى به‌لاڤكرى بۆ رونشتڤانێن ئه‌وى باژێرى به‌رداينه خوارێ و داخواز ژێ كرى كو باژێرى ب جهـ بهێلن، به‌رى ده‌سپێكرنا پرۆسا رزرگاركرنا وى باژێرى.
ئاژانسا سپۆتينگ يا رۆسى ژ زارده‌ڤێ فه‌رمانده‌كێ له‌شكرى يێ يه‌په‌گێ ئاشكه‌را كريه كو د چه‌ند رۆژێن داهاتى دا دێ ئۆپه‌راسيۆنا رزگاركرنا باژێرێ ره‌ققه ده‌سپێكه‌ت.
رزا نايف، رێڤه‌به‌رێ تورا پاراستنا جڤاكى ل دهوكێ ئاماژه ب رێنمايێن نوو يێن ل دۆر كێم ئه‌ندامان دكه‌ت كو ب ڤى ره‌نگى نه.
۱ـ رێنمایێن نوی ژمارە ۲ سالا ۲٠۱٦ ژ وەزارەتا کار دەرکەفتینە،ئەو کێم ئەندامێن رێژا وان دبن ٦٥٪ دا جارێ
هاتینە راگرتن.
دهەمان رێنمایی دا رێژا سودمەند بوونا کێم ئەندامێن فەرمانبەر و خودان مووچا هاتیە بلندکرن بۆ ۷٠٪ و دسەردا،رێنمایی هەڤپێچە
۲ ـ سەرجەم کێم ئەندامێن رێژا وان دسەر ٦٥٪ دا پێدڤیە دماوێ ٦٠ رۆژاندا دوبارە بچنە لێژنا پزیشکی بۆ دوبارە پشکنینێ لپەی رێنماییێن نوی،هەر کێم ئەندامەکێ دماوێ دەست نیشان کری دا نەچیتە لێژنا نوژداری دێ مووچێ وان هێتە راگرتن.
۳ـ ئەو کێم ئەندامێن فەرمانبەر یێن ۱٠٠ هزار دیناران وەردگرن جارێ مووچێ وان راگرتیە تا ئەوێن بێ مووچە دوبارە پشکنینا پزیشکی دکەنەڤ،لگۆر وان پێزانینێن مە وەرگرتین.
٤ـ بەحس هەیە ئەوێن موچێن وان راگرتی و رێژا وان دبن ٦٥٪ دا پشتی ڤێ پرۆسا ٦٠ رۆژی ئەو ژی بچنە لێژنێ.
٥ـ ئەو کێم ئەندامێن لدەرڤەی ولاتی
دژین نابیت ڤی مووچەی وەربگرن ژبەرکو لدەرڤەی ولاتی ڤان ئیمتیازاتا ژ ولاتێن جهێ ئاکنجیبونا خو وەردگرن.
٦ـ دوبارە پشکنین پشتی خەرجکرنا موچا دێ هێتە کرن و لبەرە لحەفتیا بهێت بتنێ موچێن وان خەرج ببن ئەوێن رێژا وان دسەر ٦٥٪ را.
۷ـ لدیف نڤیسارا وەزارەتا کار ژمارە ۱۷۲۸ ل ۱۷/٥/۲٠۱٦ لێژنە دێ هێنە پێکئینان بۆ هنارتنا کێم
ئەندامان بۆ لێژنا پزیشکی.
۸ـ بەخێوکەر و چەوانیا خەرجکرنا مووچا و رێکارێن دارایی لگۆر رێنمایی ژمارە ۲٠ یا وەزارەتا دارایی هاتیە رێکخستن و رێنمایی هەڤپێچە.
۹ـ لدیف بریارا ئەنجومەنێ وەزیران ب ئیمزایا بەرێز جێگرێ سەرۆکێ حکومەتێ جۆرێن کێم ئەندامیێ و سەرجەم حالەتێن مەشمول هاتینە دیارکرن،نڤیسار هەڤپێچە.
۱٠ـ ئەو کێم ئەندامێن دڤان سێ سالاندا معاملە پێشکێش کرین و هێشتا مووچە بۆ دەرنەکەفتی،چ بەحس نینە و پێدڤیە مامەلێن وان لگۆر رێنمایێن نوی بهێنە پێشکێشکرن ،لێ ژڤان ژلایێ وەزارەتێ ڤە بۆ نەهاتیە دیارکرن.
۱۱ـ دەما کێم ئەندام بۆ دوبارە پشکنینێ سەرەدانا رێڤەبەریێن تۆرا پاراستنێ و چاڤدێریێن جڤاکی دکەن پێدڤیە ئەڤ بەلگەنامەیێن رەسەن دگەلدا بن (ناسناما بارێ شارستانی ـ کارتا زانیاری ـ پسولا خۆراکی بۆ زانینا هژمارا ئەندامێن خێزانێ ـ دوو وێنێن رەنگاو رەنگ نوی ـ دو ژمارە تەلەفۆن)
۱۲ـ رۆژا دەستپێکرن و جهێن دوبارە پشکنین و رێکار دێ لرۆژێن بهێت ژلایێ وەزارەتا کار ڤە هێنە راگەهاندن.
ئەڤە ئەو رێنمایی و زانیارینە ئەوێن تا نهو گەهشتینە مە و پێشتر ژلایێ وەزارەتا کار ڤە هاتینە راگەهاندن و لرۆژێن بهێت وەزارەتا کار لبەرە هویرکاریان ب فەرمی راگەهینیت.
سەبارەت مووچێن چاڤدێری خێزان:
راگرتینە تاکو رێنمایێن نوی دەردکەڤن
نيشاندان