ئەڤرۆ نیوز ، نەوزاد زادە ھلۆری:

بریارە ھەتاکو دوماھیا ئەڤ سالە سستەمێ نوێ دابەشکرنا موچەیێن فەرمانبەران ب رێیا ئەلیکترونیکرنا ناڤێن موچەخورێن ھەرێمێ تەمام بیت ، و ل دەستپێکا سالا ئایندە ژی دا دێ کار پێھێتەکرن و پێرابونێن وێ ژی ب رێیا بەنکێن حکومەتێ دێ ھێنە ئەنجامدان .
دوھی چوارشەمبی قوباد تالەبانی جَگرێ سەروک وەزیرێن حکومەتا ھەرێما کوردستانێ لسەر سستەمێ ئەلیکترونیکرنا موچەیان ل گەل رێڤەبەرێن بەنکێن حکومەتا ھەرێمێ کومبوو ، و ئەڤە د دەمەکێ دایە کو زێدەتر ژ سالەکێ یە حکومەتا ھەرێمی مژولێ ب ئەلیکترونیکرنا سیستەمێ موچەیێن فەرمانبەرایە ، بەلێ ھێشتا کارێن وێ ب دوماھی نەھاتینە.
سەمیر ھەورامی بەرپرسی َنڤیسینگەھا قوباد تالەبانی بو خەندان دیارکر کو کومبوون یا تایبەت بوو ب سیستەمێ ب ئەلیکترونیکرنا موچەخورێن ھەرێما کوردستانێ کو بریارە ل دەستپێکا مەھا 10 دەست ب تومارکرنا ناڤێن موچەخورێن ھەرێمێ بھێتەکرن و گۆت : ( ئەڤ پرۆسەژی ب ھەڤکاریا بانکێن حکومیێن ھەرێمێ یە و ل دەستپێکا سالا نوو ھەر فەرمانبەرەک دی َحسابەکا تایبەت بخوەڤە دێ ل بەنکان ھەبیت )
سەمیر ھەوارمی گۆت ژی : ( دەما کو حساب بو موچەخوران دھێتە درۆستکرن دێ پەنجەمور و چاڤێن فەرمانبەری لسەر ھێنە وەرگرتن و ئەڤە رێگرە کور ێگری ل وان کەسان بھێتەگرتن کوپ تر ژ موچەکێ وەردگرن و ئەو ژی دی َکارتەک بو ھێتەچێکرن و ھەموو زاناری تێدا ھەنە ژ وان ژی جھێ کاری و باوەرنامە و دەما دامەزراندنێ و موچەیێ بنەرەتی و دەرمالە ل گەل ھەموو زانیاریێن دن یێن موچەخوری )
ددرێژاھیا ئاخفتنێن خودا گۆت : ( قوناغا ئێکێ یا ڤی پرۆژەیی دێ ھەموو وان کەسان بخوڤەگریت کو موچەخورن و قوناغا دوویێ ژی دێ کارتەکا تایبەت بو تەڤایا وەلاتیێن ھەرێمی َھێتە درۆستکرن داکو ئامارەکا تابەت ل ھەرێمی َھەبیت ، و نھا ل ھەرێمێ ملیونەک و 400 ھەزار موچەخور ھەنە و سەرجەمێ موچەیێن وان ژی 850 ملیار دینارن بەری کو سیستەمێ پاشکەکەفتکرنێ بچتە د وارێ بجھکرنێ دا )
ل گورە ئامارێن حکومەتێ بتنێ 700 ھزار کەس دەوامێ دکەن و پشکەک ژی ژ وان خانەنشنن ، و پشەکا زور ژی بندار و خانەنشنێن نەقانونی نە و ئەو کەسن کوپ تر ژ موچەکی َوەردگرن.