ئه‌ڤرۆ نيوز:
ئينانا ترومبێلان بۆ كوردستانێ، دو ساله رێژا وێ گه‌له‌ك كێم بوويه، ل سالا 2015 به‌راورد ل گه‌ل سالا 2013 ب رێژا زێده‌تر ژ 63% كێم بوويه و پێشبينى دهێـته كرن ئه‌ڤ ساله ره‌وش ژ سالا بوورى ژى خرابتر بيت.
فازل حسێن په‌يڤدارێ هاتن و چوونا هه‌ولێر دياردكه‌ت كو ئينانا ترومبێلان بۆ هه‌رێمێ كێم كريه، د سالا 2015 دا، 45 هزار و 400 ترۆمبێل هاتينه هه‌رێمێ و ل سالا 2013 دا، زێده‌ترى 138 هزار ترومبێل هاتينه كوردستانێ.
ئەڤرۆ نیوز،زنار تۆڤی:
پشتی رێکەفتن دناڤبەرا حوکمەتا هەرێمێ و وەلاتێ تورکیادا هاتیەکرن،بریارە ئەڤرۆ رۆژا ئێکشەمبی 10.4.2016 بۆجارا ئێکێ گەشتێن ئەسمانی دناڤبەرا هەولێر و ئامەدێ دا ل باکوورێ کوردستانێ دەست پێبکەن و لدووڤ وێ رێکەفتنا هاتیەکرن،هەمی رۆژێن شەمبی و ئێکشەمبی و دوشەمبی و چارشەمبی،گەشتێن ئەسمانی ژ (هەولێرێ_ئامەد_هەولێر) دێ دەست پێکەن و بهایێ هەر پلێتەکێ ژ هەولێرێ بۆ ئامەدێ 190 دۆلار هاتینە دەست نیشانکرن،ئەڤ چەندە دێ بیتە ئەگەر کو وەلاتیێن کوردستانێ بشێن ب ساناهی سەرەدانا ئامەدێ بکەن.
ئه‌ڤرۆ نيوز:
ژ ئه‌گه‌رێ كه‌تنا ئاگره‌كێ ژ ئێك ژ په‌ستگه‌هێن باشوورىض هندستانێ ب كێمى ڤه 102 كه‌سان گيانێ خوه ژ ده‌ستدا و نێزيكى 200 كه‌سێن دى ژى برينداربوون.
ژێده‌رێن ده‌نگوباسێن هندى ئاماژه ب وێ يه‌كض دكه‌ن كو ل په‌رستگه‌ها پوتينگال ل گومدێ پاراڤوور ل هه‌رێما ئه‌نجامه‌لى باشوورێ هندستانێ ئه‌ڤ ئاگره دروست بوويه و ئه‌گه‌رێن وێ ژى ڤه‌دگه‌رن بۆ وێ يه‌كێ كو ياريێن ئاگرى هاتينه هلكرن و روودان دروستبوويه.
ئه‌ڤرۆ نیوز: ڤه‌ده‌ر ره‌شاڤایی:
ئه‌مریكا هۆشداری دانه گه‌شتیاران كو سه‌ره‌دانا باژارێن گه‌شتیاری یێن سته‌نبول و ئه‌نتالیایێ ل توركیا نه‌كه‌ن، ژبه‌ر هه‌بوونا گه‌فێن هێرشێن تیرۆرستی ل هه‌ردو جهان.
هه‌ر پشتی ڤێ هۆدشاریێ ئێمناهییا سته‌نبۆلێ هاتییه توند كرن و مه‌ترسییا په‌یدابوونا هێرشێن تیرۆرستی هه‌یه.
ئه‌ڤرۆ نیوز: ڤه‌ده‌ر ره‌شاڤایی:
ئێك ژ گرنگترین جهێن شوونواری و دیرۆكی یێ پارێزگه‌ها دهۆكێ، كو شكه‌فتا هه‌لامه‌تایه، ژ ئالیێ هنده‌ك كه‌سێن نه‌نیاس و نه‌به‌رپرسیار ڤه هاتییه تێكدان و ئالیێن په‌یوه‌ندیدار ژی هێشتا چ هه‌لوه‌ست نه‌بووینه.
ل سه‌ر چه‌ند په‌یكه‌رێن ده‌رڤه یێ شكه‌فتا هه‌لامه‌تا، ب ئالایێ كوردستانێ هاتییه بۆیاخ كرن، لێ د ئالایه‌كی دا رۆژ تێدا نینه، ئانكو بدروستی نه ئالایێ كوردستانێ یه ژی و كه‌سێ ئه‌ڤ كریاره كری بتنێ مه‌به‌ستا شێواندنێ هه‌بوویه، یان ژی نیشتمانپه‌روه‌رییا وی جهێ گومانێ یه، ژبه‌ركو گه‌له‌ك جهـ و به‌رێن ساده هه‌نه بۆ ڤێ یه‌كێ، یان دشیان ئالایه‌كێ كوردستانێ ل وی جهی ب چقینن.
وێنه هه‌ر ئه‌ڤرۆ ژ ئالیێ چه‌ند گه‌شتیارێن بیانی ڤه هاتییه گرتن و بۆ ئه‌ڤرۆ نیوز هاتینه هنارتن و حێبه‌تییا خوه ژ بێ خۆدانییا ڤان شوونواران دیار كرییه.
ل سه‌رانسه‌ری جیهانێ بویاخكرنا شوونوار و جهێن دیرۆكی ب هه‌ر به‌هانه‌كێ قه‌ده‌غه یه و شوونوار ژێده‌رێ داهاتی یه بۆ وه‌لاتان، لێ ل شوونوارێن باژارێ دهۆكێ، ل هه‌رێما كوردستانێ، هنده‌ك كه‌س هه‌تا ناڤێن ئه‌ڤیندار و بیرهاتنێن خوه ل سه‌ر شوونواران د نه‌خشینن، هه‌روه‌كی د وێنان دا دیار و ناهێته ئینكار كرن.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ رادگه‌هينيت كو هه‌رێما كوردستانێ يا كه‌فتيه بن فشارێن بلندێن وه‌لاتێ توركيا و فشارێن نزمێن ده‌ريا ناڤه‌راست كو ئه‌ڤه ژى دێ بيته ئه‌گه‌رێ باران بارينێ ب تايبه‌ت ل پارێزگه‌ها دهۆكێ.
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كا فه‌رمى دا كو دانه‌ك ب ده‌ست ئه‌ڤرۆ نيوز كه‌فتيه، تێدا راگه‌هانديه كو ل رێكه‌فتى 9ى نيسانا 2016ێ هه‌رێما كوردستانێ دێ كه‌ڤيته بن فشارێن وه‌لاتێ توركيا و نێزيكبوونا فشارێن بلندێن ده‌ريا ناڤه‌راست و ئه‌ڤه ژى دێ بيته ئه‌گه‌رێ بارينا هنده‌ك چپكێن بارانێ ل ده‌مێن دره‌نگى شه‌ڤ ل دهۆك و هنده‌ك ده‌ڤه‌ران.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ دايه زانين ژى كو رۆژا ئێكشه‌مبى هه‌رێما كوردستانێ دێ كه‌ڤيته بن كارتێكرنا فشارێن نزمێن ده‌ريا ناڤه‌راست كو دێ بيته ئه‌گه‌رێ باران بارينه‌كا كێم ل باژێرێ دهۆكێ و هنده‌ك چپكێن بارانێ ژى دێ ل هه‌ولێر و سلێمانى و كه‌ركووك باران.
زێده‌تر روونكريه كو ل رۆژێن دوشه‌مب و سێ شه‌مب ژ ئه‌نجامێ زێده‌بوونا فشارێن ده‌ريا سور ژى ئه‌ڤ رێژا باران بارينێ دێ زێده‌تر لێ هێت و پلێن گه‌رمێ ژى دێ 3 بۆ 5 پلان هێنه خوار وه‌كو هه‌ڤبه‌ركى ل گه‌ل رۆژێن به‌رى وێ.
ده‌رباره‌ى ب دووماهى هاتنا ڤان فشاران ژى رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ دده‌ته خوياكرن كو د رۆژانێن دووڤدا ئه‌ڤ رێژه دێ به‌ر ب كێميێ ڤه چن.
ئه‌ڤرۆ نيوز:
نڤيسينگه‌ها دژه تيرۆر يا سه‌رۆك وه‌زيرێن ئسرائيلێ داخوازێ ژ وه‌لاتيێن خوه دكه‌ت كو وه‌لاتێ توركيا ب جهـ بهێلن.
ب گۆره‌ى نوچه‌كێ ميديايێن توركيا، نڤيسينگه‌ها دژى تيرۆرێ يا سه‌رۆك وه‌زيرێن ئسرائيلێ د به‌ياننامه‌كێ دا راگه‌هانديه كو هه‌موو ناڤه‌ندێن گه‌شتيارى ل توركيا يێن بووينه ئامانجێن تيرۆرستان، ژ به‌ر وێ چه‌ندێ داخواز وه‌لاتيێن خوه كريه كو ژ ناڤه‌ندێن گه‌شتيارى ل وى وه‌لاتى دوور بكه‌ڤن و د ماوه‌كێ نێزيك دا ژ توركيا ده‌ركه‌ڤن.
ئه‌ڤرۆ نيوز:
په‌رله‌مانتاره‌كێ كوتلا ئه‌حرار ل جڤاتا نوونه‌رێن عيراقێ ئه‌ڤرۆ رۆژا شه‌مبى د راگه‌هاندنه‌كێ دا داخواز ژ په‌رله‌مانتاران كر كو ده‌نگى ب كابينا نوو يا حوكمه‌تا عه‌بادى بده‌ن.
ره‌سول سه‌باح تائى، په‌رله‌مانتارێ كوتلا ئه‌حرار د راگه‌هانده‌كێ دا گۆت: “پشتى سه‌رۆك وه‌زيران كابينا نوو خستيه به‌ر جڤاتا نوونه‌ران، ل سه‌ر سه‌رۆكاتيا جڤاتا نوونه‌ران پێدڤيه كۆمبوونا سێشه‌مبيێ ته‌رخان بكه‌ن بۆ ده‌نگدانێ ل سه‌ر وێ كابينێ”.
گۆتژى: “پێدڤيه ئه‌و روونشتن ئێكسه‌ر بهێته په‌خشكرن، هه‌تا بزانين كى دێ ده‌نگى ده‌تێ و كى دێ وێ كابينا نوو ره‌تكه‌ت”.
په‌رله‌مانتارێ كوتلا ئه‌حرار ئاماژه ب وێ چه‌ندێ دكه‌ت كو وه‌لاتيێن عيراقێ 13 ساله ب ده‌ست حوكمه‌تێن حزبى ڤه دناليت و حوكمه‌تا ته‌كنوكرات دێ عيراقێ ژ ڤێ كێشێ رزگار كه‌ت.
ئه‌ڤرۆ نيوز:
مالپەرێ ” زە نیو مەیل”ی یا بەریتانی د بابەتەکێ دا ئەگەرێن سەرەدانا ” یوسف محەمەد ” بو وەلاتێ سوێدێ ئاشکرا دکەت.
یوسف محەمەد د سەرەدانا د مەھا شوباتێ دا بو بەریتانیا ھەر وەکو د راگەھاندنا سەرەدانا وی داھاتیە بەلاڤکرن کو ب مەرەما بزاڤکرن بو کومکرنا پشتەڤانیێ ژ بو کوردستانێ سەرەدانا پەرلەمانێ سوێدێ کریە ، و مالپەرا ” زە نیو مەیل ” د راپورتەکێ دا ئەگەرێن وێ سەرەدانێ ئاشکرا دکەت و ئاماژە ب وێ یەکێ دکەت کو ب ھەمان شێوەیێ بەریتانیا ئەڤ سەرەدانە ژی نەیا فەرمی یە.
مالپەرا ناڤبری ئەو یەک ژی ئێخستیە بەرچاڤ کو ژلایێ ئەندامێن پەرلەمانێ نھایێ سوێدێ ڤە نەھاتیە دیتن بەلکو ژلایێ پەرلەمانتارێن خانەنشینڤە ھاتیە دیتن و رێ ب وی نەھاتیەدان ژی کو بناڤێ کوردستانێ ب ئاخڤیت.
ھەر دمالپەرێ دا ھاتیە ” کوردستان شانازیێ بخوە دکەت کو یا پێگیرە ب پروسەیا دیموکراسی و دەستوور و رولێ ژنان د جڤاکێ دا بو ئاڤەدانکرن و شیانێن ھەر کەسەکێ کو دناڤا جڤاکی دا دەنگ ھەبیت .
یوسف محەمەد دڤێت وێ یەکێ بزانیت کو ئەو ژی وەکو ھەموو کەسەکێ دن دمەھێن بوری دا ئاستەنگێن سیاسی ھەبوینە کو ژ ئەگەرا نەئارامیێن جڤاکی ژ ئەنجامێ گرانبوونا قەیرانێن دارایی درۆستبوینە ، و دڤێت سوپاسیا وێ دیموکاسیێ بکەت کو ئەو ب ” غیاب ” بناڤ دکەت بەلێ پارتا وی ئەو کرە دووەمین پارتا کوردستانێ”
ھەروەسا ھاتیە ” ژبەرڤێ دبیت پرسیار ئەو بیت کو ئەرێ بوچی خوە وەکو کەسەکێ ئومێدەوار دیاردکەت کو کوردستان ببیتە وەلاتەکێ دیموکراسی ؟ و بەرسڤا زورا ب ساناھی ئەوە کو ئەو ژ پشتەڤانیێ دگەریێت نەک بو کوردستانێ بەلکو بو پارتا خوە و دڤێت پێگەھا سیاسیی خوە وەسا دیار بکەت کو ھەمو پێگورکێن نەدیموکراسیێ و نە ھەلبژارتینە ”
ئاماژە ب وێ یەکێ ژی ھاتیەکرن ” پێنگاڤ ھاڤێتن بەر ب دیموکراسیێ ئێکە ژ خالێن ب ھێزیێن کوردستانێ ب ھێزێن ھەڤپەیمانیا نیڤدەولی ڤە ، و دبیت ژی ب ھرزا یوسف محەمەد وەسا بیت کو ئەو بکاریت کارتێکرنێ ب کەتە سەر وێ پەیوەندیێ و ب گرتنا وێنەیێن خوە وەکو پێگورکەکێ دیموکراسی بو ھەڤپشکێن جیھانی وەکو سوێد بو نموونە دیار بکەت ، و دبیت ژی خوە وەکو میانگرەک د رێکەفتنێن ئایندە ببینیت و وەسا خوە دیار بکەت کو ئەو دکاریت مفای بگەھینیتە کوردستانێ ، و دبیت ژی وەسا ھزر بکەت کو دکاریت پێگەھا مەزنترین پارتا کوردستانێ لاواز بکەت ب رێیا ب پروپاکندێن وێ یەکێ کو وی دڤێت دیموکراسیێ بو کوردستانێ بینیت ، و ئێرشێن نە رەوا دکەتە سەر حکومەتا ھەرێما کوردستانێ ، و د دەمەکێ دا کو ھندەک تشت ژ بەر سەدەما شەری ب بریارا واقعی و دبیت ژی نموونە زوربن ھەتا کو مفای ژێوەربگریت ، و بتنێ پەیما پارتا خوە کو ” گۆڕان”ە و ئێک رامان ھەیە کو ئەو ژی ئێرش کرنە بو سەر وان رێیێن کو بو سیاسەتێ ھەیی ، و دبیت ژی یێ ب ئومێد بیت کو ئەڤ یەک تشتەک بیت بگونجیت ل گەل رتێما تەڤگەرێن سیاسیێن ئەوروپا و کو ڤیایە وەلاتێن خوە بگوھرن و کەس ژی سەحا وردەکاریێن وێ یەکێ نەکەت کو دڤێت چوو تشت دەستخوڤە بینیت”
ئاماژە ب وێ یەکی ژی دایە ” نەخشە بو ڤێ گەشتێ ھاتیە کێشان کو پێنگاڤەکە بو ئاڤەدانکرنا پێگەھا سیاسیا خوە ل ئایندە ، و دبیت ژی وەسا ھزر بکەت کو پشکەکا ئاستەنگێن پارتا خوە بو دەستڤەئینانا پشتەڤانیێ ژ بەر سەدەما نەبوونا پروفایلا نیڤدەولی ، و بێگومان ئەڤ گەشتا نویا ئەوروپا زێدەتر مەبەست ژ وێ یەکێ یە کو بێژیت ئەز ل پەرلەمانێ ئەوروپا مە و من خەلک دیت کو بەحسێ ئاریشەیێن کوردستانێ بو بکەم .
پێدڤی یە بیراخوە بینین ڤە کو سەرەدانا یوسف محەمەد بو سوێدێ یا بێ دەستکەفتی یە و چوو ئەگەر زێدەنەکرن ژ ئەنجامێ وێ سەرەدانێ ، و چوو رێکەفتن ژی نەبوون ژبەرکو یوسف محەمەد د پێگەھەکێ دا نیە ھەتاکو رێکەفتنان بکەت ، و بتنێ دەرفەتەک بو ، بو وی بخوە ، ئەڤە د دەمەکێ دایە کو کوردستانێ ئاریشە ھەیی و دڤێت لسەر وان ئاریشەیان یێ زال بیت و ئەڤە ب تەمامی وەکو وێ سیاسەتێ یە یا پارتا وی بتنێ دەمی دبەتن ئەو ژی ب دانا سووزان بو نەھێلانا ئاریشەیان )
نيشاندان