ئه‌ڤرۆ نیوز:
كوریا باشور بریار دایه، ل ده‌مه‌كێ نزیك دا قونسلخانا خوه ل هه‌رێما كوردستانێ ڤه‌كه‌ت.
ل گۆر راگه‌هاندنه‌كا وه‌زاره‌تا ده‌رڤه یا عیراقێ، په‌رله‌مانى ئه‌و سه‌رپشك كرینه كو بڕیارێ ل دۆر ڤه‌كرنا قونسلخانا كوریا باشور ل هه‌رێما كوردستانێ بده‌ن و ل گۆر مادێ ٢٦ ژ قانوونا خزمه‌تكاریا ژ ده‌رڤه، قونسلخانه دێ هێته ڤه‌كرن و كار ل هه‌رسێ پارێزگه‌هێن هه‌رێمێ كه‌ت.
ئه‌ڤرۆ نيوز:
رێڤه‌به‌ريا پۆليسێن دهۆكێ راگه‌هاند كو ئه‌ڤرۆ ژ ئه‌نجامێ بريسيه‌كێ گه‌نجه‌كى گيانێ خوه ژ ده‌ست دا و لاشێ وى بۆ نوشداريا داد ل دهۆكێ هاته ره‌وانه‌كرن.
رائيدێ ماقپه‌روه‌ر هێمن سلێمان به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز گۆت: “ئێڤاريا ئه‌ڤرۆ رۆژا دوشه‌مبى رێكه‌فتى 28ى ئادارا 2016ێ و ل ده‌مژمێر 5:30 ده‌قيقه بنگه‌هێ پۆليسێن ئه‌ترووش هاتيه ئاگه‌هداركرن ب هه‌بوونا روودانه‌كێ و پشتى ل جهێ روودانێ ئاماده بووين ديار بوو كو برسيێ شڤانه‌كێ به‌زى ب ناڤێ (كه‌ريم محه‌مه‌د سالح كوشتيه) كو ژيێ وى 22 سالن”.
دا زانين ژى كو ئه‌ڤ روودانه ل ئاقارێ گۆندێ شه‌هيا يا سه‌ر ب ناحيا ئه‌ترووش ڤه هاتيه روودان و گۆت: “لاشێ وى بۆ نوشداريا داد هاته ره‌وانه‌كرن و په‌رێن ڤه‌كۆلينێ ل بنگه‌هێ پۆليسێن ئه‌ترووش هاتنه ڤه‌كرن”.
ئه‌ڤرۆ نیوز:
دلشاد شه‌هاب راوێژكارێ سه‌رۆكێ حوكمه‌تا هه‌رێما كوردستانێ راگه‌هاند ژ ئه‌گه‌رێ راوه‌ستاندنا هنارتنا نه‌فتا هه‌رێمێ كو ژێده‌رێ ئێكانه‌یێ داهاتێ هه‌رێمێ یه، هه‌روه‌سا زێده‌نه‌بوونا داهاتێ هه‌رێمێ، چۆ بڕیار نه‌هاتینه دان بۆ كێمكرنا رێژا پاشخستنا مووچێ فه‌رمانبه‌ران.
سه‌باره‌ت كومبوونا لژنا بلندا ڕوو ب ڕوو بوونا قه‌یرانان، دلشاد شه‌هاب گۆت” چه‌ند بڕیاره‌ك سه‌باره‌ت مووچێن خودان پێدڤیێن تایبه‌ت و زیندانیێن سیاسى هاته دان و ب ره‌نگه‌كێ چ بڕیار بۆ راگرتنا مووچێ خودان پێدڤیێن تایبه‌ت نه‌هاتیه دان، به‌لێ لژنه‌كا تایبه‌ت بۆ رێكخستنا لیستا ناڤێن وان هاتیه پێكئینان.
.
ئه‌ڤرۆ نیوز:
پارتى و ئێكه‌تى و كۆمه‌ل و یه‌كگرتوو سه‌باره‌ت گوهۆرینێن كابینا عه‌بادى و دووماهى پێشهاتێن سیاسى ل سلێمانیێ كۆم بوون و و دیاركرنا هه‌ر به‌ربژێره‌كێ كوردستانى بێى فراكسیونێن كوردى، دژى ده‌ستوور و رێككه‌فتێن سیاسى دا زانین.
پشتى كۆمبوونێ د راگه‌هاندنه‌كێ دا ئاماژه ب وێ یه‌كێ كریه كو چاره‌كرنا كێشێن عیراقێ و په‌یوه‌ندیێن به‌غدا و هه‌ولێرێ بێ بجهئینانا رێككه‌فتێن سیاسى یا ب زه‌حمه‌ته، هه‌روه‌سا دیاركریه كو سه‌ركردایه‌تیا سیاسى یا كوردستانێ به‌رپرسیارا راسته‌وخو یا پروسه‌یا سیاسیه د چاره‌نڤیسێ سیاسیێ كوردستانێ و دیاركرنا هه‌ر به‌ربژێره‌كێ كوردستانى، بۆ كابینا نوو یا عه‌بادى، دژى ده‌ستوور و رێككه‌فتێن سیاسى دزانن، له‌وما بریارێن سیاسیێن كوردستانى دێ ب رێیا فراكسیونێن كوردستانى ل په‌رله‌مانێ عیراقێ بیت، هه‌روه‌سا داخواز كریه هه‌ر قه‌رزه‌كێ عیراق وه‌رگریت، دڤێت پشكا 17 یا كوردستانێ ژى بهێته دابینكرن.
ئه‌ڤرۆ نيوز:
به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ رادگه‌هینیت، كو بۆ ئه‌ڤ ساله پترییا رێژه‌یا باران بارینێ ل پارێزگه‌ها دهۆكێ ل ناحیا سه‌رسنكێ ب رێژه‌یا 1138 ملیمان بوویه.
وار شه‌وكه‌ت، به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ راگه‌هاند: ” رێژه‌یا باران بارینێ ل باژێڕ و باژێڕكێن پارێزگه‌ها دهۆكێ د ئه‌ڤ ساله دا ب ڤى ره‌نگینه: دهۆك 517 ملم، زاخۆ 675، زاویته 753، سێمێل 394، سه‌رسنك 1138، سیاره‌تیكا 772، باتیفا 759، به‌رده‌ره‌ش 415، دینارته 385 و شێخان 503″.
به‌رپرسێ راگه‌هاندنا رێڤه‌به‌رییا كه‌شناسى و بیڤه‌له‌رزێ ل پارێزگه‌ها دهۆكێ گۆت ژى:”ل ژێر كاریگه‌رییا فشارا نزم كو ژ ده‌ریا ناڤه‌راست و سۆر دهێت و كاریگه‌رییا وێ ل سه‌ر هه‌موو هه‌رێمێ هه‌یه و ئه‌ڤ كاریگه‌رییه ل سه‌ر دهۆكێ هه‌تا چارشه‌مبێ دێ به‌رده‌وام بیت و بۆ سوبه‌هى ژى پێشبینى دهێته كرن ل سه‌نته‌رێ دهۆكێ بارانه‌كا باش باریت”
ژ : dwarozh
ئەڤرۆ نیوز:
شیرتکارەکێ حوکمەتا ھەرێما کوردستانێ کو شارەزایە دبیاڤێ چێکرنا سکران دا، ھەمبەر مەترسی ل سەر ھەڕفینا سکرێ مووسلێ دبێژیت، چێکرنا شیرھان دھێنە دەستپێکرن ب ڤەکۆلین و ب دیزاین و ددووڤ دا دھێتە بجھئینان، ڤەکۆلین کا ئەو دەڤەرێ ئاڤ ھەیە یان نە و دووڤ دا دھێتە چێکرن و کا جە ب کێر سکری دھێت یان نە، قاتێن ئەردی بن ئاڤێ ھەتا 40 مەتران کا ب کێر سکری دھێت.
حەکیم موختار، شیرەتکارێ حوکمەتا ھەرێما کوردستانێ بۆ ڕۆژناما ئەڤرۆ گۆت” ھەر ل دەسپێکێ بریار ھاتبوو دانان ژلایێ کەسانێن بسپۆر ڤە ل سالێن ھەشتێ کو ئەڤ جھێ سکرێ مووسل لێ ھاتیە دانان، ب کێر سکری ناھێت، لێ بڕیارەکا سیاسی ژلایێ سەدام حسێنی ڤە ھاتەدان کو دڤێت سکرێ مووسل ل وی جھی بھێتە دانان”.
حەکیمی دیارکر”جھێ سکری ھەموو (جیرە) وەکو گێچێ و دھێتە حەلاندن، ژ چێبوونا سکری ھەتا نوکە ڕۆژانە سێ شەفت کار دکەن و شیرھا سکرێ مووسل تەحشیە دکەن و ئەڤە پشتی دحەلیێت، کونکریت دکەن، ل گەل ڤێ چەندێ بەردەوام و چەندین سالە ژی و دێ بەردەوام ژی ھێتە تەحشیکرن، سەرۆکێ لژنا تەحشیێ ژی بۆمە دیارکریە کو ڕۆژانە 24 دەمژمیران تەحشیە یا بەردەوامە، ھەر دەما ئەڤ شەفتە ڕاوستن ناکێشت چەند دەمژمێران دێ شیرھە ھەرفێت و دێ سکر پەقیت، بەلێ ھەتا نوکە چو دەرز نەکەفتینێ”.
ناڤبری ھێشتا گۆت” چو مەترسی ل سەر سکرێ کووسل نینن، چونکی تەحشیە نە ڕاوستایە، دیسان بەیاننامەک ژ سەرۆکاتیا جڤاتا وەزیرێن عیراقێ دەرکەفتیە کو مەترسی ل سەر سکرێ مووسل نین، بەلێ ئەز ڤێ چەندێ دبینم بڕیارەکا سیاسی یە ژلایێ ئەمریکا ڤە”.
د.حەکیم موختار خویاکر” سکرێ مووسل گەلەک یێ مەزنە و ب تایبەت ل دەمێ لەھیان و حەلاندنا بەفرێ ھەموو دھێتە سەر ڤی سکری، چونکی پێشتر لەھی ڕادبوون و ب سەر مووسل و بەغدا دا دھاتن کو ژ بەر ڤێ یەکێ ھاتیە درۆستکرن و دیسا بۆ چاندنێ ژی دھاتە بکارئینان، چێکرنا شیرھان بۆ ھندێ یە کو ببیتە جھەکێ گەشتیاری و ئەڤە ل جیھانێ ھەموو یا ھەی”.
ئاماژە دا” گرانیا ئاڤێ ل سکرێ مووسل دبیتە ئەگەر ئەرد ل دەڤەرێن مە بھێتە ھەژاندن و ھەکە جارەکێ سکرێ موسل ب پەقیت و ئاڤ چو خوار، دێ ئەرد ل کوردستانێ ھەژێت، بەری چەند سالان ئەرد دھەژیا، ھەکە ب پەقیت ڕاستە مەترسی ل سەر مووسل یا ھەی و ھەتا ل بەغدا ژی ئاڤ دێ چار مەتران بلند بیت ، بەلێ مەترسی ل سەر دھۆکێ ژی یا ھەی کو ئەرد ب ھەژێت”.
زێدەتر گۆت” بەری سکر بھێنە چێکرن، شارەزا ھزرا ھەژینا ئەردی دکەن و ھەکە جارەکێ ئەرد ب ھەژێت ژی، ھەتا حەفت پلان ژی ئەردھەژ بھێتە تۆمارکرن، چ ل سکری نەھێت، سکرێ مووسل دھێتە ھژمارتن ئێک ژ مەزنترین سکرێن ڕۆژھەلاتا ناڤەراست”.
ھەمبەر ژێدەرێن ئاڤێ، گۆت”ھێشتا نەگەھشتیە مەترسیێ کو ئاڤ نەمینیت و ھێشتا ئەم ب ھیڤی نە مفایەکێ مەزن ژ ئاڤێ وەربگرین بۆ خوارنێ و چاندنێ و کارەبێ و ھەکە پلان ھەبیت دشێین خوە زەنگین بکەین ب ئاڤێ و دشێن بکەینە کاغەزەکا مەزن دەستێ مەدا بەرامبەر عیراقێ”.
ئه‌ڤرۆ نيوز:
جڤاتا نوونه‌رێن عيراقێ بڕيار دا هه‌تا رۆژا پێنجشه‌مبى رێكه‌فتى 31ى ئادارا 2016ێ ژڤان دا سه‌رۆكێ وه‌زيرێن عيراقێ حه‌يده‌ر عه‌بادى بۆ پێشكێشكرنا كانديدێن خوه.
جڤاتا نوونه‌رێن عيراقێ ب تێكرايا ده‌نگان دووماهى ژڤان دا حه‌يده‌ر عه‌بادى سه‌رۆك وه‌زيرێن عيراقێ بۆ پێشكێشكرنا كانديدێن خوه و هه‌كه هه‌تا وى ده‌مى كانديدێن خوه ئاشكه‌را نه‌كه‌ت دێ په‌رله‌مانى هه‌لويسته‌كێ دى هه‌بيت.
ئەڤرۆ نیوز، كاروان باعه‌درى:
د راگەھاندنەکا ھێزێن عیراق دا دیارکر کو درەنگی شەڤا بۆری سەرکردەکێ داعش یێ کوست د گرتن و کرین و فرۆتنا کچێن ئێزدی دا ھەی ھاتە کوشتن.
د وێ راگەھاندنێ دا بەلاڤ بوویە کو ناڤێ وی “زێدان فایز ئەحمەد”ە، سەرکردەکێ دیارێ داعش بوویە و ژ لایێ فرۆکێن ھەڤپەیمانان ڤە ل گەل 15 چەکدارێن دی ل گۆندێ نەسر یێ سەر ب قەزا مەخمور ڤە ھاتە کوشتن.
نيشاندان