ئه‌ڤرۆ نیوز:
په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ دیار كر كو كێمبوونا دانا ده‌مژمێرێن كاره‌با نشتیمانى د چه‌ند رۆژێن بۆرى دا ژ ئه‌گه‌رێ درۆستبوونا ئارێشه‌كا ته‌كنیكى بوو، كۆمپانیا دانا غاز ژ نشكه‌كێڤه ده‌ست ب سه‌خبێریكرنا ئامیرێن خوه كربوو، له‌و ره‌وشا كاره‌بێ خراب ببوو، لێ نوكه ئارێشه به‌ر ب چاره‌بوونێ دچیت و گۆت :”هه‌تا دوماهیا ڤێ هه‌یڤێ ره‌وشا كاره‌بێ دێ باش بیت و ده‌مژمێرێن دانا كاره‌با نشتیمانى دێ زێده بن”.
محه‌مه‌د ئه‌مین هه‌ورامى، په‌یڤدارێ وه‌زاره‌تا كاره‌با حوكمه‌تا هه‌رێما كوردستانێ خویا كر كو كۆمپانیا دانا غاز، ژ ئه‌گه‌رێ دروستبوونا ئارێشه‌كا ته‌كنیكى، نه‌چار بوو پشكه‌كێ ژ ئامیرێن خوه ژ كاركرنێ ڕاگریت، ئه‌ڤ چه‌نده ژى بۆ ئه‌گه‌ر هنارتنا غازێ بۆ وێستگه‌هێن به‌رهه‌مئینانا كاره‌بێ ب ره‌نگه‌كێ به‌رچاڤ كێم ببیت و بۆ NNA گۆت: “كۆمپانیا ناڤبرى ژ رۆژا 17/3/2016 ده‌ست ب سه‌خبێریكرنا وان ئامیرێن خوه یێن ژ كاركه‌فتین كر، لێ هه‌تا دوماهیا ڤێ هه‌یڤێ كارێ سه‌خبێریكرنێ تێدا دێ ب دووماهى هێت و هنارتنا غازا پێدڤى بۆ وێستگه‌هێن به‌رهه‌مئینانا كاره‌بێ وه‌كو به‌رێ دێ لێ هێت و دانا كاره‌بێ ژى دێ زێده بیت”.
د ڤى ده‌مێ بۆرى ژى دا ژ ئه‌گه‌رێ كێمبوونا كاره‌با نشتیمانى وه‌لاتى بێزار ببوون.
ده‌مژمێرێن دانا كاره‌با نشتیمانى دێ زێده بن
نيشاندان
