ئه‌ڤرۆ نيوز:
شاهـ سه‌لمان عه‌بدولعه‌زيز، شاهێ سعوديێ ب سه‌ره‌دانه‌كا فه‌رمى گه‌هشته توركيا.
پشتى سه‌ره‌دانا چه‌ند رۆژێن بۆرى بۆ قاهيره پايته‌ختێ مسرێ، شاهێ سعوديێ ئێڤاريا ئه‌ڤرۆ رۆژا ئێكشه‌مبى 11ى نيسانا 2016ێ گه‌هشته ئه‌نقه‌ره يا پايته‌ختێ توركيا.
بڕياره سوبه‌هى رۆژا دوشه‌مبى 11ى نيسانا 2016ێ شاهـ سه‌لمان عه‌بدولعه‌زيز ل گه‌ل ره‌جه‌ب ته‌يب ئه‌ردوگان يێ سه‌رۆك كۆمارێ توركيا كۆم ببيت.
ئه‌ڤرۆ نيوز:
سێ خوكوژان ئه‌ڤرۆ رۆژا دوشه‌مبى رێكه‌فتى 11ى نيسانا 2016ێ ل هه‌رێما ستاڤرۆپۆل ل رۆسيا خوه په‌قاند.
ب گۆره‌ى ئاژانسا نووچێن ئيته‌رفاكس يا رۆسى “سێ خوه‌كوژان ل هه‌رێما ستاڤرۆپۆل ل باشوورێ رۆژئاڤايێ رووسيا خوه په‌قاند” هێرش ژى بۆ سه‌ر بنگه‌هێ پۆليسان ل ده‌ڤه‌را ستراڤۆپۆل بوو.
ئه‌ڤرۆ نیوز،زنار تۆڤى:
سوبه‌هى رۆژا سێشه‌مبى 12/4/2016 تاقیكرنێن پۆلا 12 بۆ وه‌رزى دویێ دێ ل سه‌رانسه‌رى هه‌رێما كوردستانێ هێنه ئه‌نجامدان و هه‌تاكو رۆژا پێنجشه‌مبى 21/4/2016 ئه‌ڤ تاقیكرنه دێ دبه‌رده‌وام بن.
ناسر محه‌مه‌د سه‌عید رێڤه‌به‌رێ په‌روه‌ردا قه‌زا ئامێدیێ بۆ ئه‌ڤرۆ نیوز راگه‌هاند:سوبه‌هى رۆژا سێشه‌مبى 12 نیسانا 2016 ل سه‌رانسه‌رى قه‌زا ئامێدیێ ژ سه‌رجه‌مێ 27 ئاماده‌یان 3280 قوتابیێن پۆلا 12 دێ پشكداریێ د تاقیكرنێن وه‌رزێ دویێ دا كه‌ن ل قه‌زا ئامێدیێ و دیاركر ژى:سالا بورى 2620 قوتابیان پشكدارى دڤان تاقیكرنان دا كربوو،ئانكو ئه‌ڤ ساله 660 قوتابى ل قوناغا 12 زێده‌بووینه ل سه‌رانسه‌رى قه‌زا ئامێدیێ.
ئه‌ڤرۆ نيوز:
جێگرێ سکرتێرێ ئێکەتیا مامۆستایێن کوردستانێ بۆ رۆژناما ئەڤرۆ دیار کر کو ژ بەر کاودانێن نوکە کوردستان تێدا دبۆریت و ئەو شەڕێ ل سەر مللەتێ مە ھاتیە سەپاند، مامۆستا نەشێن کۆنگرێ خوە ب گێرن و رەنگە بھێتە پاشخستن.
ئەحمەد گەرمیانی، جیگرێ سکرتێرێ ئێکەتیا مامۆستایێن کوردستانێ بۆ رۆژناما ئەڤرۆ ئاشکرا کر کو خول ئەڤ جارە یا ماموستایان ب دووماھی ھاتیە، بەلێ ژبەر کاودانێن ب سەر مللەتێ مەدا ھاتین و قەیرانا دارایی نەشێن کۆنگرەیی بگێرین و گۆت: “چو راستی بۆ پاشخستنا ئەزموونان نینە و ئەزمونێن دووماھیا سالێ دێ د دەمێ خوە دا ھێنەکرن”.
ناڤبری گۆت: ” ێداچوون د مووچێ مامۆستان دا ناھێتەکرن، چونکی ئەم ھاتینە ئاگەھدارکرن ھەر پێداچوونەکا د مووچەیێ مامۆستایان دا بھێتەکرن دێ ل دووڤ داھاتی بیت و ل دووڤ پێزانینێن مە داھاتێ مە ھەر وەک خوە یە و زێدەنەبوویە”.
ئەڤرۆ نيوز:
ئەیاد عەلاوی سەرۆکێ تەڤگەرا ویفاقا نیشتمانی ل عیراقێ راگەھاند: حوکمەتا تەکنوکراتا عیراقێ جورەکە ژ سەردابرنا خەلکی و خوەڤەدزینا بەرپرسانە ژ گەندەلیێ. نەوەکو مەرەم پێ ئەوە ژیانا خەلکی خوەش بکەن.
عەلاوی زێدەتر گۆت” ئەوێن دبێژن کابینا عەبادی یا نوویە، وەسا نینە، ژبەر کو دێ کابینەکا دووبارەکری بیت و ھەموو کارەکتەرێن ل سیاسەت و دەستھەلاتا عیراقێ دووبارەنە، لەوما ئەز چو جارا نەیێ بەرھەڤم بێژمێ کابینا تەکنوکرات و نوو”.
عەولای دیارکر ژی پێدڤیە سیستەمێ برێڤەبرنێ و گوھۆرینێن ڕیشالی ل عیراقێ بھێنە کرن، نەوەکو گوھۆرینا وەزیرەکی یان کەسایەتیەکی بۆ پوستەکێ دی.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئه‌ڤرۆ رۆژا دوشه‌مبى 11ى نيسانا 2016ێ دێ ده‌ست ب به‌لاڤكرنا مووچێ هه‌يڤا ئادارێ هێته كرن.
وه‌زاره‌تا دارايى ئابوورى ل حوكمه‌تا هه‌رێما كوردستانێ ل رۆژا پێنجشه‌مبى رێكه‌فتى 7ى نيسانا 2016ێ راگه‌هاند: رۆژا دوشه‌مبى رێكه‌فتى 11ى نيسانا 2016ێ دێ ده‌ست ب به‌لاڤكرنا مووچێ هه‌يڤا ئادارێ يێ وزاره‌تا پێشمه‌رگه‌ى هێته كرن.
ئه‌ڤرۆ نیۆز، قائید میرۆ
هژماره‌ك خێزانێن پارێزگه‌ها هه‌له‌بجه داخوازی تۆماركرینه ژبه‌ر كو پشتی كیمیابارانكرنا باژێڕێ هه‌له‌بجه زارۆیێن وان د به‌رزه‌نه.
ئاراس عابد، جێگرێ سه‌رۆكێ كۆمه‌لا قوربانیێن كیمیابارانا هه‌له‌بجه ب ئه‌ڤرۆ نیۆز راگه‌هاند” هه‌تا نوكه 69 خێزانێن پارێزگه‌ها هه‌له‌بجه داخوازی تۆماركرینه ژبه‌ر پشتى كاره‌ساتا كیمیا بارانكرنا هه‌له‌بجه زارۆیێن وان وندابووینه و دیارنینه .
ئاراسی گۆتژی” هه‌تا نوكه هه‌شت زارۆك هاتینه دیتن و پشتی پشكنین بۆهاتیه‌كرن راده‌ستی كه‌س و كارێن وان هاتینه‌كرن، بزاڤێن مه دبه‌رده‌وامن بۆ دیتنا زارۆیێن مای، بتایبه‌تی نوكه پشكنینێن سه‌رده‌میانه بۆدهێنه‌كرن.
ئه‌ڤرۆ نيوز:
كريستيانو رۆنالدو ستێرا ريال مه‌دريد د ديداره‌كێ تايبه‌ت دا ل گه‌ل مالپه‌رێ فه‌رمى يێ ريال مه‌دريد به‌رى ياريا رۆژا سێ شه‌مبى ل گه‌ل ڤولفسبورگ ئاماژه ب وێ يه‌كێ دكه‌ت كو ئه‌و پێدڤى ب هاريكاريا جه‌ماوه‌رێ نه داكو بۆ وان ببيته باشترين فاكته‌ر بۆ سه‌ركه‌فتنێ و گۆت: دڤێت ل سه‌ر خوبن داكو سه‌ركه‌ڤين.
كريستيانو دياركر كو ئه‌و پێدڤى ب پشته‌ڤانيا 80 هزار هانده‌رێن ريالن داكو شه‌ڤه‌كا سحرى ببورين و گۆت: پێدڤيه ل سه‌ر مه ياريه‌كا نموونه‌يى پێشكێش بكه‌ين و ب روحه‌كا خوه‌كوژى ب درێژاهيا ياريێ.
نيشاندان