ئه‌ڤرۆ نيوز، مه‌حمود نهێلى:
فیستڤالا دێرەلۆک یا فلوکلوری و زانستی کو ژلایێ لژنا ناوچا دێرەلوک یا ئێکەتیا قۆتابیێن کوردستانێ ب هەڤکاریا ئامادەیا دێرەلۆک و ئامادەیا زەهریرا ب هەلکەفتا رۆژا جلکێن کوردی هاتبوو رێخکستن.
نووترين نووچه
- سەرۆك بارزانی دوپاتیێ ل ئێكڕێزییا كوردان ل سووریێ دكەت
- قونسلێ ئیتالیا بۆ نێچیرڤان بارزانی: گرنگییێ ب پەیوەندیێن خوە ل گەل هەرێما كوردستانێ د دەین
- ئارمانجا مە پێشئێخستنا ژێرخانەیا ئابوورییا هەرێما كوردستانێ یە
- دیدار و كۆمبوونێن سەرۆكێ حوكمەتا هەرێما كوردستانێ ل داڤۆس
- چاڤدێرێن سیاسی ژ چاوانیا برێڤەچوونا قۆناغا ئاشتیێ دلگرانن
- سەرۆك بارزانی و مەزلۆم عەبدی دوپاتیێ ل ئێكڕێزی و ئێكگرتنا كوردان دكەن
- نوونەرا حوكمەتا هەرێمێ ل واشنتۆن دێ پشكداریێ د رێوڕەسمێ دەستبكاربوونا ترەمپی دا كەت
- ئاسۆ كەریم: سەرۆك بارزانی فاكتەرێ سەرەكیێ ئێكبوونا گەلێ كوردە
- سەرۆكێ هەرێمێ و شاندەكێ ئەمریكا دوپاتیێ ل چارەسەركرنا كێشەیێن هەولێرێ و بەغدایێ ب گۆرەی دستووری دكەن
- سەرۆكاتییا هەرێما كوردستانێ پێشوازی ل ئاگربەستا غەزە كر
سه‌ره‌كى نوچێن گرنگ
خوارن ژ زیندانێن عیراقێ ھاتە بڕین
ئەڤرۆ نيوز:
کۆمپانیێن دابینکرنا خوارنا بۆ زێندانان ل عیراقێ ژ ئەگەرێ زێدەبوونا قەرێن وان ل سەر حوکمەتا عیراقێ، کارێ دابینکرنا خوارنێ بۆ زیندانێن عیراقێ کو 250 ھزار زیندانیان ب خوەڤە دگریت ڕاوەستاند.
ژێدەرێن دادوەری یێن عیراقی ئاماژێ ددەن کو دەمێ سێ ڕۆژانە دابینکرنا خوارنێ بۆ زیندانان ھاتیە ڕاوەستاندن و بزاڤێن ڕژد دھێنە کرن کو کۆمپانیێن ناڤبری دووبارە ب کارێ خوە ڕاببن ل 18 زیندانان ل چەندین باژێرێن عیراقێ.
ل دووڤ بەیاننامەکا رێڤەبەریا چاکسازیێ ل عیراقێ، ئەگەرێ گرفتا خوارنا زیندانیان ل عیراقێ دزڤریت بۆ نەدابینکرنا پارێ پێدڤی ژلایێ وەزارەتا دارایی ڤە و زێدەبوونا قەرێن کۆمپانیێن ب کارێ دابینکرنا خوارنێ ڕادبن.
کۆمپانیێن دابینکرنا خوارنا زیندانیان، ل ڕۆژا دوشەمبیا بۆری بڕیارا ڕاوەستاندنا کارێ دابینکرنا خوارنێ دابوو و دیارکرن ژی کو کۆمپانیەکێ 60 ملیار دینار وەکو قەر ل سەر حوکمەتێ یێن ھەین و بۆ نەھاتیە مەزاختن.
ئەرشەد سالحی، سەرۆکێ لژنا مافێن مرۆڤی ل جڤاتا نوونەرێن عیراقێ د کۆنگرەکێ ڕۆژنامەڤانی دا گوتبوو: پێدڤیە پارێن پێدڤی بۆ وان کۆمپانیان بھێنە مەزاختن، یان ژی قانوونا لێبۆرینا گشتی ل عیراقێ بھێتە بجھئینان و ئەو کەسێن چو تومەت ل سەر نەھاتبنە سەپاندن، بھێنە ئازادکرن.
وەزارەتا دارایی عیراقێ ژی دبەیاننامەکێ دا، دوھی چارشەمبی، راگەھاندبوو کو یێن گەھشتینە چارەکێ بۆ وێ گرفتێ و ل نێزیک دێ خوارن بۆ زیندانیان چیت پشتی ل گەل کۆمپانیەکێ ڕێککەفتی قەرێن وێ وەکو قست ژلایێ حوکمەتێ ڤە بھێنە ئەداکرن.
مه‌كته‌با سياسى يا ئێكه‌تيێ يا د كۆمبوونێ دا
ئه‌ڤرۆ نيوز:
چه‌نده‌كێ به‌رى نوكه كۆمبوونا مه‌كته‌با سياسى يا ئێكه‌تيا نشتيمانى كوردستان ده‌سپێكر و ته‌وه‌رێ سه‌ره‌كى يێ كۆمبوونێ ژى دێ هه‌لسه‌نگاندنا ده‌رئه‌نجامێن كۆمبوونا رۆژا ئێكشه‌مبيا بۆرى يا ناڤبه‌را هه‌ردو مه‌كته‌بێن سياسى يێن ئێكه‌تى و پارتى بيت.
ل رۆژا ئێكشه‌مبيا بۆرى ب سه‌رپه‌رشتيا مه‌سعود بارزانى سه‌رۆكێ هه‌رێما كوردستانێ كۆمبوون د ناڤبه‌را مه‌كته‌بێن سياسى يێن هه‌ر ئێك ژ ئێكه‌تى نشتيمانى كوردستان و پارتى ديموكراتى كوردستان دا ب رێڤه چوو.
بەرپرسەکێ پارتی: پیلانەک دژی دەڤەرێن کوردستانی ل دیالا دھێتە کرن
ئەڤرۆ نیوز:
بەرپرسەکێ پارتی دیموکراتی کوردستان ل پارێزگەھا دیالا راگەھاند، ھژمارەکا چەکدارێن نەنیاس یێن چووینە دناڤ دەزگەھێن حوکمەتێ دا ل باژێرێ بەعقوبە سەنتەرێ پارێزگەھا دیالا.
عامر ڕفعەت، بەرپرسێ لژنا پارتی ل دیالا بۆ باسنیۆز گۆت: دوھی ھژمارەکا چەکداران چوونە دناڤ دامودەزگەھێن حوکمەتێ دا ل باژێرێ بەعقوبە و پشتی دەرکرنا فەرمانبەران، چەندین خالێن پشکنینێ یێن مەترسیدار دناڤ باژێری دا دانان، ب مەرەما ڕێگرتنێ ل ھاتنوچوونێ.
عامری زێدەتر ڕۆھنکر کو ھندەک کەس ب ناڤێ عەشیرەتا (ئەلتمیمی) ھاتنە سەر جادێن بەعقوبە و داخوازا دەست ژ کارکێشانا (سەلیم جبووری) سەرۆکێ جڤاتا نوونەرێن عیراقێ کر و ل دووڤ پێزانینێن مە دەست یێن ل پشت وێ بزاڤێ ھەین و ئاراستەیەکا سیاسی یە و ب پشتەڤانیا شیعان یا ھاتیە کرن ب تایبەتی ڕەوتێ سەدری.
ناڤبری دووپاتی ل سەر وێ چەندێ ژی کر کو ڕەوشا دیالا گەلەک یا ئالۆزە ب تایبەتی باژێرێ بەعقوبە.
بەرپرسێ ناوچا پارتی ل دیالا زێدەتر خویاکر ژی کو پێدڤیە سەرۆک وەزیرێن عیراقێ حەیدەر عەبادی بلەز ڕەوشا دیالا کونترۆل بکەت و ب ڕێیا ھێزەکێ وێ ئاژاوەگێریێ ل دیالا کونترۆل بکەت، دبێژیت ژی، ئەم حوکمەتا عیراقێ و ھەموو وەلاتیان ئاگەھدار دکەین کو ئەم ژ وێ چەندێ دترسین ئەڤە پیلانەک بیت بۆ زیان گەھاندنێ ب دەڤەرێن کوردستانی ل پارێزگەھا دیالا و دوورخستنا پێکھاتێ سونی ژ ڕێڤەبرنا پارێزگەھا دیالا.
دھێتە زانین ڕێیێن سەرەکی یێن قەزا و ناحیان بۆ ناڤ باژێرێ بەعقوبە یێن ھاتینە گرتن و چو کەسەک نەشێت ژ باژێرێ خانەقینێ و باژێرکێن وی سنوری بۆ ناڤ بەعقوبە بچیت.
ده‌سته‌سه‌ركرنا مه‌زنه گه‌نده‌لكاران ده‌سپێكر
ئه‌ڤرۆ نيوز:
سه‌رۆك وه‌زيرێن عيراقێ راگه‌هاند: پرۆسا ده‌سته‌سه‌ركرنا مه‌زنه گه‌نده‌لان ده‌سپێكر و پشته‌ڤانيا خوه يا ته‌مام ژى بۆ دادوه‌رێن ده‌سته‌يا ده‌سپاكيێ و ده‌زگه‌هێن چاڤدێريێ دكه‌ن ده‌ربڕى دا كو رۆلێ خوه بگێرن.
حه‌يده‌ر عه‌بادى، سه‌رۆك وه‌زيرێن عيراقێ د گۆتاره‌كێ دا گۆت: “حوكمه‌تێ زنجيره‌كا رێيان بۆ ده‌سته‌سه‌ركرنا مه‌زنه گه‌نده‌لان گرتينه به‌ر و پشته‌ڤانيا ته‌مام ژى ل ده‌زگه‌هێن دادوه‌رى و نه‌زاهێ و ده‌زگه‌هێن چاڤدێريێ كرينه دا كو رۆلێ خوه ببينن و لێپرسينێ ل گه‌نده‌لكاران بكه‌ن”.
هه‌ر د گۆتارا خوه دا داخواز ژ گه‌لێ عيراقێ و ده‌زگه‌هێن راگه‌هاندنێ كريه كو هاريكاريا وان بكه‌ن بۆ ده‌ستنيشانكرنا گه‌نده‌لچيان ئه‌وێن ل داموده‌زگه‌هێن حوكمه‌تێ زيانێ ب مالێ گشتى دگه‌هينن.
ره‌وشا سه‌قايێ رۆژا ئه‌ينى
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 11ى ئادارا 2016ێ ئه‌سمان ژ ئه‌وره‌كێ كێم بۆ ئه‌ورێن ته‌مام دێ هێته گوهۆڕين ل دانێ سپێدێ زوو ل پتريا ده‌ڤه‌ران باران دێ باريت و ل هنده‌ك ده‌ڤه‌ران ئه‌و باران دێ يا ناڤه‌ندى بيت ل گه‌ل هه‌بوونا بريسيان و پاشان ئه‌سمان دێ به‌ر ب ئه‌وره‌كێ كێم ڤه چيت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ ئێكگرتنا كارتێكرنا فشارێن نزمێن وه‌لاتێ توركيا و ده‌ريا سۆر بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ كێم بۆ ئه‌ورێن ته‌مام دێ هێته گوهۆڕين ل دانێ سپێدێ زوو ل پتريا ده‌ڤه‌ران باران دێ باريت و ل هنده‌ك ده‌ڤه‌ران ئه‌و باران دێ يا ناڤه‌ندى بيت ل گه‌ل هه‌بوونا بريسيان و پاشان ئه‌سمان دێ به‌ر ب ئه‌وره‌كێ كێم ڤه چيت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 5 هه‌تا 15كم دا و هنده‌ك و ماوێ ديتنێ ژى دێ 8 بۆ 10 كم بيت، پلێن گه‌رمێ ژى دێ د ناڤبه‌را (10 بۆ 19) پلان دا بيت.
بەغدا دخوازیت پەکەکە پشکداریێ د ئازادکرنا مووسلێ دا بکەت
ئەڤرۆ نیوز:
پشتی دەزگەھێن پەیوەندیدار یێن حوکمەتا ھەرێما کوردستانێ و قایمقامیا شنگالێ چەندین جاران داخواز ژ پەکەکێ کری ھێزێن خوە ژ شنگالێ ڤەکێشن و پەکەکێ ب چو شێوەکێ بەرھەڤیا خوە دیارنەکری بۆ چۆلکرنا شنگالێ، حوکمەتا عیراقێ نڤیسینگەھا تایبەت ل شنگالێ بۆ ڤەکریە و ھاندانا پەکەکێ ژی دکەت ل شنگالێ بمینیت و فتنێ و دوبەرەگیێ دروست بکەت و بزاڤا کانتۆنکرنا شنگالێ بکەت، ژێدەرەکی ژ جڤاتا نوونەرێن عیراقێ ژی نھێنیەکێ د ناڤبەرا حوکمەتا عیراقێ و پەکەکێ ئاشکرا دکەت.
عەبدولرحیم شمەری ئەندامێ جڤاتا نوونەرێن عیراقێ ل سەر پشکا پارێزگەھا نەینەوا ل دووڤ (ڕۆژانە ھەوال)، ئاشکراکر کو ب ئاگەھداریا ڕژێما بەشار ئەسەدی و ئیرانێ، پەکەکێ بارەگایەک ل ناحیا (یەعروبیە) یێ ڤەکری و بۆ ھەر چەکدارەکێ وی بارەگایی گەژمێ 400 دۆلاران وەکو مووچە ب ناڤێ حەشد شەعبی ژلایێ حوکمەتا عیراقێ ڤە دھێتە مەزاختن و پەیوەندیێن باش ژی یێن ل گەل حزب اللە یا لوبنانی و لەشکرێ سووری یێن ھەین.
وی پەرلەمانتاری ئەوژی ئاشکراکر کو ئارمانج ژ ڕێکخستنا وان چەند ھزار چەکدارێن پەکەکێ ب فەرمانا ڕژێما سووری و پشتەڤانیا دارایی یا عیراقێ، بۆ پشکداریکرنا وانایە د ئۆپەراسیۆنا ئازادکرنا باژێرێ مووسلێ یا ب ناڤێ حەشد شەعبی.
وی پەرلەمانتاری ئەوژی بەحسکریە کو ھۆکارێ چەندین جاران گیرۆکرنا ئازادکرنا مووسلێ ژلایێ ئەمریکا ڤە، دزڤریت بۆ پیلانا ھەڤپشک یا عیراقێ و سووریێ و پەکەکێ کو عیراق دخوازیت ب ئازادکرنا مووسلێ ھێزەکا مەزن یا حەشد شەعبی و پەکەکێ ل وێ دەڤەرێ جێگیر بکەت، بۆ وێ چەندێ ھێزێن سونی نەشێن داخوازا جودابوونێ، یان ژی پێکئینانا ھەرێمەکا فیدرال بکەن.
ئاشکرابوونا ڤێ پیلانێ ددەمەکی دایە کو ل چەند ڕۆژێ بۆری، بەرپرسێن پەکەکێ بەحس ل وێ چەندێ دکر کو پەکەکێ شیانێن پشکداریێ د ئازادکرنا مووسلێ دا یێن ھەین و نێزیکی چار ھزار چەکدارێن پەکەکێ د بەرھەڤن و مەشق و ڕاھێنان ژێ یێن ئەنجامداین.
وەزارەتا ساخلەمیا ھەرێمێ و عیراقێ رێککەفتن
ئەڤرۆ نيوز:
وەزارەتا ساخلەمیا عیراقێ بڕیار دا، پشکا دەرمانێن ئاوارێن ل ھەرێما کوردستانێ ئاکنجی و نەخۆشیێن درێژخایەن ب لیستەکا جودا بۆ ژ نوکە وێڤە بۆ وەزارەتا ساخلەمیێ یا حوکمەتا ھەرێما کوردستانێ بھنێریت.
ل دووڤ ڕاگەھاندنەکا وەزارەتا ساخلەمیێ یا حوکمەتا ھەرێما کوردستانێ، دوھی 9/3/2016 شاندەکێ وەزارەتا ساخلەمیا عیراقێ سەرەدانا وەزارەتا ساخلەمیا ھەرێمێ کر و د ھەڤدیتنەکێ دا ل گەل دکتۆر رێکەوت حەمە رەشید، وەزیرێ ساخلەمیێ ل حوکمەتا ھەرێما کوردستانێ بڕیار ھاتە دان ژ نوکە وێڤە پشکا دەرمانێن نەخۆشێن پەنجەشێرێ یێن ھەرێما کوردستانێ و ئاوارێن ئاکنجی ل ھەرێمێ ب لیستەکا جودا بۆ ھەرێمێ بھنێرن.
ئاماژە ب وێ چەندێ ژی کریە کو لژنەکا تایبەت ژ بەرپرسێن عمبارێن دەرمانان یێن پارێزگەھێن ھەرێما کوردستانێ ب زووترین دەم دێ سەرەدانا بەغدا کەن بۆ ئینانا پشکەکا دەرمانان، ھەتا کو لیستا تۆمارا نەخوشێن پەنجەشێرێ و نەخوشیێن درێژخایەن و ئاوارێن ل ھەرێمێ ئاکنجی دھێتە بەرھەڤکرن و د دەمێ دو ھەیڤان دا دێ ھێتە ھنارتن.
CHP داخوازا دادگەھکرنا بەرپرسێن ئاکپارتی و HDP دکەت
ئەڤرۆ نیوز:
ھژمارەک پەرلەمانتارێن CHP راگەھاندن کو شاندێ HDP و شاندێ ئاکپارتی و سەرۆکێ دەزگەھێ ھەوالگیریا تورکیا ل ژێر ناڤێ قۆناغا ئاشتیێ ھەڤکاریا PKK کرنە و ب ڤێ یەکێ رومەتا دەولەتێ شکاندنە و دڤێت بھێنە سزاکرن و ل دادگەھا بلندا تورکیا دۆز ڤەکرن.
بولەند تەزجان جێگرێ سەرۆکێ پارتا کۆماریا گەل (CHP) د داخویانیەکی رۆژنامەڤانی دا ل ھۆلا پەرلەمانێ تورکیا راگەھاند کو سەرکردەیێن ئاکپارتی، سەرۆک وەزیران و سەرۆک کۆمار ل ژێر ناڤێ قۆناغا ئاشتیێ ل گەل رێبەرێ PKK دانوستاندن کرینە و شاندێ HDP شاندینە ئیمرالی و قەندیلێ و ل گەل رێکخستنا تیرۆرێ ھەڤدیتنان کرینە و گۆت: (ل دووڤ دستوورێ تورکیا ئاکپارتی و HDP تاوان ل دژی ئێکەتیا نەتەوی ئەنجام داینە و ئەو یەک ژناڤبرنا رومەتا تورکیایە و دڤێت بھێنە دادگەھکرن و ڤەکۆلینەکا بەرفرەە ل سەر ھەڤدیتنێن ھەردو ئالیان بھێتە کرن).
جێگرێ سەرۆکێ CHP ھەروەسا راگەھاند ژی کو سەرۆک کۆمار ئەردۆگان، سەرۆک وەزیران داوود ئوگلۆ، سەرۆکێ میتێ ھاکان فیدان و ھژمارەک سەرکردێن ئاکپارتی و وەزیرێن حوکمەتێ ب دەستپێ کرنا قۆناغا ئاشتیێ دستوورێ تورکیا بنپێ کرینە و گۆت: (مە وەک CHP سکالایەک ل دادگەھێ ل دژی بەرپرسێن قۆناغا ئاشتیێ ڤەکریە و ل دووڤ ھزرا مە ئەو کەسێن کو ناڤێن وان د ھەڤدیتن و دانوستاندنان دا دەرباز دبیت دڤێت بھێنە دادگەھکرن ژ بەر کو وان کەسان ب کریارێن خوە ھەڤکاریا PKK کرینە و ئەوە ژی تاوانەکا مەزنە ل دژی یەک پارچەیا تورکیا).
ل ھەمبەر داخۆیانیا جێگرێ سەرۆکێ CHP، یالچین ئاکدۆگان جێگرێ سەرۆک وەزیرێن تورکیا بەرسڤەکا دژوار دا و راگەھاند کو CHP دخوازیت ژ ھەر رەوشەکی مفایێ وەربگریت و دەردێ CHP نە تورکیا و یەک پارچەیا وەلاتە بەلکو ئارمانجا وێ ئەوە پتر خوین بھێتە رێتن و گۆت: (یەک ژ کارێ پیرۆز یێ کو ئەم پێ رابووینە دەستپێکرنا قۆناغا ئاشتیێیە و حوکمەتا مە ب دەستپێکرنا قۆناغا ئاشتیێ خواست پرسگرێکا تیرۆرێ ل وەلات ژ ھۆلێ راکەت و د ڤی واری دا گەلەک پێنگاڤێن باش ھاتنە ئاڤێتن و حوکمەت د قۆناغا ئاشتیێ دا سەرکەڤتی بوویە، لێ HDP و PKK سۆزا کو دانە دەولەتێ بجە نەیناینە و بووینە سەدەمێ دەستپێکرنا کریارێن دژواریێ).
ھەر د ڤێ دەربارێ دا ئدریس بالوکەن جێگرێ ھەڤسەرۆکێن HDP ل پەرلەمانێ تورکیا راگەھاند کو پارتا CHP ب ھزرا خوە یەک ژ بەرپرسێ شەرێ ل باکورێ کوردستانێیە و پرسگرێکا کوردی بۆ CHP نە گرنگە و یا گرنگ بۆ وان ب ھێزکرنا بەرەیێ دوژمناتیا ل دژی گەلێ کوردە و گۆت: (قۆناغا ئاشتیێ بۆ کوردستانێ و تورکیا ژی گەلەک گرنگ بوو و ھەری کێم نێزیکی دو سالان شەر نەما و کەس نەھاتە کوشتن و پشتی ٣٠ سالان رەوشەکا ئارام ل تورکیا و باکورێ کوردستانێ دروست بوو، بۆ ڤێ چەندێ ئەم قۆناغا ئاشتیێ قۆناغەکا گەلەک گرنگ و پیرۆز دبینین و دڤێت ھەردو ئالی جارەکا دی ڤەگەرنە سەر مێزا دانوستاندنان).
بالوکەن ھەروەسا راگەھاند ژی کو حوکمەتا ئاکپارتی بو سەدەم کو قۆناغا ئاشتیێ تێک بچیت و مێزا دانوستاندنان ژ ھلێ بھێتە راکرن و گۆت: (ئارمانجا مە ژ قۆناغا ئاشتیێ چارەکرنا پرسگرێکا کوردییە و دڤێت حوکمەتا ئاکپارتی دەست ژ ڤی شەرێ کرێت بەردەت و ژ دل نێزیکی چارەکرنا پرسگرێکا کوردی ببیت ھەکە نە پشتی نەورۆزێ کەس نەشێت رێ ل بەر شەرەکی دژوار یێ ناڤخوە بگریت و ئەو یەک ھەم بۆ کوردان و ھەم ژی بۆ تورکان کارەساتە).
ل ئالیێ دی ب ھزاران سیاسەتمەدار، رەوشەنبیر، ئەکادیمی، نڤیسەر، رۆژنەماڤان و ھونەرمەندێن کورد و تورک ژ PKK و دەولەتا تورکیا دخوازن کو بێی مەرج شەری راوەستینن و جارەکا دی ڤەگەرنە سەر مێزا دانوستاندنان و پرسگرێکا کوردی و ھەموو پرسگرێکان ب دیالۆگ و دانوستاندنان چارە بکەن و چەکان ژ رۆژەڤا تورکیا دەرخینن.
مووچێ خانه‌نشينێن پلێن تايبه‌ت دێ هێته به‌لاڤكرن
ئه‌ڤرۆ نيوز:
حازم ئيسماعيل رێڤه‌به‌رێ گشتى خانه‌نشينێن هه‌رێما كوردستانێ راگه‌هاند سوبه رۆژا 5 شه‌مبى دێ ده‌ست ب به‌لاڤكرنا مووچێ هه‌يڤا ئێك يێ خانه‌نشينێن تايبه‌ت هێته كرن و دێ نيڤا مووچێ وان پێ هێته دان كو نێزيكى 1000 كه‌سن.
ازم ئيسماعيل رێڤه‌به‌رێ گشتى يێ خانه‌نشينێن هه‌رێما كوردستانێ راگه‌هاند ژى كو ژمارا خانه‌نشينێن په‌رله‌مانتار 322 كه‌سن و مووچێ وان 6 مليون و 560 هزار ديناره، به‌لێ بۆ مووچێ هه‌يڤا ئێك، دێ نيڤا مووچێ وان هێته برين كو دێ دێ 3 مليون و 280 هزار ديناران وه‌رگرن.
نيشاندان
WP Facebook Auto Publish Powered By : XYZScripts.com