ئەڤرۆ نيوز:
بورھان ئەرگوشی رێڤەبەرێ گشتی یێ دیوانا وەزارەتا پەروەردێ راگەھاند، کو پشکەکا پەروەردێن پارێزگەھان نامینن و گۆت:( ژ سەرجەمێ 11 پەروەردێن سنورێ پارێزگەھا ھەولێر دێ شەش مینن).
سەبارەت پەروەردێن پارێزگەھا دھۆک، ئەرگوشی گۆت:(پەروەردێن شێخان و ئاکرێ و بەردەرەش دێ ھێنە لێکدان و پەروەردێن رۆژھەلات و رۆژئاڤا دھۆک دێ بنە ئێکڤە و پەروەردێن تلکێف و سێمێل دێ ھێنە لێکدان، ژ بەر جوگرافیا دەڤەرێ، پەروەردێن شنگال و زاخۆ و ئامێدیێ دێ وەکو خوە مینین).
ئەڤرۆ نيوز:
پشتی پێشکێشکرنا کابینا تەکنوکرات یا حەیدەر عەبادی بۆ پەرلەمانێ عیراقێ، سەرۆکاتیا پەرلەمانی CV بەربژێران ئاراستەی لژنا دەستپاکیێ کرینە و ل دووڤ گۆتنا پەرلەمانتارەکی پڕانیا بەربژاران ھاتینە رەتکرن.
ئەمین بەکر ئەندامێ لژنا قانوونی ل پەرلەمانێ عیراقێ راگەھاند پشتی دووڤچوونا CV وان ھاتیە کرن، پڕانیا بەربژارێن عەبادی ھاتینە رەتکرن.
ئه‌ڤرۆ نيوز:
پشتى سه‌ركه‌فتنا مه‌زن يا ڤولسبورگ به‌رامبه‌ر ريال مه‌دريد، هه‌موو جيهان په‌سنا ئاستێ يانا ئه‌لمانى دكه‌ت و د 29 سالێن بوورى دا، ل قاره‌مانيێن ئوروپا هه‌رده‌م ريال نه‌شيايه سه‌ركه‌ڤيت ئه‌گه‌ر د ياريا خوه يا ئێكێ دا ب ئه‌نجامێ 2-0 خوساره‌ت بيت و ب درێژاهيا ديرۆكا قاره‌مانا چامپيوسلينگ ب تنێ 17% ئه‌و يانه شياينه سه‌ربكه‌ڤن كو ياريا ئێكێ ب ڤى ئه‌نجامى شكه‌ستن ئينابيت.
ئه‌ڤرۆ نیۆز، قائید میرۆ
رێڤه‌به‌رێ گشتیێ زیندانیێن سیاسی ئاشكراكر، كێمكرن موچێ زیندانیان ڤه‌ناگریت و پێشبینی دكه‌ین به‌ری نیڤا ڤێ هه‌یڤێ بهێته به‌لافكرن.
ئه‌حمه‌د مام ره‌سول، رێڤه‌به‌رێ گشتیێ زیندانیێن سیاسی ب ئه‌ڤرۆ نیۆز راگه‌هاند” هێشتا حوكمه‌تا هه‌رێمێ ب فه‌رمی به‌رسڤا زیندانیێن سیاسی نه‌دایه لدۆر چاره‌نڤیسێ موچێ وانا، به‌لێ ئه‌م دوجارا دگه‌ل لیژنا به‌ره‌نگاربوونا قه‌یرانان ل سه‌رۆكایه‌تیا جڤاتا وه‌زیران كۆمبووینه و كێمكرن موچێ زیندانیێن سیاسی ناگریت.
مام ره‌سولی گۆت ژی” گوره‌ی زانیاریێن نه‌فه‌رمی گه‌هشتینه به‌رده‌ستێ مه، به‌ری 14ی ڤێ هه‌یڤێ دێ موچێ زیندانیێن سیاسی هێته به‌لافكرن و ئه‌گه‌رێ گیرۆبوونا موچه‌یژی بۆنه‌بوونا پارێ پێدڤی ڤه‌دگه‌ڕیت.
ئه‌ڤرۆ نیۆز، قائید میرۆ
ل باژاڕێ هه‌ولێرێ ژ ئه‌گه‌رێ نه‌دانا كریا دوكانێ دو وه‌لاتی كو برایێن ئێكبوون ته‌قه ل كرێدارى كرن و د ئه‌نجامدا كرێدار هاته برینداركرن.
نه‌قیب هۆگر عه‌زیز، په‌یڤدارێ پۆلیسێن هه‌ولێرێ ب ئه‌ڤرۆ نیۆز راگه‌هاند” ئه‌ڤرۆ هێزێن پۆلیسا هاتنه ئاگه‌هداركرن ژ هه‌بوونا ته‌قه‌یه‌كا زۆر ل سه‌نته‌رێ باژێڕێ هه‌ولێرێ و پشتی گه‌هشتنا مه‌فره‌زه‌یه‌كا پۆلیسا ده‌ركه‌فت دو تۆمه‌تبار یێ ته‌قێ ل وه‌لاتیه‌كێ سڤیل دكه‌ن و پشتی ته‌ناكرنا ره‌وشێ ده‌ركه‌فت وه‌لاتی یێ برینداره و هه‌ردو تۆمه‌تبار ژی ژلایێ هێزێن پۆلیسان هاتنه ده‌سته‌سه‌كرن.
نه‌قیب هۆگری گۆتژی” ل گوره‌ی زانیاریێن ده‌ستپێكی لسه‌ر نه‌دانا كریا خانی ئاریشه كه‌فتیه ناڤبه‌را خوه‌دیێ دوكانێ و كرێداری و خوه‌دیێ دوكانێ هه‌مبه‌ر وه‌رگرتنا كریا خوه كرێدار برینداركریه، ئه‌ڤه دده‌مه‌كیدایه سالا بۆری ژی حاله‌ته‌كێ ته‌قه‌كرنێ لسه‌ر نه‌دانا كریا دوكانێ هه‌بوو قوربانی ژی هه‌بوون، پۆلیسان گوره‌ی قانوونێ تۆمه‌تبار گرتینه و دگه‌ل باده‌كا ڤه‌كۆلینێ دێ هێنه هنارتن بۆهه‌مبه‌ر دادوه‌رێ ڤه‌كۆلینێ.
ئه‌ڤرۆ نيوز:
پشتى پێشكێشكرنا كابینا ته‌كنوكرات یا حه‌یده‌ر عه‌بادى ب په‌رله‌مانێ عیراقێ، سه‌رۆكایه‌تیا په‌رله‌مانى سیڤیێن به‌ربژێرا ئاراسته‌ى لژنا ده‌ستپاكیێ كرینه و ل دووڤ گوتنا په‌رله‌مانتاره‌كێ پرانیا به‌ربژاران هاتینه ره‌تكرن.
ئه‌مین به‌كر ئه‌ندامێ لژنا قانوونى ل په‌رله‌مانێ عیراقێ راگه‌هاند پشتى ته‌ماشه‌ى سیڤیێن وان هاتینه كرن، پرانیا به‌ربژێرێن عه‌بادى هاتینه ره‌تكرن.
ئه‌ڤرۆ نيوز:
بورهان ئه‌رگوشى رێڤه‌به‌رێ گشتى یێ دیوانا وه‌زاره‌تا په‌روه‌ردێ راگه‌هاند پشكه‌كا په‌روه‌ردێن پارێزگه‌هان نامینن و گۆت” ژ سه‌رجه‌مێ 11 په‌روه‌ردێن سنورێ پارێزگه‌ها هه‌ولێر دێ بۆ 6 په‌روه‌ردان هێنه كێمكرن “.
سه‌باره‌ت په‌روه‌ردێن پارێزگه‌ها دهۆك، ئه‌رگوشى گۆت” په‌روه‌ردێن شێخان و ئاكرێ و به‌رده‌ره‌ش دێ هێنه لێكدان و په‌روه‌ردێن رۆژهه‌لات و رۆژئاڤا دهۆك دێ بنه ئێكڤه و په‌روه‌ردێن تلكێف و سێمێل دێ هێنه لێكدان و ژبه‌ر جوگرافیا ده‌ڤه‌رێ، په‌روه‌ردێن شنگال و زاخۆ و ئامێدى دێ وه‌كو خوه مینین”.
ئه‌ڤرۆ نيوز:
رائیدێ مافپه‌روه‌ر، بێوار عه‌بدولعه‌زیز، به‌رپرسێ په‌یوه‌ندى و راگه‌هاندنا به‌ره‌ڤانیا باژێرى ل دهۆكێ دیاركر ئەڤرو سپێدێ لدەمژمێر 10:15 تیمێن بەرەڤانیا باژێرێ زاخو ئاكر فه مراندن زاخو هاتنە ئاگەهدارکرن کو لتاخێ عەباسیکێ ل سەنتەرێ قەزا زاخو شقەکا سێ قاتی ئاگر بەربویێ پشتی گەشتنا تیمێن مە بو جهێ رویدانێ شیان ۱۰ کەسان دناڤا ڤێ شقێدا قورتال بکه‌ن و بسلامەتی ژ ئاڤاهی بینە دەر و رویدان هاتە کونترول کرن به‌لێ زیانێن ماددی ب کەلوپەلێن ئاڤاه کەفتن.
بێوار عه‌بدولعه‌زیز دياركر كو ڤەکولین دەسپێکریە بو دیار کرنا ئەگەرێ رویدانێ.
ئه‌ڤرۆ نيوز:
پشتی UN سەرەدانا ھندەک قوتابخانا ل دھۆکێ کری، کۆژمەکێ پارەی بۆ وان قوتابخانا مەزاخت، ب تایبەت بۆ وان قوتابخانێن کێماسی تێدا، دا کو ئەڤ کێماسیە بھێنە چارەکرن، لێ ب دیتنا رێڤەبەرەکێ، ئەڤ پارێ ھاتیە مەزاختن گەندەلی تێدا ھاتیەکرن و ئەو پارێ بۆ ھاتیە دانان ل ھەمبەر وان تشتێن ھاتیە چێکرن زۆر ژێک دوورن و جھێ گومانێ یە.
ھەیام حاجی ئەحمەد، رێڤەبەرا قوتابخانەکێ یە دبێژیت: پشتی سەرەدانا رێکخراوا UN بۆ ھندەک قوتابخانان ژ بۆ ھاریکاریا ھندەک ژ وان قوتابخانێن زور دلاواز, بریار ھاتە دان کۆژمەکێ پارەی بۆ وان قوتابخانان بھێتە مەزاختن ل دووڤ وان کێماسیێن د ناف قوتابخانێ دا، کو بەری ئەو پارە بھێتە مەزاختن ب رێیا پەروەردێ بھێتە بەلاڤکرن و کومبونەک ب وان رێڤەبەران ھاتە کرن یێن پارە وەرگرتین و چێکرنا لیژنەکا ھەڤپشک بۆ وان قوتابخانێن دو دەواما تێدا دکەن، دا کوئەڤ پارە ب شێوەکێ یەکسانی ل دووڤ پێدڤیێن قوتابخانێ بھێتە مەزاختن.
ناڤبریێ گۆت ژی: ئەم ژی ل وێرێ ئامادەبووین، ھندەک رێڤەبەرا پارە وەرگرتن کو نێزیکی 4000 دولاران بوون، بەلێ یا پێدڤی بوو ئەو قوتابخانێن دو دەوام پێکڤە ڤی پارەی ب مەزێخن، چونکو ئیمزا ھەردو رێڤەبەرا ل سەر پسۆلان بوو, لێ بۆمە گومان چێبوو دەمێ پسولەکا سادە کو چو کوژمێن پارا ل سەر نەبوون، پشتی ھینکی مە بریار دا دووڤچونەکا رژد ل سەر پسۆلان بکەین و ھەموو پسۆلە گەھشتبوونە پەروەردا رۆژئاڤا بێ ئاگەھداریا مە پشتی داخاز ژ وان پسۆلان کری ژ بەشێ دارایی بۆ مە دیاربوو کو سەختە یا د پسۆلان دا ھاتیەکرن.
ھەیام ئاماژە ب وێ یەکێ کر، کوژمەکێ خەیالی ھاتیە نڤێسین بۆ وان پێداویستیا د ناڤ قوتابخانێ دا، لێ د راستی دا ئەو پێداویستێن ھاتینە چێکرن ل ھەمبەر ڤی پارەی جھێ گومانێ یە، ئەڤە خیانەتە ل ھەمبەر مللەتی و دڤێت ئەڤ کەسێن ب ڤان کاران رادبن بھێنە سزادان، چونکو ئەڤە مولکێ گشتی یە نەک یێ کەسەکی یە و گۆت: من ھەموو بەلگە ل بەردەست ھەنە و ئیمزا ژی ھاتینە گوھارتن ژلایێ دەواما دی و من ئەڤ داخواز ژ پەروەردا رۆژئاڤا و ژ رێکخراوێ ژی کریە دووڤچوونێ ل سەر وی پارەی بکەن، لێ ھێشتا بەرسڤ نەداینە.
نيشاندان