ئه‌ڤرۆ نيوز، نيوار محه‌مه‌د سه‌ليم:
مه‌ريوان نه‌قشه‌به‌ندى، به‌رپرسێ په‌يوه‌نديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ راگه‌هاند كو پشتى هه‌يڤا ئێكێ يا وه‌رزێ عومرا ئه‌ڤ ساله زێده‌تر ژ دو هزار كه‌سان ژ هه‌رێما كوردستانێ چووينه سه‌فه‌را عومرێ و نێزيكى سێ مليۆن دۆلاران د وێ هه‌يڤێ دا مه‌زاختين و ب ڤێ چه‌ندێ ژى دلته‌نگى و نه‌رحه‌تى ل ده‌ڤ خه‌لكێ كوردستانێ و پشكه‌ك ژ مامۆستايێن ئاينى ل پشت خوه هێلا ژ به‌ر ڤێ قه‌يرانا دارايى يا سه‌ر ب هه‌رێما كوردستانێ دا هاتى.
ئاماژه وێ چه‌ندێ ژى دكه‌ت كو پشتى ل 16ى شوباتا 2016ێ لژنا بلندا فه‌توايێ ل كوردستانێ داخواز ژ خه‌لكێ كوردستانێ كرى د ڤان كاودانان ل جهێ سه‌فه‌را عۆمرێ و دووباره‌كرنا ڤێ سونه‌تێ “باشتره خێر و سه‌ده ل ناڤخۆيا كوردستانێ ب وى پاره‌ى بكرن و پشكه‌كا مه‌زن ژ گۆتارخوينێن مزگه‌فتێن كوردستانێ ئه‌ڤ بابه‌ته بۆ مۆسلمانان روونكرى”، خواست ل سه‌ر سه‌فه‌را عۆمرێ گه‌له‌ك كێم بوويه>
به‌رپرسێ په‌يوه‌نديان ل وه‌زاره‌تا ئه‌وقاف و كاروبارێن ئاينى دده‌ته زانين ژى كو د 20 رۆژێن بۆرى دا كێمتر ژ 150 كه‌سان ل هه‌رێما كوردستانێ سه‌فه‌را عۆمرێ كريه.
نيشاندان
