ئه‌ڤرۆ نيوز:
ئه‌ڤرۆ رۆژا ئه‌ينى بهايێ نه‌فتێ بلندبوو و بهايێ به‌رميله‌كا برێنت ل ده‌مژمێر 17:00 ب 42 دولار و 24 سه‌نتان هاته فرۆتن، گرانبوونا بهايێ به‌رميلا نه‌فتێ پشتى دياركرنا ژڤانێ كومبوونا به‌رهه‌مئينه‌رێن نه‌فتێ هات كو برياره ل 17/4/2016 ل ده‌وحه كوم ببن بۆ دانوستاندن ل دۆر چاره‌كرنا بهايێ ئه‌رزانبوونا نه‌فتێ.
ئه‌ڤرۆ نيوز:
دوهى فیلیپ هامۆند وه‌زيرێ ده‌رڤه يێ بريتانيا ل گه‌ل سه‌رۆك بارزانى كومبوو و د كۆنگره‌يه‌كێ رۆژنامه‌ڤانى دا به‌حسێ ره‌وشا دارايى يا هه‌رێما كوردستانێ كر و پشته‌ڤانيا خوه بۆ ده‌ربازكرنا هه‌رێمێ ژ ڤێ قه‌يرانێ كر و راگه‌هاند: ژبلى داعش، ئه‌رزانبوونا بهايێ نه‌فتێ ژى دوژمنه‌كێ دى يێ كوردستانێ يه.
ئەڤرۆ نیوز،زنار تۆڤی:
ئەڤرۆ رۆژا پێنجشەمبی بهايێ به‌رمیلا نەفتێ نێزیكی 41 دۆلاران بوویه و ب گه‌هشتنا وی نرخی ئەڤ سالە ئاستێ نەفتێ گەهشتیە مه‌زنترین ئاستێ فرۆشتنا نەفتێ د سالا 2016 دا.
د سه‌ره‌ده‌رییێن ئه‌ڤرۆ یێن بازارێن په‌ترۆلێ خاما برێنت 51 سه‌نتان بلندبوویه و هه‌ر به‌رمیله‌كا وی جۆری گه‌هشتییه40 دۆلار و 84 سه‌نتان و خاما ئه‌مریكی ژی 62 سه‌نتان بلندبوو یە و گه‌هشتیه 39 دۆلار و 8 سه‌نتان.
هەروەسا بلندبوونا نرخێ نەفتێ د ده‌مه‌كی دانه وه‌لاتێن به‌رهه‌م هێنه‌رێن نەفتێ ل به‌ره ل 20 ڤێ هەیڤێ ل سه‌ر سنۆرداركرنا هنارتنا په‌ترۆلێ كۆمببنە ڤە،ژ پێخەمەت بشێن نرخێ نەفتێ بگەهیننە ئاستەکێ بلندتر ژ نوکە.
ئه‌ڤرۆ نیوز ، نه‌وزاد زاده هلۆرى:
وه‌زاره‌تا چاندن و ژێده‌رێن ئاڤى یا حكومه‌تا هه‌رێما كوردستانێ ژڤانێ قه‌ده‌غه‌كرنا راڤه ماسیان ل هه‌رێما كوردستانێ راگه‌هاند.
ل گوره‌ى راگه‌هاندنه‌كا رێڤه‌به‌ریا گشتى یا سامانێن ئاژه‌ل و ڤیته‌رنه‌رى یا وه‌زاره‌تا چاندن و ژێده‌رێن ئاڤى یا حكومه‌تا هه‌رێما كوردستانێ ژڤانێ قه‌ده‌غه‌كرنا راڤه‌یا ماسیان ل هه‌موو پارێزگه‌هێن سه‌ر ب هه‌رێما كوردستانێ ڤه هاته دیاركرن ، و ل پارێزگه‌ها دهوك و به‌نداڤا موسل قه‌ده‌غه‌كرنا ماسیان دێ ل رۆژا 1/4/2016 ده‌ستپێكه‌ت و هه‌تا رۆژا 20/6/2016 یا به‌رده‌وام بیت ، و دیسان ل پارێزگه‌هێن سلێمانى و هه‌ولێر و ئیداره‌یا گه‌رمیان ژى دێ لرۆژا 20/3/2016 ده‌ستپێكه‌ت و هه‌تا رۆژا 20/6/2016 یا به‌رده‌وام بیت.
دراگه‌هاندنێ دا زێده‌تر هاتیه : ( راڤكرنا ماسیان ب كوم ب هه‌موو شێوه‌یێن وه‌كو تورێن هویر و كاره‌ب و مادده‌یێن ژه‌هراوى و بومبه‌یان هاتینه قه‌ده‌غه‌كرن و پێدڤى یه هه‌ر كه‌س پێگیربیت.
ئەڤرۆ نیوز،زنار تۆڤى:
ئه‌ڤ ساله تا ڤى ده‌مى رێژه‌یه‌كا باش یا بارانێ ل ناحیا كانى ماسێ و گوندێن ده‌وروبه‌ر باریه و هۆبا چاندنێ ل كانى ماسێ بۆ ئه‌ڤرۆ نیوز دایه دیاركرن:كو ل 24 ده‌مژمێرێن بورى 65 میلێن بارانێ ل كانى ماسێ بارینه و دهێته پێشبینى كرن كو هه‌تا ئه‌ینیێ باران بارین ل ڤێ ده‌ڤه‌رێ یا به‌رده‌وام بیت،هه‌روه‌سا ل چیایان و چه‌ند گوندان ژى به‌فر باریه.
مسته‌فا ئه‌حمه‌د ژ هۆبا چاندنێ ل كانى ماسێ زێده‌تر بۆ ئه‌ڤرۆ نیوز دبێژیت:د ماوێ 24 ده‌مژمێرێن بورى دا ل ناحیا كانى ماسێ 65 ملیمێن بارانێ بارینه و سه‌رجه‌مێ گشتى یێ باران بارینێ ل كانى ماسێ ئه‌ڤ ساله گه‌هشتیه 940 ملیمان و هه‌تا دوماهیا ڤێ حه‌فتیێ ژى باران بارین دێ یا به‌رده‌وامبیت و دیاركر ژى:پار تا ڤى ده‌مى ل كانى ماسێ 795 ملیمێن بارانێ بارى بوون و ئه‌ڤ ساله پتر ژ سالا بورى باران باریه و ئه‌ڤ چه‌نده ژى بوویه جهێ دلخۆشیا جوتیاران و هه‌روه‌سا مفایه‌كێ مه‌زن دێ گه‌هینیته به‌رهه‌مێ چاندنێ ژى ل ڤێ ده‌ڤه‌رێ.
ئەڤرۆ نیوز ، نەوزاد زادە ھلۆری:
ھەلۆیێن ئازادی یا کوردستانێ د بەیانامەیەکێ دابەرپرسیارەتیا خوە ژ تەقینا رۆژا 13ێ ئادارێ 2016 ب ستویێ خوڤە گرت کو بویە سەدەما کوشتنا 37 کەس و برینداربوونا زێدەتری 120 کەسان.
ل گورەی بەیانەیا ھەلویێن ئازادی یا کوردستانێ کو مالپەرا وشە بەلاڤکریە تەقین ب رێیا کریارەکا خوە کوژی ھاتیە ئەنجامدان کو ئەو ژی ئێک ژ ئەندامێن وان بناڤێ سەحەر چاغلا دەمیر کو ب دوغا ژیان دھێتە نیاسین ئەڤ کریارە ئەنجامدایە.
وێنەیێ خوەکوژێ ل گورەی مالپەرا تاکی یا سەر ب رێخکراوا ھەلویێن ئازادی یا کوردستانێ.
ئه‌ڤرۆ نيوز:
پشتى دوهى سه‌ره‌دانا به‌غدا كرى، فليپ هامۆند، وه‌زيرێ ژ ده‌رڤه يێ بريتانيا به‌ريا نيڤرۆيا ئه‌ڤرۆ رۆژا پێنجشه‌مبى گه‌هشته هه‌ولێر.
ئه‌ڤرۆ رۆژا پێنجشه‌مبى رێكه‌فتى 17ى ئادارا 2016ێ فليب هامۆند ل فرۆكخانا نێڤده‌وله‌تى يا هه‌ولێرێ ژ لايێ نێچيرڤان بارزانى سه‌رۆكێ حوكمه‌تا هه‌رێما كوردستانێ هاته پێشوازى لێكرن.
بڕياره د سه‌ره‌دانا خوه يا ئه‌ڤرۆ دا، وه‌زيرێ ژ ده‌رڤه يێ بريتانيا ل گه‌ل مه‌سعود بارزانى، سه‌رۆكێ هه‌رێما كوردستانێ كۆم ببيت و چه‌ندين ته‌وه‌رێن گرنگ گه‌نگه‌شه بكه‌ن.
دوهى رۆژا چارشه‌مبى رێكه‌فتى 16ى ئادارا 2016ێ هامۆند گه‌هشته به‌غدا و ل گه‌ل هه‌ر ئێك ژ سه‌رۆك وه‌زيرێن عيراقێ حه‌يده‌ر عه‌بادى و سه‌رۆك كۆمارێ عيراقێ فوئاد مه‌عسوم كۆمبوو.
ئەڤرۆ نیوز ، نەوزاد زادە ھلۆری:
مەسعود بارزانی دیارکر کو ب چوو رەنگەکێ ل گەل وێ یەکێ نینە کو سەروکێ ھەرێمێ ل رێیا پەرلەمانی بھێتە ھەلبژاردن بەلکو دڤێت دناڤ خەلکی دا بھێتە ھەلبژاردن ، و دبێژیت ژی : (ھەر تشتەکێ کو وی کر بیت ژی ب باوەریا خوە کریە بەلێ پەشیمانە ل وێ یەکێ کو پوستێ سەروکاتیا ھەرێمێ وەرگرتیە ).
مەسعود بارزانی د دیدارەکێ ل گەل کەنالێ سکای نیوز کو شەڤا بوری ھاتیە پەخشکرن ئەو یەک رەتکر کو ئەو بانگەشێ بو دەولەتا کوردی بکەت ل بارا مانەڤا خوە د پوستێ سەروکاتیا ھەرێمێ دا و گوت : ( چەندین جاران داخوازی ژ لایەنێن سیاسی ھاتیەکرن کو کەسەکێ دیاربکەن داکو ئەو ئەڤی ئەمانەتی رادەستی وی بکەت یان ژی ھەلبژاردن بھێنە ئەنجامدان کو ب رێیا پەرلەمانی نەبیت ژبەرکو دزانم کو چوو تشتەکێ گرنگ د پشت ئەڤی کاری دایە ).
بارزانی گوت ژی ، ئەوا کو وی د ژیانا خوە ئەنجام دای ب باوەریا وی بخوە بوویە و رونکر ژی کو ھەکە ئەو ڤەگەرێتەڤە بو بوریێ خوە تاکە تشت کو لسەر پەشیمانە وەرگرتنا پوستێ سەروکاتیا ھەرێمێ یە ( ب درێژکرنا بریارا ویلایەتا وی ڤە ژی ) ، ول گورەی ئاخفتنا وی دڤیابا ب چوو رەنگان پوستێن فەرمی وەرنەگریت.
ل پارا پەیوەندیێن دناڤبەرا ھەولێر و بەغدا گوت : ( چوو تشت نەمایە کو مە ئەنجام نەدا بیت ل بارا پارێزڤانیکرن ل ئێک پارچەیا ئاخا عیراقێ ، و پێدڤی یە ئەو یەک ژی ل بیرا خوە بینین ڤە کو دەستوورێ عیراقێ بەحس لسەر وێ یەکێ کریە کو : ( پاپەندبوون ب دەستووری گەرنتیکرنا پارێزڤانیکرنێ یە ل ئێک رێزیا ئاخا عیراقێ ) ، بەلێ د راستی دا حکومەتا عیراقێ پابەند نەبوویە ب دەستووری ڤە و دەھان نموونەیێن دن ژی ھەنە کو ئەو لسەر ڤێ یەکێ پابەند نەبوینە.
بارزانی گوت ژی : ( ئەرێ بوچی لسەر ئەزموونەکا شکست لسەر ھاتیەکرن د رژد بین کو شکەستن لسەر بنەمایێ وێ ئینایە ، ئەرێ چێدبیت جارەکا دن بەر ب شەری ڤە پێنگاڤان بھاڤێژین یان ژی ب ئارامی پێکڤە بژین وەکو برا و ھەڤکاریا ھەڤدوو بکەین و دەڤەر ژی یا ئارام بیت و گەلێ خوە ژی بەر ب ئاڤدانکرن و گەشەپێدانێ ڤە ببەین )
مەسعود بارزانی گوت : ( بو بەرەڤانیکرن لسەر ھەلدانەڤا توندوتیژیێ و شەری ل عیراقێ پێدڤی یە ب جدی گەنگەشە دناڤبەرا ھەرێم و بەغدا بھێنە ئەنجامدان بو دیتنەڤا ئاریشەیێن نوێ وەک ” سەربەخویی ” ل وی دەمی دبیت دوو جیرانێن باش بین و ھەڤکاریا ھەڤدوو بکەین)
ل بارا ھەلوەشاندنا یان ژی ب سەرچوونا پەیمانا سایکس بیکو بارزانی ئاماژە ب وێ یەکێ کر کو ئەوا د واقعی ھەیی و ب سەلمینیت ب سەر ھەموو وەلاتان و کومەلگەھا نیڤدەولی ئەوە کو بریارەکێ لسەر ڤێ یەکێ بدەن ژبەرڤێ د نھادا تشتەک نەمایە بناڤێ رێکەفتناما سایکس بیکو ئەو ژی ژ ئەگەرا وێ یەکێ کو سنوور ھاتینە گوھرین ، و داعشێ سنوور گوھرینە بو نموونە چوو تشت نینە دنھادا بناڤێ سنورێن دناڤبەرا عیراق و سوریا ژبەرڤێ پێدڤی یە جارەک دن ئەڤ سنوورە بھێنەڤ دارشتن ب وی رەنگی کو ل گەل واقعی بگونجیت و مفا ژ وان شاشیان بھێتە وەرگرتن ل دەما دارشتنا سنوورێن دەما رێکەفتنامەیا سایکس بیکو دا ھەبوونا خوە ھەبوویە ، و ب پشت راستی ئەڤ یەک ژی داخوازیا کوردایە.
بارزانی لسەر تەقینا ئەنقەرێ راگەھاند ” ھەر چەندە ھەتا نھا چوو راگەھاندنێن فەرمی نینە کو پارتا کرێکارێن کوردستانێ تومەتبار بکەت و تەقینا ئەنقەرە ب سەلمینیت و تا نھا ڤەکولین د بەردەوامن بەلێ ئەگەر ب بەلگەیێن ئێکلاکەر ڤێ یەکێ ب سەلمینن پەکەکە د پشت تەقینا ئەنقەرەیی َدایە کو ئەڤ یەک ژی مەزنترین تاوانە دژی گەلێ کورد ھاتیە ئەنجامدان ، و ژبەلی ڤێ یەکێ کارەکێ ھوسا دێ بیتە سەدەما ئالوزبوونا ئاریشەیان تا وی رادەیی کو ببیتە ئەگەرا شەرێ دناڤبەرا کورد و تورکان.
مەسعود بارزانی باوەری خوە نیشاندا کو شەرێ موسل شەرەکێ سیاسیە پاشان یێ سەربازی یە ژبەرکو ئەوا ئەڤی باژێری تایبەتمەند دکەت ل گەل باژێرەکێ دن یێ عیراقێ ئەوە کو پێکھاتەیێن جودا تێدا دژین و ئاینێن جوداجودا تێدا ھەنە ژبەرڤێ ئەوا پێدڤی یە کو ھزرێ د ئازادکرنا موسلێ دا بھێتەکرن ئەنجامدانا رێکەفتنامەیانە ل بارا ئایندەیێ پارێزگەھا نەینەوا و گوت ژی : ( نابێژم ئازادکرنا وێ یا ب ساناھی یە بەلێ یا ب زەحمەت ژی نینە ، بەلێ قوناغا پشتی ئازادکرنا موسل ب زەحمەترە )
گوت ژی : ( کورد ب ھەموو رەنگەکێ وێ یەکێ رەتدکەت کو پشکەک بیت ژ ململانێیێن مەزھەیێن دناڤبەرا شیعە و سونەیان دا لسەر ئازادکرنا موسل و دئێک ئاست دا ل گەل ھەردووان راوەستایە و ھەڤکاریا ھەردوان ژی دکەین )
مەسعود بارزانی لسەر بارودوخێ کوردێن رۆژئاڤا دیارکر کو کوردێن سوریا ژ ئەگەرا ھەبوونا وان ئالوزیێن درێکرێزیا وان دا ھەیی شکەستن ئینایە و گوت ژی : ( ھەر ژ دەستپێکێ ئەز ل گەل ھەموو رێکخراوێن کوردێن سوریا کومبویمە و وەکو برا و ھەڤال من داخوازی ل وان کریە کو ئێکرێزبن و ئەو ب خوە وێ یەکێ ھەلبژێرن کو ل گەل رژێمێ ب مینن یان ژی ببنە ئوپوزسیوون )
بارزانی رونکر ژی کود نھادا کوردێن سووریا چوو جورێن رێکەفتنامەیان نینە ل گەل رژێما سوریا و ئوپوزسیوونێ و چوو ژ وان ژی دانپێدانێ ب کوردان ناکەن و گوت ژی : ( ئەو واقعێ کو نھا کوردێن سوریا سەپاندی ب دەربازبوونا دەمی دێ گورانکاری ب سەرداھێن و دڤێت وێ یەکێ ژی بزانین کو کوردێن سوریا دنھادا وەکو شەرڤان بو شەرێ داعشێ دھێنە بکارئینان بەلێ کەس نزانیت کو دێ چارەنڤیسی َوان ل ئایندە چەوا بیت )
نيشاندان