داعش هێرشی باژاره‌كێ رۆژئاڤا كوردستانێ كر

27/02/2016 19:55

177

ئه‌ڤرۆ نیوز:
رێكخستییا تیرۆرییا داعش هێرشی گرێ سپی ل رۆژئاڤا كوردستانێ كر و فرۆكێن شه‌ركه‌ر یێن هه‌ڤپه‌یمانیێ بۆ هاریكاریكرنا هێزێن یه‌په‌گێ و ب مه‌ره‌ما به‌رهنگاربوونا هێرشێ پتری ده‌هـان هێرش ل سه‌ر داعش كرن.
روانگه‌ها سوری بۆ مافێن مرۆڤی و هه‌روه‌سا رێدوور خه‌لیل په‌یڤدارێ یه‌په‌گێ راگه‌هاندن كو د وێ هێرشێ دا 45 تیرۆرستێن داعش هاتنه‌ كوشتن و هه‌روه‌سا 20 شه‌رڤانێن یه‌په‌گێ گیانێ خوه‌ ژ ده‌ست دا.
ئه‌ڤ هێرشه‌ دده‌مه‌كی دایه‌ ئاگربه‌ستا سوریا كه‌ڤتیه‌ د بیاڤێ بجهئینانێ دا.
تێ زانین پارسال یه‌په‌گێ ب هاریكارییا هه‌ڤڤه‌یمانان گرێ سپی كۆنترۆل كربوو و ژ ده‌ستێن داعش ئینابوو ده‌ر ب ڤێ یه‌كێ كانتۆنا جزیرێ و كۆبانێ ب هه‌ڤرا گرێدابوو.

وه‌زاره‌تا وزا توركيا ل دۆر بوريا نه‌فتا هه‌رێمێ رۆنكرنه‌كێ دده‌ت

27/02/2016 19:29

269

ئه‌ڤرۆ نيوز:

ئه‌ڤرۆ وه‌زاره‌تا وزا توركيا راگه‌هاند وان ده‌ست ب چێكرنا بوريا نه‌فتا هه‌رێما كوردستانێ كريه‌ و ئاماژه‌ ب وێ يه‌كێ كريه‌ كو ل رۆژا 25 ڤێ هه‌يڤێ بوريا نه‌فتا هه‌رێما كوردستانێ هاتيه‌ په‌قاندن.

وه‌زاره‌تا وزا توركيا ئاماژه‌ ب وێ يه‌كێ كريه‌ كو هێزێن ئاسايشا توركيا چه‌ندين بۆمبێن چاندى ل بن بوريا نه‌فتێ ئيناينه‌ ده‌ر و گۆت: پارتا كرێكارێن كوردستانێ، په‌كه‌كێ بوري يێ په‌قاندى.

دووماهى داخۆيانيا نێچيرڤان بارزانى ل دۆر مووچێ شوباتێ

27/02/2016 13:53

2326

ئه‌ڤرۆ نيوز:

سه‌رۆكێ حوكمه‌تا هه‌رێما كوردستانێ راگه‌هاند كو دێ ب زووترين ده‌م خشتێ نوو يێ مووچێ فه‌رمانبه‌ران هێته‌ راگه‌هاندن و دبێژيت: “راگرتنا هنارتنا په‌ترۆلا هه‌رێمێ كارتێكرن ل سه‌ر به‌لاڤكرنا مووچه‌ى هه‌بوو”.

نێچيرڤان بارزانى، سه‌رۆكێ حوكمه‌تا هه‌رێما كوردستانێ، پشتى كۆمبوونا جڤاتا سه‌ركرداتيا پارتى ديموكراتى كوردستان د كۆنگره‌كێ رۆژنامه‌ڤانى دا راگه‌هاند: “د وێ ده‌ڤه‌را په‌ترۆلا كوردستانێ لێ هاتيه‌ راگرتن، بزاڤێن له‌شكرى هه‌بووينه‌ و ژ به‌ر هندێ ژى بۆرى هاتينه‌ كونكرن و په‌ترۆل ب هه‌ده‌ر چوويه‌، به‌لێ نه‌شێين په‌كه‌كێ تاوانبار بكه‌ين”.

ئاشكه‌را ژى كر كو راوه‌ستاندنا هنارتنا په‌ترۆلا هه‌رێما كوردستانێ كارتێكرن دێ ل سه‌ر مووچێن فه‌رمانبه‌رێن هه‌رێما كوردستانێ هه‌بيت”.
ده‌رباره‌ى ئه‌نجامدانا كۆمبوونا ل گه‌ل بزاڤا گۆڕان گۆت: “مه‌ پێخۆشه‌ ل گه‌ل بزاڤا گۆڕان روونين و دانوستاندنێ بكه‌ين، به‌لێ ئه‌وان ئاماده‌ نينن، د حه‌فتيا داهاتى ژى دا دێ ل گه‌ل ئێكه‌تيێ كۆمبين”.
ده‌رباره‌ى دابه‌شكرنا مووچه‌ى ژى سه‌رۆكێ حوكمه‌تێ گۆت: “ل ڤان نێزيكان دێ خشتێ مووچێ هه‌يڤا دو هێته‌ راگه‌هاندن”.
به‌حس ل بايكوتا ده‌واما مامۆستايان ژى كر و راگه‌هاند كو ئه‌و گرێداى وێ سۆزێ نه‌ يا ب مامۆستايان گۆتى.

كۆمبوونا پارتى ب دووماهى هات

27/02/2016 13:46

241

ئه‌ڤرۆ نيوز:

كۆمبوونا جڤاتا سه‌ركرداتيا پارتى ل پيرمام ب دووماهى هات، ب گۆره‌ى گۆتنێن ژێده‌رێن ناڤا كۆمبوونا پشتى چه‌نده‌كا دى دێ راگه‌هاندنامه‌كێ به‌لاڤ كه‌ن.

ب سه‌رپه‌رشتيا سه‌رۆكێ خوه‌، پارتى ديموكراتى كوردستان ئه‌ڤرۆ ل پيرمام كۆم بوو بۆ دانوستاندنێ ل سه‌ر ره‌وشا نوكه‌ و كێشێن هه‌رێمێ و چاكسازيێن ناڤ حوكمه‌تێ كۆم.

ب گۆره‌ى ژێده‌ره‌كى كو پێشتر بۆ ئه‌ڤرۆ نيوز به‌حس كربوو كۆمبوون ل سه‌ر چاكسازيێن سه‌رۆكێ هه‌رێمێ د ناڤا پارتى و حوكمه‌تێ دا و ديسا ره‌وشا داراى يا نوكه‌ و به‌حسكرنا سه‌ره‌دانا خوه‌ بۆ ئورۆپا و پشكدارى د كۆنفرانسێ مينونشن يێ ئه‌منى دا بوو.

ئوردن وه‌كو وه‌لاته‌كێ سه‌ربه‌خۆ سه‌ره‌ده‌ريێ ل گه‌ل هه‌رێمێ دكه‌ت

27/02/2016 12:44

1797

ئه‌ڤرۆ نيوز:

ئێك ژ فرۆكخانێن وه‌لاتێ ئوردن ئاشكه‌را كر كو بۆ وه‌لاتێن هه‌رێما كوردستانێ بۆ سه‌ره‌دانا وى وه‌لاتى پێدڤى ب ڤيزا پێش وه‌خت ناكه‌ت و ژ نوكه‌ و پێڤه‌ دشێن ئێكسه‌ر سه‌ره‌دانا وى وه‌لاتى بكه‌ن.

ب گۆره‌ى روونكرنه‌كێ كو فرۆكخانا نێڤده‌وله‌تى يا “شاژنا عاليا” ل ئوردن، وه‌لاتێن هه‌رێما كوردستانێ بۆ سه‌ره‌دانكرنا ڤى وه‌لاتى، پێدڤى ب ڤيزا پێش وه‌خت نابيت.

د وێ راگه‌هاندنێ دا عيراق د ناڤ وان وه‌لاتان دا هاتيه‌ كو وه‌لاتيێن وێ بۆ سه‌ره‌دانا ئوردن پێدڤيه‌ پێش ده‌م ڤيزێ وه‌ربگرن و رێكارێن قانوونى ببڕن، به‌لێ هه‌رێما كوردستانێ وه‌كو وه‌لاته‌كێ سه‌ربه‌خۆ ئاماژه‌ پێ هاتيه‌ كرن و وه‌لاتيێن وێ ژى پێدڤى ب ڤيزا پێش ده‌م نينه‌.

ب گۆره‌ى ڤێ روونكرنێ، وه‌لاتيێن هه‌رێما كوردستانێ ل ده‌مێ گه‌شتێن خوه‌ هه‌ر ل فرۆكخانێ دێ ڤيزه‌ پێ هێته‌ دان و بهايێ ڤان ڤيزان ژى دێ د ناڤبه‌را 56 دۆلار بۆ 169 دۆلاران بيت ب گۆره‌ى ماوێ مانا وان ل وى وه‌لاتى.

چار پێشمه‌رگان گيانێ خوه‌ ژ ده‌ست دا و ئێك ژى بريندار بوو

27/02/2016 12:12

1368

ئه‌ڤرۆ نيوز، بارزان مزوورى:

سپێده‌ها ئه‌ڤرۆ 27ى شوباتا 2016ێ ل نێزيك گۆندێ گه‌ويلان ژ ئه‌نجامێ روودانه‌كا ترافيكێ چار پێشمه‌رگان گيانێ خوه‌ ژ ده‌ست و ئێك ژى بريندار بوو.

حازم محه‌مه‌د، راگه‌هاندنكار ل پشكا پۆليسێن هاتنوچوونا قه‌زا به‌رده‌ره‌ش د داخۆيانيه‌كێ دا بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى رێكه‌فتى 27ى شوباتا 2016ێ و ل ده‌مژمێر 10:45 ده‌قيقه‌ ل سه‌ر رێيا كه‌له‌ك نێزيك گۆندێ گه‌ويلان روودانه‌كا ترافيكێ د ناڤبه‌را ترۆمبێله‌كا بارهه‌لگر مارسدس و ترۆمبێله‌كا تيوتا دا روودا”.

زێده‌تر گۆت: “ژ ئه‌نجامێ ڤێ روودانێ، چار پێشمه‌رگان گيانێ خوه‌ ژ ده‌ست دا و ئێك ژى بريندار بوو و بۆ نه‌خۆشخانا گشتى يا ئاكرێ هاته‌ ڤه‌گوهاستن”.

دا زانين ژىكو هێشتا ئه‌گه‌رێن دروستێن روودانێ نه‌هاتينه‌ زانين، ئه‌و پێشمه‌رگه‌ ژى د رێ دابوون دا بۆ ئه‌ركێ خوه‌ يێ پێشمه‌رگاتيێ به‌ر ب ده‌وامێ ڤه‌ چن.

CIA: عيراق و سوريا وه‌كو ده‌وله‌ت نه‌ماينه‌ و گه‌را ڤان دو وه‌لاتايه‌

27/02/2016 11:12

377

ئه‌ڤرۆ نيوز:

“عيراق و سوريا ب دووماهى هاتن، ليبا ژى به‌ر ب نه‌مانێ دچيت”، ئه‌ڤه‌ گۆتنێن سه‌رێ به‌رێ يێ ده‌زگه‌هێ هه‌والگه‌رى يێ (CIA) بوو.

ميشێل هايدن سه‌رۆكێ به‌رێ يێ ده‌زگه‌هێ هه‌والگه‌ريا ئه‌مريكا گۆت: “ئه‌و گوهۆڕينێن ل ده‌ڤه‌را رۆژهه‌لاتا ناڤه‌راست دا روو دده‌ن، ئاماژه‌كن بۆ نه‌مانا قانوونێن نێڤده‌وله‌تى”.
د چاڤپێكه‌فتنه‌كێ دا ل گه‌ل كه‌نالێ CNN ميشێل هايدن گۆتژى: “ئه‌و شه‌پۆلا تيرۆر و توندوتيژيێ ل چه‌ند وه‌لاتان ب رێڤه‌ دچيت، نه‌مانا وان هه‌موو رێكه‌فتناما نيشان دده‌ت كو ل پشتى شه‌رى جيهانى يێ دويێ ژ لايێ كۆمه‌لگه‌ها نێڤده‌وله‌تى ڤه‌ هاتينه‌ ئه‌نجام دان”.
به‌حس ل وێ چه‌ندێ ژى كر كو نوكه‌ ژ ئه‌گه‌رێ شه‌رى، سنورێ چه‌ندين وه‌لاتان به‌ر ب خرابكرنێ دچيت ئه‌وێن د رێكه‌فتنناما فه‌رساى و سايكس بيكو دا ژ لايێ وه‌لاتێن جيهانێ بڕيار ل سه‌ر هاتيه‌ دان.
نه‌ڤه‌شارت ژى كو نوكه‌ هه‌ر ئێك ژ عيراق و سوريا وه‌كو نه‌ماينه‌ و يێن ب دووماهى هاتين، “چونكو سنور نينه‌، جاره‌كا دژى دروست نابن، ليبا ژى يا به‌ر ب دووماهيێ و نه‌مانێ ڤه‌ دچيت و لوبنان ژى يا پێنگاڤان به‌ر ژ به‌رئێكچوونێ دهاڤێژيت”.

بارزانى ئه‌ڤرۆ دێ به‌حسێ دانانا حوكمه‌ته‌كا نوو كه‌ت

27/02/2016 10:10

501

ئه‌ڤرۆ نيوز:

ب سه‌رپه‌رشتيا سه‌رۆكێ خوه‌، پارتى ديموكراتى كوردستان دێ ئه‌ڤرۆ كۆم بيت و دانوستاندنێ ل سه‌ر ره‌وشا نوكه‌ و كێشێن هه‌رێمێ و چاكسازيێن ناڤ حوكمه‌تێ كۆم بيت.

ژێده‌ره‌كى پله‌ بلندێ پارتى ديموكراتى كوردستان كو نه‌خواست ب ناڤێ خوه‌ ئاشكه‌را بكه‌ت بۆ ئه‌ڤرۆ نيوز گۆت: “ئه‌ڤرۆ رۆژا شه‌مبى 27ى شوباتا 2016ێ ب سه‌رپه‌رشتيا سه‌رۆك بارزانى، جڤاتا سه‌ركرداتيا پارتى دێ كۆم بيت”.

زێده‌تر گۆت: “د كۆمبوونێ دا دێ به‌حس ل سه‌ره‌دانا وى بۆ ئورۆپا و پشكداريا د كۆنگرێ ئاسايشا جيهانى دا ل ميونخ و پشتگريا وه‌لاتان بۆ سه‌ربه‌خۆيا ده‌وله‌تا كوردستانێ هێته‌ كرن”.

ئاماژه‌ ب وێ چه‌ندێ ژى كر كو هه‌ر د ڤێ كۆمبوونێ دا دێ به‌حس ل كێشێن هه‌رێما كوردستانێ و ئه‌گه‌رێ دروستبوونا حوكمه‌ته‌كا نوو هێته‌ كرن”.

دا زانين ژى كو هه‌ر د ڤێ كۆمبوونێ دا، سه‌رۆك بارزانى دێ گه‌نگه‌شێ ل سه‌ر چاكسازيێن ناڤخۆ يێن پارتيا خوه‌ و حوكمه‌تێ ژى ل گه‌ل جڤاتا سه‌ركرداتيا پارتى گه‌نگه‌شه‌ كه‌ت.

ره‌وشا سه‌قايێ سوبه‌هى

27/02/2016 09:58

443

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئێكشه‌مبى رێكه‌فتى 28ى شۆباتا 2016ێ ئه‌سمان ژ ئه‌ورێن تمام بۆ يێن كێم دێ هێته‌ گوهۆڕين و ل هنده‌ك ده‌مان ل هنده‌ك جهان دێ باران باريت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ به‌رده‌واميا فشارێن نزمێن ده‌ريا سۆر بۆ سه‌ر هه‌رێما كوردستانێ دهێته‌ پێشبينيكرن ئه‌سمان ژ ئه‌ورێن تمام بۆ يێن كێم بهێته‌ گوهۆڕين و ل هنده‌ك ده‌مان ل هنده‌ك جهان دێ باران باريت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژئاڤا بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (9 بۆ 17) پلان دا بيت.

كه‌سه‌كێ گیانێ خوه‌ ژ ده‌ست دا

26/02/2016 23:50

470

ئه‌ڤرۆ نیوز ، نه‌وزاد زاده‌ هلۆرى:
مه‌غره‌بیا ئه‌ڤرۆ لسه‌ر رێیا دوریانا ناحیا گرده‌سێنێ د روودانه‌كا ترافیكێ دا كه‌سه‌كێ گیانى َخوه‌ ژ ده‌تست دا و سێ كه‌سێن دن ژى برینداربون.
رێكه‌فت زاهێر به‌رپرسێ به‌رپرسێ راگه‌یاندنا هاتن و چوونا ئاكرێ بۆ ئه‌ڤرۆ نیوز گۆت : ( مه‌غره‌بیا ئه‌ڤرۆ رۆژا هه‌ینى 26/2/2016 لده‌مژمێر 5:35 خوله‌ك ل دوریانا ناحیا گرده‌سێن د روودانه‌كا ترافیكێ دا كو دناڤبه‌را دوو ترومبێلێن ژ جورێ هوندا تایبه‌ت ره‌نگێ سپى و تویتا كروله‌ تایبه‌ت ره‌نگێ زه‌ر هاته‌ روودان و د ئه‌نجام دا كه‌سه‌كێ گیانێ خوه‌ ژ ده‌ست دا و سێ كه‌سێن دن ژى برینداربوون )
زێده‌تر گۆت : ( بریندارێن روودانێ بۆ نه‌خوشخانا ته‌نگاڤیا ئاكرێ هاتنه‌ ڤه‌گوهاستن )

نيشاندان 1...1,000 2,000 2,0022,0032,004...2,816 زێده‌تر

لاپه‌ر 2,003 ژ 2,816