ئه‌ڤرۆ نيوز:
رێڤه‌به‌ريا چاكسازيا مه‌زنان ل دهۆكێ راگه‌هاند كو ب هه‌لكه‌فتا جه‌ژنا نه‌ورۆز و سه‌رسالا كوردى ده‌ستوورى ب 18 زيندانكريان هاته دان كو ژ چاكسازيێ ڤه‌گه‌رنه ناڤ خێزانێن خوه و دێ جه‌ژنا نه‌ورۆزێ ل ناڤ خێزانێن خوه كه‌ن.
نووترين نووچه
- بالیۆزێ توركیا سوپاسییا بزاڤێن سەرۆك بارزانی بۆ سەرئێحستنا پرۆسەیا ئاشتیێ كر
- نێچیرڤان بارزانی هەڤخەمییا خوە بۆ مالباتێن روودانا كۆت دیار دكەت
- مەسرور بارزانی: گەلەك خەمباربووم ب كارەساتا ئاگربەربوونا باژێرێ كۆت
- چاڤەڕێنە حوكمەتا فیدرال مووچە و شایستەیێن دارایی یێن هەرێما كوردستانێ بهنێریت
- مەسرور بارزانی و بالیۆزێ توركیا پێشڤەبرنا هەڤبەندییان گەنگەشەكر
- مەسرور بارزانی: پێدڤییە ب زووترین دەم بەغدا مووچەی بهنێریت
- فراكسیۆنا پارتی داخوازا كۆمبوونەكا ب لەز یا جڤاتا نوونەران ل دۆر هێرشێن درۆنی ل سەر كوردستانێ كر
- هەكە هێرشێن خوە ل سەر زەڤیێن پەترۆلی یێن كوردستانێ رانەوەستینن دێ پارەیێن هەوە بلۆك كەین
- لـەیلا زانـا هێمایا بەرهنگاربوونێ و خەباتـا دیمۆكراتی
- نێچیرڤان بارزانی ئامادەییا هەرێمێ بۆ پێشڤەبرنا هاریكارییێن هەڤپشك ل گەل ئیستۆنیا نیشادا
سهرهكى نوچێن گرنگ
داعش ئه‌ڤ باژێرێ كوردستانێ داگير كر
ئه‌ڤرۆ نيوز:
محه‌مه‌د خه‌شمان، چالاكڤانێ كوردێ باژێرێ حه‌له‌بێ بۆ باسنيوز راگه‌هاند كو سپێده‌هيا ئه‌ڤرۆ رۆژا ئێكشه‌مبى 20ى ئادارا 2016ێ پشتى پێكدادانه‌كا دژوار د ناڤبه‌را چه‌كدارێن رێكخراوا تيرۆرستى يا داعش و هێزێن سه‌ر ب رژێما سوريا ل باژێرى، چه‌كدارێن داعش باژێركێ “كفرى يا بچووك” داگير كر كو باژێره‌كێ كوردستانى يه سه‌ر ب رۆژئاڤا ڤه و پتريا روونشتڤانێن وێ كوردن. ئاماژه ب وێ چه‌ندێ ژى كر كو هێرش ل ميحوه‌رێ گوندێن بابنس و تل شعێر بوون.
نێچيرڤان بارزانى به‌حس ل قووناغا داهاتى دكه‌ت
ئه‌ڤرۆ نيوز:
نێچيرڤان بارزانى، سه‌رۆكێ حوكمه‌تا هه‌رێما كوردستانێ ب هه‌لكه‌فتا هاتنا جه‌ژنا نه‌ورۆزێ، په‌يامه‌كا پيرۆزباهيێ ئاراسته‌ى نه‌ته‌وا كورد و گه‌لێن ده‌ڤه‌رێ كر و راگه‌هاند: هيڤيدارم هه‌موو لايه‌نێن كوردستانى پێكڤه ب روونن و هه‌موو كێشێن خوه د رێيا دانوستاندنێ دا چاره بكه‌ن، چونكو قووناغا داهاتى پێدڤى ب ئێكرێزيه‌كا زۆره”.
ده‌قێ په‌ياما نێچيرڤان بارزانى سه‌رۆكێ حوكمه‌تا هه‌رێما كوردستانێ:
به‌بۆنه‌ی جه‌ژنی نه‌ورۆزه‌وه، جوانترین پیرۆزبایی و جه‌ژنه‌پیرۆزه له نه‌ته‌وه‌ی كورد و هه‌موو ئه‌و نه‌ته‌وانه ده‌كه‌م، كه جه‌ژنی نه‌ورۆز ده‌گێڕن، به‌تایبه‌تی گه‌لانی ئێران كه نه‌ورۆز یه‌كێكه له هاوبه‌شییه‌كانی نێوان گه‌لی كوردستان و گه‌لی ئێران. هیوادارم ئه‌م جه‌ژنه ببێته جه‌ژنی ئاشتی و ئارامى بۆ هه‌موو ناوچه‌كه‌مان.
جه‌ژنی بنه‌ماڵه‌ی شه‌هیدان و ئه‌نفالكراوان پیرۆز ده‌كه‌م. جه‌ژنی هه‌موو ئه‌و بنه‌ماڵه كورده ئێزدیانه پیرۆز ده‌كه‌م، كه هێشتا كه‌سوكاره‌كانیان له ده‌ست داعشدا ماون و هیوادارین جه‌ژنی داهاتوو ئه‌وانیش له كوردستان له‌گه‌ڵ ئێمه‌دا بن.
جه‌ژنی یه‌ك به یه‌كی هه‌موو پێشمه‌رگه خۆڕاگر و ئازاكانی كوردستان پیرۆز ده‌كه‌م و پێیان ده‌ڵێم: ئێوه به سه‌ركه‌وتنتان به‌سه‌ر داعشدا، نه‌ورۆزتان به ئازایه‌تی و داستانێكی دیكه ده‌وڵه‌مه‌ندتر كرد.
به‌داخه‌وه شه‌ڕی داعش و قه‌یرانی دارایی؛ كاریگه‌ریی نه‌رێنى له‌سه‌ر دۆخى هه‌رێمى كوردستان به‌گشتى دروست كردووه، به‌ڵام دڵنیایی ده‌ده‌ینه هه‌موو گه‌لی كوردستان كه ئه‌م قه‌یرانه‌ش تێده‌په‌ڕێنین، تیرۆر ده‌شكێنین و كوردستان له پێشكه‌وتن به‌رده‌وام ده‌بێت.
به‌بۆنه‌ی جه‌ژنی نه‌ورۆز و سه‌ری ساڵی تازه‌ی كوردییه‌وه، هیوادارم هه‌موو لایه‌نه‌كانی كوردستان پێكه‌وه دابنیشن و هه‌موو كێشه‌كان له ڕێگه‌ی گفتوگۆوه چاره‌سه‌ر بكه‌ن، چونكه قۆناغی داهاتوو پێویستی به یه‌كڕیزییه‌كی زۆره بۆ ئه‌وه‌ی به ته‌واوی سه‌ركه‌وین، كوردستان بپارێزین و ده‌ستكه‌وتی زیاتر بۆ گه‌له‌كه‌مان به‌ده‌ست بهێنین.
نێچیرڤان بارزانی
سه‌رۆك وه‌زیرانی هه‌رێمی كوردستان
20ى ئازارى 2016
رێڤه‌به‌ريا هاتنوچوونا دهۆكێ پلانا خوه راگه‌هاند
ئه‌ڤرۆ نيوز:
رێڤه‌به‌ريا هاتنوچوونا پارێزگه‌ها دهۆكێ راگه‌هاند كو بۆ رۆژانێن جه‌ژنا نه‌ورۆزێ رێڤه‌به‌ريا هاتنوچوونێ پلانه‌ك دانايه كو رێكخستنا هاتنوچوونا ترۆمبێلان ب ساناهى كه‌ڤيت و دڤێ پلانێ دا هه‌موو ئه‌فسه‌ر و پۆليس دێ د ئه‌ركێ خوه دا بن.
رائيدێ مافپه‌روه‌ر، ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ بۆ ده‌زگه‌هێن راگه‌هاندنێ دياركر كو كاميرێن له‌زاتيێ رادار و ئاميرێ مه‌ى ڤه‌خوارنێ دێ ب شه‌ڤ و رۆژ كار كه‌ن وه‌كو هه‌ر رۆژه‌كا دى بۆ كه‌سانێن سه‌رپێچيا دكه‌ن.
زێده‌تر گۆت: “هێلا 188 و راديۆيا دهۆك ترافيك دێ د خزمه‌تا شوفێر و وه‌لاتيان دا بن، چه‌ندين مه‌فره‌زێن گه‌رۆك ژى دێ هه‌بن و هه‌ر ترۆمبێله‌كا سه‌رپێچكار بهێته ده‌سته‌سه‌ركرن ناهێته به‌ردان هه‌تا پشتى جه‌ژنا نه‌ورۆزێ”.
رائيدێ مافپه‌روه‌ر داخواز ژى ژ دايك و بابان كر كو ترۆمبێلێن خوه نه‌ده‌نه ده‌ست زارۆيان و ل جهێن به‌رته‌نگ نه‌راوه‌ستينن و زارۆكان نه‌كه‌نه د بۆديێن ترۆمبێلان دا، دا چ روودان په‌يدا نه‌بن و هيڤيا جه‌ژنه‌كا پرى خۆشى بۆ هه‌موو لايه‌كى خواست.
بۆ جارا ئێكێ عيراقێ گاز ره‌وانه‌ى ژ ده‌رڤه كر
ئه‌ڤرۆ نيوز:
ئه‌ڤرۆ رۆژا ئێكشه‌مبى 20ى ئادارا 2016ێ، حوكمه‌تا عيراقێ بارێ ئێكێ يێ گازێ ره‌وانه‌ى ژ ده‌رڤه كر.
عادل عه‌بدولمه‌هدى، وه‌زيرێ په‌ترۆلا عيراقێ رێژا بارێ ئێكێ يێ گازا هنارتيا عيراقێ ئاشكه‌را كر و راگه‌هاند: “ب رێژا 10 هزار پێيێن چارگۆشه گاز ره‌وانه كريه، ئه‌ڤه ژى ب هاريكاريا بزاڤێن هه‌ڤپشكێن لايه‌نێن نشتيمانى ل وه‌زاره‌تا په‌ترۆلێ ل گه‌ل كۆمپانيا شێل و ميتسيۆبيتشى هاتيه ئه‌نجام دان”.
وه‌زيرێ په‌ترۆلا عيراقێ پلانێن نوكه و داهاتى يێن عيراقێ بۆ ڤى كه‌رتى روونكرن و گۆت: “ئامانجا وه‌زاره‌تا وان ل نوكه و داهاتى پێكهاتيه ژ وه‌به‌رهێنان ژ سامانێ هايدرۆكاربۆنى و زێده‌كرنا داهاتێ داراى د رێيا سامانێ گاز و په‌ترۆلا خاڤ”.
سه‌قايێ رۆژا ئێكێ نه‌ورۆز دێ ب ڤى ره‌نگى بيت
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا دوشه‌مبى رێكه‌فتى 21ى ئادارا 2016ێ ئه‌سمان دێ ژ ئه‌وره‌كێ كێم بۆ ئه‌وره‌كێ ته‌مام هێته گوهۆڕين و ل دانێ پشتى نيڤرۆ ب رێژێن جودا و ل جهێن جودا باران دێ باريت.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ ڤه‌كێشانا فشارێن نزمێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن ئه‌سمان ژ ئه‌وره‌كێ كێم بۆ ئه‌وره‌كێ ته‌مام هێته گوهۆڕين و ل دانێ پشتى نيڤرۆ ب رێژێن جودا و ل جهێن جودا باران دێ باريت.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 10 هه‌تا 20كم دا و هنده‌ك و ماوێ ديتنێ ژى دێ 8 بۆ 10كم بيت، پلێن گه‌رمێ ژى دێ د ناڤبه‌را (5 بۆ 10) پلان دا بيت.
سه‌رۆك بارزانى داخوازا پێكئينانا حكومه‌ته‌كا نوو دكه‌ت
ئه‌ڤرۆ نيوز:
ب هه‌لكه‌فتا جه‌ژنا نه‌ته‌وه‌يى يا نه‌وروزێ و سه‌ر سالا نوو يا كوردى، سه‌رۆك بارزانى پيرۆزباهى ل هه‌موو خه‌لكێ كوردستانێ ب هه‌موو پێكهاتێن وێ يێن ئاينى و نه‌ته‌وه‌يى كر.
سه‌باره‌ت پرۆسا سياسىيا هه‌رێما كوردستانێ، سه‌رۆك بارزانى دياركريه: ل 23 حوزه‌يرانێ، بنه‌مايێ ته‌وافوقێ هاته تێكدان كو حكومه‌ت و په‌رله‌مان ل سه‌ر هاتبوو ئاڤاكرن، له‌وما باشترين چاره‌سه‌رى ئه‌وه په‌رله‌مان بهێته كاراكرن و ده‌سته‌يا سه‌رۆكايه‌تيا په‌رله‌مان و حكومه‌ته‌كا نوو بهێته پێكئينان.
ب وێنه: ته‌قينه‌كێ نيڤا سته‌مبۆل هه‌ژاند
ئه‌ڤرۆ نيوز:
ب گۆره‌ى نوچه‌كێ مالپه‌رێ سى ئێن ئێن تورك نيڤرۆيا ئه‌ڤرۆ ته‌قينه‌ك ل مه‌يدانا ته‌قسيم ل ناڤه‌راستا سته‌مبۆل روودا و ژ ئه‌گه‌رێ وێ چه‌ندێ ژى دو كه‌س بريندار بوون.
ب گۆره‌ى مالپه‌رى ته‌قين يا خوه‌كوژى بوويه و ژ لايێ كه‌سه‌كى ڤه ئه‌نجامدايه كو ته‌قه‌مه‌نى ڤێ بوون.
ژ ئه‌گه‌رێ وێ په‌قينێ جاده و ده‌وروبه‌رێن ته‌قسيم هاتينه داخستن و خه‌لك ژ جهێ روودانێ يێ دره‌ڤن و ته‌رم ژى ل جهێ روودانێ هاتينه ديتن.
ئه‌ڤ ته‌قينه ژ پشتى حه‌فتيه‌كێ ژ ته‌قينا ئه‌نقه‌ره دهێت ئه‌وا ژ ئه‌گه‌رێ وێ 35 كه‌س هاتينه كوشتن و 120 كه‌س بريندار بووين.
سه‌در داخوازيه‌كێ ژ بارزانى دكه‌ت و ئه‌و ژى به‌رسڤا وى دده‌ت
ئه‌ڤرۆ نيوز:
ب مه‌ره‌ما پشته‌ڤانيكرن ل چاكسازيان و نه‌هێلانا گه‌نده‌ليێ، رێبه‌رێ ته‌ڤگه‌را سه‌در، داخوازا پشته‌ڤانيێ ل سه‌رۆكێ هه‌رێما كوردستانێ دكه‌ت و “مه‌سعود بارزانى” ژى به‌رسڤا وى دده‌ت.
موقته‌دا سه‌در، رێبه‌رێ ته‌ڤگه‌را سه‌در، ل سه‌ر فشارخستنا سه‌ر حوكمه‌تا عيراقێ هه‌تا چاكسازيێن گه‌هى بكه‌ت، يێ به‌رده‌وامه و د ڤێ ده‌رپارێ ژى دا، د. ئه‌رده‌لان نوره‌دين، ئه‌ندامێ جڤاتا نوونه‌رێن عيراقێ بۆ باسنيوز راگه‌هاند: ئامانجا سه‌در ژناڤبرنا حوكمه‌تا عيراقێ يه، دا كو حوكمه‌ته‌كا دى دروست ببيت.
ته‌كست ژى ل سه‌ر وێ چه‌ندێ كر كو حه‌يده‌ر عه‌بادى ژى بڕيارا چاكسازيان ل حوكمه‌تێ دايه، داخواز ژى ژ لايه‌نان كريه كو پشته‌ڤانيا وى ل سه‌ر ڤان چاكسازيان بهێته كرن.
ئه‌وى ئه‌ندامێ جڤاتا نوونه‌رێن عيراقێ ئاماژه ب وێ چه‌ندێ ژى كر كو هه‌تا نوكه نه‌هاتيه زانين كا دێ سه‌در ب گۆرانكاريێن عه‌بادى رازى بيت يان نه و داخواز ژ بارزانى ژى كريه كو پشته‌ڤانيا وى بكه‌ت و بارزانى ژى ئاماده‌يا خوه ده‌ربڕيه كو ب مه‌رجه‌كى د پێناڤى لێدانا سياسى دا نه‌بيت و پشكا كوردان يا پاراستى بيت.
نێچیرڤان بارزانی: مه دڤێت کەرتێ گەشتیاری و چاندنێ جهێ نه‌فتێ بگريت
ئه‌ڤرۆ نيوز:
نێچیرڤان بارزانی، سه‌رۆكێ حوكمه‌تا هه‌رێما كوردستانێ د كۆنفرانسێ گه‌شتيارى دا ل هه‌ولێرێ پلانا حوكمه‌تێ بۆ كه‌رتێ گه‌شتيارى ئاشكراكر و راگه‌هاند: حكومه‌تا هه‌رێما كوردستانێ بۆ وێ يه‌كێ كار دكه‌ت كه‌رتێ گه‌شتيارى ل گه‌ل هه‌ردو كه‌رتێن چاندن و پيشه‌سازى ل جهێ كه‌رتێ نه‌فت و غازا سروشتى ببيته ژێده‌رێ داهاتى بۆ هه‌رێما كوردستانێ.
نيشاندان
WP Facebook Auto Publish Powered By : XYZScripts.com