ئهڤرۆ نيوز: زهرى:
غازى سهعيد ئهندامێ لژنا روو ب روونا قهيرانان ل جڤاتا وهزيرێن ههرێمێ راگههاند: ل گوورهى وى سيستهمێ نوو يێ بۆ مووچان هاتيه دانان، حهفتيا ئێكێ يا ههموو ههيڤهكێ دێ دهست ب بهلاڤكرنا مووچان هێته كرن، و حهفتيا بهێت ژى ل دووڤ سيستهمێ نوو هاتيه دانان دێ دهست ب بهلاڤكرنا مووچێ نيسانێ هێته كرن.
ل دووڤ راگههاندنهكا فهرمى يا وهزارهتا دارايى ، سوبه دێ دووماهى ب بهلاڤكرنا مووچێ ههيڤا سێ يێ ههموو وهزارهتان هێته كرن و ب تنێ دێ مووچێ خانهنشينان مينيت.
ئەڤرۆ نیوز،زنار تۆڤی:
قوباد تالەبانی جێگرێ سەرۆکێ حوکمەتا هەرێما کوردستانێ راگەهاند،د وێ باوەریێ داینە کو دێ ژ هەمی گرفتان و بتایبەتی قەیرانا دارایی دەرباز بین و ئەو چەند ژی دێ ب دو رێیان هێتە چارەکرن و گۆت ژی:باشتر بکارئینانا داهاتێ خۆ ب رەنگەکێ زانستینانە و چاکسازیێ بکەین و دیارکر ژی،دەستپێکا سالا 2016 هەیڤانە کورتئینانا بوودجەی 400 ملیۆن دۆلاربوو،لێ پشتی وان پێنگاڤێن حوکمەتێ هاڤێتین بەرەف چاکسازیێ نوکە کورتهێنانا بوودجەی 100 ملیۆن دۆلارە هەیڤانە.
ئەڤرۆ رۆژا چارشەمبی 27.4.2016 قوباد تالەبانی جێگرێ سەرۆکێ حوکمەتا هەرێما کوردستانێ پێشوازی ل جەودەت یلماز وەزیرێ پەرەپێدانا حوکمەتا تورکی کر و گۆت،سەبارەت سەختیا رەوشا هەرێما کوردستانێ و هەبوونا شەرێ داعش و هاتنا هژمارەکا زۆرا ئاوارەیان و دابەزینا بهایێ نەفتێ و برینا بەشە بۆدجەیێ هەرێما کوردستانێ ژلایێ بەغدا،مە دەست ب چاکسازیا کریە.
راگەهاند ژی،د وێ باوەریێ داینه کو دێ ژ هەمی گرفتان و بتایبەتی قەیرانا دارایی دێ قورتالبین،ئەوژی ب گرتنا دو رێیان،باشتر بکارئینانا بەرهەمێ خۆ ب رەنکەگێ زانستیانە،هەروەسا چاکسازیێ.
هەروەسا گۆت،نوکە ئەم یێ کار دکەین بۆ هەڤسەنگیا دناڤبەرا داهاتی و مەزاختیێ حوکمەتێ دا.
بارزان ، نهوزاد زاده هلۆرى:
جورهكێ كولیان كو یێ رهشه و ب سهر رهنگێ زهرى ڤه دچت ب سهر دهرامهت و رهز و بیستانێن دهڤهرا بارزان دا گرتیه و ههموو پوچكر.
دڤى واریدا ئهمیر موستهفا رێڤهبهرێ هوبا چاندنا بلێ دیاركر كو ئهڤ ساله پتر ههموو سالان ئهڤ جورێ كولى ههیه و بۆ ئهڤرۆ نیوز گۆت : ( بهرى نها ژى ئهڤ جورێ كولى كو هندهك دبێژنێ كولیێ سهبازى ب سهر دهرامهت و چاندن و رهز و بیستانێن دهڤهرێ دا گرت بوو بهلێ ئهڤ ساله رێژهیا وان زور بلندبوویه ب شێوهیهكێ كو ههر جهێ بچنێ ئێدى دهرامهت ل وان جهان نامینن )
زێدهتر گۆت : ( دهستپێكێ بنێ شینكاتى و دهرامهتى دخوهن و پاشان قورم و گولیا وان ، و مه وهكو هوبا چاندنا بلێ داخوازى ل جهێن شولهژێ كریه كو دهرمانێ ژ ناڤبرنا وان بدهن جوتیار و رهزڤانێن دهڤهرێ بهلێ ههتا نها چوو دیارنینه و ئهگهر ب زوترین دهم دهرمانێ ژ ناڤبرنا وان نههێته دابینكرن ههر جهێ ئهڤ كولیه گهشتێ ئێدى دهرامهت ل وان جهان نامینیت ، و ئهڤه زێدهبارى دهرامهتى د ههمان دهم دا شینكاتى و گول و ههر تشتهكێ دن ژى پوچ دكهت ، و هندهك وهلاتیان بو رێگریكرن ژ دهرامهتێ خوه نایلون وهكو پهرژان بكارئینایه و هندهك ژى ب رێیا مزاخان درهشینن )
ناڤبرى دیاركر ژى كو ب شێوهیهكێ بهرچاڤ كولیان چاندن و دهرامهت و رهز و بیستانێن دهوروبهرێن سهنتهرێ ناحیا بلێ و گوندێ بارزان و گوندێ سهفتێ و گوندێ شرێ و گوندێ ههسنێ و گوندێ ببانان ههنه و ئهگهر رێگرى نههێتهكرن دێ بهر ب ههموو جهان ڤه چیتن.
ئهڤرو نیوز ،بارزان مزوورى
رائیدێ ماف پهروهر بێوار عبدالعزیز حهمید،بهرپرسێ پهیوهندى و راگههاندنا بهرهڤانیا باژێرێ دهوك بو ئهڤرو نیوز دیار كر كو ئهڤرو دهمژمێر 7 مهغرهب 27نیسانێ2016 ل گوندێ شكهفت هندیا سهر ب ناحیا ئهتروش ڤه سنێلهك بناڤێ”محهمهد فارس خالد” د ژیێ 13 سالى دا گیانێ خو ژ دهست دا پشتى كهتیه دبیرهكا ئاڤێ دا ل گوندێ شكهفت هندیا.
ناڤبرى دیار كر كو تهرمێ وى بو نهخوشخانا شێخان هات ڤهگوهاستن لدوڤ دا بو نوژداریا داد ل پارێزگهها دهوك هات ڤهگوهاستن بۆ پتر زانینا ئهگهرێن گیان ژ دهست دانا وى و پهرێن ڤهكولینێ هاتنه ڤهكرن.
ئهڤرۆ نيوز:
سهفين دزهيى پهيڤدارێ حوكمهتا ههرێما كوردستانێ راگههاند كو ههرێما كوردستانێ رۆژانه كێمتر ژ 500 هزار بهرميلان نهفتێ دهنێرێت و گۆت: پشتى راگرتنا نهفتا كهركووكێ، نوكه ههرێم كێمتر ژ 500 هزار بهرميلان نهفتێ دفروشيت كو بهرى نوكه ههرێمێ رۆژانه 620 تا 650 هزار بهرميل د رۆژهكێ دا دفروتن.
سهبارهت مووچێ ههيڤا نيسانێ، دزهيى گۆت: كهنگى پاره هاتنه دهست وهزارهتا دارايى، دێ مووچه هێنه بهلاڤكرن و ئهولهويات دێ بۆ وهزارهتا پێشمهرگه و هێزێن ئێمناهيێ بن.
ئهڤرۆ نيوز:
بهایێ بهرمیلا نهفتێ بلندترین ئاست د ههیاما ئهڤ ساله دا تۆماركر و بهایێ ئێك بهرمیلا برێنت گههشته 47 دۆلاران، ئهڤرۆ ئێڤارێ بهایێ بهرمیلا نهفتا برێنت، بلندترین ئاست توماركر و پترى سێ دۆلاران بلندبوو و گههشته47 دۆلار و 10 سهنتان و پهترۆلا خاڤا ئهمریكى ژى، 10% بلندبوو و گههشته 44 دۆلار و 85 سهنتان.
ئهڤ بهایێ نوویێ پهترۆلێ، بلندترین بهایه د دهمێ سالهكا بۆرى دا، پشتى پهترۆلێ 80 ژ سهدێ یا بهایێ خوه ژ دهست دایى و گههشتییه27 دۆلاران.
ئەڤرۆ نیوز ، نەوزاد زادە ھلۆری:
ژێدەرەک ژ ھێزا پێشمەرگێ کوردستانێ ل فروکخانەیا خورماتو دیارکر کو دەمەک بەریا نھا ھادی عامری سەروکێ رێکخراوا بەدر ب ھێزەکا زۆر ڤە کو چەکێ گران ژی ل گەل بوو گەھشتە فروکخانا ناڤبری.
ئەوی ژێدەری بۆ خەندان دیارکر کو ئەو ھێزە نێزیکێ 60 ھەتا 70 ترومبێلێن سەربازی و مەدەینی ب خوڤە دگریت و ھەڤکاریا عامری دکەن و چەکێ گران ژی ل گەل ھەیە.
گوت ژی : ( ئارمانجا ھاتنا عامری بو ئەنجامدانا کۆمبوونەکێ یە ل گەل وەفدا کوردی بو ئاسایی کرنا بارودوخێ خورماتو )
وەفدێ کوردی پێکھاتیە ژ ھەر ئێک ژ نەجمەددین کەریم پارێزگەرێ کەرکوکێ ، عەدنان حەمەی مینا ئەندامێ سەرکردایەتیا ئێکەتی ، مەلا کەریم بەرپرسێ بازنێ حەمرین یا ئێکەتی و عەبدولا بور بەرپرسێ مێحوەرێ سێ یا پێشمەرگەی ل خورماتوو.
مەلا کەریم شکور بەرپرسێ بازنێ حەمرین یا ئێکەتیا نیشتمانیا کوردستانێ بو خەندان گوت : ( مە دڤێت کۆمبوون یا ئێکلاکەر بیت و ئاریشەیێ د لایەکێ دا بینین خوارێ و بارودوخ ژی بڤی رەنگی نەمینیت )
مەلا کەریم ئاماژە ب وێ یەکێ ژی کر کو دڤێ کۆمبوونێ دا کو دێ ل بارەگایێ ھێزا پێشمەرگەی ھێتە ئەنجامدان دێ ئاریشەیێ ئێکلاکەتن .
وەسا بریار بوو کو دوھی کۆمبوونا دناڤبەرا حەشد شەعبی و کوردان بھێتە ئەنجامدان بەلێ ھاتە پاشئێخستن بو ئەڤرۆ.
ھەڤدەم عەبدولا بور بەرپرسێ مێحوەرێ سێ یا پێشمەرگەی ل خورماتو بو خەندان دیارکر کو دڤیابا کۆمبوون دوھی ھاتبایە ئەنجامدان بەلێ وەفا حەشدا شەعبی نەھاتن و ئەڤرۆ کۆمبوون دێ ھێتە ئەنجامدان بو ئێکلاکرنا ئاریشەیێ )
ماوەیێ چوار رۆژایە لە قەزا خورماتو شەر و ئالوزی دناڤبەرا ھێزێن حەشد شەعبی و پێشمەرگەیان درۆستبووی ، و ئەڤە سەرەرای کو ئاگربەست ژی ھاتیە راگەھاندن ل دوو رۆژێن ئێکێ یا دەستپێکرنا ئالوزیان.
دوھی مەسعود بارزانی د پەیامەکێ داداخوازی ل بەرپرسێن ھەرێمێ و فەرماندەیێن پێشمەرگەی ل خورماتو کر کو ل گەل ئاقلمەندێن دناڤا حەشد شەعبی گەنگەشێ بکەن داکو رێیێ ل وان کەسان بگرن کو دڤێت ئاگرێ شەر و ئالوزی و فتنەیێ ھەلبکەن و ئارامیا خەلکی و پ
نيشاندان