ئه‌ڤرۆ نیوز:
وه‌زاره‌تا خواندنا بلند و ڤه‌كولینێن زانستى دوهى د كۆمبوونا خوه‌دا بڕیاردا كرێیا خواندنێ ب رێژا 10% ل په‌یمانگه‌هێن ئه‌هلى بۆ سالا خواندنێ 2015- 2016 بهێته‌ كێمكرن هه‌روه‌سا ب رێژا 15% ل زانكۆیێن ئه‌هلى بهێته‌ كێمكرن.
د.ئیبراهیم سمو به‌رپرسێ لژنا په‌روه‌رده‌ و خواندنا بلند ل په‌رله‌مانێ كوردستانێ بۆ ئه‌ڤرۆ نیوز دیاركر : ئه‌ڤ رێژا كێمكرنێ نه‌ ل دووڤ خواسته‌كا مه‌بوو ژبه‌ر كو مه‌ داخواز كربوو 30% بهێته‌ كێمكرن، به‌لێ دیاره‌ زانكۆیێن تایبه‌ت ژى زێده‌تر نه‌دشیان بهایێ خواندنا كێم بكه‌ن.
د.ئیبراهیم سمو ئاماژه‌ ب وێ یه‌كێ كر كو د كۆمبوونێ دا هه‌روه‌سا بریار هاته‌ دان قوتابیێن كور و كچێن شه‌هیدان پاره‌ ژێ نه‌هێنه‌ وه‌رگرتن و گۆت” پێشنیازه‌ هه‌ر خێزانه‌كا سێ قوتابى د ئێك زانكۆ دا هه‌بن، ئێك بهێته‌ لێبورین و دو قوتابى ئێك ب نیڤى پاره‌ى بده‌ت و ب چ ره‌نگه‌كێ قوتابى سه‌را نه‌دانا پاره‌ى ژ هۆلێن ئه‌زموونان نه‌هێته‌ ده‌رێخستن.

ئه‌ڤرۆ نیوز:
پرفیسور، د. مصلح دهۆكى سه‌رۆكێ زانكۆیا دهۆك بۆ ئه‌ڤرۆ نیوز دیار كر ئه‌و وه‌كو زانكۆیا دهۆك نه‌رازیبوونا خوه‌ هه‌مبه‌رى وى شێوازێ حكومه‌تا هه‌رێمێ بۆ پاشخستنا مووچان داناى دیار دكه‌ن و گۆت” ئه‌و داخوازا بایكۆتكرنا ده‌وامێ ناكه‌ن ژبه‌ر كو بایكۆتكرن ئارێشان چاره‌ ناكه‌ت، لێ ئه‌ڤ سیسته‌مێ نوو بۆ مووچێن مامۆستا و فه‌رمانبه‌رێن زانكۆیێ هاتیه‌ په‌یره‌وكرن هوسا د دته‌ دیار كرن كو مامۆستا وه‌كو پلێن تایبه‌ت حسابكرینه‌، لێ دراستى دا مامۆستا ده‌مێ خوه‌ ته‌رخان دكه‌ن بۆ زانكۆیێ یا هه‌ى و هنده‌ك هه‌تا ده‌مژمێر چار و پێنجى ئێڤارى ده‌وامێ دكه‌ن، له‌ورا ئه‌ڤ سیسته‌مه‌ دێ زیانه‌كا مه‌زن ب بوارێ خواندنێ گه‌هینیت”.

ئەڤرۆ نیوز،زنار تۆڤی:

سەرۆکێ هەرێما کوردستانێ مەسعود بارزانی د دیدارەکێ دا دگەل جۆن کۆبیس نوونەرێ تایبەت یێ سکرتێرێ نەتەوێن ئێکگرتی ل عێراقێ دیارکر:گەلێ کوردستانێ سەرباری قوربانیدانەکا زۆر و مێژوویەکا دوور و درێژا خەباتێ، ب هەمی شیانەکێ هەولدا کو سەقامگیری و پێکڤەیی و دیمۆکراسی و فیدرالیەت ل عێراقێ دا ب چەسپیت،یا رژدە ل سەر داخوازی و مافێن خۆ،هێچ جۆرە گۆشارەکا سیاسی و سەربازی و ئابووری و ئەمنی نەشێت وە بکەت گەلێ کوردستانێ دەست بەرداری ماف و داخوازیێن خۆ بیت. د هەمان دەمدا سوکۆل کوندی نوونەرێ نەتەوێن ئێکگرتی ل هەولێرێ کو دووماهی ب ئەرکێ خۆ ئینایە،سۆپاسیا سەرۆک بارزانی و حوکمەتا هەرێما کوردستانێ کر کو د ماوێ کارێ خۆدا ئاسانکاری و هەڤکاریەکا مەزن بۆ نەتەوێن ئێکگرتی کریە د ماوێ کارێ وی دا ل هەولێرێ.