ئه‌ڤرۆنيوز:
سه‌رۆكێ ئه‌مريكى دونالد ترامپ ئه‌ڤرۆ چارشه‌مبى 21/11/2018 سوپاسيا سعوديێ مه‌زنترين به‌رهه‌مئێنه‌را په‌ترۆلێ ل رێكخراوا ئوپك كر ژبه‌ر رۆلێ وێ د ئينانا خوارێ يا بهايێن په‌ترۆلێ ل بازارێن جيهانى وداخوازكر بهايێن په‌ترۆلێ زێده‌تر بهێنه خوار.
ترامپى ل سه‌ر به‌رپه‌رێ خوه يێ تويته‌رى به‌لاڤكر” بهايێن په‌ترۆلێ يێن دهێنه خوار، ئه‌ڤه كاره‌كێ باشه، بهايێ په‌ترۆلێ بلا بگه‌هيته 54 دۆلاران پشتى كو 82 دۆلار بوون، سوپاس بۆ سعوديێ وبلا زێده‌تر بهايێن په‌ترۆلێ بهێنه خوار”.
ئه‌ڤرۆنيوز:
وه‌زيرێ ساخله‌ميێ ل هه‌رێما كوردستانێ راگه‌هاند، ب ئه‌ليكترۆنيكرنا سيسته‌مێ كواليتيا ده‌رمانان ب هاريكاريا جڤاتا وه‌زيران هاتيه ئه‌نجامدان وسيسته‌م داتابه‌يسه‌كێ دێ ب خوه‌ڤه گريت بۆ كواليتيا وان ده‌رمانێن دهێنه دناڤ كوردستانێ دا.
رێكه‌وت حه‌مه ره‌شيد، وه‌زيرێ ساخله‌ميێ ل هه‌رێما كوردستانێ ئه‌ڤرۆ چارشه‌مبى 21/11/2018 دكۆنگره‌كێ رۆژنامه‌ڤانى دا گۆت” ل سالا 2012 ده‌مێ كواليتيا كونترۆلى هاتيه دامه‌زراندن، وه‌زاره‌تا ساخله‌ميێ شيانێن پشكنينا حه‌بكه‌كا پاراسيتۆل نه‌بوو، به‌لێ نوكه رۆژانه پشكنێن بۆ ده‌رمانێن زۆر دهێنه ئه‌نجامدان وژنوكه وپێڤه هه‌موو مامه‌له‌كا ده‌رمانان ل تاقيگه‌ه وگۆمرك وفرۆكخانه وكۆمپانيێن ده‌رمانان دێ ل بن كونترۆلا وى سيسته‌مى بيت وبۆ چو كه‌سه‌كى نينه ل ده‌رڤه‌ى وى سيسته‌مى مامه‌لێ ب ده‌رمانان بكه‌ت”.
ژلايێ خوه‌ڤه په‌يڤدارێ وه‌زاره‌تا ساخله‌ميێ ئاماژه ب وێ چه‌ندێ دا كو دێ بهاى ل سه‌ر هه‌موو ده‌رمانان دانين وهه‌ر ده‌رمانخانه‌كا گرانتر بفرۆشيت دێ تووشى سزايێن قانوونى بيت، نوكه بها بۆ 5600 جۆرێن ده‌رمانان يێ هاتيه دانان، ئه‌وێن ماين ژى دێ بها بۆ هيته دانان.
دهۆك، لەزگین جوقی:
سەرۆكێ لیژنا پەيوەندیان ل جڤاتا پارێزگەها نه‌ينه‌وا دیاركركو پتر ژ 9 هزار تیرۆرستێن داعشێ دزیندانێن مووسلێ دانە، نوكە ل مووسلێ ئاریشا نەبوونا جهی بۆ زێندانكرنا تیرۆرستان پەيدابوویە وبەردەوام ژی تیرۆرست دهێنە دەستەسەركرن وهژمارا وان دزێندانی بەر ب زێدەبوونی دچیت.
خەلیل شەمۆ، سەرۆكێ لیژنا پەيوەندیان ل جڤاتا پارێزگەها نه‌ينه‌وا دیاركركو ئەم دگەلداینە گۆژمه‌كێ پاره‌ی بۆ پۆلیسێن مووسل بهێتە تەرخانكرن ژبۆ دابینكرنا ئاسایشێ ل مووسل، چونكى پولیسێن گازندیان ژ نەبوونا ئامیرین پولیسیان و ترۆمبێلان دكەن هەروەسا ژی هژمارا پۆلیسان ژی ل نەینەوا یا كێمە وپارە ژی بۆ چێكرنا بنگەهێن پۆلیسان نینە و پارە بۆ ئاڤاكرنا زیندانان ژی نينە، نوكە ل دووڤ گۆتنا پۆلیسێن مووسل پتر ژ 9 هزار تیرۆرستێن داعشێ ل مووسل ددەستەسەركرینە وپتریا وان ب تۆمەتا كوشتنێ و كریارێن تیرۆرستی یێن هاتینە ده‌سته‌سه‌ركرن ودبيت ئەڤ هژمارا تیرۆرستێن داعشێ هێشتا بهێتە زێدەكرن چونكى بەردەوام شانێن نڤستی دهێنە ئاشكراكرن و دەستەسەركرن”.
خه‌ليلى گۆت ژى” هێشتا شانێن نڤستی یێن تیرۆرستان ل مووسل يێن هه‌ين بەری چەند رۆژان ب رێيا قنینەكێ غازی تیرۆرستان كریارەكا تیرۆرستی ئەنجامدا، هەروەسا ل بەر دەرگەهێه‌خارنگەهەكا مووسل ژی كریارەكا تیرۆرستی هاتە ئەنجامدان ئەڤ كرياره‌كێ ژى هەموو شانێن نڤستی يێن داعشێ ئەنجام ددەن، به‌لێ نوكە ل مووسل ئاریشا نەبوونا جهی بۆ زێندانكرنا تیرۆرستێن داعشێ پەيدابوویە.
ئه‌ڤرۆنيوز:
په‌رله‌مانێ عيراقێ ئه‌ڤرۆ 21/11/2018 هه‌موو ئه‌و بريارێن حه‌يده‌ر عه‌بادى سه‌رۆك وه‌زيرێن به‌رێ يێ عيراقێ دده‌مێ ئه‌وێن دناڤبه‌را ئێكێ ته‌موزێ هه‌تا 24 چريا ئێكێ ده‌ركرين، هه‌لوه‌شاندن.
د روونشتنا ئه‌ڤرۆ يا په‌رله‌مانێ عيراقێ ب پتريا ده‌نگێن په‌رله‌مانتاران بريارا هه‌لوه‌شاندنا هه‌موو خالێن گۆمركى دناڤبه‌را هه‌رێمێ وبه‌غدا ده‌ركر.
ژ ئه‌گه‌رێ خيانه‌تا 16 ئه‌كتۆبه‌رێ، كه‌ركووك وخورماتوو وده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ راده‌ستى حه‌شدا شه‌عبى هاتن كرن ونێزيكى هه‌شت هه‌يڤان حه‌شدا شه‌عبى رێيا هه‌ولێر – كه‌ركووك داخستبوو، پاشى حوكمه‌تا عيراقێ ئه‌ڤ رێ ب مه‌رج ڤه‌كر ئه‌وژى دانانا خالێن گۆمركى دناڤبه‌را پارێزگه‌هێن هه‌رێما كوردستانێ وبه‌غدا.
ئەڤرۆ نیوز، نەوزاد هلۆری:
ئێڤاریا ئەڤرۆ ب بەهەڤبوونا هژمارەکا زور یا نڤیسەر و پێشمەرگێن شورەشێ و خەلکێ دەڤەرێ، نووترین پەرتووکا نڤیسەر کوڤان ئێحسان و کاوار ئەنوەر ل سەر شەهیدەکێ شورەشێ ل ناحیا بامەڕنێ هاتە ئیمزاکرن و بەلاڤکرن.
کوڤان ئێحسان نڤیسەرێ پرتووکێ بۆ ئەڤرۆ نیوز گۆت: ( پشتی ماندووبونەکا زور ئەم شیاین نووترین پرتووک لسەر شەهید زوهێر بامەڕنێ دروست بکەین و ئەڤرۆ د رێورسمەکێ دا بەلاڤ بکەین، پەرتووک بەحس ل رولێ شەهیدی و وان کەسانێن کو روول ل گەل وی هەی دکەت، دێ ب دیاری هێتە بەلاڤکرن)
ژلایەکێ دن ڤە پێشمەرگێن شورەشێ و نڤیسەرێن دەڤەرێ دیارکر کو کوردان دیروکەکا درێژ هەیە، بەلێ نەهاتیە نڤیسان، تنێ ل بامەرنێ نێزیکێ 150 شەهیدان هەنە، تنێ ژیانا هندەک ژ وان هاتیە نڤیسان.
ئه‌ڤرۆ نيوز:
مه‌سرور بارزانى شیره‌تكارێ جڤاتا ئاسایشا هه‌رێما كوردستانێ ئه‌ڤرۆ پێشوازى ل ڤیكتۆر نیدۆپاس بالیۆزێ ئۆكرانیا ل عیراق و شاندێ ل گه‌ل دا كر.
د كۆمبوونه‌كێ دا پێشڤه‌چوونێن سیاسى و په‌یوه‌ندیێن دیرۆكى د ناڤبه‌را هه‌ردو گه‌لێن كوردستان و ئۆكرانیا دا گه‌نگه‌شه‌كر و دوپاتى ل به‌فره‌هكرنا وان په‌یوه‌ندیان كر ب تایبه‌تى د وارێ ئاسایش و بازرگانى و وه‌به‌رهێنانێ دا كر، مه‌سرور بارزانى هیڤیا پتر پێشڤه‌برنا وان په‌یوه‌ندیان خواست.
په‌یوه‌ندیێن د ناڤبه‌را هه‌ولێر و به‌غدا ته‌وه‌ره‌كێ دى یێ كۆمبوونێ بوو و د ڤى وارى دا شیره‌تكارێ جڤاتا ئاسایشا هه‌رێما كوردستانێ د چارچووڤێ دستوور و هه‌ڤپشكیا راسته‌قینه د برێڤه‌برن و بڕیاردانێ هیڤیا ده‌ستپێكرنا قووناغه‌كا نوو یا په‌یوه‌ندیان ل گه‌ل حوكمه‌تا نوو یا عیراقێ خواست و راگه‌هاند، چاڤێ مه یێ ل وێ چه‌ندێ قووناغا دژوار یا په‌یوه‌ندیان ده‌رباز بیت، كو به‌رى نوكه هه‌بوو.
ئەڤرۆ، محەمەد عەلی:
ئەندامێ مەکتەبا تەنفیزی یا لژنا ئۆلۆمپیا کوردستانێ دیارکر کو نێچیرڤان بارزانی سەرۆکێ حکومەتا ھەرێما کوردستانێ سۆزدا ھەموو ئاریشێن وان چارەسەربکەن و ھەیڤا بھێت منحا ئێکێ بۆ دابینبکەت دیسا بریاردا ب دانانا لژنەکا پێکھاتی ژ پێنچ کەسان بۆ دۆڤچوونێ لسەر وان ئاریشا، پشتی ئەڤرۆ پێشوازیا شاندەکێ لژنا ئۆلۆمپیا کوردستانێ ل بارەگایێ خوە کری.
زێدەتر سەعید ئەحمد بۆ ئەڤرۆ نیۆز گوت: ژبۆ بەرچاڤکرنا ئاریشێن لژنا ئۆلۆمپی ئەوێن ھەر ژ ٢٠١٥ێ دەستپێکرین و چارەسەرکرنا ھەرکێماتیەکێ شاندێ مە بابەتێ ب تێل و تەسەلی دگەل سەرۆکێ حکومەتا ھەرێمێ گەنگەشەکر و تێدا سێ خالێن سەرەکی ھاتنە بەحسکرن.
ھەروەسا ناڤھاتی دیارکر کو داخاز ژ سەرۆکێ حکومەتێ کر کو گرێدانا دارایی یا لژنا ئۆلۆمپیا کوردستانێ ژ لایەنێ رێکخراوا ڤە بھێتە سەر ب ئەنجوومەنێ وەزیران یان ئێک ژ وەزارەتێن حکومەتێ، خالا دوێ تەرخانکرنا بووجەکێ باش یێ ھەیڤانە و بەردەوام ژلایێ حکومەتێ ژبۆ برێڤەبرنا کاروچالاکیا، یا سیێ بەرھەڤکرنا بارەگایەکێ ب ساخلەتێن نموونە بۆ لژنا ئۆلۆمپی.
ژلایەکێ دویڤە سەعید ئەحمەد ئەوچەندە ژی دیارکر کو ئەو بریارا خەلەت یا بەرھەم سالحی ل٢٠١٥ کو بووجەیێ لژنا ئۆلۆمپی نەھێلایی و وەکو مینحە یێن رێکخراوا ئەگەرێ سەرەکی یێ ئاریشێن مە بوو.
لدوماھیێ ناڤھاتی سۆپاسیا سەرۆکێ حکومەتا ھەرێمێ کر ئەوێ بەرھەڤیا خوە دیارکری ژبۆ پشتەڤانیا لژنا ئۆلۆمپی و ھەموو وەرزشا ل کوردستانێ.
نيشاندان