ئه‌ڤرۆ نيوز:
رێڤه‌به‌ريا پۆليسێن پارێزگه‌ها دهۆكێ راگه‌هاند كو پشتى كو شڤێدى شه‌ر د ناڤبه‌را دو بنه‌مالان دا رووداى ژ ئه‌گه‌رێ شه‌رێ زارۆيان ل ناحيا كه‌له‌كچى يا سه‌ر ب قه‌زا شێخان ڤه، زه‌لامه‌كێ 45 سالى هاته كوشتن و گه‌نجه‌ك بريندار بوو.
رائيدێ مافپه‌روه‌ر، هێمن سلێمان، بۆ ئه‌ڤرۆ نيوز گۆت: “شڤێدى ل ناحيا كه‌له‌چكى ژ ئه‌نجامێ شه‌رێ د ناڤبه‌را زارۆيان دا، شه‌ر د ناڤبه‌را مه‌زنان ژى دا روودا و د ئه‌نجام دا زه‌لامه‌كێ 45 سالى هاته كوشتن و گه‌نجه‌ك ژى بريندار بوو”.
زێده‌تر گۆت: “پشتى پۆليس گه‌هشتينه جهێ روودانێ شيان دو تاوانباران ده‌سته‌سه‌ر بكه‌ن و ل دووڤ به‌ندێ 406 يێ قانوونا سزايێن عيراقى و ره‌وشا كۆمه‌لگه‌هێ ژ لايێ پۆليسان ڤه هاتيه كوۆنترۆلكرن”.
نيشاندان