ئهڤرۆ نيوز:
ل گهل پێشرهوێن سوپايێ عيراقىێ بۆ كونترولكرنا مووسل، رۆژنامهكا چاپا لهندهنى پشكداريكرنا سوپايێ ئێك ژ وهلاتێن زلهێزێن جيهانێ د شهرێ ئازادكرنا مووسل دا بهحس دكهت.
رۆژناما حهيات يا چاپا لهندهنى د نوچهيهكێ دا ئاماژه ب وێ يهكێ كريه كو هێزهكا تايبهتا ئهمريكى كو ب مارێنز نياسياره دێ پشكداريێ ل پروسهيا ئازداكرنا مووسل دا كهت.
برياره ئهو هێزه ب رێيا موشهكێن ئهردى، مولگههێن داعش بۆردومان بكهت.
ئهڤرۆ نيوز:
وهزيرێ پلاندانان و وهزيرێ ناڤخۆ يێن عيراقێ دهست ژ كاركێشانا خوه راگههاند.
ئەڤرۆ نیوز، بارزان مزووری:
پیشەنگێ ھاتنوچوونێ بەدرخان محەمەد سەلیم، بەرپرسێ پشکا ھاتنوچوونا شێخان بۆ ئەڤرۆ نیوز گۆت: “د رۆژانێن نەورۆزێ دا ل سنورێ رێڤەبەریا ھاتنوچوونا قەزا شێخان چار روودانێن ترافیکێ رووداینە و ئێک ژ جوارن جورێ لێکدان بوویە و یێن دژی لێدان بووینە”.
زێدەتر گۆت: “ژ ئەنجامێ ڤان روودانان زارۆیەکێ ٩ سالی گیانێ خوە ژ دەست دایە و سێ کەس ژی بریندار بووینە”.
دا زانین ژی کو کەسێ گیانێ خوە ژ دەست دای بۆ نوشداریا داد ھاتیە ڤەگوھاستن و ئەڤێن بریندار ژی بۆ نەخۆشخانا شێخان و ھندەک ژ وان ژی بۆ نەخۆشخانا تەنگاڤیان ل دھۆک ژ بەر دژواریا برینێن وان.
نەڤەشارت ژی کو ئەو کەسێن تووشی روودانان بووین ھەموو سەیرانی بوون و ھەر روودانەک ل جھەکی دروست بوویە.
ئهڤرۆ نيوز:
زانايێن زانينگهها ئوكسفۆرد ل بريتانيا ڤهكۆلينهك ئهنجام دايه و تێدا گههشتينه وێ راستيێ كو باشترين رێ بۆ هێلانا جگارێ ئهوه كو ب رهنگهكێ رێكخستى ب هێلى ل سهر شێوازێ رێزبهنديێ.
زانايێن ڤێ زانينگههێ ڤهكۆلين ل سهر 700 كهسان ئهنجام دايه و كرينه دو گرۆپ و گرۆپهكێ ب رهنگهكێ رێزبهندى جگاره پێ داينه هێلان و ئێك ژى كريه ئێكسهر.
ئهنجامێن ڤێ ڤهكۆلينێ پشتى بۆرينا چار حهفتيان و يا دووماهيێ ژى پشتى شهش ههيڤان وهرگرتينه و ديار بوويه پشكداران ل دهسپێكێ 39% جگاره هێلاينه، پشتى بۆرينا نيڤ سالێ ب تنێ 15% ژ تيما ئێكسهر هێلاينه و تيما ب شێوێ رێزبهندى ژى 22% هێلاينه.
ئهڤرۆ نيوز:
پشتى تێكچوونا پهيوهنديێن توركيا و رووسيا ژ ئهگهرێ كهفتنه خوارا فرۆكهكا رووسى ژ ئاليێ توركياڤه و تهقينێن ڤێ دووماهيێ يێن ئهنقهره، كهرتێ گهشت و گوزارا توركيا ل كێميێ دايه و بسپورێن ئابوورى پێشبينى دكهن ئهڤ ساله داهاتێ كهرتێ گهشت و گوزارى يێ توركيا ب رێژا 25% بهێته خوار و 8 مليار دولار زيان بگههنه ئابوورا توركيا.
ئهڤرۆ نيوز:
ئێك ژ وان گهنجێن ل تهقينا ڤێ دووماهيێ يا فروكخانا بروكسل برينداربووى، بهرى نوكه ل هێرشێن بوستن- ئهمريكا، و پاريسا فهرهنسى ژ مرنێ رزگاربوويه.
كهناڵێ abc7 بهلاڤكريه كو مهسيون ويلز ئهو گهنجێ ئهمريكى كو ل هێرشێن 22 ڤێ ههيڤێ ل بروكسلا پايتهختا بهلجيكيا برينداربووى، بهرى نوكه ژى ل دو هێرشێن تيرورستى ل بوستن و پاريس برينداربوويه و ژێ قورتال بوويه.
ئهڤرۆ نيوز، نيوار محهمهد سهليم:
بهرپرسێ راگههاندنێ ل رێڤهبهريا گشتيا پهروهردا پارێزگهها دهۆكێ راگههاند كو سوبههى دهواما فهرمى يه ل ههموو قوتابخانێن سهر ب پارێزگهها دهۆكێ ڤه.
ئهحمهد عهبدولا زۆبێر، بهرپرسێ راگههاندنێ ل رێڤهبهريا گشتيا پهروهردا پارێزگهها دهۆكێ، بۆ ئهڤرۆ نيوز گۆت: “سوبههى رۆژا شهمبى رێكهفتى 26ى ئادارا 2016ێ ل ههموو قوتابخانێن سهر ب پارێزگهها دهۆكێ ڤه دهواما فهرمى يه”.
سوبههى ب تنێ ل هندهك فهرمانگههێن كێم يێن حوكمهتا ههرێمێ و قوتابخانان دێ دهواما فهرمى هێته كرن و ل ئهڤێن دى ههموويان دێ بهێنڤهدان بيت و دهواما فهرمى يا وان دێ ژ 27ى ئادارا 2016ێ دهسپێكهت.
ئهڤرۆ نيوز:
زانا رۆستاى ئهندامێ جڤاتا نوونهرێن عيراقێ ل فراكسيۆنا كۆمهلا ئيسلامى راگههاند كو ئهو وهكو كوتلێن كوردستانى ل سهر وێ چهندێ د رژدن كو وهزيرێن كورد ناگورن و ناڤێ چو كانديدێن دى نادهنه حهيدهر عهبادى سهرۆك وهزيرێن عيراقێ بۆ كابينا نوو يا حوكمهتا تهكنوكرات.
پێشتر حهيدهر عهبادى، سهرۆك وهزيرێن عيراقێ بۆ راگههاندنا كابينا نوو، دو رۆژ ب لايهنێن سياسى دابوون بۆ پێشكێشكرنا كانديدێن خوه دا كو ئهو ژى ژ لايێ خوه ڤه پێشكێشى سهرۆكاتيا جڤاتا نوونهران بكهت بۆ رازيبوونێ ل سهر حوكمهتا نوو يا تهكنوكرات.
ئهڤرۆ ژى موقتهدا سهدر، سهرۆكێ تهڤگهرا سهدر راگههاند كو ئهو دێ ب تنێ ئێك رۆژ مۆلهت دهنه سهرۆك وهزيران بۆ راگههاندنا حوكمهتا نوو، ئهگهر نه دێ ههلويستهكێ نوو ههبيت.
ههتا نوكه بۆ حوكمهتا نوو يا حهيدهر عهبادى سهرۆك وهزيرێن عيراقى ب مهرهما چاكسازيان ب تنێ تهڤگهرا سهدر كانديدێن خوه بۆ كابينا نوو داينه دهست سهرۆك وهزيران.
ئهڤرۆ نيوز، سالار دۆسكى:
ليوا تارق ئهحمهد، رێڤهبهرێ پۆليسێن پارێزگهها دهۆكێ بۆ كهنالێ وار راگههاند كو پۆليسێن نههێلانا گۆنههباريان ل دهۆكێ شياينه بكوژێن هۆنهرمهند زاهد بريفكانى دهستهسهر بكهن.
ئهڤرۆ نيوز پهيوهندى ب كهسانێن نێزيكى خێزانا هۆنهرمهندى ژى كر و ئهڤ چهنده پشت راست كر و گۆت: “بهلێ ژ بهر ڤهكۆلينێ نوكه رێ نادهن چو پێزانين بهێنه ئاشكهرا كرن”.
زاهد بريفكانى كورێ هۆزانڤانێ مهزن شێخ مهمدوح بريفكانى يه و ل حهفتيا بۆرى د مالا وى ڤه ب كوشتى هاتيه ديتن و پۆليسان ژى راگههاند بوو كو ب چهقوويان هاتبوو كوشتن.
نيشاندان