ئەڤرۆ نیوز،زنار تۆڤی:
ماریا زاخارۆڤا پەیڤدارا وەزارەتا دەرڤە یا رووسیا دبێژیت:تورکیا پشتگیریا گرووپێن تۆندرەوێن بەرەیێ نوسره و ئەحرار شام دکەت،پێدڤیە تورکیا دەست ژ کوشتنا کوردان بەردەت ل دەڤەرێن کوردستانا باکوور،
هەروەسا پێدڤیە قەدەغەیا هاتنوچۆنێ ل دەڤەرێن کوردی بهێتە راکرن و رێ ب هاتنا چاڤدێران بهێتەدان بۆ ناڤ توڕکیا،هەروەسا دبێژیت،بەری دەستپێکرنا گفتۆگویان ل تورکیا گرووپێن تۆندرەو زێدەبووینە.
ئه‌ڤرۆ نيوز: ره‌وان نهێلى:
رائيدێ مافپه‌روه‌ر هێمن سلێمان به‌رپرسێ په‌يوه‌ندى و راگه‌هاندنا رێڤه‌به‌ريا پۆليسێن پارێزگه‌ها دهۆكێ بۆ ئه‌ڤرۆ نيوز دياركر ئه‌و ژنا فه‌رمانبه‌ر ئه‌ڤا ئێك مليون دولارێن خه‌لكى برى، يا داخواز كريه ژ ئاليێ پۆليسان ڤه كو بهێته گرتن وگوت: ڤێ فه‌رمانبه‌را ژن پارێ چ فه‌رمانبه‌ران نه‌بريه وه‌ك هنده‌ك ده‌زگه‌هان به‌لاڤ كرى، به‌لكو پارێن خه‌لكه‌كى بريه هه‌تا كو هنده‌ك وه‌لاتى، كه‌س و كارێن وێ يێن نێزيكن كو پارێن وان ل ده‌ف وێ نه و ب به‌هانا وێ يه‌كێ ژێ ستاندينه كو كار بۆ پێ بكه‌ت.
ئه‌ڤرۆ نیوز، ئه‌كره‌م ئیبراهیم
ئه‌ڤرو سپێدێ ب ئاماده‌بونا فه‌رهاد ئه‌مین ئه‌تروشى پارێزگه‌رێ دهوكێ رێ ره‌سمێن گوهرینا رێڤه‌به‌رێ گشتى یێ رێك و پرا و ئاڤاكرن و ئاكنجیكرنێ ل دهوكێ برێڤه چون ,,
دڤان رێ و ره‌سمان دا كو ل دیف رێكه‌فتنا دنافبه‌را پارتى دیموكراتى كوردستان و ئێكگرتوى ئیسلامى كوردستان بو پێك ئینانا حكومه‌تا خوجهى یا پارێزگه‌ها دهوكێ بو ,, به‌رێز فه‌رهاد ئه‌مین پارێزگه‌رێ دهوكێ ده‌ست خوشى ل رێڤه‌به‌رێ به‌رێ (ئه‌ندازیار ئه‌مین حسێن عه‌بدولره‌حمان) كر و سوپاسیا وى كر بو كارێ ژ هه‌ژى یێ دڤان چوار سالێن بوریدا ل رێڤه‌به‌ریا گشتى یا رێك و پرا و ئاڤاكرن و ئاكنجیكرنێ ئه‌نجام داى ب هاریكارى و هه‌فكاریا كارمه‌ندێن رێڤه‌به‌رێ و ئاماژه كره رولێ به‌رچاڤ و پیروز یێ رێڤه‌به‌رێ گشتى و ئه‌ندازیار و كارمه‌ندین وان دشه‌رێ دژى تیرورستێن داعشدا و گوت ژبه‌ر كو ژبه‌ر رولێ وان جه‌نابێ سه‌روكێ هه‌رێما كوردستانێ سوپاسیه‌كا تایبه‌ت دایه رێڤه‌به‌رێ گشتى و كارمه‌ندێن رێڤه‌به‌ریا گشتى یا رێك و پرا و ئاڤاكرن و ئاكنجیكرنێ ,,
هه‌روه‌سا پارێزگه‌رێ دهوكێ داخازا سه‌ركه‌فتنێ بو رێڤه‌به‌رێ نوی ێ رێك و پرا و ئاڤاكرن و ئاكنجیكرنێ (ئه‌ندازیار معسوم ئیبراهیم ) كر و به‌هه‌ڤیا كارگێریا پارێزگه‌ها دهوكێ بو هه‌ر هاریكارى و پشته‌ڤانیه‌كا پێدڤى بیت بو سه‌ركه‌فتنا كارى و خزمه‌تكرنا هاولاتیان دوپاتكر ,,
دداخویانیه‌كێ بو راگه‌هاندنێ به‌رێز فه‌رهاد ئه‌مین پارێزگه‌رێ دهوكێ دیار كو ل دیف رێكه‌فتنا سیاسى ئه‌وا دنافبه‌را پارتى دیموكراتى كوردستان و ئێكگرتوى ئیسلامى كوردستان دا هه‌ی ئه‌ڤرو حازر بوینه بو دانانا رێڤه‌به‌رێ گشتى یێ نوى یێ رێك و پرا ئه‌ندازیاز( مه‌عسوم ئیبراهیم) ل شوینا ئه‌ندازیار (ئه‌مین حسێن) و گوت : پشكه‌ك ژوێ رێككه‌فتنێ هاتیه بجهئینان ل ئامێدیێ و ئاكرێ و زاخو دهوك ژى هنده‌ك و یێن دیژى هه‌مى دێ هێنه بجهئینان ,,هه‌روه‌سا پارێزگه‌رێ دهوكێ گوت : من دڤێت ئه‌ز ئاماژێ بكه‌م كو ده‌مێ رێككه‌فتن هاتیه كرن وه‌كو پارتى قه‌ناعه‌ت ب وێ رێككه‌فتنێ یا هه‌ى بو ڤێ قوناغێ ب تایبه‌ت بو پارێزگه‌ها دهوكێ و ده‌ستكه‌فته‌كه بو هه‌مى خه‌لكێ پارێزگه‌هێ و ئه‌ف رێكه‌فتنه هاته بجهئینان و ئه‌وا ماى ژى دێ هێته بجهئینان و ئه‌م وه‌كو پارتى پێگیرین ب جهئینانا وێ رێكه‌فتنێ و بتنێ ژبه‌ر روتینا ئیدارى هنده‌ك ماینه گیروبون و هه‌ر بو زانین جێگرێ پارێزگارى بو كاروبارێن هونه‌رى فه‌رمانا وى هاتیه ژ سه‌روكاتیا حكومه‌تا هه‌رێما كوردستانێ و خودێ حه‌ز بكه‌ت ل هه‌فتیا بهێت ئه‌وژى دێ ده‌ست بكار بیت .. هه‌روه‌سا پارێزگه‌رێ دهوك پیروزباهى ل ئه‌ندازیار معسوم ئیبراهیم كر و داخازیا سه‌ركه‌فتنێ بو كر و پشته‌ڤانى و هه‌فكاریا پارێزگه‌هێ بو دوپاتكر و سوپاسیا ئه‌ندازیار ئه‌مین حسێن كر بو وى كارێ دماوێ بوریدا ئه‌نجام داى كو جهێ ده‌ست خوشیێ بو ژلایێ سه‌روكێ هه‌رێمێ و سه‌روكاتیا حكومه‌تا هه‌رێما كوردستانێ ڤه و ئه‌م ژى وه‌كو كارگێریا پارێزگه‌هێ ده‌ست خوشیێ لێ دكه‌ین ,,
دیسان گوت تشتێ هه‌ره سه‌ره‌كى بو مه هه‌میا ئه‌وه كوهرین تشته‌كى زور سروشتى یه و دسیسته‌مێن دیموكراسى دا و ل وه‌لاتێن جیهانێ ..
هه‌ژى گوتنێ یه ئه‌ندازیار ئه‌مین حسێن ل روژا 26/2/ 2012 ده‌ست ب كاربویه وه‌كو رێڤه‌به‌رێ گشتى یێ رێك و پرا و ئاڤاكرن و ئاكنجیكرنێ ل پارێزگه‌ها دهوكێ .
ئەڤرۆ نیوز، زنار تۆڤی:
ئاشتن کارتەر وەزیرێ دەرڤە یێ ئەمریکا د پرێس کونفرانسەکی دا دیارکر:مە پێدڤی بھاریکاریێن دۆجستی یێن نێڤدەولەتی ھەیە زۆ ژناڤبرنا داعشێ و ھەروەسا بھاریکاریا ھەڤپەیمانا خۆ وەلاتێ فرنسا دێ داعشێ ژناڤبەین،ناڤھاتی گۆت ژی،دێ ھەمی جھان ھەلمەتێن ھێرش برنێ ل سەر داعشان چرترکەین ژ پێخەمەت گۆرزێن کۆژەک لێدەین و ژناڤ ببەین.
ئەڤرۆنیوز، سالار دۆسکی:
رێڤەبەریا حەج و عومرێ ل پارێزگەھا دھۆکێ ژڤانێ چوونا عومرێ دیارکر و ئاشکراکر کو پارێ چوونا عومرێ ئەڤ سالە کێم بوویە.
شێخ شەمسەدین شوشی رێڤەبەرێ حەج و عومرێ ل پارێزگەھا دھۆک بۆ ئەڤرۆ نیۆز ئاشکراکر کو بھایێن چوونا عومرێ ل ئەڤ سالە ھاتینە دیارکرن و ھەر کەسەکێ بڤێت قەستا عومرێ بکەت دشێت ناڤێ خوە بنڤیست.
ناڤبری ئاشکراکر ژی کو چوونا عومرێ ل ئەڤ سالە دناڤبەر 800$ ھەتا 700$ یە و ئەڤە چونکە بھایێ فرۆکێ بوویە 400$ و 150$ ژبھایێ فرۆکێ ئەڤ سالە ژێ ڤەبووینە.
ھەڤدەم رێڤەبەرێ حەج و عومرێ ھیڤی خواستن ئەڤ سالە خەلکێ دھۆکێ ب دلەکێ پر خوەش واروەی قەستا مالا خودێ بکەت و دوعا بۆ مللەت و پێشمەرگێ کوردستانێ بکەن.
ئه‌ڤرۆ نيوز:
ئه‌ندامه‌كێ لژنا ئابوورى و وه‌به‌رهێنانێ ل جڤاتا نوونه‌رێن عيراقێ ئاماژه ب وێ چه‌ندێ دكه‌ت كو ژ ئه‌گه‌ر هاتنه‌خوارا به‌رده‌واما بهايێ په‌ترۆلا خاڤ، داهاتێ عيراقێ ب ره‌گه‌كێ به‌رچاڤ كێمبوويه، ژ به‌ر هندێ ژى هه‌كه بهايێ وێ زێده‌تر ژ ڤێ رێژێ بهێته خوار، حوكمه‌ت چو مفاى ژ فرۆتنا په‌ترۆلێ نابينيت.
ئه‌حمه‌د سه‌ليم، د راگه‌هاندنه‌كا رۆژنامه‌ڤانى دا به‌حس ل وێ چه‌ندێ ژى دكه‌ت كو تێچوويێ ده‌رئينان و هنارتنا په‌ترۆلێ ژ لايێ عيراقێ ڤه پاره‌كێ زۆر لێ دچيت، ژ به‌ر هندێ هه‌كه بهايێ په‌ترۆلا خاڤ هاتنه دبن 20$ دا، عيراق چو مفايێ داراى ژ فرۆتنا په‌ترۆلێ وه‌رناگريت.
گۆتژى: “هه‌كه فرۆتنا په‌ترۆلێ چو داهاته‌كى بۆ عيراقێ دابين نه‌كه‌ت، باشتره ده‌رئينان و فرۆتنا په‌ترۆلێ بهێته راگرتن، چونكو په‌ترۆل ب تالانكرى ناهێته فرۆتن و دێ بۆ ده‌مێ بلندبوونێ هێته عه‌مبار كرن”.
ئەڤرۆ نیوز، مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا پێنج شەمبی رێککەفتی 21/1/2016 دێ بڤی رەنگێ خوارێ بن لسەرانسەری پارێزگەھا دھۆکێ
لناڤ سەنتەرێ باژێرێ دھۆک دێ بڤی شێوەی بن:
دانێ سپێدێ : 1- جاددا بارزان نێزیک قایمقامیێ
دانێ سپێدێ : 2- جاددا kro
ب شەڤ : 3- جاددا شەھیدێن ئێکی شواتێ نێزیک ھولا دیلان
ب شەڤ : 4- جاددا قازی محمد نێزیک یاریگەھا برا
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان نێزیک کومەلگەھا مەھەت
2- جاددا سەرەکی یا شێخان گوندێ دووشیڤان
رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا کەلەک نێزیک گوندێ گەورەسور
2- جاددا بەردەرەش بو ناحیا رۆڤیا نێزیک گوندێ ئامیان
رادارێن قەزا ئاکرێ دێ لڤان جھان ھێنە دانان
1- لسەر جاددا سەرەکی یا راپەرین دناڤبەرا ترافیکا قەلعێ و ترافیکا بەلدێ
2- لسەر جاددا سەرەکی یا پیشەسازی دناڤبەرا ترافیکا ئازادی بو دووریانا گەرەکا پیشەسازی
رادارێن قەزا سێمێل دێ لڤان جھان ھێنە دانان
1- جاددا سەرەکی یا تەناھی بو سێمێل
2- جاددا سەرەکی دناڤبەرا سێمێل بو کومەلگەھا دوومیز
راداراێن قەزا زاخو دێ لڤان جھان ھێنە دانان
1- جاددا گەلیێ زاخو نێزیک گوندێ حەسەن ئاڤا
رادارێن قەزا ئامێدیێ دێ لڤانا جھان ھێنە دانان
1- دانێ سپێدێ جاددا سەرەکی سیارەتیکا بو سەرسنک
رادارێن ناحیا زاویتە دێ لڤان جھان ھێنە دانان
1- جاددا زاویتە بو دھوک
2- جاددا ئێتیت بو دھوک
ئەڤرۆ نيوز:
فراکسیۆنا دەولەتا قانوونێ ل جڤاتا نوونەرێن عیراقێ ڕەخنە ل دانا چەکی و تەقەمەنیێ ژلایێ ھێزێن ئەمریکی ڤە بۆ ھەرێما کوردستانێ گرتن و ڤێ پێنگاڤێ ب جودابوونا ھەرێما کوردستانێ ژ عیراقێ دھەژمێریت.
دوھی چارشەمبی 20 خزیرانا 2016 ێ پەرلەمانتار فیردەوس عەوادی ئەنداما دڤاتا نوونەران ژ فراکسیۆنا دەولەتا قانوونێ راگەھاند” جەبار یاوەر ئەمیندارێ گشتیێ وەزارەتا پێشمەرگەی ل حوکمەتا ھەرێما کوردستانێ دیارکریە کو بریارە 34 بارھەلگرێن چەکی بگەھنە ھەرێما کوردستانێ و ل سەر ھێزێن پێشمەرگەی و ھێزێن سونی بھێنە بەلاڤکرن”.
وێ پەرلەمانتارا دەولەتا قانوونێ گوت ژی” عیراقێ چو ڕێگری نینن د پرسا پێدانا چەکی و ھاریکاریێن ژلایێ ئەمریکا و ھەر وەلاتەکێ دی بۆ ھەرێما کوردستانێ بھێتە کرن، بەلێ پێدڤیە چەک ب ڕێیا حوکمەتا عیراقێ بۆ وان لایەنان بھێتە دان ئەوژی ل دووڤ پێدڤیا وان، نەکو ئیدارا ئەمریکی چەکی ب سەردا بەلاڤکەت”.
ئاماژە ب وێ چەندێ ژی دا کو ئەو جۆرە ڕەفتارە د ھزرا ئەمریکا دا ب شێوەکێ پراکتیکی ئاماژەیە بۆ پارچەبوونا عیراقێ و ئەڤ جۆرە پێنگاڤە ژی دەستپێکە بۆ وێ چەندێ کو ل پاشەرۆژێ تشتەکێ دی روو بدەت”.
ئەڤرۆ نیوز:
پشتی کو رێڤەبەرێ گشتیێ کارەبا پارێزگەھا دھۆکێ داخوازکری رەوشا کارەبێ بۆ ئەنجەمەنێ پارێزگەھا دھۆکێ شرۆڤە بکەت، دوھی 20/1/2016 دگەل ستافێ رێڤەبەریا گشتی ل ئەنجومەنی بەرھەڤ بوو و د روونشتنا ئەنجومەنی یا ژمارە 61 دا رەوشا کارەبێ شرۆڤە کر و گەنگەشە ژ ئالیێ ئەندامان ڤە ھاتە کرن، پشتی ھینگێ پرێس کۆنفرانسەک ھاتە ل دارخستن، کو تێدا رێڤەبەرێ گشتیێ کارەبێ ئەگەر و چارەسەری بەرچاڤ کرن.
ل دەستپێکێ فەھیم عەبدولا حەمۆ سەرۆکێ ئەنجومەنێ پارێزگەھا دھۆکێ دیار کر کو کارەب ئێکە ژ کەرتێن سەرەکیێن خزمەتگوزاریان، ئەڤ کەرتێ گرنگێ ژیانێ راستی گەلەک ئالۆزیان بوویە، لەورا گەلەک پرسیار ل جەم خەلکەکی پەیدا کرن، بۆچی دەمژمێرێن کارەبێ کێم بووینە و بەرھەمێ کارەبێ کێم بوویە یان زێدە بوویە؟ ژ بۆ بەرسڤدانا پرسیارێن ئەندامێن ئەنجومەنی کو نوونەرێن خەلکینە ب رێڤەبەرێ گشتیێ کارەبا دھۆکێ دەستپێشخەر بوویە یا کو بھێت رەوشا کارەبێ ل سەرانسەری پارێزگەھا دھۆکێ شرۆڤە بکەت و گۆت بۆ مە ھاتە دیارکرن کو نەبوونا سۆتەمنیێ ئانکو گازا سپی، چونکی ھەکە یا زێدەبایە دا ببیتە بارسڤکیەک بۆ کەرتێ کارەبێ و بێگومان دا دەمژمێرێن کارەبێ دا زێدەتر بن ھەروەسا گرتنا دەرگەھێن سنووریێن کوردستانێ چ بسەدەما بوویەرێن سروشتی مینا بەفربارینێ بیت و چ بسەدەما رەوشا سیاسی یا دەڤەرێن ئالیێ دن یێ سنووری بیت.
سەرۆکێ ئەنجومەنی گۆت ژی سالا بۆری ئەم کەفتینە د رەوشەکا زێدە خراب دا چونکی ھەکە مرۆڤ ھزرا سالێن 2013 و 2014 بکەت کو خەرجی یان بودجا رێڤەبەریەکا گشتی 235 ملیار دینار بوون و نھا بوویە کێمتر ژ پێنج ملیار دیناران ئەڤجا ھزر بکەن چەند جوداھیەکا مەزن کەفتیێ، نەمازە و دەمی بارگرانیا ئاواران و بەروکێن شەڕی ژی ل سەر نەبوو، لێ نھا ب ڤی بودجا کێم ڤە ئەو ژی ھاتینە سەر.
ئەندازیار کەمال محەمەد رێڤەبەرێ گشتیێ کارەبا پارێزگەھا دھۆکێ د بەرسڤا پرسیارەکێ دا کابۆچی داخواز کریە بەرھەڤی ئەنجومەنێ پارێزگەھا دھۆکێ بیت و دێ شێن ب رێیا ئەنجومەنی چ کەن؟ دیار کر کو خەلکەک ھەست دکەت کارەب کێمتر لێھاتیە وان ژی ڤیا ئەگەرێن ئالۆزیا رەوشا کارەبێ بۆ ئەنجومەنێ پارێزگەھا دھۆکێ وەکو نوونەرێن خەلکی دیار بکەن و گۆت چونکی دەمێ خەلک بزانیت رەوشا ھەر کەرتەکی دیێ باشتر رەفتارێ کەن، بەلکو ئەڤە پێنگاڤا ئێکێ یە و چەندین پێنگاڤێن دی ژی مە ھاڤێتینە بۆ نموونە ئەم دگەل ئێکەتیا زانایێن ئیسلامی کۆم بووینە و ب سوپاسی ڤە پتریا خوتبەخوینان ل سەر مینبەران خەلکێ مە ھایدار کریە کو ئابوورێ د کارەبێ دا بکەن ھەروەسا ل گەل زانکۆ و رێکخراوێن نەحکوومی ژی ئەڤ ھەوە دێ یا بەردەوام بیت.
د بەرسڤا پرسیارەکێ دا ئەرێ رەوشا کارەبێ د ئەڤ سالە دا (2016) دێ ھوسا یا بەردەوام بیت رێڤەبەرێ کارەبێ گۆت لااوازیا کارەبێ گەلەک ئەگەر ھەنە، ژ وانا نەبوونا سۆتەمەنیێ و نەدانا گازا سپی بۆ وەلاتیان، ھەبوونا ژمارا زۆرا ئاواران کو نھا زێدەتر ژ 820 ھزار ئاوارە ل دھۆکێ نە، ب ئاوایەکی 115 میگاواتێن کارەبێ بۆ ئاواران دھێنە دان و 105 میگاوات بۆ بەروکێن شەڕی دچیت بگرە ژ سنوونێ ھەتا خازری، ل ھەمان دەمی وەلاتی ژی ئابوورێ د مەزاختنا کارەبێ دا ناکەن و گۆت لەورا میگاوات زێدەبووینە و دەمژمێر کێم بووینە، بۆ نموونە ل ھەیڤا یازدە ژ سالا بۆری 568 میگاواتێن کارەبێ ھەبوون و مە پتر ژ 18 دەمژمێران کارەب ددا وەلاتیان، لێ نھا 620 میگاواتن ئەم 12 دەمژمێران کارەبێ ددەینە وەلاتیان ئەڤە وێ ئێکێ دیار دکەت کو میگا زێدەبووینە، لێ چونکی مەزاختن زێدەتر بوویە، لەورا دەمژمێرێن کارەبێ کێم بووینە.
رێڤەبەرێ گشتیێ کارەبا پارێزگەھا دھۆکێ ئاشکرا کر کو 60 میگاواتێن کارەبێ ژ دامودەزگەھێن میری بڕینە و د ڤان 18 رۆژێن بۆری دا 12 دەمژمێران کارەب دایە خەلکی و گۆت 294 پشکدار مە ل پارێزگەھا دھۆکێ ھەنە، ھەکە ھەر پشکدارەک گلۆپەکا زێدە ڤەمرینت ئەم دێ شێین 294 ھزار گلۆپان بدەینە بەروکێن شەڕی و ئاواران.
ئەڤرۆ نیوز:
ب ئەگەرێ گیرۆبوونا موچێن فەرمانبەران و نەبوونا پڕۆژێن خزمەتگوزاری ل دەڤەرێن سلێمانی و گەرمیان، خوەنیشادانان دەستپێکرن و کادرەکێ پارتی دیموکراتی کوردستان ژی دبێژیت، ھندەک لایەنێن سیاسی خەلکی ھاندەن دژی پارتی و ئەڤ چەندە جھێ قەبوولکرنێ نینە، دھەمبەردا بەرپرسەکێ ئێکەتی نیشتمانی کوردستان ئاشکراکر، ئێکەتی پشتەڤانیا خوەنیشادانان دکەت.
بەھمەن کاک عەبدولا، کادرێ پێشکەفتیێ پارتی دیموکراتی کوردستان بۆ رۆژناما ئەڤرۆ گۆت” ڕەوشا خەلکی گەلەک یا خراپە و نەبوونا موچەی کاریگەری یا کریە سەر ژیانا وەلاتیان، مخابن ھێزێن سیاسی ب تایبەتی ھەر پێنج ھێزێن پشکدار د حوکمەتێ دا ل جھێ ملێ خوە بدەنە بەر ڤێ ڕەوشێ، ب ڕێیا کادر و پەرلەمانتارێن خوە ھانا وەلاتیان ددەن بۆ ئەنجامدانا خوەنیشادانان، ئەڤ حزبێن سیاسی دخوازن ڤێ قەیرانێ بکەنە ستویێ پارتی دیموکراتی کوردستان، نوکە ھەوەکا شاش و زالمانە یا راگەھاندنێ دژی پارتی ھاتیە دەستپێکرن ب تایبەتی ل گەرمیان و سلێمانیێ، خەلکەکی دڤێت بێژیتە وەلاتیان پارە ھەموو یێ ل دەڤ پارتی و ئەو بەرپرسە، کو چو بنەما بۆ ڤێ چەندێ نینن و ئێکەتی و ئێکگرتوو و کۆمەل و گۆران ژی دپشکدارن د حوکمەتێ دا، ئەو چەندا ل سلێمانیێ دھێتەکرن ھەمبەر پارتی، ل سنورێ دھۆکێ و ھەولێرێ نینە، ئەڤە ژی بوویە ئەگەر خەلک پتر ل سلێمانیێ و گەرمیان خوەنیشادانان بکەن.
بەھمەنی گۆت ژی” ھەموو دەمەکی پارتی بزافکرینە دەڤەرێن دبن کۆنتڕۆلا خوە ب ئارامی بھێلیت، ئەڤە ژی ڕامانا وێ چەندێ نینە کو پارتی دژی خوەنیشادانایە، بەیانناما بزافا گۆڕان ب ئاشکرا خەلکی ھاندەت دژی پارتی، مخابن لایەنێن سیاسی ئەڤان گازندەیێن وەلاتیان بۆ موزایەدێن سیاسی بکاردئینن، ھەروەسا عەلی باپیر ئەمیرێ کۆمەلا ئیسلامی ل ڕۆژێن بۆری ھندەک ئاخڤتن کرن کو تێدا خەلک دژی پارتی پالددا، ئەم ل گەل خوەنیشادانێن مەدەنی نە، بەلێ ئەوا ھاتیەکرن ب چو شێوەیەکی خوەنیشادانێن مەدەنی نەبووینە و جھێ قەبوولکرنێ نینە”.
نیار عوزێری، ئەندامێ فڕاکسیۆنا ئێکەتی نیشتمانی کوردستان ل جڤاتا پارێزگەھا ھەولێرێ بۆ رۆژناما ئەڤرۆ گۆت” موچە مافەکێ سادەیێ ھەموو وەلاتی و فەرمانبەرکی یە و پێدڤیە حوکمەت موچەی بۆ فەرمانبەران ب مەزێخیت، ڕەوشا دارایی یا ھەرێما کوردستانێ گەلەک یا خراپە و ئەڤە ھەیڤا پێنجێ ژی ھات، نەشیاینە موچێ فەرمانبەران بدەن، ئەم وەکو ئێکەتی نیشتیمانی کوردستان ل گەل ھەموو خوەنیشادانەکا مەدەنی نە، ھەر خوەنیشادانەکا بۆ موچە و خزمەتگوزاریان بھێتەکرن، پشتەڤانیێ لێ دکەین و مافێ وەلاتیانە خوەنیشادانێ بکەن، ناھێتە ڤەشارتن ھەموو لایەن ژی بەرپرسن ژڤێ ڕەوشێ، پشکا شێری ژی بەر پارتی دکەڤیت، ژبەرکو ئەو ھێزا ئێکێ یە و سیاسەتا پەترۆلێ ب رێڤەدبەت، ل گەل ڤێ چەندێ خوەنیشادان چارەسەر نینە بۆ دەربازبوونێ ژڤێ قەیرانێ، بەلکۆ ڕێیێن دی یێن ھەین کو پێدڤیە بھێنە بجە ئینان، لێ ھەکە خەلک خوەنیشادانان بکەن، ئەم دێ پشتەڤان بین”.
نيشاندان