ئه‌ڤرۆ رۆژا سێشه‌مبى، ره‌جه‌ب ته‌يب ئه‌ردۆگان سه‌رۆكێ توركيا، پێكهاتێ وێ حوكمه‌تا نوو په‌سه‌ند كر ئه‌وا ژ لايێ ئه‌حمه‌د داود ئوغلۆ سه‌رۆكێ پارتيا داد و گه‌شه‌پێدانێ سه‌رۆكاتيێ دكه‌ت.

پشتى چاڤپێكه‌فتنا ل گه‌ل سه‌رۆك كۆمارێ توركيا پێكهاتێ حوكمه‌تا وى هاتيه‌ په‌سه‌ندكرن، ئه‌حمه‌د داود ئۆفلۆى د پرێسكۆنفرانسه‌كى دا ل كۆچكا جانقايا ل ئه‌نقه‌ره‌يا پايته‌خت پێكهاتێ حوكمه‌تا نوو راگه‌هاند.

وه‌كو سه‌رۆك وه‌زيرێ توركيا ئاشكه‌را كرى ئه‌فكان ئاڵا بۆ پۆستی‌ وه‌زیرێ ناڤخۆ و عیسمه‌ت یه‌ڵماز بۆ پۆستێ وه‌زاره‌تا به‌ره‌ڤانيێ و چاوش ئوغلۆ وه‌كو وه‌زيرێ ده‌رڤه‌ و فولكان برزقر وه‌كو وه‌زيرێ كاروبارێن ئێكه‌تيا ئورۆپا و به‌رائه‌ت ئه‌لبايراق وه‌كو وه‌زيرێ سامانێن سرۆشتى

ئەڤرۆ نیوز، ئەیاد بەرواری:
رۆژنامەکا بریتانی دیارکر کو ھەر ژ پێنج موسلمانان ل بریتانیا، ئێک ژوان ھەڤسۆز و پشتەڤانێ داعشێ یە.
رۆژناما (تایمز) یا بریتانی د راپۆرتەکا خوەدا دبێژیت” د راپرسیەکێ دا کو ھزار موسلمانێن بریتانی ڤەگرت، ئاشکرابوو کو ١٩% ژ وان ھەڤسۆزن ل گەل وان گەنجێن موسلمان ئەوێن بەر ب سووریێ دچن بۆ شەڕێ دناڤ گرۆپێن ئیسلامی دا”.
رۆژناما ناڤبری گوت ژی” رێژا ھەڤسۆزێن داعشێ، ژ ژیێ ١٨ سالێ ھەتا ٣٤ سالی، دبیتە ئێک ژ چار کەسان”. خویا دکەت ژی کو وێ “نامەک ژ ٢٠٠ کەسایەتیێن موسلمان ل بریتانیا گەھشتیێ کو تێدا ئەو بۆچوونێن خوە ل سەر داعشێ دیاردکەن و دبێژن رێکخستیا داعشێ گەفە ل سەر ئاشتیێ و سەقامگیریێ ل ھەر جڤاکەکی”.

ئەڤرۆ نیوز، ئەیاد بەرواری:
راپۆرتەکا ل دۆر تیرۆرا جیھانێ ل سالا 2015 ێ دیاردکەت کو ھژمارا کوشتیان ژ ئەنجامێ ھێرشێن تیرۆرستی ل جیھانێ 80% یێن زێدەبووین و گەھشتینە 32 ھزار و 658 کەس.
ئەو راپۆرتە کو ژلایێ پەیمانگەھا ئابوورێ و ئاشتیێ دەرکەڤتی، ل دووڤ کەنالێ الشرقیە، ئاماژە ددەت کو قوربانیێن ژ ئەنجامێ کارێن تیرۆرستی یێن داعشێ و بوکۆ حەرام 51% ژ سەرجەمێ قوربانیێن کارێن تیرۆرستی و ل سالا بۆری 52 ملیار و 9 ملیۆن دۆلار زیانێن کارێن تیرۆرستی بوون.
پەیمانگەھا ناڤبری خویاکر ژی کو پێنج وەلات ئەوژی ئەفغانستان، عیراق، نیجیریا، پاکستان و سووریا.. پتریا کارێن تیرۆرستی لێ ھاتینە ئەنجامدانن و 78% ژ قوربانیێن تیرۆرێ ژ وان ھەر پێنج وەلاتان بوون کو 10 ھزار کەسان ل عیراقێ ژبەر ھێرشێن تیرۆرستی گیانێ خوە ژ دەستدایە و ل نیجیریا ھەفت ھزار و 500 کەسان گیانێ خوە ژ دەستدایە.