ئه‌ڤرۆنیۆز، ئه‌یاد به‌رواری
ژ ئه‌نجامێن ده‌ستپێكی یێن ڤاڤارتنا ده‌نگان ، پارتیا داد و گه‌شه‌پێدانێ رێژه‌كا مه‌زنتر یا ده‌نگان ژ هه‌لبژارتنێن بۆری بده‌ستڤه‌ئینایه‌ و ب ڤان ئه‌نجامان دشێت ب تنێ حوكمه‌تێ پێك بینیت.
ل دووڤ سایتێ (یه‌نی شه‌فه‌ق) یێ توركی، هه‌تا نوكه‌ رێژا 97.6% ژ ده‌نگان یێن هاتینه‌ ڤاڤارتن و ئه‌كه‌پێ رێژا ده‌نگێن خوه‌ زێده‌كرینه‌ و دهه‌مبه‌ردا رێژا ده‌نگێن هه‌ده‌پێ یێن كێم بووین.
ئه‌كه‌پێ هه‌تا نوكه‌ 49.5% ژ ده‌نگان ب ده‌ستڤه‌ئیناینه‌ كو دبنه‌ 316 كورسی و ب ڤێ چه‌ندێ ئه‌كه‌پێ دشێت ب تنێ حوكمه‌تێ پێك بینیت كو رێژا پێدڤی بۆ پێكئینانا حوكمه‌تێ ب تنێ 276 كورسی یه‌، ب ڤان ئه‌نجامان ئه‌كه‌پێ كورسیێن خوه‌ زێده‌كرینه‌ هه‌مبه‌ركرن ل گه‌ل هه‌لبژارتنێن بۆری كو تنێ 258 كورسی بربوون، ئانكو 58 كورسی زێده‌كرینه‌.
ژلایێ خوه‌ڤه‌ ده‌نگێن هه‌ده‌پێ یێن كێمبووین و 10.4% ژ رێژا ده‌نگان برینه‌ كو دبنه‌ 59 كورسی و ل هه‌لبژارتنێن بۆری 80 كورسی بربوون، ئانكو 21 كورسی ژ ده‌ستدان.
پارتیا گه‌ل یا كۆماری (جه‌هه‌په‌) 25.2 % ژ رێژا ده‌نگدان بده‌ستڤه‌ئیناینه‌ و چو گوهۆرین نه‌هاتینه‌ كرن ژبلی زێده‌كرنا رێژه‌كا گه‌له‌ك كێم یا ده‌نگان و دێ 133 كورسیان به‌ت كو د هه‌لبژارتنێن بۆری دا 132 كورسی بده‌ستڤه‌ئینابوون.
لێ بزاڤا نه‌ته‌وی (مه‌هه‌په‌) ژ هه‌رسێ پارتێن دی یا زیاندارتره‌ ژ ئه‌نجامێن هه‌لبژارتنان و 38 كورسی ژ ده‌ستدان كو د هه‌لبژارتنێن بۆری دا 80 كورسی هه‌بوون و تنێ 42 كورسی د ڤان هه‌لبژارتنان دا بده‌ستڤه‌ئینان و رێژا ده‌نگێن وێ گه‌هشتینه‌ 12%

ئه‌ڤرۆ نیوز:

ل دووڤ ئه‌نجامێن ده‌ستپێكى یێن هه‌لبژارتنێن توركیا، پارتا داد و گه‌شه‌پێدان AKP حزبا ئه‌ردوگانى پرانیا كورسیێن په‌رله‌مانى توركیا مسوگه‌ر كریه‌ و حكومه‌تا زورینه‌ ل وى وه‌لاتى پێكبینیت.
ل دووڤ ئه‌نجامێن 89% ژ ده‌نگێن هاتینه‌ جوداكرن، ئاكپارتى 50.2% یا ده‌نگان بده‌ستڤه‌ ئیناینه‌ و رێژا پێدڤى بۆ پێكئینانا حكومه‌تا پرانى بده‌ستڤه‌ ئیناینه‌.

ئه‌ڤرۆنیۆز، ئه‌یاد به‌روارى
ل دووڤ دووماهی ئامارێن پرۆسا ڤاڤارتنا ده‌نگان د هه‌لبژارتنێن توركیا دا، هه‌ده‌پێ به‌ربه‌رستا 10% ژ ده‌نگان یێن ده‌ربازكرین.
ل دووڤ پشكا عه‌ره‌بی یێ سایتێ (یه‌نی شه‌فه‌ق) یێ توركی، هه‌تا نوكه‌ 89،9% ژ ده‌نگان یێن هاتینه‌ ڤاڤارتن و پارتیا داد و گه‌شه‌پێدانێ (ئه‌كه‌په‌) 41% ژ ده‌نگان یێن ب ده‌ستڤه‌ئیناین و پارتیا گه‌ل یا كۆماری ( جه‌هه‌په‌) 24،5% ژ ده‌نگان یێن بده‌ستڤه‌ئیناین و پارتیا بزاڤا نه‌ته‌وی (مه‌هه‌په‌) 11،9% ژ ده‌نگان یێن بده‌ستڤه‌ئینان و پارتیا دیموكراتی یا گه‌لان (هه‌ده‌په‌) رێژا 10،2% ژ ده‌نگان بده‌ستڤه‌ئینایه‌ و پارتێن دی یێن پشدار د هه‌لبژارتناندا 3،3% ژ ده‌نگان بده‌ستڤه‌ئیناینه‌.
ل دووڤ وی سایتێ توركی، ل ده‌ڤه‌رێن باشوورێ رۆژهه‌لاتێ توركیا كو پتریا وان كوردن، پارتیا دیموكراتیا گه‌لان (هه‌ده‌په‌) رێزا ئێكێ یا ب ده‌ستڤه‌ئینای و پارتیا داد و گه‌شه‌پێدانێ (ئه‌گه‌په‌) ل ویلایه‌تێن ده‌ڤه‌رێن باكوور و ناڤه‌راست و باشوورێ توركیا ل رێزا ئێكێ دهێت و پارتیا گه‌ل یا كۆماری (جه‌هه‌په‌) ل ده‌ڤه‌رێن رۆژئاڤایێ توركیا ل رێزا ئێكێ دهێت.

ئه‌ڤرۆ نیوز:
ل دووڤ دووماهى ئامار ژ 51.24% ده‌نگێن هاتینه‌ جوداكرن ل باژێرێن توركیا، ده‌نگێن پارتێن توركیا ب ڤى ره‌نگى نه‌:
– ئاكپارتی: %52.4
– جه‌هه‌په‌: %21.4
– هه‌ده‌په‌: %11.3
– مه‌هه‌په‌: %11.13

ئه‌ڤرۆ نیوز:

ل دووڤ ئه‌نجامێن هه‌لبژارتنێن توركیا ل باژێرێ وانێ باكوورێ كوردستانێ ، ژ 10% یا سندوقێن ده‌نگدانێ كو هاتینه‌ ڤه‌كرن، و ل دووڤ وى ئه‌نجامێ كو پێگه‌هێ فورات نیوز به‌لاڤكرى، هه‌تاوه‌كو نوكه‌ هه‌ده‌پێ ل وى باژێرى 97% یا ده‌نگان بده‌ستڤه‌ ئیناینه‌.

ئه‌ڤرۆنیۆز، سالار دۆسكى:
مامۆستایه‌كێ زانكۆیێ ئاماژه‌ دكه‌ت وێ چه‌ندێ كو دێ ده‌نگێن كوردان زێده‌بن و پێكئینانا حوكمه‌تا زورینه‌ دێ گه‌له‌ك یا بزه‌حمه‌ت بیت و پارتا داد و گه‌شه‌پێدان نه‌شێت هیڤێن خوه‌ بجهبینت.
زێره‌ڤان به‌روارى مامۆستایێ زانكۆیێ و شاره‌زا دكارۆبارێن توركیا دا بۆ ئه‌ڤرۆ نیۆز گۆت: هه‌لبژارتنێن گه‌را دوویى ل توركى ل ده‌مه‌كى دا هاتن، پشتى كو لایه‌نیین توركى نه‌ كارین رێكه‌فتنا سیاسى ل سه‌ر دروستكرنا حكومه‌تا هه‌ڤپه‌یمانى دروست كه‌ن.
مامۆستایێ زانكۆیێ هێشتا گۆت: هه‌ڤركیا سه‌ره‌كى د نافا كوردان ب نوینه‌راتیا HDP و داد وگه‌شبیدان ل هه‌نده‌ك بازنێین سه‌ره‌كى یه‌ وه‌كى ده‌فه‌را 3 ل استنبولی و باكوورى كوردستانى، كورد د ڤان هه‌لبزازتنا دى رێژا ١٠٪ ده‌رباز كه‌ن، چونكه‌ گوهرینا رێژا ده‌نگان د ڤان هه‌لبژازتنا دا دێ دنافبه‌را MHP و AKP دا بیت چونكه‌ داد وكه‌شبیدان د ماوه‌ى سى هه‌یڤێن بورى دا ل سه‌ر هه‌ستا تورك به‌رستى كار كریه‌ و ل باده‌كا ده‌ركى ژى هه‌ول دایه‌ خوه‌ نێزیكى ئیكه‌تیا ئه‌وربى بكه‌ت كو ئه‌ڤ جه‌نده‌ دێ كارتێكرنا ل سه‌ر ده‌نكین MHP و CHP كه‌ت د به‌رژه‌وندیا داد وكه‌شبیدان دا.