ئه‌ڤرۆ نيوز، بارزان مزوورى:
ئه‌ڤرۆ ئێڤارى 28ى چريا ئێكێ يا 2015ێ ديته‌ر دوميرۆفسكى سه‌رۆك په‌رله‌مانێ ويلايه‌تا براند بۆرگ ل وه‌لاتێ ئه‌لمانيا و فێلينك فوليڤيا سه‌رۆكا رێكخراوا مافێ مرۆڤى ل فرانكفۆرت ل وه‌لاتێ ئه‌لمانيا ل گه‌ل عه‌لى عه‌ونى به‌رپرسێ لقا 20 ل شێخان سه‌ره‌دانا ميحوه‌رێ ناوه‌ران كر د ناڤ هێزێن پێشمه‌رگه‌ى دا گه‌ريان و چه‌ندين چاڤپێكه‌فتن ل گه‌ل هێزێن پێشمه‌رگه‌يى ئه‌نجام دان و ئاگه‌هدارى ره‌وشا وان بوون. شاندێ ناڤبرى ژى ژ لايێ سه‌ربه‌ست تراوانشى به‌رپرسێ ميحوه‌رێ ناوه‌ران هاته پێشوازيكرن.
ديته‌ر دۆميرۆفيسكى، سه‌رۆكێ په‌رله‌مانێ ويلايه‌تا براند بۆرگ ل ئه‌لمانيا بۆ ئه‌ڤرۆ نيوز ئاشكه‌را كر كو پێشمه‌رگه هێزا ئێكانه‌يه ل جيهانێ به‌رسينگا تيرۆرستان گرتى و ئه‌و ئێمناهيا ئه‌ڤرۆ ل جيهانێ هه‌يى ل سايه‌تى مێرانيا وايه.
زێده‌تر گۆت: “ئه‌ز ئه‌ڤرۆ ل ناڤ پێشمه‌رگه‌ى گه‌ريام و ژ نێزيك هايدارى ره‌وشا وان بووم و كا چ پێدڤيه بۆ وان بكه‌ين ب تايبه‌ت ژ لايێ هاريكاريان ڤه”.
نيشاندان