ئه‌ڤرۆ نیوز:
ئاشتى هه‌ورامى وه‌زیرێ سامانێن سروشتى یێ حكومه‌تا هه‌رێمێ سه‌باره‌ت دره‌نگ به‌لاڤكرنا مووچان هاته ده‌نگ و بۆ روودا گۆت” ژ ئه‌ڤرۆ پێدا ئه‌م دشێن هه‌یڤانه مووچێن فه‌رمانبه‌ران بده‌ین، به‌لێ ئه‌و موچێن سێ هه‌یڤان ئه‌وێن كه‌تینه سه‌ر ئێك، دڤێت ژ زێده‌كرنا هنارتنا نه‌فتێ بهێته قه‌ره‌بووكرن”.
ئاشتى هه‌ورامى وه‌زیرێ سامانێن سروشتى دیاركر كو موچێ فه‌رمانبه‌ران ب چ ره‌نگه‌كێ نافه‌وتیت، به‌لێ پێدڤى ب ده‌مى یه هه‌تا كو قه‌ره‌بوویا سێ هه‌یڤێن مایى یێن مووچێ فه‌رمانبه‌ران دهێته كرن.
ئه‌ڤرۆنیۆز، هه‌رهین محه‌مه‌د:
د.ئیبراهیم ئه‌حمه‌د سمو سه‌رۆكێ لژنا خواندنا بلند ل په‌رله‌مانێ كوردستانێ د په‌یجێ خوه‌یێ تایبه‌تێ فه‌یسبووكى دا ئاشكراكریه كو وى ئه‌ڤرۆ په‌یوه‌ندى ب وه‌زیرێ خواندنا بلند كریه و ب مه‌ره‌ما دانا عبورێ ب دو بابه‌تان ل زانكویێن ئه‌هلى و حكومى و وه‌زیرێ خواندنا بلند دیاركریه كو دێ كه‌ته دبه‌رنامێ كارێ خوه دا بۆ كومبوونا ئه‌نجومه‌نێ وه‌زاره‌تێ و كومبووما رۆژا دوشه‌مبى یا بهێت دێ گه‌نگه‌شه ل سه‌ر هێته‌كرن.
د.ئیبراهیم سمۆ خواستیه ژى سه‌رۆكێن زانكویێن كوردستانێ پشته‌ڤان بن بۆ ڤێ بریارێ داكو قوتابى ژێ مفادار بن، ژبه‌ر كو گه‌له‌ك قوتابى پێشمه‌رگه و هێزێن ئه‌منى بووینه و دڤێت ئه‌ڤه ل به‌ر چاڤ بهێته وه‌رگرتن.
ئه‌ڤرۆ نیۆز، قائید میرۆ
ئێڤاریا ئه‌ڤرۆ ئێكه‌م حاله‌تێ مرنێ ب ئه‌گه‌رێ ڤایرۆسا كۆلێرایێ هاته تۆماركرن و لیژنا ساخله‌می ژی دبێژیت، نێزیكی حه‌فتێ حاله‌ت هاتینه تۆماركرن.
ئاواز حه‌مید، ئه‌نداما لیژنا ساخله‌می ل په‌رله‌مانێ كوردستانێ ب ئه‌ڤرۆ نیۆز راگه‌هاند” بشێوه‌یه‌كێ فه‌رمی تنێ حه‌فت حاله‌تێن نه‌خۆشیا كۆلێرایێ هاتینه تۆماركرن، به‌لێ گوره‌ی دوڤچوونا مه وه‌كی لیژنا ساخله‌میێ بۆمه ئاشكرابوویه نێزیكی 70 حاله‌تێن نه‌خۆشیا كۆلێرایێ هه‌نه و پتریا وانژی ئاواره‌نه.
ئاوازێ دیاركر، مه‌غره‌بیا ئه‌ڤرۆ زانیاری گه‌هشتینه من وه‌لاتیه‌كێ پارێزگه‌ها سلێمانیێ ژ ئه‌گه‌رێ ڤایرۆسا كۆلێرایێ گیانێ خوه ژده‌ستدایه و ئه‌ڤه‌ژی ئێكه‌م حاله‌تێ گیان ژده‌ستدانێ یه ب كۆلێرایێ دهێته تۆماركرن لهه‌رێما كوردستانێ.
ئه‌ڤرۆ نیوز:
وه‌زاره‌تا دارایى ل گه‌ل به‌لاڤكرنا مووچێ هه‌یڤا حه‌فت، ده‌ست ب قه‌ره‌بووكرنا فه‌رمانبه‌رێن هه‌ردوو پارێزگه‌هێن هه‌ولێر و دهۆك كر و ئه‌ڤرۆ فه‌رمانبه‌رێن وه‌زاره‌تا دارایى هاتنه قه‌ره‌بووكرن.
ل گه‌ل تێكه‌لكرنا هه‌ردو ئیداره‌یێن هه‌ولێر و سلێمانیێ، بریار هاته دان موچێن فه‌رمانبه‌ران وه‌كو ئێك لێ بهێته كرن و قه‌ره‌بوویا هه‌ردو فه‌رمانبه‌رێن پارێزگه‌ها دهۆك و هه‌ولێر بهێته كرن چونكه مووچێن وان ل چاڤ ئیدارا سلێمانیێ یا ده‌مى كێمتر بوو، له‌وما ئه‌ڤرۆ ل گه‌ل به‌لاڤكرنا مووچه‌ى، فه‌رمانبه‌رێن وه‌زاره‌تا دارایى ب كوژمه‌كێ هاتنه قه‌ره‌بوكرن و چه‌ند وه‌زاره‌تێن دى ل گه‌ل دابه‌شكرنا مووچه‌ى دێ هێنه قه‌ره‌بووكرن.
ئەڤرۆ نيوز:
پەیڤدارێ کۆمیسۆنا بلندا ھەلبژارتنێن ھەرێما کوردستانێ ئاشکرا کر کو د حەفتیا بھێت دا دێ دەست ب پڕۆسا جڤاڤارتنا وان فۆرمان کەن کو بۆ دامەزراندنێ ل کۆمیسۆنێ ھاتینە پڕکرن.
شێروان زرار، پەیڤدارێ کۆمیسۆنا بلندا ھەلبژارتنێن ھەرێما کوردستانێ دیار کر کو رەوشا ھەرێما کوردستانێ ھیچ کاریگەری ل سەر پڕۆسا ڤاڤارتنا وان فۆرمان ناکەت و د حەفتیا بھێت دا دێ ھێنە جوداکرن و گۆت “ئەگەرێ پاشکەفتنا ڤاڤارتنا وان فۆرمان بۆ ڤەگوھاستنا ئاڤاھیێ کۆمیسۆنا بلندا ھەلبژارتنێن ھەرێمێ دزڤڕیت”.
ھەژی گۆتنێ یە د ھەیاما بۆری دا کۆمیسۆنا بلندا ھەلبژارتنێن ھەرێمێ دەلیڤا دامەزراندنێ ب رێکا ئۆنلاین بۆ ٥٣٥ فەرمانبەران بۆ کۆمسیۆنێ راگەھاند بوو و ل گۆر پێزانینێن کۆمسیۆنێ نێزیکی سەدو ھەشت ھەزار کەسان ئەو فۆڕمە پڕ کرینە.
ئه‌ڤرۆ نيوز:
سپێده‌هيا ئه‌ڤرۆ رۆژا دوشه‌مبى رێكه‌فتى 19ى چريا ئێكێ يا 2015ێ ل ته‌هرانا پايته‌ختێ كۆمارا ئيسلامى يا ئيرانێ، نێچيرڤان بارزانى سه‌رۆك وه‌زيرێن هه‌رێما كوردستانێ ژ لايێ به‌رێز دكتور ئيسحاق جيهانگيرى جێگرێ ئێكێ يێ سه‌رۆك كۆمارێ ئيسلاميێ ئيرانێ هاته پێشوازيكرن.
د وێ ديدارێ دا جيهانگيرى خۆشحاليا خوه ب سه‌ره‌دانا نێچيرڤان بارزانى ده‌ڕبڕى و به‌حس ل په‌يوه‌نديێن ناڤبه‌را هه‌رێما كوردستانێ و ئيرانێ كر و پشته‌ڤانيا وه‌لاتێ خوه بۆ موكمكرنا په‌يوه‌نديێن دوقۆلى و سه‌قامگێريا هه‌رێما كوردستانێ و هه‌ڤكاريا هه‌رێمێ د روو ب رووبوونا هه‌ر مه‌ترسيه‌كێ دا ده‌ربڕى و سۆزا به‌رداميا وان هاريكاريان نيشان دا.
هيڤيى ژى خواست كو ئه‌و كێشن نوكه د ناڤبه‌را لايه‌نێن سياسى يێن هه‌رێما كوردستانێ دا ب ديالۆكێ بهێنه چاره‌كرن و ب هه‌مان ره‌نگ كێشێن ناڤبه‌را هه‌رێما كوردستانێ و عيراقێ ژى ب ديالۆگێ بهێنه چاره‌كرن.
ژ لايێ خوه ڤه سه‌رۆك وه‌زيرێن هه‌رێما كوردستانێ سۆپاسيا پێشوازى و هاريكاريا ئيرانێ كر ب تايبه‌ت د ده‌مێن ته‌نگاڤ دا ل شه‌رێ دژى تيرۆرستێن داعش كو ل ده‌سپێكا هێرشا هاريكاريا هه‌رێما كوردستانێ كريه.
ئه‌ڤرۆ نيوز:
وه‌زاره‌تا دارايى ل حوكمه‌تا هه‌رێما كوردستانێ خشتێ به‌لاڤكرنا مووچه‌يێ هه‌يڤا تيرمه‌هێ يێن فه‌رمانبه‌رێن هه‌رێما كوردستانێ راگه‌هاند كو دێ ب ڤى ره‌نگێ ل خوارێ بيت.
1- رۆژا سێ شه‌مبى رێكه‌فتى 20ى چريا ئێكێ يا 2015ێ وه‌زاره‌تا ساخله‌ميێ دێ مووچه‌ى وه‌رگريت.
2- رۆژا چارشه‌مبى رێكه‌فتى 21ى چريا ئێكێ يا 2015ێ دێ مووچێ وه‌زاره‌تێن ئاڤه‌دانكرن و ڤه‌گوهاستن و ره‌وشه‌نبيرى و ده‌زگه‌هێ مين هێته به‌لاڤكرن.
3- رۆژا پێنجشه‌مبى رێكه‌فتى 22ى چريا ئێكێ يا 2015ێ دێ مووچێ وه‌زاره‌تێن پێشه‌سازى و پلاندانان و سامانێن سرۆشتى و ديسا ديوانا چاڤدێريا دارايى و ماف و ده‌ڤه‌رێن ده‌رڤه‌ى هه‌رێمێ و ژه‌نگه‌هـ و ده‌سته‌يا وه‌به‌رهێنان و ده‌سته‌يا نه‌زاهێ و كۆمسيۆنا هه‌لبژارتنان هێته به‌لاڤكرن.
4- رۆژا ئێكشه‌مبى 25ى 10 چريا ئێكێ يا 2015ێ دێ مووچێ وه‌رزاره‌تا داد و جڤاتا دادوه‌رى هێته به‌لاڤكرن.
ئەڤرۆ نیۆز، قائید میرۆ:
بەری دەرکرنا تاقمێ گۆڕان ل حوکمەتێ نەوشیروان مستەفای دخواست رەوشا ھەرێما کوردستانێ ئالۆزبکەت.
سیروان گەردی، سەرۆکێ سەنتەرا ئاسوودە بۆ راپرسیێ ب ئەڤرۆ نیۆز راگەھاند” زانیاریێن دروست لبەردەست ھەنە بەری نوکە نەوشیروان مستەفا کار بۆ تێکدانا ڤێ رەوشێ کریە و داخواز ل رێباز حەملان وەزیرێ دارایی کربوو دەست ژکارێ خوە ڤەکێشیت.
سیروانی گۆتژی” وەزیرێ دارایی ئاگەھداری ھەموو داھاتەکێ حوکمەتا ھەرێما کوردستانێ بوو، لەوڕا رازینەبوو ب داخوازا نەوشیروان مستەفای ئەف چەندە نێچیرڤان بارزانی راگەھاندبوو.
ئه‌ڤرۆ نيوز:
ئه‌ندامه‌كێ فراكسيۆنا پارتى ديموكراتى كوردستان ل جڤاتا نوونه‌رێن عيراقێ راگه‌هاند: وه‌كو فراكسيۆنا پارتى ل گه‌ل وه‌زيرێ دارايێ حوكمه‌تا عيراقێ د پێناڤى دووڤچوونا ژماره‌كا پرسێن گرنگ دا كۆمبووين.
سيروان سيرينى، ئه‌ندامێ جڤاتا نوونه‌رێن عيراقێ بۆ مالپه‌رێ فه‌رميێ پارتى ديموكراتى كوردستان گۆت: د پێناڤى دووڤچوونێ بۆ چه‌ند پرسه‌كێن گرنگ يێن پێدڤى ب هه‌رێما كوردستانێ وه‌كو فراكسيۆنا پارتى ل گه‌ل هشيار زێبارى وه‌زيرێ دارايێ حوكمه‌تا عيراقا فيدرال كۆم بوون و سێ نوچه‌يێن دلخۆشكه‌ر به‌حس كرن”.
سيرينێ گۆتژى: “پشتى ره‌وشا پێشمه‌رگه‌يى مه بۆ به‌حس كرى، د به‌رسڤێ دا وه‌زيرێ دارايى گۆت گه‌له‌ك ب جدى ل گه‌ل حه‌يده‌ر عه‌بادى به‌حسێ مافێن پێشمه‌رگه‌يى دايه و سۆز دايه د ڤى ماوه‌يى دا دو مووچا بۆ ب مه‌زێخيت، هيڤيدارين په‌شيمان نه‌بيت”.
ده‌رباره‌ى ماقێن جۆتياران ژى گۆت: “پارێ گه‌نمى يێ 2014 و 2015ێ بڕيارا خه‌رجكرنێ ل سه‌ر هاتيه دان، به‌لێ بجهئينان د ده‌سته‌لاتا وه‌زاره‌تا بازرگانى و چاندنێ دايه، چونكو ب مخابنى ڤه هنده‌ك كه‌س راستيان ڤه‌دشێرن و تێكدده‌ن و ئه‌گه‌رێ نه‌مه‌زاختنێ د ئێخنه ستوويێ وه‌زيرێ دارايى”.
ئه‌ڤى ئه‌ندامێ جڤاتا نوونه‌ران ل دۆر بۆدجێ 2016ێ يێ عيراقێ ژى گۆت: “مه دانوستاندن ل گه‌ل جڤاتا وه‌زيران و حه‌يده‌ر عه‌بادى كر ده‌رباره‌يى مافێن هه‌رێمێ ل پرۆژێ بودجێ 2016ێ يێ عيراقێ و دا كو مافێن كوردان وه‌كو خوه بمينن ب به‌رچاڤگرتنا مافێن كوردان ل جڤاتا وه‌زيران په‌سه‌ند كر”.
ئەڤرۆ نیۆز، قائید میرۆ
نونەرەکا کورد لە پەرلەمانێ عێراقێ ئیماژە بڤێ چەندێ دکەت، ھێشتا دیارنینە ھەرێم یا رازیە ب رێیا سۆمۆ پتڕۆلێ بفرۆشیت یانژی دێ بشێوەیەکێ سەربوە دێ بفرۆشیت.
نەدا عەنتەر، ئەنداما فڕاکسیۆنا پارتی لپەرلەمانێ عێراقێ ب ئەڤرۆ نیۆز راگەھاند” راستە جڤاتا وەزیرێن عێراقێ دوھی بودجێ گشتیێ عێراقێ بۆ سالا داھاتی پەسەندکریە و ١٧%ێ بۆ ھەرێما کوردستانێ ھاتیە دیارکرن، بەلێ ھێشتا دیارنینە دێ ھەرێم رازیبیت یانژی نە.
عەنتەر گۆتژی” گورەی پڕۆژە قانوونا بودجەی وەکی سالا ٢٠١٥ێ ھەرێم رۆژانە ٥٥٠ ھزار بەرمیلێن پترۆلێ ب رێیا سۆمۆ فڕێکەت و پێگیریێ ب رێکەفتنێ بکەن، ئەڤەژی پێدڤی ب رازیبوونا ھەرێما کوردستانێ ھەیە و ھێشتا چو شاندێن ھەرێمێ بۆڤێ مەرەمێ نەھاتینە بەغدا و دیارنینە دێ کەنگی بھێن.
نيشاندان