ئهڤرۆ نیوز: ڤهدهر رهشاڤایی:
ئهڤرۆ ئێكێ كانوونا ئێكێ یا 2015 ێ، مهسعود بارزانی سهرۆكێ ههرێما كوردستانێ ب یاوهرییا شاندهكێ ژ ئالیێ شاهـ سهلمان شاهێ سعودیه ڤه ل كۆچكا شاهی ل ریازا پایتهختێ عهربستانا سعودیه بگهرمی هاته پێشوازیكرن و گۆتۆبێژ لسهر ههڤكارییا سعودیه و ههرێما كوردستانێ هاتهكرن.
ئهڤرۆ نیوز:
کەمال کەرکوکى، بهرپرسێ میحوهرێ رۆژئاڤا كهركوكێ یا هێزێن پێشمهرگهى دیاركر كو ماوهیهكه چهكدارێن رێكخراوێن دهولهتا ئیسلامى ( داعش) جار جار ل میحوهرێ رۆژئاڤا و چهند گوندێن دى یێن كهركوكێ هێرشێ دكهنه سهر هێزێن پێشمهرگهى و گوت” داعش رۆژانه ژمارا چهكدارێن خوه ل قهزا حهویجه زێده دكهت كو رهنگه ب ژڤان بوون هێرشى بكهنه سهر هێزێن پێشمهرگهى”.
ئهڤرۆ نیوز:
بهرى چهندهكێ تهقینهك ل ناڤ ئێك ژ میترویێن باژارێ ئیستانبولێ رویدا و ههتا نوكه ژمارا كوشتى و برینداران نههاتیه زانین.
پارێزگارێ ئیستانبولێ واسیپ شاهین سهبارهت تهقینا ل بایرام پاشا ل ئیستانبولێ چێبووى گوت” ئهگهرێن تهقینێ نههاتینه زانین و ب تنێ وهلاتیهك ب سڤكى برینداربوویه و دوڤچون یا بهردهوامه”
ئهڤرۆ نیوز:
كومپانیا دانه غاز كو كێشه ل گهل حكومهتا ههرێما كوردستانێ ههیه، بهرههڤیا خوه دهربرى ژ پێخهمهت بهرژهوهندیێن ههرێما كوردستانێ و دهڤهرێ كار ل سهر كێلگههێن خورمو و چهمچهمال بكهت.
د بهیاننامهكا فهرمى دا كو ل مالپهرێ فهرمى یێ دانهغاز بهلاڤبوویه، كومپانیا دانه غاز بهرههڤیا خوه بۆ كاركردن ل گهل حكومهتا ههرێمێ و ل كێلگههێن غازێ و نهفتێ یێن كوردستانێ دهربرى.
ئهڤرۆ نیۆز، قائید میرۆ
ل ناحیا گهیاره یا باشورێ مووسل ههڤپهیمانان كۆمبوونهكا چهكدارێن داعش كره ئارمانج و 30 چهكدار هاتنه كوشتن.
رهشاد گهلالی، بهرپرسێ كۆمیتا مهخموور یا ئێكهتیێ ب ئهڤرۆ نیۆز راگههاند” ئهڤرۆ فڕۆكهیێن ههڤپهیمانان دادگهها بناڤ شهڕعیا داعش ل سهنتهرێ ناحیا گهیاره بوردۆمانكرن كو د دهمێ بوردۆمانێ دا هژمارهكا زۆرا تیرۆرستان مژولی كۆمبوونهكا نافخۆیی بوون.
گهلالی دیاركر، د ئهنجامێ ئهڤێ بوردۆمانێ دا 30 چهكدارێن داعش هاتنه كوشتن، كو سهركردهیهكێ گروپا داعش بناڤێ ئهبو عوبێد تێدایه و هژمارهكا زۆرا وهلاتی و چهكدارێن دیژی برینداربوون.
ئهڤرۆ نيوز:
حوكمهتا ههرێما كوردستانێ بڕيار ل سهر بهێنڤهدانا رۆژا پێنجشهمبى دا، ئهوا ژ لايێ حوكمهتا عيراقێ ڤه بڕيار ل سهر هاتيه دان كو ژ بهر چلينيا ئيمام حسێن راگههاندى.
سهفين دزهيى، ئاخفتنكهرێ ب ناڤێ حوكمهتا ههرێما كوردستانێ د داخۆيانيهكێ دا بۆ خهندان راگههاند كو رۆژا پێنجشهمبى رێكهفتى 3ى كانوونا ئێكێ يا سالا 2015ێ دهواما فهرمى يه ل ههموو دامودهزگههێن حوكمهتا ههرێما كوردستانێ.
نيشاندان