ئەڤرۆ نیوز، زنار تۆڤی:
وەزارەتا دەرڤە یا تورکیا ئەڤرۆ راگەهاندنەک بەلاڤکریە و تێدا داخواز ژ رووسیا کریە کو هێرشێن خۆ بو سەر چه‌كدارێن ئۆپۆزسیونا سۆریێ و ناوچێن بن كنترۆلا وان رابگریت و هێرشێ بکەتە سەر داعش، هەروەسا وەزارەتا دەرڤە یا تورکی دیارکریە، هێرشێن رووسیا ل سۆریێ پێشڤەچوونەکا ترسناکە و دێ تۆندوتیژیێ زێدەکەت، ئەڤە ژی د بەرژەوەندا ڤێ ناوچەیێ دا نینە.
ئه‌ڤرۆ نیوز:
د.جه‌مال كوچه‌ر ره‌خنێ ژ گوتارا حه‌یده‌ر عه‌بادى دگریت كو به‌حسێ قاره‌مانیا پێشمه‌رگه‌ى نه‌كریه، ئه‌ڤه ژى ده‌قێ نڤیسینا وى یه.
لاوازیا گتارا د. حیدر عبادى ل نه‌ته‌وێن ئێكگرتى
د.حیدر عبادى سه‌روك وه‌زیرێ عیراقێ ل كونگرێ نه‌ته‌وێن ئێكگرتى وتارا عیراقێ خاند .. و ب دیتنا من وتاره‌كا گه‌له‌ك لاواز بو و یا دیر بو ژ پێتڤیێن عیراقێ یێن سه‌ره‌كى ، و نه ل ئاستێ وى كونگره‌ى و وى جهى بو …
ژ لاوازیێن وتارا د.حیدر عبادى :
1- به‌حس ل سوپایێ عیراقێ و حشد الشعبى و سه‌ركه‌فتنێن وان ل تكریت و صلاحدین كر ، و هیچ ئاخفتنه‌ك ده‌رباره‌ى پێشمه‌رگه و سه‌ركه‌فتنێن وان نه كر .. دده‌مه‌كى دا كو ئه‌ندامێن كونگره‌ى هه‌مى دزانن كو پێشمه‌رگه‌ى چه‌ند سه‌ر كه‌فتن ب ده‌ست ڤه ئیناینه و چه‌ند جه رزگاركرینه ب شێوه‌كى كو د هه‌مان روژا كونگره‌ى دا پێشمه‌رگه‌ى (12 گوند) ب دویراتیا 60 كیلومه‌تران رزگاركرینه .
وه‌زیرێ به‌رگریا ئه‌مریكا به‌حسێ ڤێ قاره‌مانیێ كر و عه‌بادى به‌حس نه‌كر ، و ئه‌ڤ چه‌نده ژى نه‌فسیه‌تا بچیكا وى و لایه‌نگریا تا ئیفى ده‌ردئێخیت .
2- ب درێژى به‌حسكرنا رزگاركرنا جرف الصخر و ئامرلى و تكریت و چه‌ندین جهێن دى .. د كونگره‌یه‌كى دا نه جهێ به‌حسكرنا ڤان ورده‌كاریانه .. و ئه‌وێن لوێرێ هه‌مى دزانن سوپایێ عیراقێ و حشد الشعبى نه‌شێن بهوسته‌كێ پێشڤه بچن بێى وه‌لاتێن هه‌ڤ په‌یمان .
3- به‌حسكرنه‌كا لاواز بو ئاریشێن عیراقێ یێن له‌شكه‌رى و ئه‌منى و ئابورى و پێتڤیێن عیراقێ یێن سه‌ره‌كى دوان بواران دا ، دگه‌ل ئاریشا تیرورێ و كوچبه‌ران و دابه‌زینا بهایێ گازێ و و كارتێكرنا وێ ل سه‌ر ره‌وشا ئابورى یا ده‌وله‌تى .
ب راستى وتاره‌كا لاواز و نه ل ئاستێ سه‌روك وه‌زیران بو و نه ده‌ربرین بو ژ هه‌مى ئاخا عیراقێ و خه‌لكێ وێ و نه ل دویڤ پێتڤى و ره‌وشا ئه‌ڤرو یا عیراقێ بو .. و دڤێ وتارێ دا ئاستێ سه‌روك وه‌زیرێن عیراقێ باش دیاربو .
د.جمال كوچه‌ر
ئه‌ڤرۆ نیوز:
ب هەلکەفتا روژا جیهانی یا موزیکێ رێڤەبەریا گشتی یا رەوشەنبیری و هونەری دهوک رێڤەبەریا هونەری موزیکێ، کونسێرتەکا مەزن سازكر كو هونەرمەندان (حسن شریف ،عبدالقهار زاخویی ، گوران سالح ، کیژان ابراهیم ) هەروەسا تیپا روباد یا موزیکێ و کورالا پەیمانگەها هونەرێ جوان دهوك پشكدارببون.
دڤێ کونسێرتێ دا سێ هونەرمەندێن مەزن یێن هەرێما کوردستانێ ژ لایێ رێڤەبەریا گشتی یا رەوشەنبیری و هونەری دهوک هاتنە رێز لێنان ئەو ژی ( ئەنوەر قەرەداغی ژ سلێمانیێ و سید احمد ژ هەولێرێ و وەلید خالد ژ دهوکێ) .
ئه‌ڤرۆ نيوز، بارزان مزوورى:
ئەفسەرەکى ژ ھێزێن پێشمەرگەی ل میحوەرێ ناوەران بو مالپەرێ ئەڤرو نیوز ئاشکرا کر کو ئەڤرو دەمژمێر 4:30ى ئیڤاريا 1ى چريا ئێكێ يا سالا 2015ێ چەکدارێن تیرورستێن داعش مژوولی ڤەگوھاستنا چەکدارێن خوه بوون فروکەیێن ھەڤپەیمانان کاروانەکێ ترومبێلێن ڤەگوھاستنێ بوردومان کرن ژمارەکا مەزن یا چەکدارا دناڤ بو ھەموو ب ترومبێل ڤە ھاتن ناڤبرن.
ناڤبری دیار کر کو چەکدارێن تیروستێن داعش پشتی پێشمەرگەی جەندین گوند ل میحوەرێ کەرکوک ددەستێن وان دا ئیناینە دەر شکەستن کەفتیە ھەمی میحوەرێن وان ھەولێن سستکرنا میحوەرا کریە چەکدارێن خو ژ ترسێن پێشمەرگەی بو ناڤ باژێرێ مووسل ڤەگوھاستینە ،
ناڤبری گوت ژی کو دناڤ باژێرێ مووسل ژی ترس ژ ناڤ وان دروست بویە ھەولێن کوشتنا دەستگیرکرنێن ددەستێن وان دا دکوژن.
ئه‌ڤرۆ نیوز:
حه‌یده‌ر عه‌بادی سه‌رۆك وه‌زیرێ ئیراقێ گۆت كو حكومه‌تا ئیراقێ دێ بخێرهاتنا هێرشێن ئاسمانیێن رووسیا كه‌ن ل دژی داعش ل ئیراقێ.
پشتی پرسیار ژ عه‌بادی هاتیه كرن كا ئه‌ڤ یه‌كه ل گه‌ل رووسیا گه‌نگه‌شه‌كریه گۆت : هیشتا نه، لێ هه‌كه‌ر رووسیا ڤێ یه‌كێ بخازیت ئه‌م دێ هزر تیدا كه‌ین و بخێرهاتنێ لێ كه‌ین.
ئه‌ڤ ئاخڤتنا عه‌بادی د كۆنگره‌كێ رۆژنامه‌ڤانی دا ل پشتی گۆتارا وی یا ل نه‌ته‌وێن ئێكگرتی هات كو تیدا به‌حسێ رۆلی پێشمه‌رگه ل دژی داعش نه‌كر.
ئەڤرۆ نیوز، زنار تۆڤی:
پشتی عەبادی ل کومبۆنا نەتەوێن ئێکگرتی بەشداری کری وەک سەڕۆک وەزیرێن عێراقێ و ب نۆنەراتیا وەلاتێ عێراقێ، پشتی پەیڤا خوە د وێ کومبۆنێدا پێشکێشکری ب ئێکجاری بەحسێ رۆلێ پێشمەرگەی نەکر کو قارەمانانە شیاینە بەرسنگێ داعش بگرن و دربێن کۆژەک لێ بدەن.
لەورا ئەڤرۆ کۆتلەیا کوردستانی ل پەرلەمانێ عێڕاقێ بەیاننامەک بەلاڤکر و ئاماژە دا هندێ کو عەبادی د وی کۆنفراسی دا بەحسێ خەباتا پێشمەرگەی و رۆلێ کوردستانێ نەکریە بۆ حەواندنا ئاوارەیان، ڤێ وەکریە کو ئێدی کورد قەبوول ناکەن کو عەبادی ڤان هەلویستێن خەلەت دوبارە بکەت و رێزێ ل گەلێ کورد نه‌گریت، لەورا دێ ل دژی هەلویستێ وی راوەستین، ئەڤە هندێ دگەهینیت کو عەبادی گرنگیێ ب پێشمەرگەی نادەت ل شەرێ دژی داعش.
ئەڤرۆ نيوز:
د پرۆژێ قانوونا بودجا ٢٠١٦ یا عیراقێ وەک سالێن چویی بەحسێ خویکێ ژ ١٥% خستینە سەر ترۆمبێلان، لێ بریاردەرێ لژنا دارایی ل پەرلەمانێ عیراقێ دیارکر ئیسال ئەو برگا بودجێ ناھێتە بجھکرن ب ھێسانی و نابیت ل ھەرێما کوردستانێ بھێتە بجھکرن.
ئەحمەد حاجی بریاردەرێ لژنا دارایی یا جڤاتا نونەرێن عیراقێ راگەھاند: باج ل سەر ئینانا ترۆمبێلان ئیسال ناچیتە دبیاڤێ بجھکرنێ، هاتنا ترۆمبێلێن ب زوری ل توخیبێن ھەرێما کوردستانێ و پیگیر نابیت ب وێ باجا ب رێژا ١٥% بکەڤیتە سەر ھاتنا ترۆمبێلان، حوکمەتا عیراقێ نەشێت وەک کرینا کارتا موبایلێ سەرکەفتی بیت .
ئەڤرۆ نیوز: کاروان باعەدری:
ئێزدی و مەسیحیان د نڤیسینەکێ دا داخوازی پێشکێشی پەرلەمانێ ئەلمانیا کرن کو تێدا روونشتنەکی دەربارەی رەوشا وان یا کۆچبەریێ کۆمببن
د وان داخۆازیان دا سێ خال پێشکێش کرینە بۆ پەرلەمانێ ئەلمانیا:
١- راکرنا پەنجەمۆرا ئێزدیا و مەسیحیا (رێککەفتنا دبلن یا پەنجەمۆرێ).
٢- د انا مافێ پەنابەرێتیا مرۆڤایەتی بۆ ئیزدی و مەسیحیان.
٣- ھاریکاری کرن بۆ ڤەگرتنا ھەموو خیزانێ دەمێ کێشان بۆ وی وەلاتی.
ئەڤرۆ نيوز:
دارا ناتق ئەندامێ سەرکردایەتیا پارتی دیموکراتی کوردستان- ئیران بۆ رۆژناما ئەڤرۆ دیار کر کو دەمەکە ھەڤدیتن د ناڤبەرا مەکتەبا سیاسی یا پارتیا مە و پارتی دیموکراتی کوردستان کو ئەو ژی ھەڤالێن مە بوون و بەری چەند سالان ژ بەر ھندەک ناکۆکیێن ناڤخوەیی ژ مە جودا ببوون، بەردەوام دکەن و گۆت: (بەری نھا گەلەک ھەڤدیتن ھاتینە کرن، لێ سێ رۆژ بەری نھا ب ئامادەبوونا سکرتێرێ ھەر دو پارتیان ھەڤدیتنەک باش برێڤە چوو و کۆمەکا نێرینان سەبارەت ب ھەڤگرتنا ھەر دو پارتیان ھاتنە پێشکێش کرن و ب کەیفخوشی ڤە دێ بێژم کو ب رەنگەکێ باش ھەر دو ئالیان پێشەوازی ل وان پێشنیازان کرینە و بریارە د چەند رۆژێن دیتر ژی کۆمبوونەکا دی یا بەرفرەە د ناڤبەرا ھەردو جڤاتێن پارتیان دا برێڤە بچیت و ئەز باوەرم ئەو خالێن کو نەھاتینە گەنگەشە کرن ژی دێ ل وێ کۆمبوونێ دا ھێنە چارەکرن).
دارا ناتق د پشکەکا دی یا ئاخڤتنا خوە دا ئەو یەک ژی دیار کر کر ھەر دو ئالی رێککەڤتینە کو ل ژێر ناڤێ پارتی دیموکراتی کوردستان- ئیران پێکڤە کار بکەن، د کۆمبوونا داھاتی دا دێ ل سەر ژڤانێ کۆنگرێ ھەڤگرتنێ ژی بریارا دووماھیێ ھێتە دان، چونکو ھەر دو ئالی ل سەر ئارمانجێن پارتیێ و شێوەیێ خەباتێ ب تەمامی رێککەڤتینە و چو ناکۆکیێن بەرچاڤ نینن و ژ بەر ھندێ ئەز گەشبینم دێ د دەمەکێ گەلەک نێزیک دا ھەر دو ئالی ئێکەتیا خوە راگەھینن و دەست ب قۆناغەکا نوو بۆ خەباتا رۆژھەلاتێ کوردستانێ بکەن و گۆت: (وەک ئەم دزانین کو نھا رەوشەکا نوو ل دەڤەرێ ب گشتی ھاتیە پێش و ھەروەسا دەلیڤەکا زێرین بۆ کوردان ژی ھاتیە پێش و ژ بەر ھندێ ژی د چەندین کۆمبوونێن سەرکردایەتیا پارتیا مە دا مە بەحسێ ڤێ یەکێ کریە کو دڤێت نە تنێ ھەر دو ئالیێن پارتیا مە بەلکو ھەموو پارتیێن رۆژھەلاتێ کوردستانێ بەرەیەکێ نوو بۆ خەباتێ دروست بکەن، چونکو ئەو یەک داخوازیا سەرەکی یا خەلکێ رۆژھەلاتێ کوردستانێ یە و ئەرکێ سەر ملێ مە یە کو ئەم ل گۆر داخوازیێن خەلکێ خوە بزاڤێ بکەین).
سەبارەت ب شێوەیێ خەباتێ و رێڤەبرنا پارتیێ ژی ناڤھاتی راگەھاند کو د کۆمبوونا سێ رۆژ یا بەری نھا سەبارەت ب شێوەیێ برێڤەبرنا کاروبارێن پارتیێ گەلەک دانوستاندن ھاتنە کرن و ھەر دو ئالی ژی گەھشتنە ھندەک خالێن ھەڤپشک و نھا چو ناکۆکی سەبارەت ب رێڤەبرنا کاروبارێ پارتیێ دا نینن و وەکو من گۆتی د کۆمبوونێن داھاتی دا دێ بریار ل سەر گێرانا کۆنگرەکێ بۆ ھەڤگرتنێ ھێتە دان و بێگومان ئەو کۆنگرە دێ ببیتە قۆناغەکا نوو بۆ خەباتا رۆژھەلاتێ کوردستانێ و گۆت: (من دڤێت ڤێ یەکێ ژی دیار بکەم کو ھەر پشتی ئەو ھەڤالێن مە ژ مە جودا بووین ھەتا نھا بەردەوام سەرکردایەتیا پارتیا مە بزاڤ کرینە کو ئەو ھەڤالێن مە جارەکا دی ل گەل مە کار بکەن، چونکو ھێزا مە د ھەڤگرتنێ دایە و قۆناغا نھا ژی ڤێ یەکێ دخوازیت).
نيشاندان