ئهڤرۆ نیۆز، قائید میرۆ
فڕۆكهیێن عێراقی بۆ جارا سیێ پشتی رزگاركرنا قهزا شنگالێ نامه هاڤێتینه دهڤهرێن پارێزگهها نهینهوا یێن بن كۆنتڕۆلا تیرۆرستێن داعش و داخوازكریه هاریكاریا تیرۆرستان نهكهن.
غهیاس سورچی، كارگێڕێ مهلبهندێ نهینهوا ب ئهڤرۆ نیۆز راگههاند” پشتی ئازادكرنا قهزا شنگالێ ژلایێ هێزێن پێشمهرگهیڤه بۆجارا سیێ یه فڕۆكهیێن عێراقێ ب هزاران نامه و بهلاڤووك بهرداینه ناڤا باژێڕێ مووسل و دهڤهرێن بهعاج و باشیك و گهیاره و حهمام عهلی و تهلهعفهر، د ئهڤان نامهیاندا ئاماژه ب وێ چهندێ هاتبووكرن، دهمهكێ نێزیك دێ باژێڕێ مووسل هێته ئازادكرن و داخواز ژ وهلاتیێن مووسل هاتیهكرن، هاریكاریا تیرۆرستان نهكهن و پتر ههڤكاربن دگهل هێزێن عێراقی بۆ رزگاركرنا ڤان دهڤهران.
غهیاسی دیاركر، ئهڤه چهندین جاره فڕۆكهیێن عێراقێ نامهیێن بڤی شێوهی تاڤێژن ناڤا دهڤهرێن بن كۆنتڕۆلا تیرۆرستێن داعش، بهلێ ڤێجارێ زۆر ب هویری بهحسێ پڕۆسا ئازادكرنا مووسل هاتیهكرن و حوكمهتا عێراقێ د نامهیێن خوهدا ئاماژه ب گههاندنا هاریكاریان بۆڤان دهڤهران كریه.
ئهڤرۆ نیۆز، ئهیاد بهرواری
پشتی هێرشێن ئهسمانی یێن فرۆكێن فرهنسی ل سهر باژێرێ رهقه یێ سووری ( پایتهختێ داعشێ) زێدهباری هێرشێن روسی یێن دژوار ل سهر بارهكا و چهكدارێن داعشێ ل سووریێ، ههوهكا ڕهڤینی كهفتیه دناڤ تیرۆرستێن داعشێ دا ل رهقه و بهر ب باژێرێ مووسل ل عیراقێ د ڕهڤن.
سایتێ سكای نیوز عهرهبیه دیاركر كو ب دههان خێزانێن چهكدارێن داعشێ یێن ژ رهقه دڕهڤن و بهر ب مووسلێ دچن و ههتا نوكه 70 خێزانێن سهركردێن داعشێ یێن گههشتینه مووسل.
ژێدهران دیاركر كو ڕێیا د ناڤبهرا رهقه و مووسل بۆ داعشێ یا ب زهحمهت بووی و وهكو بهرێ نهمایه ژبهر كونترۆلا هێزێن پێشمهرگهی ل سهر ڕێیا بلهز ئهوا رهقه ب مووسلێ ڤه گرێددهت و ڕێیا ڕهڤینێ ژ رهقه بۆ مووسل ب حهسهكه ڕا دبۆریت و ههتا قهزا بهعاج ب رۆژئاڤایێ مووسل.
ئهڤرۆ نیۆز، قائید میرۆ
شهڤا بۆری تیرۆرستێن داعش بشێوهیهكێ پیلان دارشتی هێرشی سهر میحوهرێن پێشمهرگهی ل بهنداڤا مووسل و بلنداهیێن بادۆش كر و د ئهنجامدان ب دههان تهرمێن خوه هێلان و تووشی شكهستنا مهزنبوون.
ژێدهرهكێ پێشمهرگهی بۆ ئهڤرۆ نیۆز بهحسێ هێرشێن شهڤا بۆری كر و راگههاند” ژبهركو دنیا مژ و تاریبوو داعش ههموو هێزێن خوه كۆمكرن و هێرشی سهر پێشمهرگهی كر، ژبهر رهوشا سهقای پێشمهرگهی دهستپێكێ نهدزانی دێ هێرشێ بكهن و چهكدارێن داعش ب رێیا قادرما( پهیسك) سهركهفتبوونه ناڤا ساترێن پێشمهرگهیی و شهڕهكێ ئێكجار دژوار ناڤبهرا پێشمهرگه و داعش چێبوو، د ئهنجامدا پێشمهرگهی هێرشا داعش ل ههموو لایهكیڤه شكاندن و ب دههان تهرمێن داعش كهفتنه بن دهستێ پێشمهرگهی، بهلێ پتریا وان خۆكوژبووینه و پارچهیێن لهشێ وان ژی نهماینه لهوڕا هژمارا كوشتیێن داعش ب دههان چهكداربووینه.
عهقید دلشاد مهولوود، فهرماندێ پێشمهرگهی بۆ ئهڤرۆ نیۆز دیاركر” داعش دخوازیت تولا شنگالێ ڤهكهت و ههموو هێزا خوه بكاردئینیت، لێ بهردهوام پێشمهرگه یێ هێرشێن وان پاشڤه دبهن و ئهڤ هێرشا ئێڤاریا دوهی و شهڤا بۆری زنجیرهك هێرشێن ئێكجارمهزنبوون و شكهستن ئینا.
ئهڤرۆنیۆز، ئهیاد بهرواری
حوكمهتا ئیسپانی راگههاند كو یاریا كلاسیكو ل ئیسپانیا د ناڤبهرا ریال مهدرید و بهرشهلونا كو دێ ل رۆژا شهمبیا داهاتی هێته ئهنجامدان دێ ل بهردهم پێرابوونێن ئهمنی یێن توند بیت و داخواز ژ وهلاتیێن ئیسپانی كر هاریكاریا هێزێن ئهمنی بكهن.
كونسیبسیو دانكاوسا نوونهرا حوكمهتا ئیسپانی ل مهدرید دیاركر، یاریا كلاسیكو كو دێ ل سهر ئهردێ یاریگهها (سانتیاگو برنابیو) ل مهدرید هێته ئهنجامدان دێ ل بن رهوشهكا گهلهك مهترسیدار هێته ئهنجامدان و دێ ئهو كریارێن تیرۆرستی یێن ل فرهنسا هاتینه كرن ل بهرچاڤ وهرگرین و دێ پێرابوونێن ئهمنی یێن توند وهرگرین.
دانكاوسا گوت ژی” پێشبینیا ئهنجامدانا كریارێن تیرۆرستی ل ههموو وهلاتێن ئهورۆپی دهێته كرن، چونكی تیرۆر یا بوویه دیاردهكا جیهانی و پێدڤیه ئهم گهلهك د هشیار بین”.
ئهڤرۆنیۆز، ئهیاد بهرواری
د نامهكێ دا بۆ سهرۆكێ سووری، سیناتۆرهكێ ئهمریكی خوهشحالیا خوه ب مایتێكرنا روسی دژی لهشكرێن هێرشی سووریێ دكهن دیاردكهت كو ب پشتهڤانیا روسیا، سووریا یا شیای پێنگاڤێن دراماتیكی دژی تیرۆرستان ب هاڤێژیت.
ریتشارد بلاك سیناتۆرێ ئهمریكی ژ ویلایهتا فرجینیا، ل دووڤ رۆژناما ( الدیار) یا لوبنانی، د ناما خوهدا بۆ سهرۆكێ سووریا بهشار ئهسهد دبێژیت” شهڕێ سووریێ نه ژبهر گرفتێن ناڤخوهیی بوو، بهلكو شهڕهكێ نه قانوونی بوو ژ لایێ هێزێن دهرڤه ب مهرهما سهپاندنا رژێمهكا دیڤهلانك ب هێزێ و جهنهرال ویسلی كلارك فهرماندێ بهرێ یێ هێزێن ههڤپهیمانان ل ئورۆپا ئاشكراكربوو كو ل سالا 2001 ێ هێزێن رۆژئاڤای پلان بۆ ژناڤبرنا رژێما دهستههلاتدار ل سووریێ دانابوون و سهرهرای هندێ و پشتی 15 سالان ژ پیلانێن لهشكری، ناتۆ و سعودیه و قهتهر ههتا نوكه نهشیاینه سهركردهكی بۆ (شورهشگێران) دهستنیشان بكهت كو پشتهڤانیا جهماوهری دناڤ گهلێ سووریێ دا ههبیت”.
سیناتۆری ئهمریكی دبێژیت” بهری شهڕی، گهلێ سووری مهزنترین ئازادیا ئایینی و یهكسانیا ژنێ ژ ههر گهلهكی دی یێ عهرهبی زێدهتر ههبوو، گهلهك ژ ئهمریكیان د مهندههوشن كو دستوورێ سووری بهحسێ ئازادیا ههلبژارتنان و ئازادیا ئایینی و مافێن ژنێ و حوكمێ قانوونێ دكهت و بهری رهخنهگرتنێ ل سووریێ، پێدڤیه ل سهر ئهمریكا رژدیێ ل سهر وێ چهندێ بكهت كو ههڤپهیمانێن مه (ئوردن و سعودیه و قهتهر و ئیمارات و كوێت) ئازادیێن وهسا بدهنه گهلێن خوه”.
ناڤبری دلتهنگیا خوه دیاردكهت د پرسا بهرسڤدانا ئهمریكا بۆ هاریكاریا روسی بۆ سووریا ب ڕێیا هنارتنا رێژهكا مۆشهكێن (تاو) یێن دژی دهبابا بۆ تیرۆرستان كو ئهڤ چهنده دێ دهمێ رێشتنا خوینێ ل سووریێ زێدهكهت و هنارتنا چهكی بۆ ( تیرۆرستێن باش) و نههنارتنا چهكی بۆ (تیرۆرستێن خراب) یاریهكا ترسناكه و بهلاڤكرنا ب ڤی شێوهی یا مۆشهكێن (تاو) گهفه ل سهر فرۆكێن سڤیل ل ههموو جیهانێ، ژبهر كو چهكێ دژی دهبابا یێن دوور هاڤێژ دشێت ببیته مهترسی ل سهر فرۆكێن سڤیل دهمێ بزاڤا فرینێ بۆ ئهسمانی دكهن.
گوت ژی” ب حوكمی كارێ من وهكو سیناتۆر ژ ویلایهتا فرجینیا، ئهز یێ دلتهنگم ژ وان مۆشهكان كو دبیت بهێنه ئاراستهكرن بۆ دهڤهرێن نێزیكی فرۆكخانا (ریگان) یا ناڤخوهیی و فرۆكخانا (دالاس) یا نێڤدهولهتی و چهندین فرۆكخانێن دی و من پهیوهندی ژی ب سهرۆكێ ئهمریكی ل دۆر ڤی بابهتی كریه”.
ئهڤ سیناتۆرێ ئهمریكی ئاشكرا دكهت كو (لهشكرێ فهتح) هاریكاریێن لهشكری یێن ئهمریكی یێن وهرگرتین و ئهڤ لهشكره پشكهكه ژ (بهرهیێ نوسره) كو سویند بۆ دیڤهلانكیێ بۆ رێكخراوا قاعیده یا خواندی و ئهڤه ڕامانا وێ چهندێ ددهت كو ئهمریكا چهكی ددهته ههر وان تیرۆرستان ئهوێن سێ هزار وهلاتیێن ئهمریكی ل رۆژا 11 ئهیلوولا 2001 ێ كوشتین و ئهڤه خیانهتهكا پیسه بۆ قوربانیێن 11 ئهیلوولێ.
دبێژیت ژی” خهلك دزانیت كو تیرۆرستێن سووری پشتهڤانیا لهشكری ژ ههڤپهیمانێن مه ( توركیا و سعودیه و قهتهر) وهردگرن و ب راستی ژی چو پشتهڤانێن مهزنتر بۆ داعش ژ توركیا نابن كو توركیا دهێته هژمارتن كهنالێ سهرهكیێ جیهادیان و چهكی و هاریكاریێن نوژداری و بازرگانیێ و توركیا چو تشتێ گرنك بۆ كارێ ههڤپهیمانیێ پێشكهش نهكریه، سهرهرای وێ چهندێ كو ئهو یا دناڤ ههڤپهیمانیا دژی داعشێ دا”.
ئەڤرۆ نیوز، بارزان مزووری:
رێيا نێڤدهولهتى يا حسێنيێ بۆ بهردهرهش ب درێژاهيا 11 كيلۆمهتران ژ لايێ دو كۆمپانيان ڤه دهێته ئهنجام دان و ب دووماهى هاتنا ڤێ رێ دێ هاتنچوون بۆ دهۆك و ههولێر ب 26 كيلۆمهتران نێزيكتر لێ هێت.
سەروەر سەعید دێوالی، رێڤەبەرێ ناحیا رۆڤیا بۆ ئەڤرۆ نیوز گۆت: “نوكه كار ل سهر پرۆژێ رێیا نێڤدەولەتی يا حسێنیێ بۆ بەردەرەش ب درێژاھیا 11 کیلومەترا ژ لایێ دو کۆمپانیا ڤە دھێتە کرن و ب دو قووناغا ھاتیە دروست کرن نھا د قووناغێن دووماھیێ دایە”.
ناڤبری دیار کر کو ئەڤ رێیا نیڤدەولەتی 26 کیلۆمەترا رێیا دھۆک بۆ ھەولێر کێم دکەت كو دبيته زێدهتر ژ 20 دهقيقان زێدهبارى وێ چهندێ كو چهند گۆندێن مهزن دكهڤنه سهر ڤێ رێ و د وهرزێ زڤستانێ دا ئاريشه بۆ وان دروست دبن و نوكه دێ ژ وێ ئاريشێ رزگار بن”.
ناڤبری گۆتژی: “ئهڤ رێيه ب رهنگهكێ دهمكى ھاتیە ڤەکرن ل سەرێ ھەردو رێیا زالگەھەکا پۆلیسێن ترافیکی ھاتیە دانان ژبوو ترۆمبێلێن بارھەلگر قەدەغە یە هەتا ب رهنگهكێ فەرمی بھێتە ڤەکرن برِیار ل سەر ھاتنوچونا جورێ ترۆمبێلا بێتە دیار کرن چونکو ئێک سایدە، ھاتنوچوونا ترۆمبێلێن مەزن دێ یا ب قەلەبالغ بیت”.
ئهڤرۆ نیوز:
ئامادەبوو یێت بەڕێز، مێهڤانێت قەدر گران،
ڕۆژا وە خۆش، هوین ههمى لایەك بخێربێن سەر سەر و سەر چاڤا..
دهسپێكا ڤێ ڕێوڕهسمێ، من دڤێت ب خۆشحالیڤه بخێرهاتنهكا تایبهتا ڕێزدار فۆمیۆ ئیوا باڵیۆزێ ژاپۆنێ ل عیراقێ و مێهڤانێن دگهلدا بكهم، كو ئهڤڕۆ ب تایبهتى بۆ بهشداریا ڕێوڕهسما دانانا بهرێ بنیاتى بۆ پرۆژێ هایدرۆپاوهرێ 36 مێگاواتى ل دێرهلۆكێ یێ دگهل مهدا بەشدارن، بخێر بێن سەر چاڤا.
ههروهسا من دڤێت سپاسیا ژاپۆنێ و ب تایبهتیش ئاژانسا هاریكارى یێن ناڤنهتهوهیى یێن ژاپۆنێ ـ جایكا ـ بكهم كو بۆ ئهنجامدانا ڤێ پرۆژێ، د چارچۆڤا وان قهرزادا یێن كو داینه عیراقێ،هاریكاریا حكوومهتا ههرێما كوردستانێش یا كرى و پارهیێ پێویست بۆ ئهنجامدانا ڤێ پرۆژێ ب قهرز هاتیە دانان. دو سالێن چووییش ب بهایێ نێزیكى 120 ملیۆن دۆلاران ب ڕێكا ئاژانسێن یوو ئێن، هاریكاریا ئاواره و پهنابهرا ژلایێ جیاكا ڤە هاتیە كرن ئەم سوپاسیا وان دكەین.
د ڤێ ڕهوشا نۆكه یا ههرێما كوردستانێدا، ئهڤ قهرزه، هاریكارییهكا مهزنه و جهێ ڕێز و پێزانینا حكوومهت و خهڵكێ كوردستانێ یه. ههروهسا من دڤێت سپاسیا وهزارهتا پلاندانانێ و وهزارهتا كارهبایێ یا حكوومەتا هەرێما كوردستانێ بكەم، كو لسهر ڤێ پرۆژێ گهلهك ماندى بوون ههتا گههاندینه قۆناغا ئهڤرۆ و دانانا بهرێ بنیاتى.
ئهڤ پرۆژه، كو ب پترى 165 ملیۆن دۆلارا دێ هێته ئهنجامدان، دێ خزمهتهكا مهزنا خهلكێ ڤێ دهڤهرێ كهت. ژلایهكیڤه دێ ئهنهرژییهكا پاقژا بهدیل و كارهبایێ بۆ ههژمارهكا مهزنا خهلكێ دهڤهرێ دابین كهت، ژ لایهكێ دیڤهش ڕێژهیهكا مهزنا ئاڤا ڤێ دهڤهرێ، چ ئاڤا چهم و كانى و ڕویبارا بیت، یانیش ئاڤا بهفر و باران و لههیا بیت، دێ پارێزێت و دێ بۆ گهلهك پرۆژێن ئاڤدان و ئاڤدێریێ، مفایهكێ بهرچاڤ ل ڤێ پڕۆژێ هێتە وەرگرتن و دێ ڕۆلهكێ گرنگ بۆ ڤهژاندنا كهرتێ چاندن و كشتوكالێ ل دهڤهرێ گێڕیت.
ئهڤ پرۆژه، دگهل هندێ كو ههوجهدارییهكا پێویست یا دهڤهرێ یه، ههروهسا وهفاداریا حكوومهتا ههرێما كوردستانێ یه، بۆ خهبات و تێكۆشین و ماندیبوینا خهلكێ خهباتگێڕ و تێكۆشهرێ ڤێ دهڤهرێ، كو ب درێژیا ههمى شۆڕهشێن كوردستانێ، بهردهوام پێشمهرگه بووینه و سهر و مال و ژیانا خۆ، بۆ ئازادى و سهركهفتنا كوردستانێ، كرینه قوربانى.
ئهڤڕۆش مێرخاس و عهگیدێت ڤێ دهڤهرێ، گهلهك مهردانه بهرامبهرى تیرۆرستا ڕاوهستیانه و، یێ بهڕهڤانیێ ل كوردستانێ دكهن و ب خوینا خۆ یێ دهستكهفتى یێن ههرێما كوردستانێ دپارێزن. لبهر هندێ، خهلكێ ڤێ دهڤهرێ، هێژایى گهلهك و گهلهك خزمهت و پرۆژێن هۆسا و یێن مهزنتریشه. ئهم هیڤیدارین كو پاشهڕۆژهكا نهیا دویر، دێ گهلهك پرۆژێن دى ل ڤێ دهڤهرێ و گهلهك دهڤهرێن دى یێن كوردستانێ ئهنجام دهین.
ئامادهبوویێن هێژا..
دانانا بهرێ بنیاتى بۆ پرۆژهیهكێ هۆسا یێ مهزن، دڤێ ڕهوشا ئالۆزا كوردستانێدا، كو ژ لایهكیڤه شهڕهكێ دژوار ل سهر كوردستانێ هاتیه سهپاندن، ژ لایهكێ دیڤهش نێزیكى ملیۆنەك و حەفتسەد هزار ئاواره و پهنابهرا بهرێ خۆ دایه كوردستانێ، دگهل وێ قهیرانا دارایى یا كو ل ئهنجامێ بڕینا بودجا كوردستانێ ژ لایێ حكوومهتا عیراقێڤه و كێمبوونا بهایێ نهفتێ چێ بووى، د ڕهوشهكا هۆسادا، ئهنجامدانا ڤێ پرۆژێ، پهیامهكا گرنگه و نیشانا وێ هندێ یه كوردستان و گهلێ كوردستانێ، د ڕۆژ و ڕهوشێن ههره تهنگ و تاریشدا، ڤیان و حهزكرن و ئیرادا خۆ بۆ ژیانێ و، بۆ پێشڤهبرنا ژیانێ و ئاڤاكرنا وهلاتێ خۆ، لدهست نادهت.
ئهنجامدانا كار و پرۆژا و، خهبات و تێكۆشین و قههرهمانى یا پێشمهرگه و كوڕ و كچێن وهلاتێ مه، نیشان و پهیامهكا ڕۆن و ئاشكرایه كو چ هێزێن تاریێ، چ ڕێكخستنێن تیرۆرێ و چ دوژمنێن مرۆڤاتیێ، ههرچهند هۆڤ و دڕهنده بن، نهشێن ئیرادا مللهتێ مه بشكێنن. نهشێن كاروانێ كوردستانێ بۆ بهرهڤ پێشڤهچوونێ، ئاڤاكرنێ و جوانكرنا ژیانێ، ڕاوهستینن، كورد و كوردستان دێ بەردەوام بیت.
خهلكێ كوردستانێ، مللهتهكێ زندییه، مللهتهكێ خودان ئیراده و مرۆڤدۆست و ژیاندۆسته، عاشقێ ئاڤاكرن و ئاڤهدانیێ یه، لبهر هندێ، دگهل ههمى زهحمهتى و ئاستهنگیاش، ئهم دێ ههر لهسهر ئاڤاكرن، بنیاتنانێ و ئاڤهدانكردنێ بهردهوام بین. بهرێ مه بهردهوام ههر دێ ل ئاڤاكرنا وهلاتى و خزمهتكرنا خهلكێ كوردستانێ بیت.
مێهڤانێت هێژا:
هوین ههمى دزانن كو ههفتیا چوویى، ب مێرخاسیا پێشمهرگهیێن قههرهمان و ب سهرپهرشتیا ڕاستهوخۆ یا جهنابێ سهرۆك بارزانى و ب پشتگیریا هێزێن ههڤپهیمانا و ب تایبهتیش هێزێن ئهسمانى یێن ئهمهریكا، شنگال و دهوروبهرێن وێ، ژ دهستێ تاوانكار و تیرۆرستێن داعشێ هاتنه ئازادكرن. ڕزگاركرنا شنگالێ دهربهكا مهزنا لهشكهرى و لۆجستیك بوو ب تیرۆرستێن داعشێ كهفت. ڤێ سهركهفتنێ مهزنترین ڕێك و هێلا داعشێ یا پهیوهندى و پشتهڤانیێ لناڤبهرا سووریێ و عیراقێ ب تەمامەتی بڕى.
ههروهسا سهركهفتنهكا مهزن بوو بۆ ههرێما كوردستانێ كو دێ ب شێوهیهكێ بهرچاڤو بۆ خزمهتا كوردستانێ گهلهك نهخشه و ههڤكێشهیێن سهربازى و سیاسیش ل دهڤهرێ گۆڕێت. داستانهكا دى یا مهزن یا پێشمهرگا بوو، كو ئهڤرۆ بوویه جهێ ڕێز و سهربلندیێ و سیمبۆلهكا مهزنا كوردستانێ ل سهرانسهرى جیهانێ.
ڕزگاركرنا شنگالێ دویماهى نینه. شنگال یا برینداره و دڤێت ئهم برینێن وێ دهرمان بكهین. ئاڤهدانكرنا شنگالێ، كار و ئهركهكێ مهزنێ نهتهوهیى و نیشتمانییه و تشتهكێ ب ساناهیش نییه. حكوومهتا ههرێما كوردستانێ دهست پێكریه و دێ پلانهكا ههمهلایهن بۆ ئاڤهدانكرنا شنگالێ ئاماده كهت. دێ ههمى ههولێن خۆ دهت كو ئهڤ باژێڕه ژبهرێ باشتر بێته ئاڤهدانكرن، لێ بێگومان دڤێ ڕهوشا نۆكهدا بۆ ڤى ئهركێ مهزن، ئهم ههوجهدارى هاریكاریا ناڤنهتهوهیى و وهلاتێن كۆمهكبهخش بگشتى و، ههروهسا حكوومهتا عیراقێینه.
ههروهسا ئهم هیڤیدارین ژاپۆن وهك وهلاتهكێ كۆمهكبهخش كو پشتى سالا 2003ێ ڕۆڵهكێ بهرچاڤ بۆ ئاڤهدانكرنا عیراقێ گێڕایه، بۆ ئاڤهدانكرنا شنگالێش هاریكاریێ بكهت. ههر لێره داخازێ ل پهرلهمانێ عیراقێ دكهم، كو د بابهتێ قهرزێ نوى یێ ژاپۆنێدا بۆ عیراقێ، ڕهزامهندیێ لهسهر بهشێ ههرێما كوردستانێ ل ڤى قهرزى بدهت.
بۆ ڤێ چهندێ داخازێ ژ جڤاكا ناڤنهتهوهیى و حكوومهتا عیراقێ دكهین كو بۆ ئاڤهدانكرنا شنگالێ، هاریكاریا پێویست بۆ هەرێما كوردستانی و خهلكێ شنگالێ و دهڤهرێ بكهن. تڤیا حكوومهتا عیراقێ ئهركێ خۆ بجى بینیت و بۆ ئاڤهدانكردنا شنگالێ و خهلكێ شنگالێ هاریكاریێ بكهت.
حكوومهتا ههرێما كوردستانێ، بهرى داگیركرنا شنگالێش، ب بهایێ سهدان ملیۆن دۆلاران، كار و پرۆژه د گهلهك وارێن جدایێن ژێرخان و خزمهتگوزارى یێن گشتى و پهروهردێدا ل شنگالێ ئهنجام داینه، هاریكاریا شنگالێ كریه و كهرتێ تایبهتیش هان دایه كو ل وێرێ پرۆژا ئهنجام بدهت.
هیڤیدارین كو وهكى شنگالێ، ب زویترین دهم ههمى دهڤهرێن دى یێن ههرێما كوردستانێ و عیراقێش ب گشتى ژ دهستێ ڕهشێ داعشێ بێنه ئازادكرن، داكو خهلكێ وا دهڤهراش، ههڤوهلاتى یێن مه یێن ئێزدى، مهسیحى، شهبهك، توركمان و عهرهب ڤهگهڕێنهڤ سهر جى و مال و حالێن خۆ و ژیانهكا نوى دهست پێبكهنهڤه. ئێش و كۆڤانێن چوویى، هێدى هێدى دگهل ئاڤهدانكردنێ و چاندنا هیڤى و ئومێدا بۆ ژیانهكا نوى، سڤك ببن. بۆ ڤێ چهندێش حكوومهتا ههرێما كوردستانێ دێ ههمى ههولێن خۆ دهت و چ ژ دهستێ مه بێت، خهمساریێ ناكهین.
ل دویماهیێ، جارهكا دى بخێرهاتنهكا گهرما ههوه ههمیا و ب تایبهتى مێهڤانێ مه ڕێزدار باڵیۆزێ ژاپۆنێ ل عیراقێ دكهم. سپاسى و دهستخۆشیێ ل وهزیر و وهزارهتێن پهیوهندیدار و ههمى وا كۆمپانیا دكهم ئهوێن كو دێ ڤێ پرۆژێ ئهنجام دهن. هیڤیا سهركهفتنێ و كارهكێ سهركهفتى بۆ وان دخازم. هیڤیدارم كو ئهم گهلهك جارێن دى بۆ دانانا بهرێ بنیاتى و ئهنجامدانا گهلهك ڕێوڕهسمێن دى یێن وهكى ڤێ ڕێوڕهسمێ، دگهل ههوه شاد ببینهڤه.
سوپاسییەكا تایبەتی ژی ژبۆ كۆمپانیا ئیتاڵی كو كارێ ڕاوێژكاری بۆ ڤێ پڕۆژێ ئەنجام دای و سوپاسیا كۆمپانیا زۆزك دكەم و هیڤیدارم ب باشترین شێوە ڤی پڕۆژی جی بجی بكەن و سوپاسیا كۆمپانیا فاراب یا ئیرانی و هەڤبەشێن وێ یێت ئیماراتی دكەم و هیڤیدارم ئەڤ پڕۆژەیە ب شكلەكێ باش و ڕێكوپێك بهێتە جی بجی كرن. بێ شك ڕابردوویا كۆمپانیا فاراب وێ یەكێ نیشان ددەت كو بەری نۆكە كارێن گەلەك باش و ڕێكوپێك ئەنجام داینە و هیڤیداران ڤێ پڕۆژێ ژی ب شكلەكێ سەركەتی ئەنجام بدەت.
سلاڤ و ڕێز، دروود و نهمرى بۆ گیانێ پاقژێ شههیدێن كوردستانێ، كو ب سایا خوین و خهباتا وان، ئهڤرۆ بوهست بوهست و گاڤ ب گاڤ كوردستان یا تێته ئازادكرن و سبهیش دێ هێته ئاڤهدانكرن. ئهم سهرێ خۆ لبهر مهزنى و پیرۆزییا گیانێ وان دچهمینین. ههر ب ڤێ ههلكهفتنێ، ئهم ههردو قوربانى یێن ژاپۆنى “كینجى گۆتۆ و هاروونا یۆكاوا” ببیر تینین، كو دهسپێكا سالێ ب شێوهكێ هۆڤانه ژئالیێ داعشێڤه هاتنه شههیدكرن، ئهمههڤسۆزێن مالباتێن وانین.
ههمى لایهك جارەكا دی بخێربێن سەرچاڤا و پیرۆزە ل وە و ئەم چاڤەڕێی پڕۆژێت مەسترین ژبۆ دەڤەرا وە، چونكی دەڤەرا وە شایستەیا پڕۆژە و كارێن زێدەترە.
بخێربێن سەرچاڤا و زۆر سپاس.
نيشاندان