ئه‌ڤرۆ نیوز:
په‌روه‌ردا بنیات دو پشكێن نوو بۆ مامۆستایێن حه‌زا خواندنێ هه‌ی ڤه‌دكه‌ت
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى نوچێن گرنگ
ل مووسل دربه‌كا مه‌زن ب داعش دكه‌ڤیت
ئه‌ڤرو نیوز، بارزان مزوورى
عصمت ره‌جه‌ب، به‌رپرسێ لقێ 14 مووسل بو مالپه‌رێ ئه‌ڤرو نیوز ئاشكرا كر كو ل مه‌غره‌بیا دوهى 29ئه‌یلولێ2015 فروكه‌یێن هه‌ڤپه‌یمانان گرنگترین جهێ چه‌كدارێن تیرورستێن داعش ئاڤاهیێ دیوانێ دناڤ باژێرێ مووسل بوردومان كر و لدوڤ زانیارێن دروست ل نه‌خوشخانه‌یێن مووسل 50 چه‌كدار هاتینه كوشتن و پتریا وان سه‌ركرده‌یێن مه‌زنن چونكو ئه‌ڤ جهه جهێ كومبون و دارێژتنا پلانێن داعش بو .
ناڤبرى دیار كر كو ده‌مێ فروكه‌یا بوردومانا وى جهى كرى سه‌ركرده‌یێن داعش د كومبونێ دا بون هه‌موو ژ وان هاتینه كوشتن و ئاڤاهى د سه‌رێك دا ئینایه خار و ژماره‌كا مه‌زن یا چه‌ك و ترومبێلا هاتینه ناڤ برن .
ناڤبرى گوت ژى كو هنده‌ك كه‌سێن مه‌ده‌نى كه‌فتینه به‌ر بوردومانێ و هاتینه كوشتن و بریندار كرن .
دوماهى پێزانین ل سه‌ر ڤه‌گوهاستنا ماموستایان
ئه‌ڤرۆ نیوز:
لبه‌ر په‌راویزا دوماهیك كومبونا ل دیوانا وه‌زاره‌تا په‌روه‌ردێ هاتیه كرن ب ئاماده‌بونا وه‌زیرێ په‌روردا حكومه‌تا هه‌رێِما كوردستانێ وهه‌می رێڤه‌به‌رێن گشتی یێن په‌روه‌ردا ل هه‌مێ پارێزگه‌هێن هه‌رێمێ وسه‌رپه‌رشتیارێن ئێكێ وتێدا رێككه‌فتن لسه‌ر ژماره‌كا خالان هاتیه كرن .
ئه‌ڤرو روژا چوارشه‌مبی رێكه‌فتی 30/9/2015 و ب ئاماده‌بونا عبد یوسف احمد رێڤه‌به‌رێ گشتی یێ په‌روه‌ردا پارێزگه‌ها دهوكێ وهاریكاریێن رێڤه‌به‌رێ گشتی وهه‌می رێڤه‌به‌رێن په‌روه‌ردێن قه‌زا ل پارێزگه‌ها دهوكێ ورێڤه‌به‌رێ رێڤه‌به‌ریا سه‌رپه‌رشتیا په‌روه‌رده‌یی ودلنیا جوری وبو دان وستاندن لسه‌ر چه‌ندین بابه‌تان كومبون هاته كرن .
دكومبونێ دا عبد یوسف احمد به‌حسێ ره‌وشا نوكه یا كه‌رتێ په‌روه‌ردێ ب گشتی ول پارێزگه‌ها دهوكێ ب تایبه‌تی كر و دیاركر كو قه‌یرانا دارایی كارتێكرنه‌كا مه‌زن ل كه‌رتێ په‌روه‌ردێ كریه ژهه‌می لایه‌كی ڤه وداخاز هاته كر نكو رێكخستنا میلاكی هه‌ر ئێك لسنورێ خو بزویترین ده‌م ئه‌نجام بده‌ن .
هه‌ر دكومبونێ دا به‌حسێ وان خالان كر یێن كو رێككه‌فتن لسه‌ر هاتیه كرن دكومبونا وه‌زاره‌تێ دا و ژوان خالان :
1. ڤه‌گوهاستنا ماموستایان دناڤبه‌را رێڤه‌به‌ریێن په‌روه‌ردێن گشتی دده‌ستهه‌لاتا واندایه .
2. ده‌ستهه‌لات بهێت دان بو لیژنێن رێڤه‌به‌رێن په‌روه‌ردێن قه‌زا بو رێكخستنا میلاكی هه‌ر ئێك لسنورێ په‌روه‌ردا خو
3. سه‌باره‌ت په‌روه‌ردین دناڤ باژیری ( سلێمانی – دهوك – هه‌ولێر ) دناڤبه‌را په‌روه‌ردێن خودا ڤه‌گوهاستن بهێته كر نبو رێكخستنا میلاكی ب مه‌رجه‌كی ژ سنورێ وێ په‌روه‌ردێ نه‌ده‌ركه‌ڤیت .
4. چ ڤه‌گوهاستن دناڤبه‌را په‌روه‌ردێن قه‌زا ناهێنه كرن ب تنێ ژپه‌روه‌ردا قه‌زا نێزیك بو په‌روه‌ردا قه‌زا دویر ڤه‌گوهاستن بهێته كرن .
5. ئه‌و ماموستایێن داخازا مووله‌تێ دكه‌ن وئه‌گه‌ر ته‌نسیب كری بن پێدڤی یی بزڤرنه سه‌ر میلاكی خو پاشی مووله‌ت بو بهێته دان .
6. هه‌می ئه‌و داخازیێن هاتینه كرن بو ڤه‌كرنا قوناغا ( 10) ل قوتابخانێن بنه‌ره‌ت هاتنه ره‌تكرن .
7. ئه‌ڤ باغچێن زاروكان وقوتابخانێن ب ئێنگلیزی كرنا هه‌ردوو بابه‌تێن بیركاری وزانست په‌یروه دكه‌ن ناڤ ونیشانێن وان هه‌ر دی وه‌كی خو مینن و په‌یڤا ئینگلیزی بو ناهێته زێده‌كرن .
8. قوتابی مافێ ڤه‌گوهاستنێ ژقوتابخانێن ئه‌هلی لوكال ونیف ده‌وله‌تی بو قوتابخانێن حكومی ب مه‌رجه‌كی ئه‌ف قوتابیێن كو ل قوتابخانێن نیف ده‌وله‌تی دڤێت ب رێكا رێڤه‌به‌ریا گشتی یا ئه‌زموونه‌كان بیت وبرواناما وان بو بهێنه راستڤه‌كرن لدویف یاسا ژماره ( 14) سالا ( 2012) .
9. ده‌ستهه‌لات بهێنه‌دان بو ( رێڤه‌به‌ریێن گشتی یێن پارێزگه‌هان ) بو چاره‌سه‌ركرنا وه‌رگرتنا قوتابیان ل هه‌می باغچه وقوتابخانا ( ژبلی ئه‌و قوتابخانێن هاوشێوه‌ی سابیس ) .
10. ئه‌و قوتابیێن ژده‌رڤه‌ی هه‌رێمێ دزڤرنه كوردستانێ تا روژا 15/10/ 2015 بو KG1 بو هه‌یه بهێنه توماركرن ل قوتابخانێن هه‌رێمێ .
11. سیفه‌تێ نموونه‌یی ل چێ رێڤه‌به‌ریێن گشتی یێ، په‌روه‌ردا نه‌مایه .
زێده‌باری چه‌ندین خالێن دی .
هه‌ردكومبونێ دا به‌حسێ بابه‌تێ پاقژی وساخله‌میا قوتابی وقوتابخانا هاته كرن نه‌خاسمه بابه‌تێ خوپاراستنێ ژنه‌خوشیێن ڤه‌گر وه‌كی نه‌خوشیا كولیرایێ و تیئیكد ل رێڤه‌به‌رێن په‌روه‌ردا هاته كر ن كو دویف چوونه‌كا به‌رده‌وام ل ڤی بابه‌تی بهێته كرن و هه‌وه‌ێن پاقژكرنا قوتابخانا به‌رده‌وام بهێنه‌كرن و ره‌وشه‌نبیریا ساخله‌میێ گرنگیه‌كا باشتر پێ بهێته‌كرن و هڤكاری دگه‌ل دام وده‌زگه‌هێن ساخله‌میێ هه‌ر ل سنورێ بكه‌ت بو هندێ رێ ل هه‌ر تشته‌كی بهێته‌كرن كو ببیته جهێ مه‌ترسیێ ل سه‌ر ژیانا قوتابیان .
دیسان دكومبونێ به‌حسێ ڤه‌كرنا خولا بو نێزیكی ( 6328)ماموستیان هاته كرن كو ل به‌ره ئه‌ف خوله بهێنه ڤه‌كرن بو ماموستایێ، باغچێن زاروكان و قوناغا بنه‌ره‌تی وه‌كی ئاماده‌كارییه‌ك بو سالا خاندنێ 2016/2017 سه‌باره‌ت په‌یره‌وه كرنا ئینگلیزی كرنا خواندنێ ل قوتابخانێن هه‌رێما كوردستانێ ، هه‌روه‌سا دكومبونێ دا به‌حسێ بابه‌تێ جل وبه‌رگێن ئیكگرتی یێ، قوتابیان هاته‌كرن و ته‌ئیكد هاته كرن كو نابیت ب هیچ ره‌نگه‌كی قوتابی بهێـه نه‌چاركرن كو ژ كومپانیكا ده‌ست نیشانكری بكرن و قوتابی یێ ئازاده ل هه‌ر جهه‌كی بخو دابین بكه‌ت .
دیسان دكومبونێ دا بریار هاته دان كو بروانامه بو هه‌ر قوتابیه‌كی ناهێته دان هه‌كه په‌رتوكێن خو نه‌زڤرینته قوتابخانێ ورێڤه‌به‌رێن قوتابخانا به‌رپرسێن ژڤێ چه‌ندێ .
ژێده‌ر: ژ په‌یجێ راگه‌هاندنا په‌روه‌ردا گشتى هاتیه وه‌رگرتن
ڤیدیو: ئێكه‌م هێرشا هشكانى یا ئه‌مریكا بۆ سه‌ر داعش
ئه‌ڤرۆ نیوز ده‌قێ پێشنیازێن وه‌زاره‌تا دارایى بۆ چاكسازیێ به‌لاڤ دكه‌ت
فه‌رمانده سيهاد بارزانى بۆ ئه‌ڤرۆ نيوز به‌حس ل پێشڤه‌چوونێن پێشمه‌رگه‌يى دكه‌ت
ئه‌ڤرۆ نيوز، رۆژئاڤايێ كه‌ركووك، ئۆمێد وه‌لاتى:
سپێده‌هيا ئه‌ڤرۆ رۆژا چارشه‌مبى رێكه‌فتى 3ى ئيلۆنا 2015ێ ئۆپه‌راسيۆنێن ئازادكرنا چه‌ند گوندان ل رۆژئاڤايێ كه‌ركووك ده‌سپێكرن و هه‌تا نوكه حه‌فت گۆند هاتينه ئازادكرن.
سيهاد مسته‌فا بارزانى، فه‌رماندێ هێزێن پێشته‌ڤانيا ئێك يا له‌شكرێ كوردستانێ بۆ ئه‌ڤرۆ نيوز گۆت: “د هێرشا ئه‌ڤرۆ دا يا هێزێن پێشمه‌رگێ كوردستانێ ل سه‌ر باره‌گايێن تيرۆرستێن داعش بۆ رزگاركرنا چه‌ند گوندان ژ ده‌ستێ تيرۆرستان ل سنورێ ميحوه‌رێ رۆژئاڤايێ كه‌ركووكێ ئه‌نده‌زيارى و تانك و تۆپخانه و راجيمه يێن سه‌ر ب فه‌رمانده‌يا هێزێن پشته‌ڤانيا ئێك د ڤێ هێرشێ دا د پشكدار بووينه”.
سيهاد مسته‌فا بارزانى زێده‌تر گۆت: هه‌تا نوكه هه‌ر ئێك ژ گۆندێن گۆبه‌يبه و تولوه‌رد و بلنداهيێن غه‌ره و كوارس عه‌ره‌ب و كوراس كورد و محه‌مه‌د خه‌ليل و سه‌يد خه‌له‌ف و كۆمپانيا توركى نێزيك ته‌لوه‌رد ب ته‌مامى هاتينه كونترۆلكرن”.
فه‌رماندێ هێزێن پێشته‌ڤانيا ئێك يا له‌شكرێ كوردستانێ دا زانين ژى كمو كومه‌لگه‌ها مه‌نسوريه و گوندێ منسوريه يێن هاتينه رزگاركرن به‌لێ نوكه ئه‌نده‌زيارێن ته‌قه‌مه‌نيان يێن تێدا و هێشتا ب ته‌مامى نه‌هاتيه كونترۆلكرن.
جڤاتا فيدرالا رۆسيا رێ دا سۆپايى ئۆپه‌راسيۆنێن ده‌رڤه‌ى سنورێن رۆسيا ئه‌نجام بده‌ت
ئه‌ڤرۆ نيوز:
جڤاتا فيدرالا روسيا ده‌سته‌لات دا سۆپايێ وه‌لاتێ خوه ژ بوو ئه‌نجامدانا ئۆپه‌راسيۆنێن ده‌ره‌كى ژ ده‌رڤه‌ى سنورێن رۆسيا.
ئه‌ڤ بڕيارا جڤاتا فيدرالا رۆسيا پشتى داخوازيا فلاديمێر پۆتين سه‌رۆك وه‌زيرێن ئه‌وى وه‌لاتى هات كو داخوازكربوو ژ لايێ جڤاتا فيدرالا وى وه‌لاتى ڤه رێ پێ بهێته دان ژ بوو ئه‌نجامدانا ئۆپه‌راسيۆنێن ده‌ره‌كى ژ ده‌رڤه‌ى سنورێن روسيا.
ئه‌ڤه ژى پشتى وێ چه‌ندێ يه كو رۆسيا راگه‌هانديه كو ئه‌و دێ پشكداريا نێڤده‌وله‌تى ل دژى داعش كه‌ت ب مه‌رجه‌كى پشته‌ڤانى ل مانا به‌شار ئه‌سه‌د ل ده‌سته‌لاتێ بهێته كرن.
به‌غدا: 30 كه‌س بوونه قوربانى
ئه‌ڤرۆ نيوز:
ژێده‌ره‌كى ژ هێزێن پۆلیسێن بەغدا راگەهاند، د تەقینەکا خوەکوژیدا ل خالەکا کۆنترۆلێ ل باکورێ بەغدا، شەش کەس هاتنه کوشتن و هەشت کەسێن دی ژى بریندار بوون.
هه‌مان ژێده‌ر ئاماژە ب وێ ژى کر، ژ لایەکێ دی ژى ب سەدەمێ تەقینا بۆمبەکا چاندى ل قەزا مەحمودیه يا باشوورێ بەغدا دو کەس هاتنه کوشتن و پێنجێن دی ژى بریندار بوون.
ل قەزا تاج يا باکوورێ بەغدا ژى، دو کەس هاتنه کوشتن و حەفت کەسێن دی ژى بریندار بوون.
دوهى ژى د تەقینەکا دی دا ل ناڤەراستا بەغدا 15 کەس هاتنه کوشتن و 25 کەسێن دی ژى بریندار بوون.
ئه‌ڤرۆ حه‌جيێن دهۆكێ دێ گه‌هن
ئه‌ڤرۆ نيوز:
رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ ژڤانێ گەھشتنا کاروانێ ئێكێ يێ حەجیێن پارێزگەھا دھۆکێ ئاشکرا کر.
مالک رەمەزن رێڤەبەرێ په‌یوه‌ندى و راگەھاندنا رێڤەبەریا گشتی یا ئەوقاف و کارۆبارێن ئاینی ل پارێزگەھا دھۆکێ کو نوکە ل وەلاتێ سعودیێ یە بۆ ئەڤرۆ نیۆز ئاشکرا کر کو ئه‌ڤرۆ رۆژا چارشەمبی کاروانێ ئێكێ يێ حەجیێن پارێزگەھا دھۆکێ گەھیتە فرۆکخانا ھەولێر کو پێک ھاتینە ژ ٤١٥ حەجیان.
مالکی ئەو چەنده ژى شکرا کر کو حەجیێن پارێزگەھا دھۆکێ ھەموو ب سلامەتن و ھەموو رێورەسمێن ئاینی بجھئیناینە و ب قوناغا قوناغ دێ ڤەگرنە کوردستانێ.
بۆ نیاسینا وان، سعودیه وێنێ هزار حه‌جیێن گیانێ خوه ژ ده‌ستداین به‌لاڤ دكه‌ت
ئه‌ڤرۆ نیوز:
سعودیێ وێنێ هزار و 100 حه‌جیان كو د روودانا مینا دا گیانێ خوه ژ ده‌ستداین داینه بالیوزخانه و هنارتیێن ولاتان ب مه‌ره‌ما نیاسینا وان.
سه‌عید ئه‌وحه‌دى سه‌رۆكێ ده‌سته‌یا حه‌جیێن كومارا ئیسلامیا ئیرانێ راگه‌هاند كو 228 حه‌جیێن ئیرانى گیانێ خوه ژ ده‌ستداینه د وێ روودانێ دا و هه‌روه‌سا هه‌تا نوكه 248 حه‌جیێن دى یێن وان د بێ سه‌روشوینن.
نيشاندان
WP Facebook Auto Publish Powered By : XYZScripts.com