ئه‌ڤرۆ نیوز:
نووترين نووچه
- دووماهی دەلیڤە ب حکومەتا ئیراقا فیدڕال دهێتە دان
- دەم پارتی و كەساتیێن سیاسی یێن باكورێ كوردستانێ سوپاسییا سەرۆك بارزانی دكەن
- پێنگاڤەكا دی یا گرنگ یا سەرئێخستنا پرۆسەیا ئاشتیێ بوو
- مەسرور بارزانی: پێشوازیێ ل پرۆسەیا ئاشتیێ و پێنگاڤا ئێكێ یا چەكدانانا پەكەكێ دكەم
- نوونەرێ سەرۆك بارزانی پشكداریێ د رۆژا نیشتمانییا كۆمارا مسرێ دا ل هەولێرێ كر
- شاندێ دەم پارتی بۆ نێچیرڤان بارزانی: بۆ سەرئێخستنا پرۆسەیا ئاشتیێ چاڤێ مە یێ ل بەردەوامییا پشتەڤانییا هەوە
- شاخەوان عەبدوللا: دڤێت سنۆرەك بۆ ڤێ بێرێزیێ و لادانێ ژ قانوونێ بهێتە دانان
- هشیار زێباری: سەرئێخستنا ئاشتیێ داخوازیا ژ مێژە یا سەرۆك بارزانی بوو
- چاڤدێرێن سیاسی: پشتی ژناڤبرنا چەکان دڤێت تورکیا پێنگاڤان بهاڤێژیت
- سەرۆك بارزانی و قاسم ئەعرەجی رەوشا سیاسی و دووماهی پێشهاتێن ئەمنی ل دەڤەرێ گەنگەشە كرن
سه‌ره‌كى نوچێن گرنگ
قاسم سلێمان په‌یاما ئیرانێ ل دوور بارزانی گه‌هانده گۆران و ئێكه‌تی
ئه‌ڤرۆ نیوز، ئومێد وه‌لاتى:
قاسم سوله‌یمانی ژ هێرۆ ئیبراهیم ئه‌حمه‌د و نه‌وشێروان مسته‌فا را گوتیه ” د وێ باوه‌ریێ داینه كو پێدڤیه مه‌سعود بارزانی مینا سه‌رۆكێ هه‌رێما كوردستانێ بمینیته‌ڤه ” فه‌رماندارێ هێزا قودس یا سوپایێ پاسدارێن ئیرانێ ، چه‌ند رۆژه‌كان ب سه‌ردان دناڤبه‌را هه‌ولێر و سلێمانیێ دا هاتووچوو دكر ، دگه‌ل سه‌ركردێن هه‌ر ئێك ل ئێكه‌تی و گۆران و پارتی جڤیایه و هه‌ڵویستێ ده‌وڵه‌تا ئیرانێ ل دوور كێشه‌یا سه‌رۆكایه‌تیا هه‌رێما كوردستانێ ژێرا راگه‌هاندیه .
ژێده‌ره‌كێ هایدار دناف جڤینێن مه‌كته‌با سیاسیا ئێكه‌تی ب تورا میدیایا رووداوێ راگه‌هاندیه : ” قاسم سوله‌یمانی ل چه‌ند ڕۆژێن بوری دا دگه‌ل هه‌ر ئێك هێرۆ ئیبراهیم و ئه‌حمه‌د و كوسره‌ت ره‌سوڵ و به‌رهه‌م صالح ، هه‌روه‌سا دگه‌ل نه‌وشێروان مسته‌فاش دا جڤیایه و ژێرا راگه‌هاندیه كۆ كومارا ئیسلامیا ئیرانێ دگه‌ل مانه‌ڤا بارزانی دانه ل پوستێ سه‌رۆكێ هه‌رێما كوردستانێ .
هه‌روه‌سا وی ژێده‌رێ رووداو ل مه‌كته‌با سیاسیا ئێكه‌تی ئه‌وچه‌نده‌ژی ئاشكراكر كو سوله‌یمانی ب سه‌ركرده‌یێن ئێكه‌تی و گورانێ را گوتیه : ” ده‌مێ وێ چه‌ندێ نینه هه‌رێما كوردستانێ ب قه‌یرانه‌كا مینا سه‌رۆكایه‌تیا هه‌رێما كوردستانێ مژیل ببیت و پێدڤیه هه‌می شیان ببنه ئێك ژبۆ شه‌رێ داعش و ئه‌و ته‌حه‌دیاتێن دیتر یێن ل هه‌مبه‌ر هه‌رێما كوردستانێ دانه ، چونكی ڤێ ده‌ڤه‌رێ ب گشتی پێدڤی ئارامیێ یه و ئیرانیش دگه‌ل وێ ئارامیێ دایه ” . هه‌روه‌سا سوله‌یمانی گوتیه‌ژی : ” راست نینه كه‌سایه‌تیه‌كێ مینا مه‌سعود بارزانی بهیته شكاندن و ب ئێخنه دناڤا وان جوره گه‌نگه‌شان دا كو نها لسه‌ر پرسا سه‌رۆكایه‌تیا هه‌رێما كوردستانێ هاتینه چێكرن ” .
ل دوور وان پیزانینێن تورا میدیایا رووداوێ قاسم سوله‌یمانی دوو جاران ” پێش چوونا سلێمانیێ و پشتی ڤه‌گه‌ریانێ ” سه‌ردانا هه‌ولێرێ كریه و دگه‌ل هه‌رئێك ل مه‌سعود بارزانی سه‌روكێ هه‌رێما كوردستانێ و نێچیرڤان بارزانی سه‌روكێ حكومه‌تا هه‌رێما كوردستانێ جڤیایه ، دڤان سه‌ردانان دا سوله‌یمانی هه‌ر ئه‌و هه‌لویستێ ب سه‌ركردایه‌تیا ئێكه‌تی و گوران را راگه‌هاندیه ژبۆ هه‌ردوو بارزانیان ژی دووپاتكریه.
ژێده‌ر تورا میدیایا رووداو
چه‌ند ته‌وه‌رێن گرنگ يێن په‌يڤا سه‌رۆكێ هه‌رێمێ د ساخكرنا بيره‌وه‌ريا كاره‌ساتا شنگال دا
ئه‌ڤرۆ نيوز:
د رێ و ره‌سمێن ساخكرنا بيره‌وه‌ريا كاره‌سا شنگال دا، سه‌رۆكێ هه‌رێما كوردستانێ په‌يڤه‌ك پێشكێشكر و تێدا ئاماژه ب چه‌ند خالێن گرنگ دا و ژ وان ژى به‌حسكر كو دێ ئازادكرنا ناڤا شنگال پرۆژه‌كا هه‌ڤپشك و كرياره‌كا مه‌زن بيت و ده‌رباره‌يى ناميسا ئێزديان ژى دا زانين كو ناميسا وان نه‌هاتيه شكاندن، به‌لێ بێ ناميسا وان نيشان دده‌ت ئه‌وێن به‌رامبه‌ر وان ئه‌ڤ ره‌فتاره كرى.
مه‌سعود بارزانى سه‌رۆكێ هه‌رێما كوردستانێ د گۆتارا خوه دا گۆت: “رێز و حورمه‌ت بۆ مالباتێن پێشمه‌رگه‌يى و هه‌ڤخه‌مێ ئێك ئێكه بۆ خێزانێن شه‌هيد و كچ و خووشكێن مه يێن ره‌ڤاندى مه، ژ خودێ دخوازم ئه‌ڤێن ئه‌ڤ كاره كرين بگه‌هنه سزايێ خوه”.
گۆتژى: “هێزا داعش دونيا هژاند، به‌لێ ل كوردستانێ و ب چه‌كه‌كێ گه‌له‌ك كه‌ڤن، هێزه‌كا دڕه‌نده يا ب ناڤێ داعش تێكشكاند، ب ڤێ خوينا شه‌هيد و هێزا پێشمه‌رگه‌يى ناڤوده‌نگێ كوردستانێ گه‌هانده هه‌موو جيهانێ”. ئاماژه ب وێ چه‌ندێ ژى كر كو چ جهـ ل دنيايێ نه‌ماينه نوكه به‌حسێ مێرخاسيا پێشمه‌رگه‌يى و خه‌لكێ كوردستانێ نه‌كه‌ت.
دا زانين ژى كو گه‌له‌ك جهـ هاتنه رزگاركرن و گه‌له‌ك ژى يێن ماين، ئێك ژ ئه‌وێن ماين ژى نيڤا شنگاله و گۆت: “مومكين نينه، ئه‌م بهێلينه د ده‌ستێ داعش دا، به‌لێ دڤێت ل ده‌مه‌كێ وه‌سان بيت كو خه‌لك ڤه‌گه‌رنه وان ده‌ڤه‌ران”.
سه‌رۆكێ هه‌رێما كوردستانێ زێده‌تر روونكرن دانه سه‌ر پرۆسا رزگارنا شنگا و گۆت: “ئه‌و پێدڤى ب كريارێن مه‌زنن، حوكمه‌تا عيراقێ دێ پشكدار بيت و دێ ل گه‌ل هنده‌ك كريارێن گه‌له‌ك مه‌زن و هه‌ڤپشك بيت”.
بارزانى بيرا ئاماده‌بوويان ل سالا بۆرى هه‌يڤا 10 ئيناڤه و گۆت: “ل ڤێ هۆلێ ل هه‌يڤا 10 من گۆته خووشك و برايێن ئێزدى چه‌ند پێ بچيت دێ هه‌ر رزگار كه‌ين و ئه‌و بوو ل هه‌يڤا 12 ب سه‌ر بلندى ل گه‌ل وان پێشمه‌رگه و خێزانێن ل وێ ده‌ڤه‌رێ ماين ئه‌و ده‌ڤه‌ر هه‌موو هاته رزگاركرن كو بۆ من رۆژه‌كا نوو بوو”.
گۆتژى: “مه كێشه‌كا مه‌زن يا د جوگرافيايێ دا يا هه‌يى، ناڤبه‌ره‌كا گه‌له‌ك مه‌زن ل گه‌ل مه بۆ شنگال دوژمن تێدا بوو، من زۆر هزر كر، هه‌تا نه‌رابينه سه‌ر پێن خوه و خوه موكم و ب هێز نه‌كه‌ين نه‌شێين ده‌ست ب رزگاركرنا وێ ده‌ڤه‌رێ بكه‌ين، ئه‌و بوو نێزيكى حه‌فت كيلۆمه‌تران ب مێرخاستى و چاڤه‌نه‌ترسيا پێشمه‌رگه‌يى هاتنه رزگاركرن”.
سه‌رۆكێ هه‌رێما به‌حسێ چوونا بابا شێخ كر بۆ لايێ وى ل پشتى ڤێ كاره‌ساتا ب سه‌رێ كوردێن ئێزدى هاتى و گۆت: “بابه شێخ و هه‌ڤالێن ئێزدى هاتنه ده‌ف من كوت ئێزديخان نه‌ما، ئه‌ز چ جارا رۆندكێن وى ژبير ناكه‌م، من گۆتێ دلێ من ژ هه‌وه سۆتى تره، سۆز بيت يان روحا خوه ل سه‌ر بدانم يان ژى رزگار بكه‌م، من گۆتێ من نه‌ڤێت دووباره بكه‌يه‌ڤه كو ئێزديخانه ته‌مام بوويه، ئێزديخان ته‌مام نابيت و ئه‌و كوردستانه و چو جاران ژ ناڤ ناچيت”.
بارزانى گۆتژى: “من يا گۆتى كورێن ره‌سه‌ن ئێزدى نه من ژ خوه وه‌نه‌گۆتيه، ئه‌وان خاك و ئه‌رد و ئاين و ره‌سه‌نه‌تيا خوه پاراستيه”.
ته‌كست ل سه‌ر وێ چه‌ندێ ژى كر كو گه‌له‌ك زۆرى يا ل ئێزديان هاتيه كرن ژ هه‌موو لايان ڤه و گۆت: “ژ به‌ر هندێ مه كار ب وێ چه‌ندێ كر كو هه‌موو كه‌سان باوه‌رى ب خوه هه‌بيت و ب تايبه‌ت تاكێ ئێزدى و هه‌ست نه‌كه‌ن كو دێ غه‌در و زۆلم لێ هێته كرن. ئه‌ڤا ب سه‌رێ ئێزديان هاتى، درێژه‌پێده‌را ئه‌نفالێن كوردێن فه‌يلى و بارزانى و 182 هزار كه‌سايه كو ب درێژاهيا مێژوويێ ب سه‌رێ مله‌تێ كورد هاتيه”.
ل دۆر ناميسا كوردێن ئێزدى ژ به‌ر وان كچ و ژنێن كه‌فتينه ناڤ ده‌ستێ داعش سه‌رۆكێ هه‌رێما كوردستانێ گۆت: “ناميسا مه تێك نه‌چوويه و نه‌هاتيه شكاندن، بێ شه‌رفيا خوه ئه‌وان يا سه‌لماندى گه‌له‌ك ژ وان گه‌هشتينه مافێن خوه”.
سه‌رۆكێ هه‌رێما كوردستانێ ژ كوردێن وێ ده‌ڤه‌رێ خواست ژى كو به‌رێ خوه نه‌ده‌نه تۆلڤه‌كرنه‌كا عه‌شيائيرى، ب هزاران ژ وان تاوانباران ته‌رمێن وان يێن كه‌فتينه مه‌يدانا شه‌رى و گۆت: “ئه‌م دێ ب مه‌ردانه تۆلا خوه ڤه‌كه‌ين، دێ رێزێ ل قانوونێ گرين، يێ بێ تاوان بيت مه چو ل گه‌ل نينه، ناكه‌ينه شه‌رێ مله‌ت و مه‌زهه‌بى، به‌لێ يێن تاوان و ته‌عدا كريى، ب تايبه‌ت بابه‌تێ ناميسێ و رێ خوشكرى و هاريكار بوويى، مو مه‌جال تێدا نينه و دێ گه‌هنه سزايێن خوه”.
بارزانى پێڤه‌چوو و گۆت: “مله‌تێ مه گه‌له‌ك زۆردارى يا ديتى، به‌لێ چو وه‌كو ئه‌ڤا ب سه‌رێ برايێن مه يێن ئێزدى هاتى دلێ من بريندار نه‌كر، هه‌موو كوردستان بۆ مه يا پرۆزه و شانازيێ پێ دكه‌م، به‌لێ وه‌كو من گۆتى، ڤێ كاره‌ساتێ هند ئه‌م يێن بريندار كرين و من هه‌ست پێ دكر، ژ به‌ر سۆزا بۆ بابا شێخ، ئه‌ز هاتمه شنگال و من هه‌موو كارێن خوه يێن دى هێلان. پاراستنا شنگال ب تنێ يا گرنگ نه‌بوو، به‌لكو دڤێت ده‌وروبه‌رێن وێ ژى هه‌موو بهێنه پاقژكرن دا كو ژيان لێ بهێته كرن. ئه‌ڤ ده‌ڤه‌ره مه ب خوينێ رزگار كر و چو جاران هزر نه‌كه‌ن كو دێ جاره‌كا دى ئه‌ڤ ده‌ڤه‌ره بڤه‌گه‌ريته سه‌ر عيراقێ”.
مزگينيه‌كا خۆش ژى دا خه‌لكێ وێ ده‌ڤه‌رێ و راگه‌هاند: دڤێت كار ژ بوو وێ چه‌ندێ بهێته كرن ئه‌و ده‌ڤه‌ر ببيته ئيداره‌كا سه‌ربه‌خۆ و ل گه‌ل عيراقێ ژى كار ژ بوو پارێزگه‌هبوونا رۆژئاڤايێ ديجله بهێته كرن.
سه‌رۆك پارزانى سۆپاسيه‌كا ژ دل ژى يا ئێك ئێكا خه‌لكێ دهۆكێ و پارێزگه‌ها دهۆكێ كر بۆ هاريكاريكرنا خه‌لكێ ئاواره و چاڤدانا وان ژ هه‌موو لايه‌كى ڤه و هاريكاريكرنا ل گه‌ل وان.
بارزانى هه‌ر د درێژاهيا ڤێ گۆتارا خوه دا راگه‌هاند ژى: د هه‌موو سه‌ره‌دانێن خوه دا بۆ ژ ده‌رڤه‌يى وه‌لاتى و هاتنا وان ژى بۆ ڤێره بابه‌تێ وان ب گرنگى و ده‌سپێكا هه‌موو بابه‌تان هاتيه كرن، ل ڤێره ژى داخوازێ ژ مرۆڤێن خودان وژدان و سه‌رۆك عه‌شيره‌تێن عه‌ره‌بان دكه‌ين كو هاريكار بن بۆ ئازادكرنا كچ و ژنێن ئێزدى.
گۆتژى: “وه‌عدى دده‌ين ئه‌ڤێن بووينه ئه‌گه‌رێ ئه‌ڤا ب سه‌رێ كچ و ژنێن ئێزدى، ژێ ڤه‌نه‌بيت هه‌كه خوه ل كيرا دنيايێ بن هه‌تا تۆلا خوه ژێ ڤه‌نه‌كه‌ين”.
ده‌رباره‌يى هاريكاريكرنا ئاواران ژى گۆت: “هه‌چيا ژ ده‌ستێ مه هاتى بۆ ئێزديان مه يا كرى و دێ كه‌ين و مه چو منه‌ت نه‌كريه واجبه، خوزى مه‌شيابا مه زێده‌تر كربا، من دڤێت بزانن ئه‌ڤه ئه‌ردێ وانه و هه‌ر تشتێ ب سه‌رێ وان هاتى يێ ب سه‌رێ هه‌موو كوردان هاتى كا چاوان ب سه‌رێ فه‌يلى و گه‌رميان و باليسان و دهۆك و هه‌موو ده‌ڤه‌رێن دى هاتى، بۆچى گه‌رميانى و بارزانى تووش بوون وه‌سان ئێزدى ژى تووش بوون، هه‌موو ئێك فه‌رهه‌نگه. يا گرنگ ئه‌وه باوه‌رى يا خوه ژ ده‌ست نه‌ده‌ن”.
گۆتژى: “سۆپاسيا هه‌موو پێشمه‌رگێ قه‌هره‌مان دكه‌ين يێن كو هه‌ر ژ رۆژا ئێكێ قاره‌مانى سه‌لماندى و سۆپاسيا خه‌لكێ پارێزگه‌ها دهۆكێ دكه‌م و شه‌رڤانێن رۆژئاڤا كو بووينه ئه‌گه‌رێ رزگاربوونا گه‌له‌ك ژن و زارۆيێن ئێزدى. ئه‌ڤه ژى وێ چه‌ندێ نيشان دده‌ت كو ئێكرێزا كوردان ژ هه‌موو تشتان گرنگتره”.
بارزانى مزگينيه‌كا دژى دا ئاماده‌بوويان و گۆت: “د پشت راست بن دێ پێكڤه چينه د شنگال دا، كرياره‌كا مه‌زنه و مه نه‌ڤێت بهێته پارچه كرن و پێكڤه بهێته كرن و ئه‌م ب تنێ نينن”.
رێورەسمێن یادا شنگالێ ل پەرلەمانێ عێراقێ دهێنەکرن
ئەڤرۆ نیوز،زنار تۆڤی:
ئەڤرۆ رۆژا دوشەمبی 3.8.2015 سالڤەگەرا کارەساتا شنگالێ ل پەرلەمانێ عێراقێ هاتە ساخکرن،کو دڤێ رۆژێ دا ل سالا بۆری تیرورستێن داعش ب رەنگەکێ هۆڤانە هێرش کرە سەر شنگالێ و ب هزاران کەس هاتنە کۆشتن گرتن و زیانێ مەزن گەهاندنە خەلکی،لەورا ئەڤرۆ رێورەسمەک ل پەرلەمانێ عێڕاقێ برێڤەبرن و فلمەکێ دکیومێنتاری ل سەر وێ کارەساتێ هاتە نیشاندان.
شێخ شامۆ: داخوازێ ژ بارزانى دكه‌ين له‌زێ د ئازادكرنا ناڤا شنگال دا بكه‌ت
ئه‌ڤرۆ نيوز:
شێخ شامۆ، په‌رله‌مانتارێ ئێزدى ل په‌رله‌مانێ كوردستانێ ل سه‌ر ليستا پارتى ديموكراتى كوردستان د رێ و ره‌سمێن بيره‌وه‌ريا كاره‌ساتا ب سه‌رێ كوردێن ئێزدى دا هاتى راگه‌هاند: داخواز ژ سه‌رۆكێ هه‌رێما كوردستانێ كر كو ئێدى رزگاركرنا شنگال درێژ بوو و هيڤى خواست كو ب زووترين ده‌م بهێته ئازادكرن و ژ هه‌رسێ سه‌رۆكاتيێن عيراقێ ژى خواست كو ئێدێ چاڤه‌رێ مادێ 140 نه‌مينن و ئێزدى خوه ل هيڤيا وى ماده‌ى ناگريت.
ل زاخۆ خانی ب قست بو شەھید و فەرمانبەران دھێنە ئاڤاکرن
ئه‌ڤرۆ نيوز:
گرۆپەکێ خێرخوازی یێ ئەندازیاران ل زاخۆ دێ خانیان ب قست بو پێشمەرگە و خێزانێن شەھید فەرمانبەران ئاڤا کەن، لگۆرەیی گۆتنێن وان دەرگەھەکێ دن یێ کاری بو خەلکێ ڤەکریە دناڤ پرۆژەیێ وان دا کار بکەن، بێ زێدەھیکرن ژ بازاری دا د ماوەیێ شەش ھەیڤان دا ھەر خێزانەکا داخوازکار دێ بیتە خۆدان خانی ب دانا قستێ چوار سالان.
ئەندازیار ئیدریس قاسم بەرپرسێ گرۆپێ خێرخوازی یێ ئاڤاکرنا خانیان و مقاولاتان ل زاخۆ بۆ رۆژنامەیا ئەڤرۆ دیارکر ب قستێ چوار سالان خانیا دێ بۆ پێشمەرگە وخێزانێن شەھیدان و فەرمانبەران درۆست کەین،گۆت: کەسێن داخوازکار ب رێژا ٦٠% پارەیی پێشەکی دەن و یێ دن ب قستێ چوار سالان، بێ چ زێدەکرن ھێتە وەرگرتن.
ئەندازیارێ ناڤبری ئاشکرا کر کەسێ داخوازکار لسەر وێ پارچە زەڤیا ھەی دێ نەخشە لدووڤ داخوازیا وان ھێتە دروستکرن، لژنەیا تەخمینی دێ ھەموو برگەیێن کاری ژ پێدڤیێن ئاسن وچیمەنتو وکاشی ودارتاشی و پێدڤیێن کارەبی بنڤێسین بو ھێنە دانان، پشتی ھینگێ کەسێ داخوازکار دێ ل ناڤ بازاری ھەمان بھایان ھەلسەنگینیت، ھەکە زێدەکرن د کرینا بھایێن ھەر برگەکێ دا ھەبیت دێ ھێتە رەدکرن، ئەڤجا ئەو رەدکرن مافێ کەسێ داخوازکارە چ ژ پشکەکێ یان ژ گرێبەستێ یان ھەمیێ ژی بکەن، کەواتە بێ چ زێدەکرنەک دێ دھێنە دروستکرن گۆت: مەرجە د ماوەیێ چوار تا پێنج ھەیڤان دا کەسێ داخوازکار کلیلێن خانیێ خوە وەربگریت.
بەرپرسێ گرۆپێ ئەندازیارێن ئاڤاکرنا خانیان و مقاولاتان دیار ژی کر ھەتا نھۆ پرۆژێ وان بتنێ دێ ل زاخۆ ھاتیە دەستپێکرن، گرۆپەکێ ژ چوار ئەندازیارێن سەرپەرشت و سەرەکی پێکدھێن کو پرۆژەیێ وان یێ کەرتێ تایبەتە گۆت: ھەر وەلاتیەکێ داخواز دکەن دڤێت برێک وپێکی قستێن ھەیڤانە بدەن، بەرۆڤاژی دێ لدووڤ گرێبەستێ لێپیچینێن قانوونی ل گەل وان ھێتە کرن.
بیرۆکەیا ڤی پرۆژەیی ئیدریس قاسم ڤەگەراند پشتی پەیدابوونا قەیرانا دارایی و شەرێ دژی تیرۆرستێن داعش نێزیکی دو سالایە وەلاتیان پێشینەیێن ئاڤاھیان وەرنەگرتینە، مە ڤیایە وەکو گرۆپەکێ ئەندازیارێن خێرخوازی یێن خۆدان ئیمکانیات درێیا ڤی پرۆژەیی ھاریکاریا ھندەک ژ خەلکێ بکەین گۆت: ھەتا نھۆ ب دەھان خەلکێ ناڤێن خوە تۆمارکرینە درێیا ڤی پرۆژەیی دا خانی بو وان ھێنە درۆستکرن.
ناڤھاتی ئەو چەندە ژی نەڤەشارت خەلکێ خانیێن وان درست دکەن، د کارن پشتی گرێبەست گرێدایی ژی خانیێن خوە ژی بفرۆشن، لێ ب وی مەرجی مە ئاگەھدار بکەن، کەسێ خانی بۆ ھاتیە دروستکرن بەرھەڤیا خوە دیار بکەت کو پشتی خانی بفرۆشیت ژی داھاتە لپشت ھەیە بکاریت قستێ ھەیڤانە ئەدا بکەن.
لدۆماھیێ ژی ئیدریس قاسم بەرپرسێ گرۆپێ ئەندازیاری و مقاولاتان یێ کەرتێ تایبەت ئاشکرا کر مفایێ پرۆژەیی ئەوە فەرمانبەران دەرفەت نەبیت کاری تێدا بکەن، ژلایەکێ دیڤە خێزانێن شەھیدان کەسێن کاری نەبن، یان ژی پێشمەرگە د ئەرکێ خۆدا بن، لەورا ئەڤ ئەرکە ھەمی دکەڤیتە ل سەر ملێن گرۆپێ ئەندازیاران، ژلایەکێ دیڤە خەلکەکێ زێدە دێ لدەفمە کارکەن ژ ئەندازیار ورۆپیڤ و کرێکاران بن، ئەڤە ژی دێ بارسڤکیەکێ ل سەر ملێن حۆکمەتێ ژی راکەن لدۆماھیێ ئیدریس قاسم گۆت: درێیا ڤی پرۆژەیی را دەرگەە دێ ڤەکری بیت بو وان خەلکێ دڤێت دڤی پرۆژەیی دا ھاریکاریێ بکەن، ئەم ژی بکارین مۆچەیەکێ ھەیڤانە لدووڤ شیانێن خەلکێ ل گەل مە کار بکەن.
سەیدو چەتو: ھەکە رزگارکرنا شنگال ب ھیڤیا عیراقێ ڤەبیت دێ مینت داگیرکری
ئه‌ڤرۆ نيوز:
نوونەرێ خەلکێ شنگال ل جڤاتا پارێزگەھا نەینەوا بۆ ئەڤرۆ ئاشکرا کر، سالەک ب سەر کارەساتا شنگال ڤە بۆری و ھیشتا ھاریکاریا ئێک ملیۆن دیناری ب دروستاھێ نەھاتیە دان و ل دووڤ دووماھیک ئامار ھەتا نھا ٢٥ ھزار ئاواران ھاریکاریا ئێک ملیۆن دیناری وەرنەگرتیە، ژ وان ئاواران ژی ١٨ ھزار ل دھۆکێ نە و پڕانیا وان خەلکێ شنگال ب خوە نە.
سەیدو چەتو سەرۆکێ لیستا برایەتی و پێکڤەژیانێ ل جڤاتا پارێزگەھا نەینەوا دیار کر، حوکمەتا عیراقێ د سالا بۆری و ئەڤ سالە ژی دا چ پێنگاڤێن رژد نەھاڤێتینە ژ بۆ رزگارکرنا شنگال و ھاریکاریا ئاواران و رزگارکرنا کچ و ژن و زارۆیێن ھەتا نھا ماینە د ناڤ دەستێن رێکخراوا تیرۆرستی یا داعش دا و گۆت “پێنگاڤێن حوکمەتا عیراقێ گەلەک د لاوازن و چ ناکەت و بەری نوکە چەندین جاران مە سەرا بەغدا دایە و داخوازیێن خەلکی گەھاندینە حوکمەتا عیراقێ لێ چ نەکریە”.
سەیدو چەتو زێدەتر گۆت “ئەڤە سالەک سەر داگیرکرنا شنگال و گەلەک دەڤەرێن دی یێن کوردستانێ ڤە چوو و ھەکە رزگارکرنا شنگال ب ھیڤیا حوکمەتا عیراقێ ڤەبیت رەنگە دەە سالێن دی ژی چ پلان نەھێنە دانان بۆ رزگارکرنا شنگالێ و حوکمەتا عیراقێ دڤێت ژێرخانا ئابووری یا شنگالێ بچیتە د بن سفرێ دا و ئەڤە چەندین ھەیڤ سەر رزگارکرنا ناحیا سنوونێ را چوون ھێشتا حوکمەتا عیراقێ بەرنامەک بۆ گەھاندنا خزمەتگوزاریان نەدانایە”.
چەتو ئاماژە دا وێ چەندێ ژی کو خەلکێ شنگال ئێدی نەڤێت سەر بەغدا ڤەبن و داخوازێ دکەن شنگال ببیتە پارێزگەە و سەر ب ھەرێما کوردستانێ ڤە بیت، چونکو ئەو باش دزانن ھەکە شنگال ب ھیڤیا ھەرێمێ ڤەبیت دێ ئاڤەدانی تێدا ھێتە کرن و دێ وەکو جاران شنگال ڤەگەریت.
جگارە و ڤەخوارنێن کحولی دێ گران بن
ئەڤرۆ:
ئەندامەکێ لژنا دارایی ل پەرلەمانێ عیراقێ ئاشکرا کر، حوکمەتا ناڤەندی یا پێگیرە ب سەپاندنا باجێ ل سەر ڤەخوارنێن کحولی و جگاران، بەلێ ھەتا نوکە ژبەر رێک نەکەفتنێ ل سەر میکانزما کاری نەھاتیە ب جھئینان، حوکمەتا ھەرێما کوردستانێ ژی نھا مژوولی ڤەکۆلینێ یە ل سەر دانانا باجێ ل سەر کەلوپەلان.
محەمەد عەبدولقادر، ئەندامێ لژنا دارایی ل پەرلەمانێ عیراقێ دیار کر، پشتی پەرلەمانێ عیراقێ پرۆژە قانونا بۆدجا ٢٠١٥ پەسەندکری ئێک ژ خالێن پرۆژەی سەپاندنا باجێ بوو ل سەر ڤەخوارنێن کحولی و جگاران و گۆت:”ئەگەرێ گیرووبوونا سەپاندنا باجێ ل سەر ڤەخوارنێن کحولی و جگاران بۆ ناکۆکیا میکانزما کاری د زڤریت و نھا رێککەفتن ل سەر لایەنێن لژنا دارایی یا ھاتیە کرن و دێ بۆ حوکمەتێ بلند کەین دا کو بھێتە ب جھئینان”.
ناڤھاتی بۆ عەین عیراق نیۆز گۆت:”ژ ئەگەرێ نزمبوونا بھایێ پەترۆلێ د بازارێن جیھانێ دا کو ب رەنگەکێ ئێکسەر ب داھاتێ عیراقێ ڤە یا گرێدایە، گەلەک کورتئینان یا د بودجێ دا ھەیی، ژبەر ڤێ چەندێ حوکمەتا عیراقێ ژ بۆ کێمکرنا ڤێ کورتئینانێ چەندین رێ گرتینە بەر ژ وان ژی زێدەکرنا باجێ یە ل سەر کارتێن مۆبایل و ئینتەرنێتێ، ترۆمبێلان، کارەبێ، ڤەخوارنێن کحولی و جگاران”.
ئەحمەد عەبدولرەحمان، پەیڤدارێ وەزارەتا دارایی و ئابووری یا حوکمەتا ھەرێما کوردستانێ ژی بۆ NNA دیار کر، نھا ژ ئەگەرێ دانانا باجێ ل سەر کەلوپەلێن عیراقێ بھایێن پێدڤیێن خەلکی ب رەنگەکێ بەرچاڤ یێن گران بووین و ب تنێ وەلاتی زیانڤێکەفتیێن ڤێ بڕیارێ نە و گۆت:”ھەتا نھا چو نڤێسنێن فەرمی بۆ زێدەکرنا باجێ ژ حوکمەتا عیراقێ نە گەھشتینە مە، بەلێ نھا وەزارەتا دارایی و ئابووری یا حوکمەتا ھەرێما کوردستانێ مژوولی ڤەکۆلینێ یە ل سەر دانانا باجێ ل سەر کەلوپەلان”.
د روودانەکا ھاتنوچوونێ دا سێ پێشمەرگا گیانێ خوە ژ دەست دا
ئەڤرۆ نیۆز، قائید میرۆ:
دوهى ئێڤارى ژ ئەگەرێ روودانەکا ھاتنوچوونێ د ناڤبەرا ناحیا پردێ و باژێڕێ کەرکووکێ دا سێ پێشمەرگا گیانێ خوە ژ دەست دا.
شێرزاد قادر، ئەفسەرێ پێشمەرگەی بۆ ئەڤرۆ نیۆز راگەھاند: “ئێڤاریا دوھی رۆژا ئێكشه‌بمى رێكه‌فتى 3ى ته‌باخا 2015ێ د دەمێ چوونا وان بۆ دەواما له‌شكرى دا ل میحوەرێ کەرکووکێ، ترۆمبێلەکا پێشمەرگەی د ناڤبەرا ناحیا پردێ و باژێڕێ کەرکووکێ تووشی روودانەکا ھاتنوچوونێ بوو”.
شێرزاد گۆتژی: “د ئەنجامێ ئەڤێ رووودانێ دا سێ پێشمەرگا گیانێ خوە ژ دەست دا و دو زارۆک ژی بریندار بوون، کو ئەف پێشمەرگەیێن گیانێ خوە ژ دەست دای ئەڤە چەندین سالە پێشمەرگەنە و دچوون بۆ سەنگەرێن بەڕەڤانیێ”.
ھەڤپەیمانان سێ جارا ھێرشکرە سەر گوندەکی
ئەڤرۆ نیۆز، قائید میرۆ:
شەڤا بۆری ھەڤپەیمانان سێ ھێرشێن ئەسمانی کرنە سەر گوندەکێ میحوەرێ رۆژئاڤایێ دیجلە و ھژمارەک چەکدارێن داعش کوشتن.
عەقید دلشاد مەولوود، بەرپرسێ ھۆبا راگەھاندنا فەرماندا زێرەڤانی بۆ ئەڤرۆ نیۆز راگەھاند” دەمژمێر ٨ی شەڤا بۆری، فڕۆکەیێن ھەڤپەیمانان سێ ھێرشێن ئەسمانی کرینە سەر بنکە و بارەگایێن تیرۆرستێن داعش ل گوندێ تەشتێ گرێدایی میحوەرێ رۆژئاڤایێ دیجلە.
عەقید دلشادی گۆتژی” ب ئەگەرێ بۆردومانا ھەڤپەمانان چەندین بارەگایێن داعش ھاتینە وێرانکرن و ھژمارەکا زۆرا چەکدارێن وانژی ھاتینە کوشتن، بەلێ ھژمارا کوشتیان دیارنینە.
نيشاندان
WP Facebook Auto Publish Powered By : XYZScripts.com