ئه‌ڤرۆ نیوز:
ئه‌ڤرۆ ئه‌میندارێ گشتى یێ یه‌كگرتووى ئیسلامى كوردستان سه‌را مه‌كته‌با سیاسى یا ئێكه‌تیا نیشتمانیا كوردستانێ ل باژێرێ سلێمانیێ دا و پشتى كومبوونێ د كونفرانسه‌كێ رۆژنامه‌ڤانى دا، عیماد ئه‌حمه‌د په‌یڤدارێ ئێكه‌تیا نیشتمانیا كوردستانێ راگه‌هاند” هه‌موو لایه‌ك ل سه‌ر سیسته‌مێ په‌رله‌مانى یێن رژدن، به‌لێ ل سه‌ر هه‌لبژارتنا سه‌رۆك ناكوكى یا هه‌ى و پارتى رازى نابیت كو سه‌رۆكێ هه‌رێمێ ل په‌رله‌مانى بهێته هه‌لبژارتن.
بریاره شاندێ یه‌كگرتوو سوبه‌هى ل گه‌ل پارتى و كومه‌لێ كومببیت.
ئەڤرۆ نیۆز، قائید ميرۆ:
ئەڤرۆ بەری نیڤرۆ وەلاتیێن قەزا رانیە سەر ب پارێزگەھا سلێمانیێ خۆنیشاندەک ئەنجامدان و تێدا داخوازا خزمەتگوزاریان کرن
شیڤان زەنگەنە، سەرۆکێ رێکخراوا سکالا و چاڤدێری بۆ ئەڤرۆ نیۆز راگەھاند: “نوونەرێ مەژی پشکداریکریە و خۆنیشاندان ل دژی حوکمەتا ھەرێما کوردستانێ بوویە، ژ بەر کو خزمەتگوزاری وەکو پێدڤی نینە و وەلاتی نەشێن ئەڤان قەیرانان دەرباز بکەن”.
شیڤان گۆتژی: “نەڕازیبوونا خەلکێ کوردستانێ د جھێ خوەدایە و لڕۆژێن داھاتی ژی دێ کارڤەدان ھەبن، ئەڤرۆژی رێیا سەرەکیا رانیە ھاتیە گرتن و وەلاتیێن باژێڕی زۆر دلگرانن ل حوکمەتێ”.
ئه‌ڤرۆ نيوز:
سالح موسلم هه‌ڤسه‌رۆكێ پارتيا ديموكراتا گه‌لان “په‌يه‌ده” ئاشه‌كرا كر كو چه‌ك و پێدڤيێن له‌شكرى د رێيا بازارا ره‌ش و هێزێن كوردى و هێزێن پێشمه‌رگه‌يێ كوردستانێ و پارتى ديموكراتى كوردستان دا دگه‌هيته وان.
د پشكا سيێ يا ديدارا خوه دا ل گه‌ل رۆژناما “الحياة” يا له‌نده‌نى دا، هه‌ڤسه‌رۆكێ په‌يه‌دێ دبێژيت: “چه‌ك د رێيا بازارێ ره‌ش و گرۆپێن كوردى و هێزێن پێشمه‌رگێ هه‌رێما كوردستانا عيراقێ و پارتى ديموكراتى كوردستان را دگه‌هيته مه كو گه‌له‌ك هاريكاريا مه كريه و ب گۆره‌يى شيانێن خوه چه‌ك بۆ مه ره‌وانه كرينه”.
ده‌رباره‌يى هه‌ڤكاريا رژێما به‌شار ئه‌سه‌د ل گه‌ل وان دا زانين كو ئه‌و دبێژين وان هاريكاريا په‌يه‌دێ يا كرى، لێ د راستى دا هاريكاريا په‌يه‌دێ نه‌كريه و گۆت: “ئه‌و دبێژن مه هاريكاريا كۆبانێ يا كرى، ئه‌ز خه‌لكێ كۆبانێ مه و مه ئێك فيشه‌ك ژى وه‌رنه‌گرتيه و ل حه‌سه‌كێ ژى هاريكاريا مه نه‌كريه”.
ده‌رباره‌يى پاشه‌رۆژا سوريا ژى دبێژين: “پێشبينى دكه‌ين سيسته‌مه‌كێ لامه‌ركه‌زى ل سوريا بهێته پێش كو چه‌ند هه‌رێمه‌ك بن و لامه‌ركه‌زيه‌ت بيت و سه‌ر ب حوكمه‌تا ناڤه‌ند ڤه بن و سيسته‌مێ ئابوورى ژى دشيان دايه گرێدايى مه‌ركه‌زى بيت به‌لێ ب چه‌ند مه‌رجه‌كان”.
ئه‌ڤرۆ نيوز:
به‌رى ده‌مه‌كێ كێم ب سه‌رپه‌رشتيا سه‌رۆكێ پارتى ديموكراتى كوردستان مه‌كته‌با سياسى يا پارتى ديموكراتى كوردستان ل پيرمام يا د كۆمبوونێ دا.
هه‌ر د ڤێ كۆمبوونا مه‌كته‌با سياسى يا پارتى ديموكراتى كوردستان دا، نێچيرڤان بارزانى جێگرێ سه‌رۆكێ پارتى ديموكراتى كوردستان ژى يێ پشكداره.
دهێته پێشبينكرن ئه‌ڤ كۆمبوونا مه‌كته‌با سياسى يا پارتى بۆ دانوستاندنێ ل سه‌ر پرسا راستڤه‌كرنا قانوونا سه‌رۆكاتيا هه‌رێمێ و شه‌رێ ڤێ دووماهيێ يێ توركيا ل گه‌ل په‌كه‌كێ و تۆپبارانكرنا سنورێن هه‌رێما كوردستانێ و په‌يوه‌نديێن نێڤبه‌را هه‌ولێر و به‌غدا.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ل ڤێ حه‌فتيێ خشتێ به‌لاڤكرنا مووچه‌يى دێ يێ به‌رده‌وام بيت و ب ڤێ چه‌ندێ ژى بۆ ڤان سێ رۆژێن ماين سێ وه‌زاره‌ت دێ مووچه‌يى وه‌رگرن.
ب گۆره‌يى راگه‌هانده‌كا وه‌زاره‌تا دارايى و ئابوورى ل حوكمه‌تا هه‌رێما كوردستانێ كو وێنه‌ك ب ده‌ست ئه‌ڤرۆ نيوز كه‌فتيه، تێدا هاتيه: ئه‌ڤ وه‌زاره‌تێن خوارێ دێ مووچێ هه‌يڤا گۆلانێ يێ سالا 2015ێ وه‌رگرن، رۆژا سێشه‌مبى 28ى تيرمه‌ها 2015ێ وه‌زاره‌تا خواندنا بلند و ڤه‌كۆلينێن زانستى دێ مووچه‌يى وه‌رگريت، رۆژا چارشه‌مبى 29ى تيرمه‌ها 2015ێ وه‌زاره‌تا كار و كاروبارێن جڤاكى ل گه‌ل چاڤدێريا خێزان و كێم ئه‌ندامان دێ مووچيه‌ى وه‌رگرن، رۆژا پێنجشه‌مبى رێكه‌فتى 30ى تيرمه‌ها 2015ێ وه‌زاره‌تا باژێرڤانى و گه‌شتوگۆزار دێ مووچه‌ى وه‌رگريت.
ئەڤرۆ نیۆز، قائید میرۆ:
دەستەیا مافێ مرۆڤی ل ھەرێما کوردستانێ ئاشکرا کر، رەوشا کرێکارێن بیانی ل ھەرێما کوردستانێ یا خراپە و دەستەیێ دووڤچوون بۆ ڤێ پرسێ کریە.
مەحەمەد گومەشینی، پەیڤدارێ دەستەیا سەربخوە یا مافێ مرۆڤی بۆ ئەڤرۆ نیۆز دیارکر، رەوشا کرێکارێن بیانی ل ھەرێما کوردستانێ زۆر یا خراپە و دەستەیا مافێ مرۆڤی دووڤچوون بۆ رەوشا کرێکارێن بیانی کریە، ئەڤە ژی پشتی کرێکارێن نیپالی گازندەیێن خوە گەھاندینە دەستەیێ.
مەحەمەد گومەشینی گۆتژی: “شاندەکێ دەستەیا مافێ مرۆڤی سەرەدانا ھژمارەکا کۆمپانیێن تایبەت ب ئینانا کرێکارێن بیانی کریە و دەرکەفتیە مافێن کرێکارێن بیانی دھێتە بنپێکرن و پشتی تۆمارکرنا گازندەیان دێ لایەنێن پەیوەندیدار ھێنە ئاگەھدارن”.
ئەڤرۆ نیوز،زنار تۆڤی:
ئەڤرۆ دەمژمێر 10 سپێدەهیا رۆژا دوشەمبی رێكه‌فتى 27ى تيرمه‌ها 2015ێ دو تەقین ل ناڤ بازارێ فرۆشتنا ئاژەلان ل باژێرێ ڤامیشلۆ ل رۆژئاڤایێ کوردستانێ روودان.
ل دووڤ پێزانینێن دەستپێکی وان تەقینان گەلەک زیانێن ماددی گەهاندینە وەلاتیان و دوورێن حه‌فت کەسان ژی بریندار بووینە و هەروەسا سێ زارۆ ژی د وێ کریاڕا تیرورستی دا شەهید بووینە.
ئەڤرۆ نیۆز، قائید میرۆ:
شەڤا بۆری فرۆكێن شه‌ركه‌رێن وەلاتێ تورکیا جارەکا دی بنکەهـ و بارەگایێن پەکەکێ ل دەڤەرا مێرگەسۆرێ کرنە ئارمانج و زیان گەھاندنە رەز و زەڤیێن وەلاتیان.
ژێدەرەکی ژ ھێزا پێشمەرگەی بۆ ئەڤرۆ نیۆز راگەھاند: “تۆپخانە و فڕۆکەیێن وەلاتێ تورکیا ھژمارەکا بنکەهـ و بارەگایێن پارتا کرێکارێن کوردستانێ “پەکەکێ”، ل گوندێن سەر ب قەزا مێرگەسۆرێ بوردۆمانکرن و ئەڤێ بوردۆمانێ گوندێن مێرۆز و تویێ و پێندرۆ و ھوپە ڤەگرتن”.
ژێدەری گۆتژی: “بوردۆمانا تورکیا شەڤا بۆری و رۆژا دوھی بەردەوامی ھەبوویە و نێزیک گوندێن ئاڤا کەفتینە، لەوڕا بوویە ئەگەرێ پەیداکرنا ترسێ ل دەف وەلاتیێن دەڤەرێ، بەلێ چو زیانێن گیانی نەبووینە، تنێ ئاگر بەربوویە زەڤی و رەزێن دەڤەرێ”.
ئەڤرۆ نیوز،زنار تۆڤی:
ئەڤرۆ رۆژا دوشەمبی 27ى تيرمه‌ها 2015ێ ل دەمژمێر 10 سپێدێ محەمەد فەرەج ئەمیندارێ ئێکگرتوویا ئیسلامی گەهشتە مەکویێ سەرەکی یێ بزاڤا گۆران ل سلێمانیێ.
پشتى گه‌هشتنا خوه بۆ وى باژێرى نوكه ئه‌و و نه‌وشيروان مسته‌فا رێكخه‌رێ گشتيێ بزاڤا گۆران بۆ گفتۆگۆکرنا دستۆرێ هەرێمێ و هەلبژاردنا سەرۆکێ هەرێمێ يێ د كۆمبوونێ دا.
ئەڤرۆ نیوز:
حاکم نەمر کەجو ئەندامێ لژنا بەرھەڤکرنا دستوورێ ھەرێما کوردستانێ بۆ راپرسیێ د داخۆیانیەکێ دا بۆ ئەڤرۆ دیارکر کو پێنگاڤا ھەرە مەزن یا لژنا بەرھەڤکرنا دستووری ھاڤیتی ئەوە مە خوە ژ ھەرێمێ یا دەربازکری و مە یا تێدا دیارکری ئەم کیانەکین ژ عیراقێ و ئەم یێ خوە بەرھەڤ دکەین بەرەڤ پێشتر بچن وەکو دەولەت، سیستەمێ حوکمرانیێ ژی ل ھەرێمێ کوماری دیموکراتی پەرلەمانی یە .
ئەندامێ لژنا بەرھەڤکرنا دستوورێ ھەرێما کوردستانێ بۆ راپرسیێ حاکم نەمر کەجو بۆ ئەڤرۆ گوت” لژنا نڤیسینا دستووری گەلەک گوھۆرێنێن نوو یێن کرین، چونکی دڤێت ئەم خوە حازر کەین بۆ قوناغەکا نوو، ژ بەر کو حوکمەتا عیراقێ گەلەک پێگیری ب دستوورێ عیراقی نەکریە وھەرێما کوردستانێ یا پشت گوە ھاڤێتی د گەلەک بوراندا تایبەتێ مادی ١٤٠ دا ھەتا نوکە ئەڤە دەە سال بۆرێن ل سەر دستووری عیراقێ ھیشتا بەندەک ژ مادێ ١٤٠ بجە نەھاتیە”.
نەمری گوت ژی” پشتی کاودانێن ڤێ دووماھیێ رووداین ل دەڤەرێ، پێدڤیە کوردستان خوە بەرھەڤ بکەت بۆ قۆناغەکا نوو ئەوژێ قۆناغا نەخشێ ئاڤاکرنا کوردستانەکا نوویە و ئەڤ چەندە ژی د دستووری کوردستانێ دا دیاربیت کو ھەتا نوکە ٤٣ مادێن دستووری یێن ھاتینە پەسەندکرن”.
ناڤبری ئەوژی دیارکر کو مادێ ئاینێ و پیگەھا ئاینی د دستوورێ کوردستانێ دا لژنێ ناکوکێ ل سەر یا ھەی، لێ دشیم بێژم رێژا ٩٠% یێ ھاتیە پەسەندکرن ئەوژی مادێ شەش ژ دستووری عیراقێ کو دبێژت نابیت قانوون دەربچن ھەڤدژی ئیسلامێ بن، وەکو بوچوونێن مە، ئەم بێژن کیماسێ یێن دڤێ مادا دستووری دا ھەین، ھەکە بۆ عیراقێ بیت، بەلکو دروست بیت، لێ بۆ کوردستانێ جوداھی یا ھەی، چونکی ل عیراقێ ھەموو ئەو لایەنێن سیاسی یێن کو د ھەلبژارتنان دا ب سەرکەفتین ٩٠% ئیسلامێ نە، لەوما دستووری وان یێ وەسا ھاتی، بەلێ ل ھەرێما کوردستانێ راستە پتریا خەلکێ وێ موسلمانن، لێ ئەم یێ بەرەڤ دەولەتبوونەکا مەدەنی ڤە دچین، رامانا وێ ژی ئەو نینە ھەکە روویەکێ ئاینی د دستووری دا دیاربیت، دێ کوردستان بیتە دەولەتەکا ئاینی، ھەتا ئەڤ مادە بھێتە پەسەندکرن ژی، ئەز نابینم جھێ مەترسیێ بیت بۆ پاشەرۆژێ”.
حاکم نەمر کەجو گوت ژی” دانوستاندنێن درێژ یێن ھاتینە کرن ل سەر مادی ئاینی ددستووری دا، بەندێ شەریعەتا ئیسلامێ ژێدەری سەرەکێ بیت مە تەوافوق یا ل سەر کری، بتنێ ئەم ل سەر وێ چەندی دناکۆکین کو چو قانوون بێی شەریعەتا ئیسلامی دەرنەکەڤن و باوەریێ دامە لژنا بەرھەڤکرنا دستوورێ دێ گەھیتە چارەکێ”.
ئاشکرا کر ژی کو ماف و ئازادیێن ئاینی یێن ھەموو پێکھاتێن کوردستانێ ددستووری دا یێن ھاتینە پاراستن، دەڤەرێن گوھۆرینێن دیموگرافی تێدا ھاتینە کرن ل سەر دەمێ رژێمێ یێن بووینە جھێ پووتە پێدانێ ددستوورێ دا نەخاسمە دەڤەرێن کەرکوکێ و شنگالێ و شیخان وخانەقین وھەموو کو بودجەکا مەزن بۆ ئاڤادانیا وان دەڤەران ژ بودجەیا کوردستانێ بھێتە تەرخانکرن و نوونەرێن خوە یێن تایبەت د دەستھەلاتداریا کوردستانێ دا ھەبن.
ناڤھاتی ئەوژی راگەھاند کو دستوور ھەردەم قابلی گوھورینێ یە، چونکی دبیت سالەک یان دوو سالێن دی دستوورێ دەولەتبوونێ بھێتە ئامادەکرن، ئەو دستووری نوکە ژی دھێتە دانان، نە دستووری ھەرێمێ و نە دستووری دەولەتبوونێ یە، بەلکو یێ د ناڤبەرا ھەرێمێ و دەولەتبوونێ دایە.
ئەندامێ لژنا بەرھەڤکرنا دستووری خویاکر ژی”نەمانا کۆتا د بەرژوەندیا کوردستانێ دا نینە و پێدڤیە ل پاشەرۆژێ مافێ کەمینەیان یێ پاراستی بیت د دستووری دا، چونکی نوکە کوردستان یا ھاتیە نیاسین ل ھەموو جیھانێ کو وەلاتی لێبۆرین و پێکڤەژیانێ یە، ھەکە بۆ بەرژوەندیێن دەستنیشانکری و بەرتەنگ کۆتا نەمینن، ئەم دبینین خزمەتا کوردستانێ ناھێتە کرن، ھەر چەندە ھێشتا ئەم د پێداچوونێ ددستووری دا نەگەھشتینە چو مادێن گرێدایێ کۆتایا ، لێ ئەم بزاڤێ دکەین ئێزدیان ژی کۆتا خوە ھەبیت وەکو کەمینەیێن دی ل کوردستانێ، ھەر چەندە ھەتا نوکە ئێزدیان کۆتا خوە نینە و پیچەکا غەدرێ ل مە یا ھاتیە کرن ودخوازین دادپەروەریەک بھێتە کرن و کۆتا بۆ ئێزدیان ژی بھێتە دانان ل پەرلەمانێ کوردستانێ وەکو ھەموو کەمینەیێن دی ل کوردستانێ”.
ئەندامێ لژنا بەرھەڤکرنا دستووری خویا ژی کر کو پێشمەرگێ کوردستانێ ژی ھاتە نیاسین بێ لایەن کو نە سەر ب چوو لایەنێن سیاسی ڤە بیت، ئەڤە ژی بۆ پاشەرۆژێ گەلەک باشە و ئەم ل گەل ھندێ نە پێشمەرگە بێ لایەن بیت و یێ دوور بیت ژ سیاسەتێ.
نيشاندان