ئه‌ڤرۆ نیوز:
ته‌لار له‌تیف ئه‌نداما په‌رله‌مانێ كوردستانێ دیاركر كو د كومبوونا ئه‌ڤرۆ یا په‌رله‌مانى دا مادێن 7 و 8 و 9 و 10 ژ قانوونا داهاتێ نه‌فتا كوردستانێ هاتنه په‌سه‌ندكرن.
گرنگترین ئه‌و مادێن ئه‌ڤرۆ ده‌نگدان ل سه‌ر هاتیه كرن، په‌یوه‌ندی ب داهاتێ نه‌فت و غازێ ڤه هه‌بوو، كو دڤێت هه‌موو داهاتێ نه‌فت و غازێ بچیته د سندوقه‌كێ دا.
ئه‌ڤرۆ نیۆز، قائید میرۆ
ئه‌ندامه‌كێ لیژنا ڤه‌كۆلینێ ل شه‌ڕێ ناڤبه‌را هه‌ردو په‌رله‌مانتارێن پارتی و په‌رله‌مانتاره‌كێ بزاڤا گۆڕان ئه‌شكره‌كر، ئه‌نداما پارتی خوه ژ لیژنا ڤه‌كۆلینێ ڤه‌كێشایه.
گۆران ئازاد، ئه‌ندامه‌كێ لیژنا ڤه‌كۆلینێ ل شه‌ڕێ په‌رله‌مانی ب ئه‌ڤرۆ نیۆز راگه‌هاند” دكتۆر ڤالا فه‌رید ئه‌نداما لیژنا ڤه‌كۆلینێ ل شه‌ڕێ ناڤبه‌را په‌رله‌مانتاران ڤه‌كێشایه و ئه‌گه‌رێ ڤه‌كێشانا خوه‌ژی بۆ تۆماركرنا سكالایێ ژلایێ عه‌لی حه‌مه سالح په‌رله‌مانتارێ گۆڕان ڤه‌گه‌ڕاند.
گۆرانی گۆتژی” ئه‌م وه‌ك لیژنه به‌رده‌وامین د ڤه‌كۆلینێ و مه ئاخفتنێن عه‌لی حه‌مه سالح وه‌رگرتینه، به‌لێ هه‌ردو په‌رله‌مانتارێن پارتی نازم كه‌بیر و مه‌ردان خدر د به‌رهه‌ڤنینه بهێنه هه‌مبه‌ر لیژنێ و دبێژن ئاریشه چوویه دادگه‌هێ.
ئەڤرۆ نیوز،زنار وڤی:
ژێدەرێن نووچەیێن عێراقی دانە زانین کو ئەڤرۆ 31.3.2015 هێزێن سوپایێ عێراقێ و پولیسێن فیدرالی پشتی روو ب روو بونەکا دژوار دگەل تیرورستێن داعش شیان بچنە دناڤا باژێرێ تکریت دا،دڤێ روو ب روو بونێ دا هێزێن عێراقی شیاینە تاخێن ئەربەعین و زهور و ئاڤاهیێ قائمقامیا تکریتێ و هەروەسا فەرمانگەها ساخلەمیێ بێخنە بن کونترولا خوە و زیانێن مەزن گەهاندینە تیرورستێن داعش.
هه‌ڤده‌م حه‌یده‌ر عه‌بادى سه‌رۆك وه‌زیرێن عیراقێ وه‌كو مزگینیه‌ك راگه‌هاند كو هێزێن ئێمناهیێ یێن عیراقێ ب هه‌ڤكاریا فرۆكێن هه‌ڤپه‌یمانان چووینه ناڤه‌ندا تكریت و ئاڤاهیێن حكومى كونترلكرینه.
ئه‌ڤرۆ نیوز:
رێكخه‌رێ گشتى یێ بزاڤا گۆڕان نەوشیروان مستەفا راگه‌هاند: پرسا پوستێ سه‌رۆكێ هه‌رێمێ و دستوورێ هه‌رێما كوردستانێ، دڤێت ل ده‌ستپێكێ د ناڤبه‌را حزبێن كوردستانى دا رازیبوون ل سه‌ر بهێته كرن، پاشى بچیته په‌رله‌مانى.
پشتى كو ئه‌ڤرۆ شانده‌كێ بلندێ مه‌كته‌با سیاسى یا پارتى دیموكراتى كوردستان، سه‌ره‌دانا نه‌وشیروان مسته‌فا رێكخه‌رێ گشتى یێ بزاڤا گۆران كرى، دداخویانیه‌كا رۆژنامه‌ڤانى دا، نه‌وشیروان مسته‌فا راگه‌هاند: مه سه‌باره‌ت پرسا دستوورى و پۆستێ سه‌رۆكێ هه‌رێما كوردستانێ، حزب دانوستاندن یێن ل سه‌ر كرى، به‌لێ نه‌گه‌هشتینه بوچوونه‌كا هه‌ڤپشك، له‌وما دڤێت ئه‌ڤ دو پرسه د ناڤبه‌را حزبان دا بهێته ئێكلاكرن، پاشى بچیته په‌رله‌مانى.
ئه‌ڤرۆ نیوز:
سەفین دزەیی په‌یڤدارێ حوكمه‌تا هه‌رێما كوردستانێ بۆ مالپه‌رێ فه‌رمى یێ حوكمه‌تێ راگه‌هاند ل دووڤ قانوونێن په‌رله‌مانێ كوردستانێ كو سه‌باره‌ت رێكخستنا بهێنڤه‌دانێن فه‌رمى ده‌رێخستى یه، د هه‌یڤا 4 دا، رۆژا 9 نیسانێ ب هه‌لكه‌فتا ژناڤچوونا رژێما به‌رێ و 15 نیسانێ ب هه‌لكه‌فتا جه‌ژنا چوارشه‌مباسوور یا برایێن ئێزدى دێ بیته بهێنڤه‌دان.
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ سپێدێ 31\3\2015 په‌رله‌مانێ كوردستانێ روونشتنه‌كا دى يا خوه يا ئاسايى ژ خولا چارێ وه‌رزێ بهايێ گرێدا و تێدا بڕيار بوو به‌رده‌وامێ بده‌ته دانوستاندنێ ل سه‌ر پرۆژێ سندوقا داهاتێن هه‌رێمێ و خواندنا ئێکێ بۆ پرۆژێ پارێزگه‌هبوونا قەزا کۆیە یە بكه‌ت و باوه‌ريێ ژى بده‌ته وه‌زيره‌كێ نوو يێ حوكمه‌تا هه‌رێمێ.
نازم كه‌بير هه‌ركى، ئه‌ندامێ لژنا قانوونى و فراكسيۆنا پارتى ديموكراتى كوردستان ل په‌رله‌مانێ كوردستانێ بۆ ئه‌ڤرۆ نيوز گۆت: “ئه‌ڤرۆ ب تنێ گه‌نگه‌شه ل سه‌ر پرۆژێ سندوقا داهاتێن هه‌رێمێ هاته كرن و چه‌ند ماده‌ك ژێ هاتنه په‌سه‌ندكرن.”.
ئه‌ندامێ لژنا قانوونى زێده‌تر گۆت: “روونشتنا په‌رله‌مانى بۆ سوبه‌هى هاته پاشخستن بێى كو قانوون ب ته‌مامى بهێته په‌سه‌ند كرن و خواندن بۆ پرۆژێ قانوونا پارێزگه‌هبوونا كۆيه و باوه‌رى دان ب وه‌زيرێ هه‌رێمێ نه‌هاته دان كو ژ بڕگێن دويێ و سيێ يێن كارێ په‌رله‌مانى بوون”.
ئه‌ڤرۆ نيوز، نيوار محه‌مه‌د سه‌ليم:
ئه‌و لژنا بۆ ڤه‌كۆلينێ د روودانا په‌رله‌مانى دا هاتيه پێكئينان نه‌يا قانوونيه و ئه‌ندام په‌رله‌مانتارێن پارتى نه د ئاماده‌نه بچنه به‌ر سينگێ لژنێ و سه‌رۆكێ په‌رله‌مانى ژى وه‌كو ئه‌ندامه‌كێ گۆڕان سه‌ره‌ده‌ريێ ل گه‌ل ڤێ روودانێ دكه‌ت.
مه‌ردان خدر، ئه‌ندامێ په‌رله‌مانێ كوردستانێ ژ فراكسيۆنا پارتى ديموكراتى كوردستان، بۆ ئه‌ڤرۆ نيوز گۆت: “سكرتێرێ په‌رله‌مانێ كوردستانێ په‌يوه‌ندى ب مه كريه دا كو بچينه به‌ر سينگێ لژنا ڤه‌كۆلينێ، به‌لێ ئه‌م د ئاماده نينين بچينه به‌ر وێ لژنێ چونكو نه‌يا قانوونى يه”.
زێده‌تر گۆت: “سه‌رۆكێ په‌رله‌مانى ب ره‌نگه‌كێ حزبانه هزر دكر و وه‌كو ئه‌ندامه‌كێ گۆڕان سه‌ره‌ده‌ريێ دكه‌ت و تووشى وێ خه‌له‌تيێ بوويه، ئه‌و لژنه ب گۆره‌يى ماددێ 17 ژ په‌يره‌وێ ناڤخۆ هاتيه پێكئينان ئه‌و مادده ژى يێ تايبه‌ته ب ده‌سته‌لاتێن سه‌رۆكێ په‌رله‌مانى و د ناڤ ڤى مادده‌يى دا نه‌هاتيه كو سه‌رۆكێ په‌رله‌مانى دشێت لژنا ڤه‌كۆلينى پێكبينيت و لێپرسينێ ل گه‌ل په‌رله‌مانتاران بكه‌ت.
دا زانين ژى كو ئه‌و نه‌يێ په‌شيمانه ل هه‌مبه‌ر ئه‌و كارێ وى كرى و گۆت: “هه‌ر ده‌ما عه‌لى حه‌مه سالح په‌شيمان بوو و داخوازا لێبۆرينێ ژ كوردستانيان و پارتى كر، وى ده‌مى ژى په‌شيمان نابم، به‌لێ دێ من گۆتنا خوه هه‌بيت”.
نه‌ڤه‌شارت ژى كو ل ده‌ف وان ره‌خنه‌گرتن ل ده‌سته‌لاتێ تشته‌كێ ئاسايى يه، به‌لێ به‌رامبه‌ر سه‌رۆك بارزانى هێلا سۆره و قه‌بوول ناكه‌ن، نه سه‌رۆكێ هه‌رێمێ و نه‌ژى پارتى نه‌خواستيه ده‌مێ سه‌رۆكاتيا بارزانى بهێته زێده‌كرن.
پشتى ل رۆژا 25ى ئادارا 2015ێ به‌رى ده‌سپێكرنا روونشتنا په‌رله‌مانى يا ئاسايى، ژ ئه‌نجامێ وێ چه‌ندێ كو عه‌لى حه‌مه سالح به‌حسێ درێژكرنا ماوێ سه‌رۆكاتيا مه‌سعود بارزانى كر بوو، هه‌ردو په‌رله‌مانتارێن پارتى نازم كه‌بير هه‌ركى و مه‌ردان خدر هێرش كره سه‌ر.
نيشاندان