ئه‌ڤرۆ نيوز:
تۆڕا ميديايى يا CNN ڤيديۆيه‌ك به‌لاڤكريه كو تێدا هێزێن پێشمه‌رگێ كوردستانێ ل سه‌ر ده‌ستێ راهێنه‌رێن هێزێن هه‌ڤپه‌يمانان دهێنه مه‌شقكرن بۆ رووى ب روويبوونا چه‌كدارێن تيرۆرستێن داعش.
نووترين نووچه
- سەرۆكێ حوكمەتێ و قونسلێ فلستینێ دووماهی پێشهاتێن رەوشا غەزە گەنگەشەكرن
- د. خەلیل غازی: داهاتێ دەزگەهێن حوكمەتا ئیراقێ بۆ گەنجینەیا وەلاتی ناچن
- هەكە دۆزێن مللەتان د هندەك ویستگەهاندا تووشی راوەستییانێ ژی ببن، چو جاران ب دووماهی ناهێن
- مەسرور بارزانی و پاتریاركێ كەنیسەیا ئاشۆرییا رۆژهەلاتی دوپاتیێ ل پێشڤەبرنا كەلتوورێ پێکڤەژیانێ دكەن
- پارتی ل گەل ئێك لیستییێ یە ل دەڤەرێن كوردستانی یێن ل دەرڤەی ئیدارەیا هەرێمێ
- لەیلا قاسم نموونەیا قەهرەمانییا كچا كوردە و سیمبۆلا ئازادیخوازیێیە
- نێچیرڤان بارزانی: پێشوازیێ ل خوە هەلوەشاندنێ و چەكدانانا پەكەكێ دكەین
- نێچیرڤان بارزانی و مەسرور بارزانی پیرۆزباهیێ ل بنگەهێ لالشێ دكەن
- مەسرور بارزانی: پشتەڤانییا حوكمەتێ بۆ ب هێزكرنا ژێرخانەیا ئابۆری دێ بەردەوام بیت
- بنگەهێ لالش خزمەتەكا بەرچاڤ یا جڤاكێ ئێزدیاتیێ كریە
سهرهكى نوچێن گرنگ
پێشمه‌رگه‌يى دو ئه‌ميرێن داعش كوشتن
ئه‌ڤرۆ نيوز:
شه‌ڤا بۆرى چه‌كدارێن داعش ژ چار لايان ڤه هێرش كره سه‌ر پێشمه‌رگه‌يى و د وێ هێرشێ دا دو ئه‌ميرێن داعش و چه‌ندين چه‌كدار كوشتن.
فه‌رماندێ ليوا هه‌شت يا پێشمه‌رگێ كوردستانێ بۆ ئه‌ڤرۆ نيوز گۆت: “شڤدى چه‌كدارێن داعش هێرش كره سه‌ر پێشمه‌رگێ كوردستانێ و هێزێن پێشمه‌رگه‌يى ب پشته‌ڤانيا فرۆكێن شه‌رى يێن هه‌ڤپه‌يمانان ئه‌و هێرش تێكشكاند”.
عه‌ميد هاشم سيته‌يى زێده‌تر گۆت: “ئه‌بۆ عۆمه‌ر و ئه‌بۆ يه‌عقوب كو دو ده‌ميرێن داعش بوون؛ ئێك به‌رپرسێ هێزێن تايبه‌تێن داعش بوو هاتنه كوشتن ل گه‌ل 30 چه‌كدارێن دى و ته‌رمێن هنده‌ك ژ وان چه‌كداران كه‌فتيه ده‌ستێ پێشمه‌رگه‌يى، بێى كو پێشمه‌رگه‌يى چو زيان هه‌بن”.
داعش گه‌فێن كوشتنا 150 گرتيێن مه‌سيحى دكه‌ت
ئه‌ڤرۆ نيوز:
داعش د گرته‌يه‌كا ڤيديۆيێ دا گه‌ف ل باراك ئۆباما يێ سه‌رۆك كۆمارێ ئه‌مريكا كرينه كو هه‌كه هێرشێن ئه‌سمانى بۆ سه‌ر چه‌كدارێن داعش رانه‌وه‌ستينن، ئه‌و دێ وان 150 ئێخسيرێن ئاشوورى يێن ل سوريا ره‌ڤانديێن كوژن.
ئێن ئار تى ژ زارێ رۆژناما ده‌يلى مه‌يل يا بريتانى راگه‌هانديه كو هێرشێن ئه‌سمانى يێن هێزێن هه‌پڤه‌يمانان زيانێن مه‌زن گه‌هاندينه داعش ژ به‌ر هندێ ژى گه‌فێن كوشتنا وان 150 ئێخسيرێن مه‌سيحى يێن ل سوريا دكه‌ت.
ئه‌و 150 كه‌سێن مه‌سيحى يێن ده‌سته‌سه‌ركرى ژن و زارۆ و كه‌سانێن ب ناڤ سال ڤه چوويى نه و ل نێزيك تل ته‌مه‌ر يا كانتۆنا جزيرێ ل رۆژئاڤايێ كوردستانێ ره‌ڤاندينه.
ئۆسامه ئيدوارد سه‌رۆكێ تۆڕا مافێن مرۆڤى يێ مه‌سيحيان گۆت: “داعش ئه‌و گرتى ڤه‌گوهاستينه ده‌ڤه‌ره‌كا بن ده‌ستێ خوه”.
ئاماژه ب وێ چه‌ندێ ژى كريه كو داعش هێرش كريه سه‌ر 35 گۆندێن مه‌سيحى و هه‌موو وێران كرينه و 150 كه‌س ژى كو وه‌لاتيێن وان گوندانن ره‌ڤانيدينه و زێده‌ترى پێنج هزار كه‌سان ژى ره‌ڤينه.
تل ته‌مه‌ر دكه‌ڤيته ده‌ڤه‌رێن باكوورێ رۆژهه‌لاتێ باژێرێ حه‌سه‌كه و باشوورێ رۆژئاڤايێ گرێ سپى كو ل ژێر كۆنترۆلا چه‌كدارێن داعش دايه.
سوبه په‌رله‌مان و جڤاتا نه‌فت و غازێ دێ كۆم بيت
ئەڤرۆ نیۆز، قائید میرۆ:
بڕیاردەرا لیژنا دارایی و ئابووریا پەرلەمانێ کوردستانێ ئاشکرا کر، سوبە دێ پەرلەمان و جڤاتا بلندا نەفت و غازێ ل ھەرێما کوردستانێ کۆم بن و بھایێ پانزینێ و قەیرانا دارایی دێ مژارێن سەرەکیێن کۆمبوونێ بن.
ھیڤا حاجی میرخان، بڕیاردەرا لیژنا دارایی و ئابووریا پەرلەمانێ کوردستانێ ب مالپەڕێ ئەڤرۆ نیۆز راگەھاند: بڕیارە سوبە رۆژا ئێکشەمبی پەرلەمان د گەل جڤاتا بلندا نەفت و غازا ھەرێمێ کۆمببیت.
ھیڤا میرخان خویاژیکر، د کۆمبوونێ دا دێ دانوستان ل دۆر ئەرزانکرنا بھایێ پانزینێ و قەیرانا دارایی یا ھەرێمێ و دانوستانێن د ناڤبەرا ھەولێر و بەغدا ھێنەکرن.
CIA: به‌رژه‌وه‌نديێن ئه‌مريكا ل سه‌رتاسه‌رى جيهانێ د مه‌ترسيێ دانه
ئه‌ڤرۆ نيوز:
ده‌زگه‌هێ هه‌والگه‌ريا ئه‌مريكا د راپۆرتا خوه يا سالانه دا ئاشكه‌راكر كو به‌رژه‌وه‌نديێن ئه‌مريكا ل سه‌رتاسه‌رى جيهانێ ل به‌رده‌م گه‌فان دايه.
د چارچۆڤێ پشكداريكرن د كۆمبوونا لژنا هێزێن چه‌كدار يا جڤاتا پيرێن ئه‌مريكا، هه‌ر ئێك ژ جه‌يمز كلاپه‌ر، سه‌رۆكێ ئاژانسا هه‌والگه‌رى يا نشتيمانى يا ئه‌مريكا و ژه‌نرال وينسنت ستۆرات سه‌رۆكێ ئاژانسا هه‌والگه‌ريا به‌ره‌ڤانيا ئه‌مريكا راپۆرتێن خوه ل دۆر ئاسايشا جيهانێ پێشكێشى لژنێ كرن.
ئاماژه ب وێ چه‌ندێ ژى كر كو به‌رژه‌وه‌نديێن ئه‌مريكا ل سه‌رتاسه‌رى جيهانێ د مه‌ترسيێ دانه؛ ژ لايه‌كى ڤه هێرشێن ئه‌لكترۆنى و توندڕه‌ويى يێن داعش و تاوانێن رێكخراوان و گه‌فێن رۆسيا و چينێ ژى.
هه‌ر د ڤان راپۆرتان دا ئاماژه ب وێ چه‌ندێ ژى هاتيه كرن كو به‌رپرسێن هه‌والگه‌ريا ئه‌مريكا سالا 2014 ب خويناويترين سال د ماوێ 45 سالێن بۆرى دا وه‌سفكريه ژ ئه‌نجامێ هێرشێن تيرۆرستى بۆ سه‌ر ئه‌فغانستان و پاكستان و عيراقێ.
داعش ژ سێ لايان ڤه هێرش كره سه‌ر پێشمه‌رگه‌يى
ئەڤرۆ نیوز،بارزان مزووری:
بەرپرسێ ھێزا ئاگری ل میحوەرێ ناوەران، لوقمان شه‌ره‌فانی، بۆ ئەڤرو نیوز دیار کر کو ل شەڤا بوری دەمژمێر نه‌هى شه‌ڤ چەکدارێن تیرورستێن داعش ژ سێ لایان ڤە ھێرشەکا بەرفره‌هـ کرە سەر پێشمەرگەیێن میحوەرێ ناوەران ماوێ 40 خولەکا ھێرش یا بەردەوام بوو، پێشمەرگەی ب چەکێ گران بەرسڤا ھێرشا وان دا و هێرشا وان ژ ھەرسێ لایان ڤە ھاتە تێک شکاندن.
ەرپرسێ ھێزا ئاگری ل میحوەرێ ناوەران دیار کر کو ل دووڤ زانیاریێن دەست پێکى حەفت تەرمێن خوه ل جھێ ھێرشێ دا ھێلاینە و دو ترۆمبێلێن وان ھەمەرەک و پیکئابەک د دەست پێکا ھێرشێ دا ژ لایێ پێشمەرگەی ڤە ھاتنە سوتن.
لوقمان شه‌ره‌فانی ئاماژه ب وێ چه‌ندێ ژى کر کو داعش ھێزەکا مەزن د ڤێ ھێرشێ دا بکار ئینابوو، به‌لێ نەشیان خوه ل بەر ھێزا پێشمەرگەی بگرن و گۆت: “گەلەک ژ وان چەکدارێن ب پیا ھێرش کريە سەر پێشمەرگەی خوه‌کوژ بوون، پێشمەرگەی ئەو دەرفەت ب وان نە دا کو خوه ب پەقینن ژ لایێ پێشمەرگەيی ڤە ھاتنه کوشتن، دەمێ ھێرشا وان شکەستی وان ب خوه ب دەنگەکێ بلند گازی ھەڤالێن خوه دکر دان ب شکەستنا خوه دکر”.
گۆتژى: “شڤێدی پشتی شکەستنێ هەتا ڤێ سپێدێ داعش ھەول دان بھێن تەرمێن خوه دەرباز کەن، لێ نەشیان خوه نێزیکى تەرمێن خوه بکەن”.
له‌شكرى به‌لچيكى ئه‌ڤرۆ دێ گه‌هيته عيراقێ
ئه‌ڤرۆ نيوز:
حوكمه‌تا به‌لچيكا راگه‌هاند كو 35 له‌شكرێن به‌لچيكىى دێ ل عيراقێ به‌ربه‌لاڤ بن هه‌ر ژ رۆژا شه‌مبى دا پشكداريێ د مه‌شقكرنا له‌شكرێ عيراقێ دا بكه‌ن د چارچۆڤێ هه‌ڤپه‌يمانيا نێڤده‌وله‌تى دژى رێكخستيا داعش.
د به‌ياننامه‌كێ دا ئاشكه‌را ژى كر كو ئه‌ڤ 35 له‌شكره دێ ئه‌ڤرۆ رۆژا شه‌مبى گه‌هنه عيراقێ و دێبۆ ماوێ شه‌ش هه‌يڤان ل به‌غدا ل جهه‌كێ ئه‌مين بن.
ئاخفتنكه‌رێ ب ناڤێ وه‌زاره‌تا به‌ره‌ڤانيا به‌لجيكا، ستيڤن فانديبۆت، گۆت: “له‌شكرێ به‌لچيكى پشكدارى شه‌رى ل سه‌ر ئه‌ردى ناكه‌ت و ب تنێ دێ كارێن مه‌شقكرنێ كه‌ت”.
ل هه‌يڤا 10 يا سالا بۆرى به‌لچيكا چوويه ناڤ هه‌ڤپه‌يمانيا نێڤده‌وله‌تى ئه‌وا وه‌لاتێ ئه‌مريكا سه‌رپه‌رشتيا وێ دكه‌ت و نوكه شه‌ش فرۆكێن شه‌ركه‌رێن به‌لچيكا ژ جۆرێ F16 و 120 شه‌رى دژى رێكخستيا داعش دكه‌ن.
ئسرائيلێ په‌ترۆلا كوردستانێ كرى
ئه‌ڤرۆ نيوز:
رويترز راگه‌هاند كو ئه‌و كه‌شتيا په‌ترۆلا هه‌رێما كوردستانێ هه‌لگرتى ل كه‌نارێن ئه‌مريكا مايى، ئسرائيل كرى.
ئاژانسێ ئه‌و چه‌ند ژى ئاشكه‌را كريه كو په‌ترۆلا هه‌رێما كوردستانێ ئه‌ڤرۆ رۆژا ئه‌ينى ل به‌نده‌را عه‌سقه‌لان يا ئسرائيل ڤالا كرى، د ده‌مه‌كى دا كو ئه‌ڤ گه‌شتيه ژ 22ى هه‌يڤێ وه‌ره، ژ هه‌يڤێن ده‌ستكرد و چاڤدێريێ ديار نه‌مايه.
ب گۆره‌يى پێزانينان په‌ترۆلا هه‌رێما كوردستانێ ئێك مليۆن به‌رميلێن په‌ترۆلێ تێدا بوون، به‌رى نوكه ژ ئه‌گه‌رێ داخوازيه‌كا عيراقى ل ويلايه‌تا تكساس يا ئه‌مريكا كێشه بۆ دروست ببوو.
به‌رى نوكه ژى چه‌ند ژێده‌رێن ده‌نگوباسان ئاشكه‌را كربوو كو په‌ترۆلا هه‌رێما كوردستانێ ژ توركيا دچيته ئسرائيل و پاش ڤالاكرنێ ل به‌نده‌رێ عه‌سقه‌لان د رێيا هێلا بۆڕيا 240 كيلۆمه‌ترى دچيته به‌نده‌را عيلات ل ده‌ريا سۆر، به‌لێ ژێده‌رێن پێزانينان ل هه‌رێما كوردستانێ راگه‌هاند كو ئه‌و په‌ترۆلێ ب كۆمپانيێن بكرێن په‌ترۆلێ دفرۆشن و ئه‌و ژى د ئازادن بۆ كيرێ ڤه‌گوهێزن.
ئه‌مريكا هێزه‌كا مه‌زن بۆ ژناڤبرنا داعش ئاماده دكه‌ت
ئه‌ڤرۆ نيوز:
ژێده‌رێن ده‌نگوباسان ل واشنتۆن به‌لاڤ دكه‌ن كو نوكه ئه‌مريكا هێزه‌كا نێڤده‌وله‌تى يا له‌شكرى كو ژ 30 هزار له‌شكرى پێك دهێت بۆ رووى ب روويبوونا داعش ل سوريا و عيراقێ پێكدئينيت.
ب گۆره‌يى پێزانينان ئه‌ڤ هێزا 30 هزار كه‌سى ژ له‌شرێ توركيا و سعودى و ئوردن و مسر و عيراق و هێزێن ئورۆپى و كه‌نه‌دا و ئوستراليا و ئه‌مريكا پێك دهێت، جۆن ئالن سه‌رپه‌رشتێ هێزێن هه‌ڤپه‌يمانان بۆ شه‌رێ دژى داعش ئه‌ڤ گۆتنه پشت راست كرن.
ئارمانجا هێزێن
ئامانجی هێزە نێودەوڵەتییەكە بریتی دەبێت لە ئەنجامدانی هێرشێكی وشكانی بۆ سەر چەكدارانی داعش لە ڕۆژئاوا و باكوری عێراق و هەروەها ڕۆژهەڵات و باكوری سووریا.
جەنەراڵێكی دیكەی ئەمەریكی رایگەیاندووە كە ئەو هێزە بۆ لەناوبردنی یەكجارەكیی داعشە و ئاماژەی بەوەش كردووە كە بەهۆی چەكدارانی داعشەوە سەقامگیریی عێراق بە تەواوی كەتۆتە مەترسییەوە و هیچ ئۆمێدێك نییە كە هێزە عێراقییەكان بتوانن بەرەنگاری ئەو گروپە توندڕەوە ببنەوە.
پارتا ده‌سته‌لاتدارا ئه‌لمانيا يا رازى نينه PKK ژ ليستا تيرۆرێ بهێته ده‌ر
ئه‌ڤرۆ نيوز:
پارتا چه‌پا ئه‌لمانيا داخوازا ده‌رخستنا ناڤێ په‌كه‌كێ ژ ليستا تيرۆرێ د ليستا قه‌ده‌غه‌كرى يا وه‌لاتێ خوه دكه‌ت، به‌لێ پارتا ده‌سته‌لاتدار ره‌ت دكه‌ت.
ئه‌ڤ كێشه ژى ره‌وانه‌يى كۆمسيۆنا په‌رله‌مانى هاتيه كرن دا كو ڤه‌كۆلين ل سه‌ر بهێنه كرن وه‌كو داخوازيا پارتا چه‌پا ئه‌لمانيا.
ب بۆچوونا وێ پارتێ نوكه په‌كه‌كه دژى چه‌كدارێن داعش شه‌رى دكه‌ت كو چه‌كدارێن داعش مه‌ترسى نه بۆ سه‌ر ئاسايشا ئه‌لمانيا و رێبه‌رێ وێ ژى عه‌بدولا ئوجه‌لان رۆله‌كێ به‌رچاڤ د پرۆسا ئاشتيێ دا ل وه‌لاتێ توركيا يێ هه‌يى.
به‌لێ ب به‌هانه‌يا به‌رژه‌وه‌نديێن گرنگێن وه‌لاتێ توركيا ل گه‌ل وه‌لاتێ ئه‌لمانيا پارتا ده‌سته‌لاتدار ڤێ چه‌ندێ ره‌ت دكه‌ت و ئاماژێ ب وێ چه‌ندێ ژى دكه‌ت كو ئه‌ڤه پرسه‌كا ناڤخۆ يا وه‌لاتێ توركيا يه.
نيشاندان
WP Facebook Auto Publish Powered By : XYZScripts.com