ئه‌ڤرۆ نیۆز، قائید میرۆ
فه‌رمانده‌یه‌كێ پێشمه‌رگه‌ی ئاماژه‌ ب وێ چه‌ندێ دكه‌ت، ژبه‌ر شكه‌ستنێن داعش ل میحوه‌رێن پێشمه‌رگه‌ی، چه‌كدارێن داعش زنجیره‌كا ئێرشان ده‌سپێكریه‌.
عه‌مید به‌هرام عه‌ریف یاسین، بۆ ئه‌ڤرۆ نیۆز گۆت: راسته‌ ل رۆژێن بۆری چه‌كدارێن داعش زنجیره‌كا ئێرشا كره‌ سه‌ر چه‌په‌رێن به‌ڕه‌ڤانیێ یێن هێزێن پێشمه‌رگه‌، به‌لێ ئه‌نجامدانا ڤان ئێرشان بۆ شكه‌ستا گروپا داعش ڤه‌دگه‌ڕیت بۆ رۆژێن بۆری.
عه‌مید به‌هرامی گۆت ژی: داعش چو جارا نه‌شێت وه‌كی به‌رێ پێشڤه‌ بهێت و خاكا كوردستانێ داگیربكه‌ت، ژبه‌ركو هێزێن پێشمه‌رگه‌ی چه‌په‌رێن خوه‌ توندكرینه‌ و داعش ئه‌و هێز نینه‌ پێشمه‌رگه‌ی بشكێنیت، هه‌روه‌سا كورد پاریه‌كێ نانی نینه‌ كو گروپه‌كا وه‌كیا داعش بساناهی داعیریت.

ئه‌ڤرۆ نیوز، ره‌وان نهێلى
رێڤه‌به‌رێ كونترۆلا وه‌زاره‌تا كاره‌با حكومه‌تا هه‌رێما كوردستانێ راگه‌هناد كو ژ وان 4 ویسگه‌هێن به‌رهه‌مئینانا كاره‌با ژ كار كه‌فتى، ئه‌ڤرۆ دو ژ وان كه‌تنه‌ كار و سوته‌مه‌نى ژ ئالیێ وه‌زاره‌تا سامانێن سروشتى ڤه‌ بۆ هاته‌ دابینكرن.
ئومێد ئه‌حمه‌د رێڤه‌به‌رێ كونترۆلا كاره‌با هه‌رێما كوردستانێ بۆ ئه‌ڤرۆ نیوز گۆت: پشتى مه‌ بزاڤ كرى ل گه‌ل وه‌زاره‌تا سامانێن سروشتى كو دابینكرنا گازوایلێ بۆ 4 ویستگه‌هێن كاره‌بێ ل سلێمانیێ و هه‌ولێرێ، ئه‌ڤرۆ دو ویستگه‌ه گازوایل بۆ هاته‌ دابینكرن و كه‌تنه‌ كارى و ب ڤێ چه‌ندێ 250 میگاواتێن دى یێن كاره‌بێ بۆ كاره‌با نیشتمانى زێده‌ بوون”.
ئومێد ئه‌حمه‌د دیاركر كو ئه‌و ب ئومێدن كو دو ویسیتگه‌هێن مایى ژى بكه‌ڤته‌ كار دا ره‌وشا كاره‌با نیشتمانى باشتر لێ بهێت.
ئومێد محه‌مه‌د دیاركر كو ئه‌و چوار ویستگه‌هێن ژ كاركه‌فتى، ئێك ل سلێمانیێ بوو، یێن دى ژى ل هه‌ولێرێ نه‌.

ئه‌ڤرۆ نیوز، ڤه‌ده‌ر سوبحى

داعش ڤیدیویه‌ك به‌لاڤ كربوو كو تێدا سنێله‌ك دو كه‌سان ل سوریا دكوژیت كو لدووڤ گوتنا داعش سیخوری بۆ رووسیا كربوون.
ئه‌و چه‌كدارێ داعش یێ دڤیدیوێ ده‌ركه‌فتى، ئانكو ئه‌وى ل گه‌ل زارۆى، لدووڤ ئه‌كاونته‌كا داعش لسه‌ر تورا تویته‌ری ئه‌ڤرۆ ل كوبانێ هاتیه‌ كوشتن .
ئه‌كاونته‌كا داعش ب ناڤێ سه‌عید عه‌قیدی راگه‌هاندیه‌ كو ئه‌بو سه‌عد ئه‌لداغستانی چه‌كدارێ داعش یئ كو چاڤدێریا سێداره‌دانا دو سیخورێن رووسی كری ل كوبانێ ژ ‌ئالیێ هێزێن كوردی ڤه‌ هاتیه‌ كوشتن.

ئه‌ڤرۆ نیۆز، قائید میرۆ
وه‌زاره‌تا پێشمه‌رگه‌ی لیژنه‌یه‌ك بۆ ڤه‌كۆلینێ ل دۆر شه‌هید و برینداربوونا وان پێشمه‌رگه‌یان پێك ئینا یێن ب ئه‌گه‌رێ كلیپێن سترانبێژا بووینه‌ قوربانی.
ژێده‌ره‌كی ل وه‌زاره‌تا پێشمه‌رگه‌ى یا حوكمه‌تا هه‌رێما كوردستانێ بۆ ئه‌ڤرۆ نیۆز دیاركر، كو وه‌زاره‌تێ لیژنه‌یه‌كا ڤه‌كۆلینێ ل دۆر شه‌هید و برینداربوونا هژماره‌ك پێشمه‌رگه‌یان دده‌مێ تۆماركرن و كلیپكرنا سترانێن سترانبێژان پێكئینایه‌ و بڕیاره‌ ڤه‌كۆلینێن هویر ل دۆر ڤێ پرسێ بهێنه‌كرن.
ژێده‌ری گۆتژی” بشێوه‌یه‌كی فه‌رمی وه‌زاره‌ت ئاگه‌هدار وێ چه‌ندێ نینه‌ كو چو پێشمه‌رگه‌یه‌ك، دده‌مێ كلیپكرنا سترانان شه‌هید و بریندارببن، به‌لێ ئه‌گه‌ر روویدانێن بڤی شێوه‌ی روویدابن دێ پێڕابوونێن قانوونی هێنه‌كرن.
به‌ری چه‌ند رۆژان زانا عه‌بدولڕه‌حمان ئه‌ندامێ لیژنا ره‌وشنبیری و راگه‌یاندنا په‌رله‌مانێ كوردستانێ به‌لافكربوو، هژماره‌ك پێشمه‌رگه‌ ب ئه‌گه‌رێ كلیپێن سترانبێژا شه‌هید و برینداربووینه‌.

ئه‌ڤرۆ نیوز ، بارزان سلێمان مزوورى
ژێده‌ره‌ك ژ هێزێن پێشمه‌رگه‌ى ل میحوه‌رێ ناوه‌ران بۆ ئه‌ڤرۆ نیۆز دیار كر كۆ ئه‌ڤرۆ سپێدێ چار ژ چه‌كدارێن تیرورستێن داعش هه‌ر چار ژوان ستێركڤانێن قه‌ناص بوون خو دناڤا خانیه‌كێ دا ل گوندێ باریمه‌ سه‌ر ب ناحیا باشیك ڤه‌ به‌رامبه‌ر هێزێن پێشمه‌رگه‌یێن ناوه‌ران ڤه‌شارت بوو و دناڤ خانیدا گوله‌یێن قه‌ناصێ ب پێشمه‌رگه‌ى وه‌ردگرن و گۆت:
هێزێن پێشمه‌رگه‌ى په‌یوه‌ندى ب فروكه‌یێن جه‌نگى كر ئه‌و خانى هاته‌ بوردومانكرن هه‌ر چار ژ وان ستێركێن قه‌ناصێ كوشتن.