ئه‌ڤرۆ نيوز، له‌زگین جۆقی:

به‌رپرسی راگه‌هاندنا لقێ 14 يێ پارتی دیموكراتی كوردستان سه‌عید مه‌موزینی بۆ ئه‌ڤرۆ نيوز دیاركر كو ئه‌ڤرۆ سپێدی 13/10/2014 چه‌كدارێن داعش ل پارێزگه‌ها مووسل ده‌ست ب گرتنا پولیسان كر د ئه‌نجام دا 40 پولیس ده‌سته‌سه‌ركرن و به‌ره‌ڤ جهه‌كێ‌ نه‌دیار برن.

سه‌عید مه‌موزینی ئه‌وژی خویاكركو  ئه‌ڤ پوليسێن هاتینه‌ ده‌سته‌سه‌ركرن ژ لایی چه‌كدارێن داعش ڤه‌ نه‌شیابوون خوه‌ قورتال بكه‌ن مابوونه‌ ل مووسل وداعش ئه‌و پشت راستكربوون كو چو ل وان ناكه‌ت، لێ‌ ئه‌ڤرۆ سپێدی ده‌ست ب گرتنا پولیسان هاته‌ كرن 40 ژ وان ده‌سته‌سه‌ركرن.

مه‌موزینی ئاشكرا كركو هه‌ر ئه‌ڤرۆ سپێدێ 13/10 ل تاخی زيراعه‌ ل مووسل پینچ چه‌كدارێن داعش هاتنه‌ كوشتن و خه‌لك ل مووسل ب هه‌موو شیوه‌یان نه‌ ئارامیا خوه‌ ژ چه‌كدارین داعش دبینن چونكو داعش یا هه‌موو كارین هوڤانه‌ به‌رامبه‌ر وه‌لاتین مووسل ئه‌نجام ده‌ت و حه‌فت كه‌س ل سه‌ربازگه‌ها خزلانیه‌ سیداره‌دان.

ئه‌ڤرۆ نيوز:

كۆمبوونا هه‌ر پێنج لايه‌نێن سياسى يێن كوردستانى ژ بوو ده‌ستنيشانكرنا وه‌زير و شاندێ دانوستاندنكارێ دێ چيته‌ به‌غدا ل باره‌گايێ يه‌كگرتوو ل هه‌ولێر ده‌سپێكر.

د ڤێ كۆمبوونێ دا، سه‌ره‌راى پشكداريكرنا شاندێن هه‌ر پێنج لايه‌نێن سياسى يێن كوردستانى، هه‌ر ئێك ژ نێچيرڤان بارزانى وه‌كو سه‌رۆكێ حوكمه‌تا هه‌رێما كوردستانێ و نيكولاى ميلادينۆڤ نوونه‌رێ سكرتێرێ گشتى يێ نه‌ته‌وێن ئێكگرتى ل عيراقێ د پشكدارن.

شاندى پارتى يێ پێكهاتيه‌ ژ فازل ميرانى، د. رۆژ نورى شاويس و هشيار زێبارى و گۆڕان ژى جه‌لال جه‌هوه‌ر و عومه‌ر سه‌يد عه‌لى، عومه‌ر فه‌تاح و مه‌لا به‌ختيار و يه‌كگرتوو و كۆمه‌لێ ژى ب ئه‌ميرێ خوه‌ عه‌لى باپير و ئه‌ميندارێ خوه‌ محه‌مه‌د فه‌ره‌ج پشكداريا د كۆمبوونێ دا كريى.

ب گۆره‌ى ئه‌و پێزانينێن ب ده‌ست ئه‌ڤرۆ نيوز كه‌فتين دێ ته‌وه‌رێن سه‌ره‌كى يێن كۆمبوونێ ل دۆر هنارتنا وه‌زيرێن كورد بن بۆ به‌غدا كو نوكه‌ كێشه‌ د ناڤه‌برا هه‌ر ئێك گۆڕان و ئێكه‌تى دايه‌ ل دۆر پۆستێ وه‌زيرێ كۆچ و كۆچبه‌رانه‌ كو هه‌ر ئێك ژ وان دبێژيت دێ بۆ مه‌ بيت.

ديسا دێ ل دۆر ئێكلاكرنا پۆستێ پارێزگارێ سلێمانيێ ژى بيت دا كو د ناڤبه‌را ئێكه‌تى و گۆڕان دا بهێته‌ ئێكلاكرن.

هه‌ر ب گۆره‌ى ئه‌وان پێزانينێن ئه‌ڤرۆ نيوز ب ده‌ست خوه‌ ئێخستى پێدڤيه‌ د ڤێ حه‌فتيێ دا وه‌زيرێن هه‌رێمێ بچنه‌ به‌غدا ژ به‌ر كو ل ده‌سپێكا حه‌فتيا بهێت پێدڤيه‌ وه‌زيرێن حوكمه‌تا عيراقێ سوندا قانوونى بخوونن.

ناجی به‌ده‌ل

كوتله‌یا نه‌هزه‌یا مه‌زن ل جڤاتا پاریزگه‌ها نه‌ینه‌وا پرۆژێ قانوونه‌كێ يێ پێشكێشى جڤاتێ كرى ژ بوو ژ سه‌ر كارخستنا ئه‌سيل نۆجێفى وه‌كو پارێزگارێ مووسل.

ژێده‌ره‌كى ژ جڤاتا مووسل ب ئه‌ڤرۆ نیوز گۆت: “پرۆژێ قانوونه‌كێ ژ لایێ سه‌رۆكێ كوتله‌یا نه‌هزه‌یا مه‌زن بۆ جڤاتا پارێزگه‌ها نه‌ینه‌وا هاتيه‌ ره‌وانه‌ كرن ب مه‌ره‌ما راكرنا ئه‌سل نوجه‌یفی، به‌لێ هه‌تا نها ده‌نگێن پێدڤی ل گوریی قانوونێ ب ده‌ست ڤه‌ نه‌ئيناينه‌ و نه‌شیاینه‌ كۆم بكه‌ن”.

هه‌روه‌سا ئه‌وی ژێده‌ری دیار كر ژ به‌ر نه‌ ته‌مام بوونا رێژا قانوونى يا ده‌نگدانێ لایه‌نێ كوردی هێشتا چ بریار نه‌داینه‌ دڤی بیاڤی دا، به‌لێ ده‌ما پێدڤی بكه‌ت و ل گوری به‌رژه‌وه‌ندا گشتی دێ بریارا خوه‌ ب زه‌لالی ده‌ت.