ئەڤرۆ نیوز:
د ئەنجاما پەقینەکێ دا ل گوندێ تل حەلەف یێ سەر ب باژێرێ سەرێکانیێ ل رۆژئاڤایێ کوردستانێ ٨ کەسان جانێ خوە ژ دەست دان و ١٥ کەس ژی ب گرانی بریندار بوون.
ژێدەریێن میدیایی ل رۆژئاڤایێ کوردستانێ دیار کرن کو پرانیا کوشتی و برینداران چەکدارێن سەر ب تورکیا نە و هەتا نها ژی دیار نینە کو چ گرۆپەکێ ئەو پەقینە ئەنجام دایە.
ئه‌ڤرۆ نیوز:
لگۆری دوماهی ئامارێن توشبوویێن ڤایرۆسێ كورونایێ ل جیهانێ گه‌هشته 9 ملیۆن و 373 هزار و 424 كه‌سان.
ئه‌و ئامارێن هه‌تا ئه‌ڤی ده‌می ئه‌ڤرۆ هاتینه به‌لاڤكرن، ژمارا توشبوویێن كورونایێ ل جیهانێ گه‌هشتیه 9 ملیۆن و 373 هزار و 424 كه‌سان، ژ ئه‌ڤێ ژماره‌یێ ژی چار سه‌د و 80 هزار و 140 كه‌سان گیانێ خو ژ ده‌ست دایه.
ل سه‌ر ئاستێ وه‌لاتێن جیهانێ، ئه‌مریكا زۆر ترین رێژه‌یا توشبوونێ ب ڤایرۆسێ كورونایێ تێدا هاتیه توماركرن، گه‌هشتیه دو ملیۆن و 424 هزار و 492 كه‌سان ئه‌ڤێن گیانێ خو ژ ده‌ست داین ب ئه‌گه‌ری ڤایرۆسی ژی سه‌د و 23 هزار و 476 كه‌سن.
ئه‌ڤرۆ نیوز:
ب ئه‌گه‌رێ هێرشێن توركیا و ئیرانێ، عیراق دێ سكالایێ ل جڤاتا ئاسایشا نێڤ ده‌وله‌تی تورما كه‌ت.
عه‌بدلخالق عه‌زاوی ئه‌ندامێ لژنا ئاسایش و به‌ره‌ڤانیێ ل جڤاتا نوونه‌رێن عیراقێ راگه‌هاند عیراق دێ سكالایه‌كا فه‌رمی ئاراسته‌ی جڤاتا نوونه‌رێن ئاسایشا نێڤ ده‌وله‌تی كه‌ت دژی ئه‌وان ده‌ست درێژیێن دهێنه‌كرن بۆ سه‌ر ئاخا عیراقێ.
ناڤبری ئه‌و چه‌نده ژی دیاركر كۆ لژنا ئاسایش و به‌ره‌ڤانیێ ل جڤاتا نوونه‌رێن عیراقێ ب فه‌رمی داخاز ژ حكومه‌تێ كریه، هێزا ئاسمانی و سیسته‌مێ به‌ره‌ڤانیا ئاسمانی و راداران بهێز بكه‌ت بوی بهێزكرن و بلندكرنا شیانێن له‌شكه‌ری د به‌رهنگاربوونا هه‌ر ده‌ست درێژیه‌كێ دا، دو جارا وه‌زاره‌تا ده‌رڤه‌یا عیراقی بالیوزێ توركیا بانككریه و یاداشته‌كا نه‌رازیبوونا توند دایه ده‌ست، به‌لێ هێرش و بۆردومانكرنا توركیا هه‌را به‌رده‌وامه.
ئه‌ڤرۆ نیوز:
جێگرێ سه‌رۆكا په‌رله‌مانێ كوردستانێ راگه‌هاند چ رێگریێن یاسایی و سیاس نینن تاكو رینشتنا په‌رله‌مانێ كوردستانێ نه‌هێته‌كرن.
هێمن هه‌ورامی جێگرێ سه‌رۆكا په‌رله‌مانێ كوردستانێ راگه‌هاند ئه‌ڤرۆ سه‌رۆكاتیا په‌رله‌مانێ كوردستانی دێ كۆم بیت و چ رێگریێن یاسای و سیاسی نینن تاكو رینشتنێن په‌رله‌مانی نه‌هێنه‌كرن، به‌لكو ژماره‌یا یاسایی یا په‌رله‌مانتارن و لژنه یێن داخازیا رینشتنا په‌رله‌مانی كه‌ن.
جێگری سه‌رۆكا په‌رله‌مانێ كوردستانێ ئه‌و چه‌نده ژی دازنین ده‌ستپیكرنا رینشتنێن په‌رله‌مانی دێ ره‌وشا ساخله‌میێ و پێنگاڤێن بجهكرنا یاسایا چاكسازیێ و چه‌ند پرسه‌كێن دی ئیخنه به‌رنامه‌یێ كار و داكو دانوستاندنێ ل سه‌ر بكه‌ن.
ئه‌ڤرۆ نیوز:
جڤاتا نوونه‌رێن عیراقێ دێ دانوستاندنێ ل سه‌ر پرۆژه‌یێ یاسایا قه‌رێن ناڤخو و ده‌ره‌كی كه‌ت.
نه‌دا شاكر ئه‌نداما جڤاتا نوونه‌رێن عیراقێ بۆ میدیایێ راگه‌هاند ئه‌ڤرۆ دێ جڤاتا نوونه‌رێن عیراقێ كۆم بیت ژبوی دانوستاندنێ ل سه‌ر پرۆژه‌یێ یاسایا قه‌رێن ناڤخو و ده‌ره‌كی بكه‌ت.
ئه‌نداما جڤاتا نوونه‌رێن عیراقی ئه‌و چه‌نده ژی راگه‌هاند حكومه‌تا عیراقێ تانوكه 27 ملیار دۆلار قه‌ركرینه، كۆ رۆژانه مفایێن به‌نكێ دچنه سه‌ر، هه‌كه ئه‌و پرۆژه‌یێ یاسایێ بهێته په‌سندكرن ئه‌ڤه عیراق دكه‌ڤته بن باره‌كێ گرانێ قه‌ران و زیانه‌كا زۆر كه‌ڤته سه‌ر نه‌ڤیێن بهێت یین عیراقێ.
نه‌دا شاكر ئه‌نداما جڤاتا نوونه‌رێن عیراقێ گۆت: دڤیا عیراقێ ل شوونا قه‌ركرنێ، ژێده‌رێن دی یێن داهاتی بهێز ئێخست بانه و نه‌هێلانا گه‌نده‌لیێ و پلانین كورت خایه‌ن و درێژ خایه‌ن دانیت بۆ قورتال بون ژ ئه‌وێ قه‌یرانا كه‌تیه تێدا.
ئه‌ڤرۆ نیوز:
فه‌رماندێ هێزێن زه‌مینیا سوپایێ پاسداران راگه‌هاند: قوناغا ئێكێ یا مانورا سه‌ربازی یا هێزێن شه‌هیدێن كوردێن موسلمان یا هێزا زه‌مینیا سوپایی ل رۆژهه‌لاتا كوردستانێ هاته ئه‌نجام دان.
میدیایێن ئیرانێ به‌لاڤكرن، موحه‌مه‌د پاكپور فه‌رمانده‌یێ هیزێن سوپایێ پاسدارێن ئیرانێ راگه‌هاند مانورا سه‌ربازی یا هێزین شه‌هیدێن كوردێن موسلمان یا هیزا زه‌مینیا سوپایێ ل ده‌ڤه‌را شلێر ل سنورێ هه‌رێما كوردستامێ ل بلنداهیین چل چه‌مه هاتیه ئه‌نجام دان.
ناڤبری ئه‌و چه‌نده ژی راگه‌هاند یه‌كه‌یین خوجهی یین له‌شكرێ 22 یی سوپایێ به‌یت لموقه‌ده‌س و هنده‌ك یه‌كه‌یێن سوپایێ باژێرێن مه‌ریوان و دیوانده‌ره و یه‌كه‌یێن دی پشكداری ئه‌ڤێ مانوری نه.
ئه‌ڤرۆ نیوز:
شه‌ڤا بوری به‌رپرسه‌كێ بلندێ وه‌زاره‌تا ناڤخویا عیراقێ ب ئه‌گه‌رێ ڤایرۆسێ كورونایێ گیانێ خوه ژ ده‌ست دایه.
لگۆری میدیایێن عیراقی هاتیه راگه‌هاندن، لیوا خوزه‌یر عه‌بدلزه‌هره رێڤه‌به‌رێ گشتی یێ موچه‌ی ل وه‌زاره‌تا ناڤخو، ب ئه‌گه‌رێ ڤایرۆسێ كورونایێ شه‌ڤا بوری گیانێ خو ژ ده‌ست دا.
ئه‌ڤ چه‌نده د ده‌مه‌كی دایه ساخله‌میا عیراقێ راگه‌هاندیه بتنێ دهی 84 كه‌س ب ئه‌گه‌رێ ڤایرۆسێ كورونایێ گیانێ خوه ژ ده‌ستداینه .
ئەڤرۆ نیوز:
د. سامان بەرزنجی، وەزیرێ ساخلەمیا هەرێما کوردستانێ دیار کر: رۆژانە سەدان تووشبوویێن کۆرۆنایێ ل هەرێما کوردستانێ دهێنە تۆمار کرن و داخواز کر بڕیارا قەدەغەیا هاتنوچوونێ بۆ ماوەکێ دیار کری ل گەل بەرچاڤکرنا پێدڤیێن ژیانێ بهێنە راگەهاندن، ب تایبەت هاتنوچوون دناڤبەرا پارێزگەهێن هەرێما کوردستانێ تووندتر بن وەکو نوکە.
وەزیرێ ساخلەمیا هەرێما کوردستانێ د کۆنگرەکێ رۆژنامەڤانی دا داخواز کر دەواما فەرمانبەران ل کەرتێ گشتی و یێ تایبەت بۆ ماوەکێ سنۆردار بهێتە راگرتن و قەدەغەیا هاتنوچوونێ ژی بێخنە سەر هۆکارێن ڤەگوهاستنا گشتی.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: 299 کەسێن دی تووشی ڤایرۆسێ کۆرۆنا بوون و 11 کەسێن دی گیانێ خوە ژ دەستداینە، ئەو 11 کەسێن ب کۆرۆنایێ گیانێ خوە ژ دەستداین 9 کەس ژ وان ل سلێمانیێ نە، 2 کەس ژی ل هەولێرێ، نوکە هژمارا وان کەسێن ب کۆرۆنایێ گیانێ خوە ژ دەستداین گەهشتنە 129 کەسان ل هەرێما کوردستانێ.
هەروەسا گۆتیە: ئەوێن ئەڤرۆ تووشی کۆرۆنایێ بووین 70 کەس ژ وان ل هەولێرێ نە، 171 کەس ل سلێمانیێ، 42 ل گەرمیان و 16 کەس ژی ل هەلەبجە، هەروەسا 79 کەس ژی چێبووینە، کو 59 ژ وان ل هەولێرێ، 3 ل گەرمیان، 12 ل دهۆکێ و 5 ژی ل هەلەبجە.
نوکە سەرجەمێ گشتی یێ تووشبوویێن کۆرۆنا یێ ل هەرێما کوردستانێ گەهشتە چار هزار و 463 کەسان.
نيشاندان