ئه‌ڤرۆ نیوز:
ب به‌رهه‌ڤبوونا سه‌رۆكێ حوكمه‌تا هه‌رێما كوردستانێ، دێ ئێسگه‌هێ كاره‌با باژێركێ خه‌بات ل توخیبێ پارێزگه‌ها هه‌ولێرێ كه‌ڤته كاری.
ئه‌ڤرۆ دێ د رێورسمه‌كێ دا ب به‌رهه‌ڤ بوونا مه‌سرور بارزانی سه‌رۆكێ حوكمه‌تا هه‌رێما كوردستانێ و قوباد تاله‌بانی جێگرێ سه‌رۆكێ حوكمه‌تێ ئیسگه‌هێ خه‌بات یێ كاره‌بێ كه‌فته كاری.
ئه‌و ئیسگه‌ها نوو یا كاره‌بێ ل باژێركێ خه‌بات، ئیسگه‌هه‌كا به‌رهه‌م ئینانا كاره‌با هه‌لمێ یه.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ب رێیا ڤیدیو کۆنفرانسەکێ سەرپەرشتیا کۆمبوونا لیژنا بلند یا بەرهنگاریا کۆرۆنایێ کر و د کۆمبوونێ دا سەرۆکێ حوکمەتا هەرێما کوردستانێ راگەهاند کو مخابن بابەتێ کۆرۆنایێ پشتی کو هاتیە سیاسیکرن زیانێن گەلەک مەزن گەهشتنە کوردستانێ و بۆ ئەگەرێ هندێ کو وەلاتی وەکو جاران پێگیریێ ب رێنمایان نەکەن و ژ بەر هندێ ژی ژمارا تووشبوون و مرنا ب کۆرۆنایێ ل کوردستانێ گەلەک زێدە بوویە و رۆژ ب رۆژێ زێدەتر ژی لێ دهێت.
سەرۆکێ حوکمەتا هەرێما کوردستانێ راگەهاند کو جارەکا دی داخواز ژ هەموو وەلاتیێن هەرێما کوردستانێ دکەم کو بۆ پاراستنا خوە و کەسوکارێن خوە پێگیریێ ب رێنمایان بکەن و خوە ب پارێزن.
ئەڤرۆ نیوز:
پشتی کو فەرسەت سوفی پارێزگارێ هەولێرێ دیار کر هەر وەلاتیەک ژ پارێزگەهێن دی یێن عیراقێ بهێتە هەولێرێ دێ پشکنینا کۆرۆنایێ بۆ وان هێتە کرن و دێ ٥٠ هزار دینار ژ وان هێتە وەرگرتن، لێ د تۆرێن جڤاکی دا گەلەک گۆتنێن جودا ل سەر بابەتی هاتنە کرن و نڤیسینگەها پارێزگارێ هەولێرێ ژی داخۆیانیەک د ڤێ دەربارێ دا بەلاڤ کر.
ڕوونکردنەوەیەک لە نووسینگەی پارێزگاری هەولێر
لەلایەن هەندێک کەس و میدیا، لێکدانەوەی هەڵەی بەمەست و بێمەبەست بۆ قسەکانی پارێزگاری هەولێر کراوە کە ئەمڕۆ لە کۆنگرەیەکی ڕۆژنامەوانی لەسەر هاتنە ژوورەوەی خەڵکی پارێزگاکانی دیکەی عێراق بۆ پارێزگای هەولێر کردنی.
پارێزگاری هەولێر زۆر بەڕوونی ڕایگەیاند: “لەپێناو کارئاسانی هاتنە ژوورەوەی هاوڵاتییانی شارەکانی دیکەی عێراق جگە لە پارێزگاکانی هەرێمی کوردستان، ژووری ئۆپەراسیۆنی پارێزگای هەولێر بەهەماهەنگی لەگەڵ بەڕێوەبەرایەتی گشتی تەندروستی هەولێر، سەرقاڵی داڕشتنی میکانزمێکن بۆ ئەوەی ئەو خەڵکانە بتوانن بێنە ناو شاری هەولێر بەمەرجی ئەنجامدانی پشکنینی پزیشکی لەسەر ئەرکی خۆیان و بە نرخێکی گونجاو، ئەمەش هەم بۆ کارئاسانی هاوڵاتییان و هەمیش بۆ پەرەپێدانی جموجۆڵی بازرگانی و ڕانەوەستانی کاروکاسبی خەڵک”، بۆیە هەرچی دیکەی دەگوترێ بێجە لەوەی کە باسکراوە دوورە لەڕاستی و مەبەست لێی تەنها بڵاوکردنەوەی چەواشەکاری و بەلاڕێدابردنی ڕاستییەکانە.
نوسینگەی پارێزگاری هەولێر
2020.7.13
ئه‌ڤرۆ نیوز:
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند پشكنینا ڤایرۆسێ كورونایێ بۆ وه‌لاتیان، ناهێته دان ب كه‌رتێ تایبه‌ت، به‌لێ ئه‌وێن دڤێن بۆ پشت راستبوونا ساخله‌میا خوه دڤێن پشكنینێ ل كه‌رتێ تایبه‌ت بكه‌ن، ئه‌ڤه ل ده‌مێن بهێت بریار ل سه‌ر هێته‌دان.
د.محه‌مه‌د قادر په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند پشكنینا ڤایرۆسێ كورونایێ بۆ وه‌لاتیان بتنێ دێ ل تاقیگه‌هێن نه‌خوشخانه‌یێن حوكمه‌تا هه‌رێما كوردستانێ بن و بێ به‌رامبه‌ر بۆ وه‌لاتیان هێنه ئه‌نجام دان، تاكو نوكه چ بریاره‌ك نه‌هاتیه دان ئه‌و پشكنین بهێته دان ب كه‌رتێ تایبه‌ت.
په‌یڤدارێ وه‌زاره‌تا ساخله‌میا هه‌رێما كوردستانێ ئه‌و چه‌نده ژی راگه‌هاند هزره‌ك هه‌یه كۆ ئه‌ڤێن دڤێن و نه‌خوش نینن بتنێ بۆ پشت راستبوونا خو پشكنینا ڤایرۆسێ كورونایێ ل تاقیگه‌هێن ئه‌هلی ئه‌نجام بده‌ن، رێك پێ بهێته‌دان، به‌لێ ئه‌ڤی بابه‌تی پێدڤی ب ڤه‌كۆلینان هه‌یه پشتی دگه‌هینه ئه‌نجامی ب چه‌ند مه‌رج و رێنمایه‌كان بریارا پێدڤی ل سه‌ر هێته دان.
ناڤبری ئه‌و چه‌نده ژی دازانین پێشكێشكرنا خزمه‌تگۆزاریا ساخله‌میێ بۆ وه‌لاتیان ئه‌ركێ حوكمه‌تێ یه ب ئه‌گه‌رێ گه‌هشتن و دابینكرنا پێدڤیێن چاره‌سه‌ركرنێ و تانوكه چاره‌سه‌ركرنا توشبوویێن ڤایرۆسێ كورونایێ ل هه‌رێما كوردستانێ بله‌ز و ساناهی بوویه.
ئه‌ڤرۆ نیوز:
رێڤه‌به‌را فرۆكخانه‌یا نێڤ ده‌وله‌تی یا هه‌ولێرێ راگه‌هاند دبیت پشتی ئه‌ڤێ هه‌فتیێ گه‌شتێن ئاسمانی ده‌ست پێ بكه‌ین، به‌لێ هێشتا بریارا دوماهیێ ل سه‌ر نه‌هاتیه دان.
ته‌لار فایه‌ق رێڤه‌به‌را فرۆكخانه‌یا هه‌ولێرێ د كۆنفرانسه‌كێ رۆژنامه‌ڤانی دا راگه‌هاند دبیت پشتی ئه‌ڤێ هه‌فتیێ گه‌شتێن ئاسمانی ده‌ست پێ بكه‌ن ل فرۆكخانه‌یێ، به‌لێ هێشتا بریارا دوماهیێ ل سه‌ر نه‌هاتیه‌دان، ده‌ستپێكرنا گه‌شتان ژی گرێدایی بریارا ده‌سه‌لاتا فرۆكه‌ڤانیا عیراقێ ڤه هه‌یه.
رێڤه‌به‌را فرۆكخانه‌یا نێڤ ده‌وله‌تی یا هه‌ولێرێ ئه‌و چه‌نده ژی راگه‌هاند ب ته‌مامی به‌رهه‌ڤكاری هاتینه‌كرن هه‌كه گه‌شت ده‌ستپێكرن چه‌وا رێنمایێن ساخله‌میێ و خۆپارێزیێ بجه بكه‌ین، ژلایه‌كێ دیڤه ل ده‌مێن بوری فرۆكخانه به‌رده‌وام یا ڤه‌كری بۆ بتنێ بۆ گه‌شتێن گه‌شتیاری نه دهاتنه ئه‌نجامدان، له‌ورا ب ئاوایه‌كێ باش به‌رهه‌ڤین.
ئه‌ڤرۆ نیوز:
د.محه‌مه‌د قادر په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند: پشتی ده‌رمانێ روسی یێ بناڤێ ئه‌فیڤاڤیر ژلایێ ساخله‌میا عیراقێ ڤه هاتیه په‌سندكرن بریاره ئه‌ڤرۆ ده‌ست ب پارڤه‌كرنا وی ده‌رمانی بهێته‌كرن.
په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند بریاره ئه‌ڤرۆ ده‌ست ب پارڤه‌كرنا ئه‌وی ده‌رمانی بهێته‌كرن، لگۆری ڤه‌كۆلین و هه‌لسه‌نگاندنێن ل سه‌ر ده‌رمانی هاتینه كرن، ده‌رئه‌نجامێن وێ باش بوون و كارتێكرن هه‌بوویه ل سه‌ر توشبوویێن كورونایێ و رێژه‌یا مرنێ كێم دكه‌ت.
په‌یڤدارێ وه‌زاره‌تا ساخله‌میا هه‌رێما كوردستانێ ئه‌و چه‌نده ژی راگه‌هاند مه‌ترسیا كورونایێ به‌رده‌وامه و نابیت ب كارئینانا ئه‌ڤی ده‌رمانی رێكار و رێنمایان پشت گوهڤه پاڤێژین، هه‌كه وه‌لاتی پێگیر بن ئه‌ڤه دێ ره‌وشێ ده‌رباز كه‌ین،فشاره‌كا زۆر ل سه‌ر كه‌رتێ ساخله‌میێ هه‌یه ب ئه‌گه‌رێ كورونایێ تانوكه 10 كارمه‌ندێن ساخله‌میێ ژی گیانێ خوه ژ ده‌ست داینه.
ئه‌ڤرۆ نیوز:
حكومه‌تا عیراقێ ته‌ئكید كر كۆ ل گه‌ل توركیا دێ ل دانوستاندنێ ستراتیژی به‌رده‌وام بیت هه‌تا پێشیلكاریێن سه‌ر ئاخا عیراقێ راوه‌ستینیت.
لگۆری راگه‌هاندنه‌كا نڤیسینگه‌ها مسته‌فا كازمی سه‌رۆك وه‌زیرێ عیراقێ، ل جڤینا وزاری یا ئاسایشا نیشتمانی دانوستاندن ل سه‌ر چه‌ند بابه‌ته‌كان هاتیه كرن ئێك ژ وان پێشیلكاریێن توركیا بوویه بۆ سه‌ر ئاخا عیراقێ.
د ئه‌وێ كۆمبوونێ دا جڤاتا وه‌زیران ته‌ئكید ل سه‌ر به‌رده‌وامی دان ب دانوستاندنێن دیپلوماسی ل گه‌ل توركیا بۆ راوه‌ستاندنا ده‌ست درێژیێن بۆ سه‌ر ئاخا هه‌رێما كوردستانێ، خراپ سه‌ره‌ده‌ریكرنا په‌یوه‌ندیێن دناڤبه‌را هه‌ر دو ده‌وله‌تان دا، زێده‌باری زیانگه‌هاندن ب گیان و مالێ وه‌لاتیان.
وه‌زاره‌تا به‌ره‌ڤانیا توركیا 17 هه‌یڤا حوزیرانێ ب بهانه‌یا شه‌رێ دژی په‌كه‌كێ ده‌ست ب پرۆسه‌یا سه‌ربازی بۆ سه‌ر ئاخا هه‌رێما كوردستانێ راگه‌هاند ئه‌ڤێ چه‌ندێ ژی كارڤه‌دانێن ناڤخوی و جیهانی دیڤ خو را ئینان.
ئه‌ڤرۆ نیوز:
دوماهی بریارا ژماره‌یا توشبوویێن ڤایرۆسێ كورونایێ ل جیهانێ ژ 13 ملیۆنان ده‌رباز بوویه، ژماره‌یا چاك بوونێ ژ نیڤێ زێده‌تر.
لگۆری ئه‌وان ئامارێن مالپه‌رێwww.worldometers.info به‌لاڤكریه، ژماره‌یا توشبوویێن ڤایرۆسێ كورونایێ ل سه‌ر ئاستێ جیهانێ 13 ملیۆن و 41 هزار كه‌سان ده‌رباز بوویه، زێده‌تری 7 ملیۆن و 588 هزار كه‌س ساخ بووینه ژ ڤایرۆسی رزگار بووینه.
ئه‌و وه‌لاتێن ل ئاستێ جیهانی پتر ژ هه‌ر وه‌لاته‌كێ دی توشبوو تێدا هاتینه توماركرن ئه‌مریكایه د پله‌یا ئێكێ دهێت، زێده‌تری 3 ملیۆن و 413 هزار توشبوو هاتینه توماركرن.
ئه‌ڤرۆ نیوز:
ئاژانسێن جیهانی به‌لاڤكرینه كۆ بهایێ پترۆلێ داكه‌ت ب ئاوایه‌كی كۆ ب 42.92 دۆلاران كرین و فرۆتن پێڤه هاتیه‌كرن و بهایێ پترۆلا ئه‌مریكی ژی ب 40.22 دۆلاران كرین و فروتن پێڤه هاتیه‌كرن.
بلند بوون و داكه‌تبوونا بهایێ پترۆلێ د ده‌مه‌كی دایه ژماره‌یه‌كا وه‌لاتان بۆ به‌رهنگاربوونا ڤایرۆسێ كورونایێ ته‌ڤایا كه‌رتێن بازرگانی و پیشه‌سازیێ راوه‌ستاند بوون به‌لێ نوكه ب ئه‌گه‌رێ كێم بوونا مه‌ترسیێن كورونایێ پشكه‌ك ژ چالاكیێن ئابووری ده‌ستپێكرنه‌ڤه ئه‌ڤه‌ژی بوویه ئه‌گه‌رێ بلند بوونا بهایێ پترۆلێ.
ئەڤرۆ نیوز، عەلی حاجی:
رێڤەبەرێ گشتیێ باژێرڤانیان ل پارێزگەها دهوکێ بۆ ئەڤرۆ نیوز دیار کر د چارچوڤەیێ پروژەێی چاکسازیێ دێ گوهورین د چەندین رێڤەبەرێن باژێرڤانیان دا ل سنورێ پارێزگەها دهوکێ دا هێنە کرن د دەمەکێ نێزیک دا .
زێدەتە ئەندازیار دیار بەحری گۆت: (پشتی سەرۆکێ حکومەتا هەرێما کوردستانێ پروژەیێ چاکسازیێ راگەهاندی بریارە ل سەر ئاستێ باژێرڤانیێن پارێزگەها دهوکی کو سەرجەمێ گشتی ٤٧ باژێرڤانی نە گوهورین ب سەر پرانیا سەرۆکێن باژێرڤانیان دا بهێتە کرن کو پشکەکا وان ژی سەروچاڤێن نوو نە و هندەک کەسێن دیتر ژی پێشتر شیاینە خزمەتەکا باش یا وەلاتیان بکەن ژ بەر وێ چەندێ دێ پوستێن سەرۆکێن باژێرڤانیان بەر ب وان کەڤیت و ئەڤ پروسەیە دێ د دەمەکێ نێزیک دا دەستپێکەت و ئەم ب وێ هێڤیێ نە کو پشتی ڤان گوهورینان خزمەتەکا باش یا وەلاتیان بهێتە کرن ژ بەر کو زێدەتری هەر دەمەکێ وەلاتی پێدڤی ب خزمەتگوزاریانە و ئارمانجا سەرەکی ژی ژ ڤان گوهورینان خزمەت کرنە پێخەمەتی وەلاتیان.
نيشاندان