ئەڤرۆ نیوز:
قۆناغا نەهێ یا ئاسانکاریان ل دهۆکێ هاتە راگەهاندن
نووترين نووچه
- ئالۆزی و پێكدادانێن سلێمانیێ ئاسایش و ئارامییا هەرێما كوردستانێ دكەنە ئارمانج
- دڤێت كێشە و ناكۆكی ب قانوونێ و دوور ژ توندوتیژیێ بهێنە ئێكلاكرن
- پارتی بەرهەڤیێن تمام بۆ هەلبژارتنان ئەنجامداینە
- پێدڤییە رێزێ ل قوربانیدان و هەڤپەیمانەتییا كوردستانێ بگرین
- دادگەها فیدرال یا ئیراقێ پێدانا پاسپۆرتا دیپلۆماسی ب خودان پلەیێن بلند هەلوەشاند
- ل زاخۆ دانانا كەلوپەلان ل سەر شوستەیان هاتە قەدەغەكرن
- دەمیرتاش ل دۆر قووناغا ئاشتیێ داخوازەکێ ژ تورکیا دکەت
- پێدڤییە مووچەیێ وەلاتییان نەبیتە پشكەك ژ ململانێیا سیاسی
- سوپاسنامەیەك ژ مەكتەبا سیاسی یا پارتی دیموكراتی كوردستان
- هشیار زێباری بۆچوونا سیاسی یا پارتی ل دۆر گوهۆڕینان بەرچاڤكر
سه‌ره‌كى نوچێن گرنگ
به‌رهه‌م ساڵح و نێچرڤان بارزانی: باس له یه‌كڕیزی ناوماڵی كوردی دابینكردنی بژێوی هاوڵاتیان ده‌كه‌ن
ئه‌ڤرۆ نیۆز، عه‌زیز هه‌ورامی:
ئه‌مڕۆ له پارێزگای سلێمانی نێچیرڤان بارزانی و به‌رهه‌م ساڵح كۆبوونه‌وه گفتوگۆیان له‌سه‌ر یه‌كڕیزی ناوماڵی كوردی و دابینكردنی بژێوی هاوڵاتیان و پشتیوانی حكوومه‌تی كازمی و كاركردن بۆ چاره‌سه‌ركردنی قه‌یرانه‌كان.
له ڕاگه‌یه‌ندراوی كۆبونه‌وه‌ی به‌رهه‌م ساڵح سه‌رۆك كۆماری عێراق و نێچیرڤان بارزانی سه‌رۆكی هه‌رێمی كوردستان ،هاتووه وێنه‌یه‌كی بۆ ئه‌ڤرۆ نیۆز نێردراوه، ده‌ڵێ:” له دیداره‌كه‌دا باس له پێشهاته سیاسییه‌کانی عیراق کرا و هه‌ردوولا به گرنگییه‌وه جه‌ختیان له پێویستیی چاره‌سه‌ركردنی قه‌یران و ناکۆکییه‌کان کرده‌وه به ئاراسته‌ی هێنانه‌کایه‌ی ئارامی و ئاوڕدانه‌وه له ژیان و گوزه‌رانی هاووڵاتیانی سه‌رجه‌م ناوچه‌کان به هه‌رێمی کوردستانیشه‌وه.
هه‌روه‌ها له ڕاگه‌یه‌ندراوه‌كه‌دا هاتووه:”له چوارچێوه‌یه‌دا به بایه‌خه‌وه باس له پێکهێنانی حکوومهتی نوێی عێراق بە سەرۆكایەتیی مستەفا كازمی کراو و داكۆكییان له پشتیوانی و هه‌ماهه‌نگی له‌گه‌ڵ حکوومهتی فیدراڵدا کرده‌وه بۆ تێپه‌ڕاندنی قه‌یرانه‌کان و کارکردن بۆ دابینکردنی گوزه‌ران و ته‌ندروستیی هاووڵاتیان، هه‌روا له‌پێناو تێکشکاندنی پاشماوه‌کانی تیرۆر و سه‌قامگیریی ئه‌منی له هه‌موو ناوچه‌کانی عیراقدا، وێڕای چاره‌سه‌ركردنی کێشه که‌ڵه‌که‌بووه‌کانی نێوان به‌غدا و هه‌رێمی كوردستان به گوێره‌ی ده‌ستوور، بەتایبەتیش یەكلاكردنەوەی پرسی بودجە و مووچەی فەرانبەران.
له ڕاگه‌یه‌ندراوهده‌داهاتووه:”باس له پێویستیی یه‌کڕیزی و خاوکردنه‌وه‌ی گرژییه‌کان له عێراق کرا به شێوه‌یه‌ک که هه‌موو هێز و تواناکان بۆ ده‌سته‌به‌رکردنی ئارامی و بژێویی خه‌ڵک و ئه‌نجامدانی چاکسازیی بنه‌ڕه‌تی ته‌رخان بکرێن و له‌بری ناکۆکی و ململانێی ته‌سک، به‌گوێره‌ی ده‌ستوور خزمه‌تی خه‌ڵک و داخوازیه‌کانیان بکرێت.
زیاتر له ڕاگه‌یه‌ندراوی كۆبونه‌وه‌ی سه‌رۆكی هه‌رێم و سه‌رۆك كۆماری عێراق،ده‌ڵێت:”له ته‌وه‌رێکی دیكه‌ی دیداره‌که‌دا هه‌ردوولا جه‌ختیان له یه‌كڕیزی و ته‌بایی له هه‌رێمی کوردستان كرده‌وه، به جۆرێك هه‌موو لایه‌نه‌کان دوور له گرژی و ئاڵۆزی، تواناکانیان بۆ به‌ده‌نگه‌وه‌هاتنی پێویستیی هاووڵاتیان و دابینكردنی بژێویان و سه‌قامگیریی سیاسی و ئه‌منی، ته‌رخان بکه‌ن.
مەسرور بارزانێ دێ ل گەل شاندێ حوکمەتێ بۆ بەغدا کۆم بیت
ئەڤرۆ نیوز:
بریارا ئەڤرۆ مەسرور بارزانی سەرۆکێ حوکمەتا هەرێما کوردستانێ ل گەل شاندێ حوکمەتێ بۆ بەغدا کۆمبیت و ل دۆر ئەنجامێ دانوستاندنێن ل گەل بەغدا گەنگەشە هێنە کرن.
حەفتیا بۆری شاندێ هەرێما کوردستانێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ سەرەدانا بەغدا کربوو و ل گەل بەرپرسێن حوکمەتا عیراقێ ل دۆر پرسا پەترۆلێ و مووچێن فەرمانبەرێن هەرێما کوردستانێ دانوستاندن کربوون و بریارە ئەڤرۆ ل دۆر هندێ شاندێ هەرێما کوردستانێ ل گەل مەسرور بارزانی کۆم ببیت.
حكومه‌تا هه‌رێمێ دێ ده‌ست ب ڤه‌گه‌راندنا وان قه‌رێن ل ده‌ڤ بازرگانان كه‌ت
ئه‌ڤرۆ نیوز:
به‌رپرسێ په‌یوه‌ندیێن فه‌رمانگه‌ها هه‌ماهه‌نگی و دووڤچوونێ ل جڤاتا وه‌زیرێن حكومه‌تا هه‌رێما كوردستانی راگه‌هاند ب ئه‌گه‌رێ بریارا وه‌رگرتنا وان قه‌ران كۆ ل ده‌ڤ بازرگانان، رێژه‌كاباش یا داهاتی بۆ ناڤ بودجا حكومه‌تا هه‌رێمێ ڤه‌دگه‌ریت.
عه‌بدلحه‌كیم خه‌سره‌و به‌رپرسێ په‌یوه‌ندیێن فه‌رمانگه‌ها هه‌ماهه‌نگیه و دووڤچوونێ ل جڤاتا وه‌زیران راگه‌هاند: سالێن به‌رێ لگۆری یاسا و رێنمایێن تایبه‌ت حكومه‌تا هه‌رێما كوردستانێ قه‌ر ددانه بازرگانان، له‌ورا نوكه تایبه‌ت كۆ قه‌یرانا دارایی یه جڤاتا وه‌زیران بریار دا ئه‌وان قه‌ران ڤه‌گه‌رینن.
عه‌بدلحه‌كیم خه‌سره‌و ئه‌و چه‌نده ژی راگه‌هاند لگۆری زانیاریان ژ ئه‌ڤرۆ ده‌واما فه‌رمانگه‌هێن حكومه‌تێ ئاسایی بوویه وه‌زاره‌تا دارایی دێ ده‌ست كه‌ت ب رێكارین وه‌رگرتنا قه‌ران كۆ به‌ریا نوكه حكومه‌تێ دابونه بازرگانان، ڤه‌گه‌راندنا ئه‌ڤی پاره‌یی بۆ ناڤ بودجا حكومه‌تێ كۆ ب شێت بۆ مه‌زاختی و موچه‌یی مفایی ژێ وه‌ربگریت.
ده‌واما فه‌رمی ده‌ستپێكر
ئه‌ڤرۆ نیوز:
ئه‌ڤرۆ رۆژا دو شه‌مبی، ده‌واما فه‌رمانگه‌هێن حكومه‌تا هه‌رێما كوردستانێ ده‌ستپێكر.
ده‌ستپێكرنا دواما فه‌رمانگه‌هێن حكومه‌تێ پشتی ئه‌وێ چه‌ندێ هات كۆ مه‌ترسیا به‌ربه‌لاڤبوونا ڤایرۆسێ كورونایی نه‌مایین یان هه‌تا ئاسته‌كی كۆ به‌ریا نها هه‌بوو بڤێ چه‌ندێ ل ده‌ستپێكا هه‌یڤا ئادارێ ده‌وامێن فه‌رمانگه‌هێن حكومی هاتبوونه راوه‌ستاندن.
ل ده‌مێ ده‌ستپێكرنا ده‌وامێ ژی دڤێت فه‌رمانبه‌ر و وه‌لاتی ل ده‌مێ داوام و سه‌ره‌دانكرنا فه‌رمانگه‌هان پێگیر بن ب رێنمایێن خۆ پاراستنێ وه‌ك بكار ئینانا ماسك و ده‌ستكێشان.
به‌ریا چه‌نده‌كێ وه‌زاره‌تا ناڤخو كۆمه‌كا رێنمایێن نوو به‌لاڤكر و تێدا راگه‌هاند بوو كۆ جارێ هاتنوچون دناڤبه‌را باژێران ناهێته‌ڤه‌كرن.
رۆژێن چه‌ژنێ دێ هاتنوچون ب ته‌مامی ل عیراقێ هێته قه‌ده‌غه‌كرن
ئه‌ڤرۆ نیوز:
لژنا بلندا ساخله‌میێ سه‌ر ب جڤاتا وه‌زیرێن عیراقێ ڤه، سێ بریارێن نوو ده‌ربارێ ڤایرۆسێ كورونایێ ده‌ركرن، یا ئێكێ بریار دا هاتنوچون ل رۆژێن چه‌ژنێ ب ته‌مامی بهێته قه‌ده‌غه‌كرن.
لژنا بلندا ساخله‌میا عیراقێ ئه‌و چه‌نده ژی دیاركر كۆ ب سه‌رۆكاتیا مسته‌فا كازمی سه‌رۆك وه‌زیرێ نوو یێ عیراقێ و بریارا قه‌ده‌غه‌كرنا هاتنوچونێ ل عیراقێ تا دوماهیا رۆژێن چه‌ژنێ دێ یا به‌رده‌وام بیت.
بریار كودێ ل رۆژین چه‌ژنێ قه‌ده‌غه‌یا هاتنوچونێ ب ته‌مامی هێته بجهكرن، وه‌زاره‌تا ڤه‌كۆهاستنێ ژی چه‌ند مه‌رجه‌كین نوو بۆ سلامه‌تیێ بۆ ڤه‌وگۆهاستنا وه‌لاتیان ب رێیا ئالاڤێن ڤه‌گۆهاستنا ناڤخۆ دادنیت.
زارۆ یێن بێ سەمیان دێ ٢٠٠ دۆلاران وەرگرن
ئەڤرۆ نیوز، عەلی حاجی :
بەرپرسێ نڤێسینگەها زاخۆ بۆ ئەڤرۆ نیوز دیار کر: ژ پروژەیێ ئازیزانی کوردستان دێ کوژمەیەکێ پارەیی ب سەر ٩٣ زاروویێن بێ سەمیان ل سنورێ باژێرێ زاخۆ هێتە بەلاڤ کرن وەکو موچەیێ چار هەیڤان.
زێدەتر محەمەد مەهدی گۆت : بۆ پروژەیێ ئازیزانی کوردستان بریارە ئەڤرۆ دوشەمبێ دەست ب بەلاڤ کرنا موچەیێ چار هەیڤان بکەین بۆ زارووێین بێ سەمیان ل زاخۆ کو هەژمارا وان دبیتە ٩٣ زارووک و بۆ هەر زاروویەکێ ژی دێ ٢٠٠ دولارێن یٔەمریکی بن و هندەک مالان دا دو زاروو هەنە و دێ هەر زاروویە ژی مفادار بن ژ وی پارەیی،سوباهی دێ ل دەوروبەرێن زاخۆ وەکو ناحی و گوندان دێ دەست پێکەین و روژا دیف دا ژی دێ دناڤ سەنتەرێ باژێری دا بەلاڤ کەین و قەستا مالێن وان کەن داکو وی پارەیی رادەستی وان بکەین ژبەر هەبونا کورونایێ مە نەخاستی یە بهێنە نڤێسینگەها دەزگایێ بارزانی ل زاخۆ،ماوەیێ چار هەیڤایە یٔەڤ موچەیە ب سەر وان زاروویان دا نەهات بوو بەلاڤ کرن ژبەر کو ماوەیەک بوو رەوشا کوردستانێ ژبەر هەبوونا کورونایێ نەیا بەر قەرار بوو.
ناڤهاتی خویا کر ژی ” یٔەڤ ناڤێن هاتینە تومار کرن بۆ ماوەیێ نێزیکی حەفت هەتا هەشت سالایە بەردەوامن دگەل مە دا و هاریکاریان د وەرگرن و ژبەر قەیرانا دارایی ژی ماوەیەکە ناڤ تومار کرنا زاروویان هات بوو راوەستاندن بەلێ د دەمەکێ نێزیک دا دێ دووبارە دەست ب نڤێسینا ناڤێن زاروویێن بێ سەمیان کەین”.
وەزارەتا ناڤخوە چەند بریارێن نوو سەبارەت ب دەواما فەرمانبەران دان
سێ تووشبوویێن دی یێن کۆرۆنایێ ل دهۆکێ باش بوون
مەترسیا بەلاڤبوونا کۆرۆنایێ ل هەرێما کوردستانێ نەمایە
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ دیار کر کو مەترسیا بەلاڤبوونا کۆرۆنایێ ل هەرێما کوردستانێ نەمایە و گۆت: (ئەم ل گەل وەزیرێ ناڤخوە ژی ئاخڤتینە و مە بریار دایە کو ئاسانکاریێن زێدەتر بۆ وەلاتیان بهێنە کرن و گەلەک جهێن دی ژی بهێنە ڤەکرن).
ناڤهاتی راگەهاند کو ئەڤرۆ دێ هندەک بریارێن نوو بۆ خوە پاراستنا ژ کۆرۆنایێ هێنە دان، لێ دێ گەلەک ئاسانکاری بۆ وەلاتیان ژی هێنە کرن و گۆت: (هێڤیدارین کو وەلاتی وەکو دەمێن بۆری بۆ پاراستنا خوە پێگیریێ ب رێنمایان بکەن).
نيشاندان
WP Facebook Auto Publish Powered By : XYZScripts.com