ئەڤرۆ نیوز:
وەزیرێ پەروەردا حوکمەتا هەرێما کوردستانێ پلاتفۆرمەک ل ژێر ناڤێ قوتابخانا ئەلەکترۆنی راگەهاند، کو دێ پۆرتالەک بیت و ب رێیا وێبسایتێ www.ewane.krd قوتابی دشێن سەرەدانا وی بکەن.
ئالان حەمەسەعید، وەزیرێ پەروەردا حوکمەتا هەرێما کوردستانێ راگەهاند، بۆ هەر قوتابیەکێ کۆدەکێ تایبەت هاتیە دروستکرن، کو دشێن ل وێرێ بابەتێن وانێن خوە ببینیت، یێن کو ل قوتابخانێ خواندی و هاتیە تۆمار کرن، هەروەسا بۆ مامۆستایان ژی ئەکاونت هاتیە دروستکرن و دشێن ل گەل قوتابیێن خوە د پەیوەندیێ دا بن.
ئەڤرۆ نیوز:
ئەڤرۆ پشتیوان سادق، وەزیرێ ئەوقاف و کاروبارێن ئایینی یێ هەرێما کوردستانێ د کۆنگرەکێ رۆژنامەڤانی دا راگەهاند، دبیت خەلک وەسا د راگەهاندنا جڤاتا وەزیران تێگەهشتبن، کو ل هەیڤا رەمەزانێ مزگەفت ناهێنە ڤەکرن، بەلێ ئەم هەوە دلنیا دکەین، کو هەر دەمێ بگەهینە هندێ کو مەترسی نەماینە، دێ دەرگەهێن مزگەفتان بەری یێن قوتابخانا و زانکۆ و فەرمانگەهێن حوکمەتێ هێنە ڤەکرن.
ئەڤرۆ نیوز:
رێڤهبهرێ گشتی یێ ساخلهمیا پارێزگهها دهوكێ د كونگرهكێ رۆژنامهڤانی دا راگههاند: نۆشدارەکێ كارمهندێ مه تووشی ڤایرۆسێ كۆرۆنایێ بوویه و ب سهدان نهخۆش چارهكرینه.
د. نزار عسمهت رێڤهبهرێ گشتی یێ ساخلهمیا پارێزگهها دهوكێ د كونگرهیهكێ رۆژنامهڤانی دا راگههاند: ئهو نۆشدارێ تووشی ڤایرۆسێ كۆرۆنا یێ بووی، كارمهندهكێ مهیە و ب سهدان نهخۆش چارهكرینه و بزاڤێن باش یێن ساخلهمی كرینه.
دیار كریه: ئهم دێ چاڤدێریا وی تووشبووی كهین و ههر كهسهكێ تێكهلی ل گهل وی كری دڤێت بزانین و کانێ ژێدهرێ وێ تووشبوونێ ل کیڤه بوویه.
هەروەسا گوت ژی: مه بهری چهند رۆژان ژی گوت بوو، کو هێشتا مهترسیا ڤایرۆسێ كۆرۆنا یێ ل پارێزگهها دهوكێ مایه.
ئهڤرۆ نیوز، سالار دۆسکی:
د چارچووڤێ كومبوونهكا ههڤپشك دا ل گهل سهرۆكێ فراكسیونهكا پهرلهمانێ كوردستانێ وهزیرێ ناڤخوه دیاركر، كو ههكه رهوش بڤی رهنگی بیت، دێ سهرێ گولانێ دهرگههێن قوتابخانه، زانكۆ و مزگهفتان هێنه ڤهكرن.
عهبدوستار مهجید سهرۆكێ فراكسیوونا كومهلا ئیسلامی یا كوردستانێ، كو ئهڤرۆ ب مهرهما چهند پرسان سهرەدانا رێبهر ئهحمهد وهزیرێ ناڤخوه ل حوكمهتا ههرێما كوردستانێ كریه، ئهڤرۆ پشتی نیڤرۆ 23ی نیسانێ بۆ ئهڤرۆ نیۆز ئاشكراكر كو رێبهر ئهحمهد وهزیرێ ناڤخوه ل حوكمهتا ههرێما كوردستانێ دیاركر كو ههكه ههتا 2/5/ كاودانێن ڤایرۆسێ كورونا ل ههرێمێ بڤی رهنگی بن و چ نهخوش نهمینن دێ دهرگههێن قوتابخانا و زانكۆ و مزگهفتان هێنهڤهكرن.
ئەڤرۆ نیوز:
ب بریارا نێچیرڤان بارزانی سەرۆکێ هەرێما کوردستانێ ئەڤرۆ دو تاقیگەهێن دی یێن تایبەت بۆ پشکنینا کۆرۆنایێ رەوانەی رۆژئاڤایێ کوردستانێ هاتنە کرن.
ئەو یەک د دەمەکێ دایە کو بەری نها ژی سەرۆکێ هەرێما کوردستانێ تاقیگەهەک بۆ رۆژئاڤایێ کوردستانێ هنارتبوو و ل هەمبەر دا مەزلوم عەبدی فەرماندارێ گشتی یێ هێزێن سووریا دیموکرات ژی سوپاسیا سەرۆکێ هەرێما کوردستانێ کربوو.
بەرپرسێن رۆژئاڤایێ کوردستانێ بەری نها ژ بۆ ڤایرۆسێ کۆرۆنا داخوازا هاریکاریێ ژ گەلەک وەلاتان کربوون لێ هەرێما کوردستانێ بەری هەموو وەلاتێن دی هاریکاریا رۆژئاڤایێ کوردستانێ کر.
ئهڤرۆ نیوز:
ئهنگێلا مێركل راوێژكارا ئهلمانیا راگههاند وهلاتێ وێ ب ئاوایهكێ بهرچاڤ بۆدجا خو بۆ ئێكهتیا ئهوروپا دا زێده دكهت.
لگۆری راگههاندنێن ئهلمانی ئهنگێلا مێركلێ راگههاندیه كۆ وهلاتێ وێ بهرههڤه بۆ زێدهكرنا دانا پشكا بودجا وهلاتێ خۆ بۆ ئیكهتیا ئهورۆپا.
ئهڤ داخویانیێن ئهنگێلا مێركل پشتی ئهوێ چهندێ دهێت كۆ ئێكهتیا ئهورۆپا راگههاند بوو ب مهبهستا بهرهنگاربوونا كورونایێ پێدڤی ب بودجهیهكا زێدهتر ههیه و ههماههنگی دناڤبهرا ئهندامێن ئێكهتیێ وهك پێدڤی نینه بۆ بهرهنگاربوونا ڤایرۆسی.
راوێژكارا ئهلمانیا پێنگاڤێن وهلاتێ خۆ د سهرهدهریكرنا ل گهل كورونایێ ب سهركهفتن ل قهلهمدا لچاڤ وهلاتێن ههڤسی و دوی چارچوڤهی دا پینگاڤێن دهستپێكی یێن ههلگرتنا قهدهغهیا هاتنوچونێ و ئاسایكرنا ژیانێ دهستپێكر.
ئهڤرۆنیۆز، سالار دۆسكی:
رێڤهبهریا گشتی یا ساخلهمیێ ل پارێزگههێ ئاشكراكر كو رهوشا ههموو برینداران یا باش بوویه، ژ سهرجهمێ 13 بریندارێن شهڤا دهربازبووی 12 برینداران نهخوشخانه بجهـ هێلایه.
حهمزه رهزیكی، بهردهفكێ رێڤهبهریا گشتی یا ساخلهمیێ ل پارێزگهها دهۆكێ، ل دور رهوشا بریندارێن تهقا خوشیێ ل پارێزگههێ، ئهڤرۆ رۆژا پێنج شهمبی 23نیسانێ بۆ ئهڤرۆ نیۆز گۆت: ژ بهر رهوشا باش یا برینداران شهڤا دهرباز بووین ل سنورێن قهزایێن (دهۆك و سێمێل، زاخۆ) ئهڤرۆ سپێدێ ههموو بریندار ژ نهخوشخانێ هاتینه دهرخستن بۆ چهند برینداران نهشتهگهری هاتبوونه ئهنجامدان.
رهزیكی ئهو ژی ئاشكراكر كو ل قهزا ئاكرێ ژی كهسهك بریندار كهفتیه و رهوشا وی ژی یا باشه نوكه نهشتهگهریهك ل قهزا ناڤبری بۆ دهێتهكرن.
جهێ ئاماژهكرنێ یه كو شهڤا دهربازبوویی و ژ ئهنجامێ دهربرینا خوشیێ و سوپاسیێ بۆ هێزێن نافخو و ستافێ ساخلهمیێ ههژماركا وهلاتیێن پارێزگههێ ل قهزایێن جودا تهقا خوشیێ كرن و دئهنجام دا 13 كهس ب تهق و یاریێن ئاگری بریندار كهفت بوون.
ئهڤرۆ نیوز:
جڤاتا بلندا دادوهریا عیراقێ ئاشكراكر ب ئهگهرێ مهترسیێن بهلاڤبوونا ڤایرۆسێ كورونایێ د ئهڤ سالهدا پتری 20 هزار گرتی هاتنه ئازادكرن.
ئهڤرۆ جڤاتا بلندا دادوهریا عیراقێ د بهیاننامهیهكێ دا ئهو چهنده تێدا هاتیه بهلاڤكرن، تا رۆژا 22 نیسانێ ئهو تومهتبارێن گرتین هاتینه ئازادكرن گههشتیه 20 هزار و 40 كهسان.
ههر دوێ بهیاننامهیێ دا هاتیه كۆ ئازادكرنا ئهوان گرتیان ب ئهگهرێ بریارێن شانهیێن قهیرانان و رێنمایێن جڤاتا بلندا دادوهریێ بوویه، كۆ ل چارچوڤهیێ بهرهنگاربوونا مهترسیێن ڤایرۆسێ كورونا كوڤید 19 هاتینه راگههاندن.
نيشاندان