ئه‌ڤرۆ نیوز:

سه‌رۆكێ هه‌ڤپه‌یمانیا نیشتمانیا عیراقی راگه‌هاند: پشتی سه‌رۆك وه‌زیرێ راسپاردی سوزا پاراستنا خونیشانده‌ران دایه‌، دیارده‌یا ره‌ڤاندنا چالاكڤانان به‌رده‌وامه‌، ئه‌ڤا جهێ ئاماژه‌ پیكرنێ یه‌ كۆ ده‌سه‌لات بۆ دوماهیئینانا خونیشانده‌ران ب ریكارێن دوژمنكاریی بكار دئینیت.

ئه‌یاد عه‌لاوی سه‌رۆكێ هه‌ڤپه‌یمانیا نیشتمانیا عیراقی د راگه‌هاندنه‌كێ دا دیاركر به‌رده‌وامیا ره‌ڤاندنا چالاكڤانان ئاماژه‌یا ئه‌وێ چه‌ندێ دده‌ت كۆ ده‌سه‌لاتێ ب هه‌ر شیوه‌یه‌كی دڤێت دوماهیێ ب خونیشاندانان بینیت.

ئه‌یاد عه‌لاوی ئه‌و چه‌نده‌ ژی راگه‌هاند: بزاڤێن ره‌ڤاندنێ رامانا وێ ئه‌وه‌ كۆ گوتارا سه‌رۆك وه‌زیرێ راسپاردی بۆ پاراستنا خونیشانده‌ران و بجهكرنا داواكاریێن وان نه‌ دروست بوو، چونكو پشتی ئه‌وێ گوتارا وی چه‌ندین چالاكڤان بێ سه‌رۆشین بووینه‌.

ئه‌ڤرۆ نیوز:

هه‌ڤپه‌یمانیه‌كا نوو ل جڤاتا نوونه‌رێن عیراقێ دهێته‌ دروستكرن.

موسه‌نا سامه‌رائی ئه‌ندامێ به‌رێ یێ جڤاتا نوونه‌رێن هه‌ڤپه‌یمانیا هێزێن عیراقی راگه‌هاند: هه‌ڤپه‌یمانیا نوو ئه‌و بخۆ ئێكه‌ ژ دامه‌زرێنه‌رێن ئه‌وێ هه‌ڤپه‌یمانیێ كۆ بناڤێ نیشتمان یا ئێكێ یه‌ دبیت.

موسه‌نا سامه‌رائی ئه‌و چه‌نده‌ ژی راگه‌هاند: كۆ ئاماژه‌یێن دروست بوونا هه‌ڤپه‌یمانیا نیشتمان ئێكه‌مه‌ كۆ هه‌فتیه‌كه‌ ده‌ركه‌تی و رێكارێن دروستكرنا وێ ته‌مام بوون، كۆ ئه‌ڤ هه‌ڤپه‌یمانیه‌ پشته‌ڤانیه‌ ل داخوازیێن گه‌لێن عیراقێ و سه‌قامگیریا وه‌لاتی.