ئەڤرۆ نیوز، عەلی حاجی :
ل بن دروشمێ هێزا مروڤی زانستە،ڤیانە،ئزادی یە ، روژا ئەینیێ ل رێکەڤتی ٨/١١/٢٠١٩ ب ئامادەبونا نوونەرێ سەروکێ سەروکێ حکومەتا هەرێما کوردستانێ و پارێزگەرێ دهوکێ و سەروکێ زانکویا زاخۆ و جڤاتا زانکویێ و ماموستا و قوتابی و کەس و کارێن قوتابیان گەرا ٩ێ یا دەرچوونا قوتابیێن زانکویا زاخ ب رێڤەچوو و باوەرنامە ل سەر ١٠١٢ باوەرنامەیێن بەکالوریوس ل سەر قوتابیان هاتنە بەلاڤ کرن کو ژ سێ ڤەکولتی و چار کولیژا و ٢٣ پشکان .
ئەڤرۆ نیوز، عەلی حاجی :
نوونەرێ قایممقامیا زاخۆ د لژنا دیفچوونێ دا بۆ ئەڤرۆ نیوز دیار کر بەردەوامین ل سەر کارگەهـ و جهێن فروتنا بەرهەمێن نارگیلەیان و ئاهێن خوارنێ و مە چەندین جهـ سزا داینە و هنفەک رێنمایێن نوو ژی داینە وان جهان.
زێدەتر وەلات هەجەر گوت : پشتی مە شیایی چەندین پێزانینان کومڤە بکەین ل سەر جهەکێ یا داگرتن و چێکرنا بەرهەمێن گوشتی ل زاخۆ،پشتی مە سەرودانا وی جهی کری دیار بوو ژلایێ لژنا بازرگانی و ساخلەمیا زاخۆ چەند تێبینەک ل سەر وی جهی هەبوون لەورا وەکو لژنا دیڤچوون مە لیستەکا رێنمایان کو ژ حەفت خالان پێک هات بوون رادەستی وی جهی کرن و مە ل سەر سەپاند کو دماوەیێ حەفتیەکێ دا هەتا ١٠ روژان وان رێنمایان جێبەجێ بکەت و پشتی وی ماوەیێ هاتیە دەست نیشان کرن دێ دوبارە سەرەدانا وی جهی کەین، هەر دسەرەدانەکا مە دیتر دا بۆ کارگەهەکا معەسەلێ نارگیلەیان کر ل گوندێ باجیکا کو پێشتر مە ئەم جهە دائێخست بوو ژبەر نەبوونا مولەتیێ بەلێ ئاگەهداریا مە ئەو جهە ڤەکربوو لەورا ئەم نەچار بووین وی جهی دووبارە دائێخینە ڤە هەتا کو مولەتا فەرمی ژحکومەتێ وەربگریت و هەر دەما ئەڤ کارە دووبارە بوو دێ ب توندی هێتە سزادان،دێ سەرەدانێن مە بەردەوام بن و هەر هاولاتیەکێ تێبینیەک ل سەر جهەکێ هەبیت و دێ دیفچوونێ ل سەر کەین و هەر جهەکێ کێمام و کاسیەک هەبیت دێ سزا دەین.
ئەڤرۆ نیوز،عەلی حاجی :
بەرپرسێ لژنا سامانێن سروشت ل قایممقامیا زازۆ بۆ ئەڤرۆ نیوز دیار کر ئەڤرۆ ل روژا شەمبیێ رێکەڤتی ٩/١١/٢٠١٩ دێ دەست ب بەلاڤ کرنا گازا سپی ل ناحی و کومەلگەهەکا سەر ب باژێرێ زاخۆ ڤە هێتە کرن و دپلان دایە ل دوو ناحیێن دیتر ژی ئەڤ هەوە دەست پێ بکەت .
زێدەتر نیشان بوخوس گوت : بریار بوو ئەڤ هەوە ل روژا پێنچ شەمبیا دەرباز بووی دەست پێکربا بەلێ ژبەر کو پلێتێن گازا سپی هەمی نەهات بوونە بەلاڤ کرن ل سەر خەلکی ئەم نەچار بووین بۆ روژا شەمبیێ پاش بێخین،ل دووڤ پلانا هاتی یە دارێشتن ژلایێ حکومەتا هەرێما کوردستانێ ڤە بریارە ئەڤ هەوە ل دەڤەرێن چیایی دەست پێ بکەت ئەڤجا ژبەر ڤێ چەندێ بریارە ئەڤرۆ ل روژا شەمبیێ دەست ب هەوا بەلاڤ کرنا گازا سپی ل ناحیا باتیفا و کومەلگەها بێگوڤا بهێتە کرن و بۆ ڤێ چەندێ زێدەتری چار هزار پلێتین گازا سپی ل سەر هاولاتیان هاتینە بەلاڤ کرن و ئەڤ هەوە دێ بەردەوام بیت ل وان دو دەڤەران هەتا گازا سپێ بگەهیتە هەمی هاولاتیان.
زێدەتر ناڤهاتی گوت : پشتی ل ناحیا باتیفا و کومەلگەها بێگوڤا ئەڤ هەوە ب دوماهی دهێت بریارە ئەڤ هەوە ل ناحیا دەرکارێ ل دووڤ را ل ناحیا رزگاری سەر ب قەزا زاخۆ ڤە دەست پێ بکەت و هەر دیسان پشتی ئەو هەردو ناحیە ب دوماهی دهێن دێ ل گورەی گازا سپی یا ل بەر دەست دەست ب ڤێ هەوێ هێتە کرن ل باژێرێ زاخۆ،ل دو سالێن بوری دا باژێرێ زاخۆ دماوەیێ سالەکێ دا نیڤەکا خەلکێ زاخۆ گازا سپی وەرگرت بوو ن نیڤەکا دیتر ژی دسالەکا دیتر وەرگرت بوو و ئەم ب هێڤی نە ئەم سالە هەمی خەلکێ مەیێ زاخۆ ب وەرگرتنا بەرمیلەکا گازێ مفادار بیت،هەتا نوکە چو بریارەک ل دور ئەرزانکرنا گازا سپی نەگەهشتی تە دەستێ مە و بۆ هەر بەرمیلەکا گازا سپی دێ ٤١ هزار دینار هێنە وەرگرتن ژ هاولاتیان.
ئەڤرۆ نیوز،بارزان مزووری:
کومیسەر حازم محەمەد،راگەهاندنکار ژ پشکا هاتن و چوونا قەزا بەردەرەش بۆ ئەڤرۆ نیوز گوت:شڤێدی دەمژمێر 10:40 خولەک رێکەفتی 8/11/2019 ل سەر رێکا سەرەکیا بەردەرەش بۆ پرا حسێنیێ ل نێزیک کومەلگەها چرە ترۆمبێلەک ژ جورێ شوفرلێت ژ ئەگەرێ لەزاتیێ شوفێری کونترول د دەست دایە ترومبێلێ خۆ د شوستەیێن رێکێ دایە رێک ژی لبن نوێژەنکرنێ دابۆ د ئەنجام دا چار کەسا گیانێ خۆ ژ دەست دا دوو ژوانا ژنن دوو زەلام بو نوژداریا داد ل پارێزگەها دهوک هاتن ڤەگوهاستن دوو کەس ژی برینداربوون هاتن ڤەگوهاستن بو نەخوشخانا تەنگاڤیا ئاکرێ ،
ناڤهاتی خویاکر د وێ ترمبێلێ دا شەش کەس دناڤ بون هەموو مروڤێن ئێک بون خەلکێ قەزا بەردەرەش بون.
ئه‌ڤرۆ نیوز:
پارێزگه‌رێ هه‌ولێرێ، فه‌رسه‌ت سوفى، ئه‌ڤرۆ ئه‌ینیێ 8/11/2019 راگه‌هاند كو بهایێ به‌رمیلا گازا سپى ئه‌وا سالانه ل سه‌ر وه‌لاتیان دهێته به‌لاڤكرن، دێ كێم كه‌ن.
پشكا راگه‌هاندنێ ل پارێزگه‌ها هه‌ولێرێ د رۆهنكرنه‌كێ دا به‌لاڤكر” پشتى دووڤچوونا مه بۆ بهایێ گازێ، ژ بۆ به‌رژه‌وه‌ندیا وه‌لاتیان بریار هاته دان ب كێمكرنا گۆژمێ 5هزار دیناران ژ وى بهایێ هاتیه دانان ل به‌رامبه‌ر ئێك به‌رمیلا گازێ”.
د وێ رۆهنكرنێ دا هاتیه ژى” ئه‌و وه‌لاتیێن پێشتر پاره داین، گۆژمێ هاتیه كێمكرن دێ ب رێیا بریكارێن به‌لاڤكرنا گازێ بۆ هێنه زڤراندن”.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ب هه‌لكه‌فتا يادا ژ دايكبوونا پێغه‌مبه‌رێ ئيسلامێ محه‌مه‌د، د په‌يامه‌كێ دا پيرۆزباهى ل موسلمانێن كوردستانێ و عيراقێ و جيهانێ كر.
د په‌ياما سه‌رۆكي حوكمه‌تا هه‌رێمێ دا هاتيه” بهه‌لكه‌فتا يادا ژ دايكبوونا پێغه‌مبه‌رێ ئيسلامێ محه‌مه‌د (سلاڤێن خودێ ل سه‌ر بن)، گه‌رمترين پيرۆزباهيێ ل موسلمانێن كوردستانێ و عيراقێ و جيهانێ دكه‌م، هيڤيدارم خودێ مه‌زن ڤێ يادێ بكه‌ته شادى و خوه‌شگوزه‌رانى و گشه‌پێدانا پێگڤه‌ژيانا ئاشتيانه و ته‌باييا زێده‌تر د ناڤ هه‌موو پێكهاتێن هه‌رێما كوردستانێ و سه‌قامگيربوونا ئاشتيێ وئاراميێ ل عيراقێ و ده‌ڤه‌رێ”.
ئەڤرۆ نیوز، نەوزاد هلۆری:
ئێڤاریا ئەڤرۆ پێنجشه‌مبى 7/11/2019 ب بەرهەڤبوونا نوونەرێ سەرۆکێ حوکمەتا هەرێما کوردستانێ و پارێزگارێ دهۆک و سەرۆکێ زانکۆیا دهۆک و جڤاتا زانکۆیێ و ماموستا و قوتابی و کەسوکارێن قوتابیان گەرا 24 یا دەرچۆنا قوتابیێن زانکۆیا دهۆک ب رێڤەچۆ و تێدا باەرنامە ل سەر چوار هزار و حەفت قوتابیان ژ 18 کولیژ و 68 پشکێن زانستی یێن جودا هاتنە دان.
ئه‌ڤرۆ نيوز:
دادگه‌ها ڤه‌كۆلينێ ياسه‌ر ب ده‌سته‌يا ده‌ستپاكيێ ل عيراقێ د به‌ياننامه‌كێ دا راگه‌هاند، ب تۆمه‌تا گه‌نده‌ليێ فه‌رمانا ده‌سته‌سه‌ركرنێ بۆ هه‌ردو پارێزگه‌رێن به‌رێ يێن موسه‌نا و بابل هاته ده‌ركرن.
ئه‌ڤرۆ پێنجشه‌مبى 7/11/2019 فه‌رمانگه‌ها ڤه‌كۆلينێ يا ده‌سته‌يا ده‌ستپاكيێ ل عيراقێ به‌لاڤكر” ب تۆمه‌تا گه‌نده‌ليێ و هه‌ده‌ردانا مۆلكێ گشتى، فه‌رمانا ده‌سته‌سه‌ركرنێ بۆ هه‌ر ئێك ژ پارێزگه‌رێ بابل و رێڤه‌به‌رێ به‌نكا ره‌شيد و پارێزگه‌رێ موسه‌نا و هژماره‌كا به‌رپرسێن وێ پارێزگه‌هێ هاته ده‌ركرن”.
دياركر ژى”ل دووڤ مادێ 318 ژ قانوونا سزايێن عيراقى، فه‌رمانا ده‌سته‌سه‌ركرنا جێگرێ پارێزگه‌ري موسه‌نا هاته ده‌ركرن ل سه‌ر دۆسێيا پرۆژێ قيركرنا جادێن قه‌زا ره‌ميسه “.
ده‌سته‌يا ده‌ستپاكيا عيراقێ به‌لاڤكر ژى كو هه‌ر ئه‌ڤرۆ پێنجشه‌مبى هژماره‌كا فه‌رمانێن دى يێن ده‌سته‌سه‌ركرنێ بۆ هژماره‌كا به‌رپرسێن پارێزگه‌ها موسه‌نا هاتينه ده‌ركرن، ئه‌وژى ل دووڤ ئه‌نجامێن ڤه‌كۆلينێ يێن ده‌سته‌يا ده‌ستپاكيێ د چه‌ند دۆسێيه‌كا دا كرين و هنارتينه دادگه‌هێ، ژ وان ده‌ركرنا فه‌رمانا ده‌سته‌سه‌ركرنا ئه‌ندامه‌كێ جڤاتا پارێزگه‌هێ و رێڤه‌به‌رێ گشتيێ وه‌به‌رئينانێ و رێڤه‌به‌ره‌كێ دى يێ ده‌سته‌يا وه‌به‌رئێنانێ ل وێ پاريزگه‌هێ و هه‌موو فه‌رمان ل دووڤ مادێ 319 ژ قانوونا سزايێن عيراقى و ل سه‌ر دۆسێيا گوهۆرينا مۆله‌ته‌كا وه‌به‌رئێنانێ”.
هه‌ر ئه‌ڤرۆ فه‌رمانگه‌ها ڤه‌كۆلينێ ل ده‌سته‌يا ده‌ستپاكيێ فه‌رمانا ده‌سته‌سه‌ركرنێ و قه‌ده‌غه‌كرنا گه‌شتكرنێ بۆ پارێزگه‌رێ نوكه يێ بابل ده‌ركر ل سه‌ر دؤسێيا تايبه‌ت ب قانوون و هێمايێن هاتنوچوونێ ل سنورێ پاريزگه‌هێ و ياريكرن ب پارچه ئه‌ردێن ته‌رخانكرى بۆ كوسوكارێن شه‌هيدا و برينداران و زيندانيێن سياسى و دانا پارچێن ئه‌ردى بۆ كه‌سێن نه شايسته”.
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا رێڤه‌به‌ریا به‌ره‌ڤانیا باژێری ل پارێزگه‌ها دهۆكێ راگه‌هاند، د ئه‌ڤ ساله یا 2019 دا، 30 هاوولاتی د ئاڤێن پارێزگه‌ها دهۆكێ دا خه‌ندقینه و 21 هاوولاتی ژی ژ خه‌ندقینێ هاتینه رزگاركرن.
عه‌قید بێوار عه‌بدولعه‌زیز، به‌رپرسێ راگه‌هاندنا رێڤه‌به‌ریا به‌ره‌ڤانیا باژێری بۆ ئه‌ڤرۆ نیۆز دیار كر، وان حه‌فت تیم ل نێزیك ئاڤێن پارێزگه‌ها دهۆكێ هه‌نه بۆ هندێ ده‌مێ كه‌سه‌ك د كه‌ڤیته د ئاڤێ دا وان رزگاربكه‌ن و ب تنێ د هه‌یاما 10 مه‌هێن ئه‌ڤ ساله دا، ئه‌و شیاینه 21 هاوولاتیان ژ خه‌ندقینێ رزگاربكه‌ن.
زێده‌تر دبێژیت: 30 هاوولاتی د ئه‌ڤ ساله دا خه‌ندقینه و پتریا ئه‌و كه‌سێن خه‌ندقین خه‌لكێ پارێزگه‌ها دهۆكێ بووینه و ژ وی سه‌رجه‌می ژی دوو ئاواره و دوو گه‌شتیار بووینه و ب هه‌ڤبه‌ركرن ل گه‌ل سالا بۆری، رێژه‌یا خه‌ندقینا هاوولاتیان به‌ره‌ڤ كێمبوونێ یه.
ئه‌ڤرۆ نيوز:
فه‌ريقێ روكن قاسم نه‌زال، فه‌رماندێ ئۆپه‌راسيۆنێن به‌سرا راگه‌هاند كو ژ ده‌مژمێر 05:00ى سپێده‌هيا ئه‌ڤرۆ ده‌رگه‌هێ سنورى يێ ئوم قه‌سر هاته ڤه‌كرن و هاتنوچوون ب ره‌نگه‌كێ فه‌رمى تێدا هاته كرن.
چه‌ندين جاران ل ڤان رۆژان ژ ئه‌گه‌رێ خوه‌نيشاندانان و ژ لايێ وان ڤه ده‌رگه‌هێ سنورى يێ ئوم قه‌سر دهێته گرتن و وه‌كو لايه‌نێن شوله‌ژێ ژى دده‌نه دياركرن ئه‌ڤێ چه‌ندێ كارتێكرنه‌كا مه‌زن ل سه‌ر ره‌وشا بازارى و كارتێكرنێن بازارى ل سه‌ر گرتنا وى ده‌رگه‌هى.
نيشاندان