ئه‌ڤرۆ نیوز:

په‌یڤدارێ حوكمه‌تا هه‌رێما كوردستانێ جوتیار عادل  راگه‌هاند” بهێنڤه‌دانا جه‌ژنێ دێ هه‌تا رۆژا پێنجشه‌مبى بیت، ئانكو رۆژا پێنجشه‌مبى ژى بێهنڤه‌دانا فه‌رمى یه‌”.

دهێته‌ زانین به‌رى نوكه‌ حوكمه‌تا هه‌رێمێ راگه‌هاندبوو كو بهێنڤه‌دانا جه‌ژنێ ژ رۆژا ئێكشه‌مبى هه‌تا رۆژا پێنجشه‌مبى یه‌، به‌لێ چه‌ندین پرسیار ل ده‌ف فه‌رمانبه‌ران دروست ببوون كو ئایا رۆژا پێنجشه‌مبى بهێنڤه‌دانه‌ یان نه‌.

ئه‌ڤرۆ نیوز:

رێڤه‌به‌ریا گشتى یا كه‌شناسیێ ل هه‌رێما كوردستانێ ئه‌ڤرۆ سێشه‌مبى 13/8/2019 رۆهنكرنه‌ك ل دۆر ره‌وشا سه‌قاى ل هه‌ردو رۆژێن ئه‌ینیێ وشه‌مبیا داهاتى به‌لاڤكر.

رێڤه‌به‌ریا ناڤبرى د رۆهنكرنا خوه‌ دا به‌لاڤكر” ژ ئه‌نجامێ لاوازبوونا كاریگه‌ریا نزمه‌ پاله‌په‌ستویێ گه‌رمێ سالانه‌ ل سه‌ر هه‌رێما كوردستانێ، پێشبینى دهێته‌ كرن ل رۆژێن ئه‌ینیێ وشه‌مبیا داهاتى 16 و 17/8/2019 پلا گه‌رمێ نزمبوونه‌كا به‌رچاڤ ب خوه‌ڤه‌ ببینیت”.

دیاركر ژى” ل پتریا ده‌ڤه‌رێن هه‌رێما كوردستانێ ب رێژا 3 هه‌تا 5 پلێن گه‌رمێ دێ نزم بن”.

ئه‌ڤرۆ نیوز:

سه‌رۆك مه‌سعود بارزانى ئه‌ڤرۆ سێشه‌مبى 13/8/2019 پێشوازی ل نه‌جاح حه‌سه‌ن ئه‌لشمه‌رى وه‌زیرێ به‌رگریێ عیراقێ كر.

د دیداره‌كێ دا به‌حسێ  ره‌وشا سیاسى یا عیراقێ و په‌یوه‌ندیێن د ناڤبه‌را هه‌ولێرێ و به‌غدا هاته‌ كرن، هه‌روه‌سا شه‌رێ داعشێ وپێشهات وگوهۆرینێن ده‌ڤه‌رێ ژى ته‌وه‌ره‌كا دى یا دیدارێ بوو.

ئه‌ڤرۆ نيوز:

حوكمه‌تا هه‌رێما كوردستانێ ئه‌ڤرۆ ئه‌ينيێ 9/8/2019 رۆهنكرنه‌ك ل دۆر بابه‌تێ ڤه‌گه‌راندنا مووچێ 13 هزار خودان پێدڤيێن تايبه‌ت به‌لاڤكر.

جوتيار عادل، په‌يڤدارێ حوكمه‌تا هه‌رێما كوردستانێ گۆت” هنده‌ك كه‌نالێن راگه‌هاندنێ ب شێوه‌كى بابه‌تێ ڤه‌گه‌راندنا هاريكاريا 13 هزار خودان پێدڤيێن تايبه‌ت به‌رچاڤكريه‌ كو ده‌ستكه‌فتێ حزبه‌كێ يه‌”.