ئه‌ڤرۆ نيوز:

پشتى دوهى نێچيرڤان بارزانى وه‌كو سه‌رۆكێ هه‌رێما كوردستانێ سويندا قانوونى خوارى وئه‌ڤرۆ ژى مه‌سرور بارزانى بۆ پێكئينانا كابينا نوو يا حوكمه‌تا هه‌رێمێ هاتيه‌ راسپادرن، عادل عه‌بدولمه‌هدى سه‌رۆك وه‌زيرێن عيراقێ ئه‌ڤرۆ سێشه‌مبى 11/6/2019 پێشوازى ل پێشڤه‌چوونێن سياسى يێن هه‌رێما كوردستانێ كر.

سه‌رۆك وه‌زيرێن عيراقێ ئه‌ڤرۆ د كۆنگرێ رۆژنامه‌ڤانى يێ هه‌فتيانه‌ ل به‌غدا گۆت”پێشوازيێ ل پێشڤه‌چوونێن سياسى ل هه‌رێما كوردستانێ دكه‌ين”.

هه‌ر دوهى د رێوره‌سمێن سويندخوارنا سه‌رۆكێ هه‌رێما كوردستانێ، په‌يڤه‌كا عه‌بدولمه‌هدى هاته‌ پێشكێشكرن وتێدا دووپاتى ل چاره‌سه‌ركرنا كێشێن د ناڤبه‌را به‌غدا وهه‌رێما كوردستانێ هاته‌ كرن.

ئه‌ڤرۆ نيوز:

په‌رله‌مانتارێ فراكسيۆنا پارتى ديموكراتى كوردستان رێبوار بابكه‌يى راگه‌هاند، شانده‌كێ حوكمه‌تا هه‌رێمێ دێ چيته‌ به‌غدا وچه‌ند پرسێن گرنگ د وێ سه‌ره‌دانێ دا دێ هێنه‌ به‌حسكرن.

گۆت ژى” ل ڤان نێزيكان شانده‌كێ حوكمه‌تا هه‌رێما كوردستانێ دێ سه‌ره‌دانا به‌غدا كه‌ت بۆ به‌حسكرنا چه‌ند دوسيێن گرنگ ژوان ژى كه‌ركووك ورێڤه‌برنا وێ يا هه‌ڤپشك، هه‌روه‌سا دوسێيا په‌ترۆلێ وبودجا ئه‌ڤساله‌ وميكانيزما مه‌زاختنا پشكا هه‌رێمێ ژ بودجێ”.

دياكر ژى” پارتى ديموكراتى كوردستان ل سه‌ر چه‌ند خالێن هه‌ڤپشك يا پێكهاتى كو ل گه‌ل به‌رپرسێن به‌غدا بهێنه‌ به‌حسكرن”.

ئاماژه‌ كر ژى كو شاندێ حوكمه‌تا هه‌رێمێ دێ  پێكدهێت ژ هژماره‌كا وه‌زيرێن حوكمه‌تێ پشتى پێكئينانا وێ، زێده‌بارى چه‌ند كه‌سايه‌تيێن سياسى.

ئەڤرۆ نیوز:

ئەڤرۆ رۆژا سێشەمبی ١١-٦-٢٠١٩ سەرۆک مەسعود بارزانی ل سەلاحەدین پێشوازی ل سامر سەبھان وەزیرێ دەولەتا سعودیێ بۆ کاروبارێن رۆژھەلاتا ناڤین کر.

د دیدارەکێ دا بەحس ل رەوشا سیاسی یا دەڤەرێ و دووماھی پێشھاتێن سیاسی ھاتە کرن، زێدەباری پەیوەندیێن ھەردولا ژی ھاتنە گوتوبێژ کرن.

ئه‌ڤرۆ نیوز:

سه‌رۆكاتیا هه‌رێما كوردستانێ ل گه‌ل سویند خوارنا نێچیرڤان بارزانى سه‌رۆكێ نوو یێ هه‌رێما كوردستانێ، لۆگۆیه‌كێ نوو به‌لاڤكر كو ده‌سته‌واژه‌یا سه‌رۆكایه‌تیا هه‌رێما كوردستانێ ب زمانێ ئینگلیزى دانایه‌ سه‌ر ل گه‌ل زمانێ كوردى وعه‌ره‌بى كو پێشتر تنێ ئه‌و ده‌سته‌واژه‌یه‌ ب وان هه‌ردو زمانان هه‌بوو.

ئه‌ڤرۆ نیوز:

سه‌رۆك مه‌سعود بارزانى ئه‌ڤرۆ دوشه‌مبى 10/6/2019 ل گه‌ل مه‌ولود چاوش ئوگلۆ وه‌زیرێ ده‌رڤه‌ یێ توركیا كۆمبوو و د دیداره‌كێ دا وه‌زیرێ توركى پیرۆزباهیا هه‌لبژارتنا نێچیرڤان بارزانى سه‌رۆكێ نوو یێ هه‌رێما كوردستانێ ل سه‌رۆك بارزانى كر وهیڤیا سه‌ركه‌فتنێ بۆ خواست ودوپاتى ل پێگه‌هێ هه‌رێما كوردستانێ بۆ وه‌لاتێ توركیا وگرنگیا سه‌قامگیریا هه‌رێمێ كر.

هه‌ر د وێ دیدارێ دا زێده‌بارى ئاماژه‌دان ب په‌یوه‌ندیێن دیرۆكى د ناڤبه‌را هه‌رێما كوردستانێ وتوركیا، هه‌ردولا ل سه‌ر پێشڤه‌برنا وان په‌یوه‌ندیان د هه‌ڤرا بوون، هه‌روه‌سا وه‌زیرێ ده‌رڤه‌ یێ توركى به‌رهه‌ڤیا وه‌لاتێ خوه‌ بۆ پشكداریكرنێ د ئاڤه‌دانكرنا مووسلێ وده‌ڤه‌رێن دى به‌رچاڤكر.