ئەڤرۆ نیوز ، عەلی حاجی :‏

برێکارێ سەروکێ باژێرڤانیا زاخۆ ،د داخویانیەکێ دا بۆ ئەڤرۆ نیوز دیار کر بۆ جوانکرنا ئاڤا خابیری ل ‏زاخۆ و ل نێزیک پارکا دانعەمران،دێ نافورەکا ئاڤێ ھێتە دانان و دنوکە دا سکرەکێ بچیک ژی ھاتیە ‏دروست کرن ل نێزیک وێ پارکێ داکو ئاڤ ل وی جھی زێدەتر کومڤە بیت .‏

ئەندازیار دیندار سالم زیچدەتر گوت : ژبە رکو گەلەک جاران ئەو پرا ل ناڤا بازاری دا،ل نێزیک پارکا ‏دانعەمران، ل وەرزێ ھاڤینێ دا رێژەیا ئاڤێ کێم دبوو،بۆ ئەگەرا وێ چەندێ بێھنەکا نەخوەش ژ وێرێ ‏بھێت،لەورا ل نێزیک پارکا تاخێ جوھیان مە سکرەکێ بچیک دانایە و نوکە دا دقوناغێن دوماھیێ ‏دایە،داکو ئاڤ زێدەتر کومڤە بیت و ئێدی ئاڤ ل وی جھی کێم نەبیت و ئەو بێھنا نەخوەش ژی نەمینیت،ھەر ‏دیسان ھەر وی جھێ زێدە کومڤە دبیت،مە ھزر ل دانانا نافورەکا مەزن کری یە،دا کو جوانیەکا دیتر بدەتە ‏وی جھی و ببیتە جھەکێ دلڤەکەر بو وان کەسێن قەستا وان ھەردو پارکا بەر لێڤێن خابیری بکەت .‏

گوت ژی : ھەر دیسان دنوکە دا ئەم مژوولی قیرکرنا جاددەیەکا سەرەکی یا تاخێ ئەیازین کو دنوکە دا ‏قاتەکێ قیرێ ھاتیە دانان و بریارە دماوەیێ دو روژێن بھێت دا قاتەکێ دیێ قیرێ ب دانین و ئەو جاددەیە ‏ژی بھێتە ڤەکرن،درێژاھیا وێ جاددەیێ نێزیکی کیلومەترەک و نیڤێ یە و جاددەیەکا دو سایدی یە و ب ‏ڤەکرنا وێ جاددەیێ دێ خزمەتا وی تاخی ھەمیێ کەت و ھەر دیسان پرێسگرێک ژی بۆ ھاولاتیێن وی ‏تاخی پەیدا نابن دوەرزێ زڤستانێ دا .‏

ئەڤرۆ نیوز، عەلی حاجی :‏

ب ئامادەبونا رێڤەبەرێ ھاتن و چوونێ ل پارێزگەھا دھوکێ و قایممقامێ زاخۆ و رێڤەبەرێ ھاتن و چوونا ‏زاخۆ،بۆ ئێکەم جار ئاڤاھیێ ھوبا ئەندازیاری ل جاددەیا ئیبراھیم خەلیل ھاتە ڤەکرن .‏

د داخویانیەکێ دا موقەدەم ئازاد تەھا ،بەرپرسێ راگەھاندنا ھاتن و چوونێ ل پارێزگەھا دھوکێ بۆ ئەڤرۆ ‏نیوز دیار کر بۆ ئێکەم جارە ئاڤاھیەکێ تایبەت ب ھوبا ئەندازیاری ل سەر جاددەیا ئیبراھیم خەلیل دھێتە ‏ڤەکرن و ئەڤە ژی ژبەرنامەیێ رێڤەبەریا ھاتن و چوونا پارێزگەھا دھوکێ بویە،کارێ ڤێ ھوبێ دێ تایبەت بیت ‏ب دانانا ھێمایێن ھاتن و چوونێ و نیشانێن جاددەیان بیت،ژبەر کو ئەڤ جاددەیە گەلەک کێم و کاسی تێدا ‏ھەبون،لەورا مە ھزر ل ڤەکرنا ھوبەکا ب ڤی رەنگی کر،ھەمی پێتڤی ژی بۆ ڤێ ھوبێ ھاتینە دابین کرن ، کو ‏ژترومبێلێن سەردەم داکو ب ھەمی ستاندەردان بھێنە سەخبێریکرن بۆ وان ھێمایان،ھەر دیسان بەرنامەیەکێ ‏باش ھاتیە بەرھەڤرکن بۆ جاددەیا ئیبراھیم خەلیل،بەلێ ئەم چاڤەرێ حکومەتا نوو نە بۆ پەسەندکرنا وی ‏بەنامەیێ تایبەت .‏

گوت ژی : لێبورین ڤە مە گەلەک جاران ھێما داناینە سەر جاددەیان ،بەلێ ژلایێ ھندەک کەسان ڤە دھێنە ‏ژناڤبرن،یان ژی دێ بینن دێ ھێما ھێنە دەست کاری کرن،ھەر دیسان دبەرنامەیێ مەدایە دەست ب ھەوەکا مەزن ‏بھێتە کرن بۆ بویاغکرنا جاددەیان ژبەیا ھاتنا وەرزێ زڤستانێ و مە گرنگیەکا تایبەت ب ڤێ چەندێ دایە ‏،بریارە ھەر ئەڤرۆ ل باژارێ سێمێلێ ئاڤاھیەکێ نوویێ رێڤەبەریا ھاتن و چوونا وی باژاری بھێتە ڤەکرن .‏