ئه‌ڤرۆ نيوز:
ئه‌ڤرۆ رۆژا ئێكشه‌مبى 28ى نيسانا 2019ێ مه‌ولود چاويش ئوغلۆ، وه‌زيرێ ژ ده‌رڤه يێ توركيا ب سه‌ره‌دانه‌كا فه‌رمى گه‌هشته به‌غدا يا پايته‌ختێ عيراقێ و بڕياره ل گه‌ل مه‌زنه به‌رپرسێن وێ كۆم ببيت و چه‌ندين دوسه‌يێن گرێداى پرسێت تيرۆر و ئابوورى دا گه‌نگه‌شه بكه‌ن.
بڕياره وه‌زيرێ ده‌رڤه يێ توركيا سه‌ره‌دانا هه‌رێما كوردستانێ بكه‌ت و ل گه‌ل به‌رپرسێن بلندێن هه‌رێما كوردستانێ ژى كۆم ببيت.
ئه‌ڤرۆ نیوز:
پشتى وه‌زاره‌تا ناڤخوه وپێشمه‌رگه، ل چه‌ند وه‌زاره‌تێن دى ل هه‌رێما كوردستانێ فۆرمه‌ك وه‌كو سۆزنامه‌كێ ب فه‌رمانبه‌ران داگریت كو نابیت ب چو شێوه‌كى ببنه شوفێرێن ته‌كسیێ.
بۆ رێكخستنا كارێ ته‌كسیان، حوكمه‌تا هه‌رێما كوردستانێ چه‌ند بریار ورێنما ده‌ركرینه كو كاركرن وه‌كو شوفێرێن تاكسیان ل فه‌رمانبه‌رێن حوكمه‌تێ قه‌ده‌غه‌كریه وهژماره‌كا وه‌زاره‌تان ژى گاڤ ب وى ئاراسته‌ى هاڤێتینه.
بریاره ل هه‌یڤا حوزه‌یرانا داهاتى بریارا قه‌ده‌غه‌كرنا كارێ تاكسیێ ل فه‌رمانبه‌ران ب تایبه‌ت هێزێن ناڤخوه ل سه‌رانسه‌رى هه‌رێما كوردستانێ بهێته بجهئینان.
ئه‌ڤرۆ نیوز:
په‌رله‌مانتاره‌كێ بزاڤا گۆران ل په‌رله‌مانێ عیراقێ داخوازا ئاشكراكرنا مه‌زاختیێن سه‌رۆكاتیا كۆمارێ ژ به‌رهه‌م سالحى دكه‌ت.
ئاشكراكرنا مه‌زاختنا پاره‌ى ژلایێ به‌رهه‌م سالح ڤه بۆ فیسته‌ڤالا عه‌شیره‌تا جاف، هه‌رچه‌نده ژ لایێ عه‌شیره‌تا جاف هاته ره‌تكرن، به‌لێ نه‌رازیبوون ل سه‌ر مه‌زاختنا پارێ سه‌رۆكاتیا كۆمارێ ژلایێ به‌رهه‌م سالح ڤه دروست كر.
هشیار عه‌بدوللا، ئه‌ندامێ لژنا دارایى ل په‌رله‌مانێ عیراقێ وپه‌رله‌مانتارێ فراكسیۆنا گۆران ئه‌ڤرۆ شه‌مبیێ 27/4/2019 راگه‌هاند” پشت به‌ستن ب دستوورێ عیراقێ وپه‌یره‌وێ ناڤخوه‌یێ په‌رله‌مانى وه‌كو پشكه‌ك ژ رۆلێ چاڤدێریكرنێ، داخوازكریه سه‌رۆكاتیا په‌رله‌مانێ عیراقێ پرسیاره‌كێ ئاراسته‌ى سه‌رۆكاتیا كۆمارێ بكه‌ت ل دۆر تێكرایێ وان پارێن مه‌زاختین ژ هه‌موو روویه‌كى یێ سه‌رۆك كۆمارى ونڤیسینگه‌ها وى هه‌ر ژ ده‌مێ پۆستێ خوه وه‌رگرتى.
هه‌ر دوهى ئه‌ینیێ 26/4/2019 هه‌ر هه‌مان په‌رله‌مانتار ئاشكراكر كو به‌رهه‌م سالح گۆژمه‌كێ مه‌زن یێ پاره‌ى بۆ فیسته‌ڤالا عه‌شیره‌تا جاف مه‌زاختیه، ئه‌وژى ژبه‌ركو به‌رهه‌م سالح وچه‌ند به‌رپرسێن ئێكه‌تیێ پشكدارى تێدا كربوو.
ئه‌ڤرۆ نیوز:
ئاژنسا accuweather یا ئه‌مریكى یا تایبه‌ت ب پێشبینیێن سه‌قاى ل جیهانى دیاركر كو ل هه‌یڤا ره‌مه‌زانێ دێ باران بارین ل هه‌رێما كوردستانێ ده‌ستپێكه‌ت.
ئاژانسا ناڤبرى پێشبینى ژى كریه كو نزمترین پلا گه‌رمێ ل هه‌یڤا ره‌مه‌زانى ل هه‌رێما كوردستانێ دێ 24 پله بیت وبلندترین پلا گه‌رمێ ل رۆژێن دووماهیێ ژ هه‌یڤا ره‌مه‌زانى دێ گه‌هیته 38 پله.
ئەڤرۆ نیوز:
خەلیل سەرکانی ئەندامێ جڤاتا گشتی یا بزاڤا گۆران راگەهاند کو حەفتیا داهاتی شاندەکێ پارتی دێ هێنە سلێمانی و سەرەدانا مە کەن و گۆت: (مە چو ئاریشە ل گەل پارتی نینن و دێ شاندەکێ پارتی سەرەدانا مە کەت، لێ هەتا نها ب دروستاهی رۆژا سەرەدانا شاندێ پارتی دیار نینە).
ئەندامێ جڤاتا گشتی یا بزاڤا گۆران ئەو یەک ژی دیار کر کو پارتی سۆز دایە چاکسازیان بکەت و هەروەسا رەنگە ل ڤێ حەفتیێ جڤاتا گشتی یا گۆرانێ ژی کۆم ببیت.
ئەڤرۆ نیوز،بارزان مزووری:
لارا یوسف،رێڤەبەرا ناحیا ئەلقوش بۆ رۆژناما ئەڤرۆ نیوز گوت:مە داخاز ل سەرۆکێ حکومەتا هەرێما کوردستانێ کریە کۆ سەرەدەریێ دگەل ناحیا ئەلقوش بکەت ژ لایێ گەهاندنا پروژێن خزمەتگوزاری و پرۆژێن گرنگ ڤە ،
ناڤھاتی گوت:ئەو فەرمانبەرێن دەشتا مووسل د شەرێ رێکخراوا تیرۆرستی یا داعشدا ھاتینە لادان ژ دەوامێن خۆ داخاز ژ سەرۆکێ حکومەتێ کر کۆ ئەو فەرمانبەر ڤەگەرنە سەر دەوامێن خۆ ژلایێ خوڤە داخاز ژمە کر کۆ بزوترین وەخت لیستا ناڤێن وان فەرمانبەرا بۆ رەوانە بکەین بۆ ڤەگەریانا وان فەرمانبەرا بۆ سەر کارێن وان دوبارە وەکو فەرمانبەرێن ھەرێما کوردستانێ.
ئه‌ڤرۆ نیوز:
وه‌زاره‌تا ئه‌وقافێ وكاروبارێن ئاینى ل هه‌رێما كوردستانێ راگه‌هاند، ل دووڤ رێنما وبریارێن وه‌زاره‌تێ كۆمكرنا پاره‌ى ژ مزگه‌فتێن كوردستانێ ب هه‌موو شێوه‌كى قه‌ده‌غه‌یه.
نه‌به‌ز ئیسماعیل، په‌یڤدارێ وه‌زاره‌تا ئه‌وقافێ وكاروبارێن ئاینى ل هه‌رێما كوردستانێ د داخۆیانیه‌كا رۆژنامه‌ڤانى دا گۆت”ئه‌وێ سه‌رپێچیا ڤێ بریارێ بكه‌ت دێ پێرابوونێن ئیدارى وقانوونى به‌رامبه‌ر هێنه وه‌رگرتن”.
ئه‌ڤرۆ نیوز:
به‌هزاد علی ئاده‌م جێگرێ پارێزگه‌رێ دهوكێ ئه‌ڤرۆ كۆمبونه‌ك دگه‌ل قایمقامێن قه‌زایێن دهوك وسێمێل وچه‌ند فه‌رمانگه‌هێن په‌یوه‌ندیدار یێن هه‌ردوو قه‌زا ئه‌نجامدا.
د كۆمبوونێ دا جێگرێ پارێزگه‌رێ دهوكێ دیاركر كو هنده‌ك ئاریشێن تایبه‌ت ل سه‌ر سنورێن كارگێری هه‌ردوو قه‌زایان هه‌نه نه‌خاسمه ل ده‌ردورێن چایێن زاوا و ماسیكێ وكێڤلا وهنده‌ك سنور نه دیار وئاشكرانه وئاریشه بو وه‌لاتیان وخودانكرنا ته‌رش وكه‌والی وگه‌هاندنا خزمه‌تكاریا وپروژێن وه‌به‌رهێنانێ دهێنه پێش وژبه‌رهه‌ڤبویێن كومبونێ خواست سنورێن كارگێری ل وان ده‌ڤه‌را بهێنه دیاركرن بو وێ یه‌كێ هه‌ر ئاریشه‌كا بهێته پێش بهێته چاره‌سه‌ركرن.
پاش به‌رهه‌ڤبویێن كومبونێ گه‌نگه‌شێن تێر وته‌سه‌ل ل سه‌ر ناڤه‌روكا بابه‌تی كرن وبریار هاته دان كو لیژنه‌كا هه‌ڤپشك ژچه‌ند فه‌رمانگه‌هێن هه‌ردوو قه‌زایان بهێته پێك ئینان و هه‌موو سنورێن كارگێری دناڤبه‌را هه‌ردوو قه‌زایان ب رێكا نه‌خشه‌یه‌كێ نوو بهێنه دیاركرن ولدویف نه‌خشێ نووی سه‌ره‌ده‌ری دگه‌ل هه‌ر ئاریشه‌كێ بهێته كرن وهه‌موو لایه‌نان به‌رهه‌ڤیا خو دیاركر بو هه‌ڤكاریكرنێ دگه‌ل وێ لیژنێ كو بزوترین ده‌م ده‌ست ب كارێن خوبكه‌ت.
ئەڤرۆ نیوز، عەلی حاجی :
ئەندامەکێ جڤاتا پارێزگەھا دھوکێ بۆ ئەڤرۆ نیوز دیار کر دنوکە دا کار بو ھندێ دکەین کومەلگەھا بێگوڤا ببیتە ناحیە و بو ڤێ چەندێ ژی مە چەندین پێنگاڤ ھاڤێژتینە و چاڤەرێ راپورتا لژنا یاسایی نە داکو ل کومبونا ئەنجومەنێ پارێزگەھێ دا بێخینە بەر دەنگدانێ .
ھشیار فەریق گوللی زێدەتر گوت : کومەلگەھا بێگوڤا یا کو دکەڤیتە سەر ب قەزا زاخۆ ڤە زێدەتری 30 گوندان سەر ب وێ کومەلگەھێ ڤەیە و وەکو ئەندامێ جڤاتا پارێزگەھا دھوکێ ژبەریا سالەکێ من کار ل سەر ڤێ چەندێ کری یە ئەڤ چەندە پشتی وێ یەکێ ھات خەلکێ دەڤەرێ و قایمقامیا زاخۆ و لقا 8 یا پارتی دیموکراتی کوردستان داخازا ناحی کرنا بێگوڤا کری و دسیستەمێ لامەرکەزی دا ھندی دەستھەلات بەرفرەھرت ببیت خزمەت زێدەتر دھێتە کرن ، دنوکە دا مە ھەمی رێکارێن گرتینە بەر و پشتی راپورتا یاسایی ب دوماھی بھێت دێ بو ئەنجومەنێ بلند کەین و ئەگەر رازیبون ل سەر ھاتە دان دێ بو جھێن پەیوەندیدار ل کوردستانێ بلند کەین .
ناڤھاتی ئەو چەندە ژی گوت : دحەفتیا دەرباز بوی دا ب رێیا نڤیسارەکێ مە داخاز ژ سەروکاتیا ئنجومەنی کر بو کو بێخیتە دبەرنامەیێ خوە دا و وان ژی داخاز ژوە کر رێکارێن یاسیی بگرینە بەر و ئەو کێماسیێن ھەیی ب رێیا یاسایێ تەمام بکەن ، دماوەیێ بوری دا مە سەرەدانا ناحیا باتیفا و قایمقامیا زاخۆ ژی کری یە و دنوکە ژی دا چاڤەرێ راپورتا لژنا یاسایی نە داکو کارێ مایی ئەنجام بدەین .
نيشاندان